المسؤلية ..الحلقة 28بقلم طارق اللبيب..فخري في فرحتو ديك ..طلع من اشتياق وامها بعد ماشال الاسم الكامل والعنوان لغبد الرحمن واهلو وحمد واهلو .. لانه عندو خيوط كتيرة عايز يجمعها ..المهم مشى لعبد العزيز ..وقال ليهو جزاك الله خير .. انا خلاص مفرتك .. ودعتك الله .. وده حق الايجار بتاع الشهر ..عبد العزيز قاليهو على الطلاق قرش ماتدفعه ..انت ماقعدت اكتر من 13 يوم .. اعتبرها ضيافة .. انت يازول والله راجل كنز ..انت من يوم سكنت معاي بتجيب الاكل ماخليتني دفعت قرش .. انا اجي اشيل منك حق الايجار؟ ياراجل حرام عليك ..المهم ودع الراجل ومشى . مشى لخالتو .. وقال ليها انا عندي كم مشوار لسه قضيتي ما انتهت ..اول حاجة مشى لـ اهل عبد الرحمن في ام درمان .. وقالو ليهو .. نحن جاتنا انباء مؤكده انو عبد الرحن استشهد ..ربنا يقبله . قال ليهم الكلام ده سنة كم ؟وروهو بالضبط .. ووراهم انو في اجراءات عايز يعملها لمصلحته ومصلحة اهلو والمهمة سرية .. وشال منهم صورة لعبد الرحمن .. ومعاهو في الصورة اخوهو ..في واحد من اخوان عبد الرحمن ظاهر عليهو زول شهم ..قال لفخري انت احكي لي الحاصل وانا بساعدك مساعدة ما تتخيلها ..فخري قال ليهو لو بتعاهدني انك ماتتكلم .بحكي ليك ..عاهدو .. حكا ليهو ..اها اخو عبدالرحمن قال ليهو دي مراة كذابة .. لانو عبد الرحمن قبل مايسافر الليل كلو كان معانا هنا في البيت . وتاني يوم سافر . يعني مشا ليها بوين ؟طيب هنا..فخري بدا يشك بالفعل في كلام شاشوقة .فخري قال انا لازم اوصل كلام شاشوقه حدو ..عندو صاحبو وزميل دراسة وزول اصلي .اسمو خالد . ابوهو ضابط كبير في القوات المسلحة ..مشى لصاحبو ده في بري ..وقال ليهو اول مرة اقصدك في خدمة .. عايزك تشيل المعلومات دي .. دي معلومات بتاعة زول ضابط ملازم اول ..اسمو عبد الرحمن فلان الفرتكاني .. اتحرك الجنوب في سنة كدا ..يوم كدا بالتاريخ ..عايز ابوك من السجلات يجيب لي تفاصيل عن االزول ده .. ومكان المعارك والعمليات .. ومكان مقتله واي حاجة .. قال ليهو جدا .. خالد مشى لابوهووابوهو كان متجاوب جدا .. وفي اسبوع جاب ليهم معلوماتعن مقتل عبد الرحمن .. ومعاهو كمية من الجنود وكانت العمليات جنوب ملكال ,, واتعرضو لكمين كبير ..و انو قتل عدد كبير من الجنود والبقية انسجبت انسحاب تكتيكي لمدينة كادقلي شمال مكال .. وكان الكمين مفاجي .. فعشان كدا صعب يتحدد المات من الجريح .. لكن عبد الرحمن من ضمن الناس الاتخلفو ..قتلى او جرحي لايقدرو على التحرك ..وحتما بتم تصفيتهم من قبل المتمردين ..ـفخري خلاص قنع من اي دلايل ممكن تبرئ شاشوقة ..والفرحة ديل كلها بدت تتسرب من يديهو . قام فكر في فكرة عجيبة..خلاص .. وبدا يرسم خطة يتحصل بيها على نور بسرعةقبل مانور تعرف الحقايق دي .. مشى قال لخالتو دكتورة فاطمةانا عندي كرت رابح بخلي نور تقبل بي ..قالت ليهو اها شنو؟؟ قال ليها نور لو بتقبل بي وتسيب الكلام الفارغ البتقول فيهو ده..انا مستعد اخليها تشوف امها الولدتها .. وحبوبتها ام امها .. وخالها اخو امها ..لانهم هم ماعارفنها وين؟لاحظو حاجة .. فخري ماكلم منتكارلو باي معلومة عن نور .. ولاكلم حبوبتها حجة السرف ..وحتي شاشوقه ماعارفة حاجة عن نور غير انها حيةوموجوده وعايزة تنتحر ..فاطمة قالت ليهو فعلا ده كرت رابح جدا .. وانت ممكن تكسب بيهو الجولة ..وعشان نور تشوف امها ممكن تقبل بيك .. صدقني انت زول خطير جدا ..طوالي العصرية.. اتوجه مشى علي بيت ناس محمد .. هو الشارع لسع ماوصل ..خالتو ضربت ليهو تلفون ..قالت ليهو يافخري امك وصلت من الابيض ..قال ليها خلاص انا بمشي وبجي ..مشى بيت ناس نور ..ولقى نور يادوب جات من المدرسة ومحمد نايم . كوثر فتحت ليهو الباب ورحبت بيهو وقالت ليهو حرام عليك يافخري ليه تنقطع مننا الفترة دي كلها ..خليت البت متعلقة فيك ومشيت .. كل ماتقرا ليها صفحة تقول لينا فخري ماجاكم تاني؟فخري دخل لاجوة ومحمد صحى من النوم ورحب بيهو وفخري قال لمحمد يامحمد انا عندي موضوع ضروري ومهم وعايز احكيهو لنور ..نادوها ليهو لبست وجاتو .. تمشي بي مهل وتتكفا .. وقعدت في طرف السرير ولامة عليها جسمها وكرعيها ..ومدنقرة ..فخري قال ليها يانور .. انا مستعد اخليك تشوفي امك الولدتك ..قالت ليهو .. عليك الله؟ معقول ؟؟ اوعك تغش علي يافخري ..قال ليها والله العظيم المعبود بالحق..قالت ليهو ساكنة وين ؟ اسمها منو ..؟ كيفنها؟ هي كويسة ؟؟قال ليها ولا اجابة واحدة من ديل مابجاوبك الا بشرط ..قالت ليهو اي شرط تقبلي بي كشريك حياة ..ومحمد وكوثر مطيرين عينيهم .. وشاكين في كلام فخري لكن وكت حلفظهر عليهم الاندهاش حقيقة ..فخري قال ليها يانور .. مهما كان اصلك ونسبك ..نحن مابهمنا البهمنا بس انتي واخلاقك ودينك ..انا عايزك توافقي على لانو انا واهلي والدتي وخالتي كلنا عايزنك .. ومش عشان نقيف معاك او بدافع الشفقة ..لا أبدا .. لاننا نحن عايزينك انتي .. لانك انسانة جوهرة .. ولاهمانا بالمجتمع وكلام الناس ..قالت لي
هو .. وانا كماان والله عايزاكم ..وراغبة في الارتباط بيكم..ومشتاقة اشوف خالتي زينب ..ولبنى وسارة ونفسي اعيش باقي عمري بينكم انتو ..انتو الوحيدين البتعوضوني عن امي كوثر وابوي محمد .. بس انا خايفة عليكم من كلام الناس يافخري ..قال ليها ولايهمك .. انتي لو عايزة تشوفي ..امك غيري رايك ده ..قالت ليهو لحظات طيب استخير واجي ..في لحظة نور طالعة عشان تستخير .. في امجاد وقفت برة .. والباب دقه.. محمد مشى فتح الباب لقى مراتين .. واحدة لقاها زينب ام فخري طبعا" بعرفها شديد..معاها فاطمة اختها ..لمن نور سمعت صوت زينب جات راجعة .. وهي تقول ياسلااااام خالتي زينب جات.؟ ..وجات راجعة وسلمت عليها بكل فرحة ..ومشت تستخير وجات ..زينب قالت ليها ليها يانور يابتي .. ماترفضي فخري عايزك ونحن عايزنك..خلي الولد ده قلبو يهدا شوية .. انا خايفة عليهو يجن تاني ..الزول ده يومين كان مو واعي بي سببك ..نور قالت ليهم )وانا موافقة .. بس بعد اخلص دراستي (زينب قالت ليها بس قبل ما تفرحي وتقرري في كلام مهم انا عايزة اقولو ليكم انتو الاتنين ..الجماعة طلعو .. وخلو نور وفخري..زينب قالت لي نور يانو في كلام بتعلق بي فخري .. انتي مادام وافقتي علي الارتباط بيهو ..لازم تعرفي الكلام ده لانو احتمال يكون بالنسبة ..ماانع ..الى اللقاء .
This media is not supported in your browser
VIEW IN TELEGRAM
رفقه عمر:
#روايه_رفقة_عمر
(الجزء السادس ح2)
طووالي تعال سوقا .. اجي وين ياخ جيبا لي حاتاخر انا كده .. والله يا خيرو ماقادر اقوم من السرير امبارح اليوم كلو مع احمد لف شديد .. خلاص عاين احمد اهندا معاي بخلي يجيبا ليك خلاص تمام .. انت في البيت .. اي خلاص .. احمد هاك المفتاح امشي لي خيرو ادي العربيه .. وارجع ب شنو .. هههه تعال مواصلات .. الود ماشي يلاقي حبيبتو ياخ بعد كم ماصدق حتلاقيهو .. خلاص تمام والله بس عشان اول مره يلاقيها وبعد ماطلعت روحو هات المفتاح .. شال المفتاح وطلع لي خيرو .. هاك المفتاح يلا رجعني .. ارجعك شنو بتستهبل انت ما كان اجي انا اشيلا طيب .. ياخ ما تتساغل .. مابمشي ب مواصلات كلمتك .. قمنا للعبط .. هههه خلاص خليتك .. خلاص عاين انا حالاقيها هناك وماعارف ترضى ارجعا ولا لا المهم ارح معاي واقعد في السياره .. وكان رضت ارجعا .. بكلمك تشوف ليك طريقه ترجع بيها ولا تستنى لمن اوديها واجيك .. يا زول ما مشكله بس مابرجع ب المواصلات .. ههه خلاص تمام .. وطلعو للمطعم خيرو ماخلى عطر ما اتعطر بيه ..وصل وخلا احمد في السياره .. ونزل .. مستنى متين افنان تجي .. شويه جات وحده حلوه جنس حلا وسمحه مبالغه .. ممكن اقعد ..بقى بعاين ليها ومخلوع ومامصدق .. ياخ دي بتشبه اميره الله يرحما حبيبت عمر شبه مبالغه وسارح فيها .. يعني ماحتقول لي اتفضلي .. هي انا افنان .. اها اهلين حبيبي اقعدي ياخ معقولا ما اعرفك ..وتاني سرح .. شنو الليله حتقضيها لي سكات وتتفرج فيني بس .. هههه لا ما كده بس ما مصدق اني شفتك .. وغلبو ليك الكلام .. ياخ لو ما لونا تقول اميره زاتا .. صحي يخلق من الشبه 40 .. المهم اتونسو واكلو .. قالت الوقت اتاخر .. طلب يوصلا رفضت قالت بتمشي براها قال ليها خلاص اصل معاك للشارع اشوف ليك امجاد واطمن عليك وامشي .. وافقت ..طلعو بره يشوف ليها امجاد .. احمد لمحم .. شاف البت صدم اميره .. اميره شنو اميره ماتت زمان .. حاول يتاكد تاني خيرو بقى مديهو ظهرو .. الشمار حرقو .. طوالي نزل من العربيه ومشى عليهم .. او خيرو كيف .. احمد بعاين مستغرب . اهلين احمد .. اخبارك ..والجابك هنا شنو ويرفع في حواجبو .. كنت مع صاحبي وطلع قبل شويه .. اها .. اعرفك دي افنان .. دا احمد صاحبي .. اهلين .. ياخ والله نفس الملامح والشبه والصوت .. تقول دي اميره زاتا .. تاني معقوله ونطط عيونو .. خيرو مالك لا ولا شي يلا اناماشي .. خلاص استنى اهنديك العربيه هاك المفتاح بس اوقف امجاد لي افنان واجيك .. شال المفتاح ومشى وراسو جاط ي ربي دي نفس البحكي عنها عمر كان ي ربي دي ياها الكان كايس ليها وكان طلعت هي بتحصل مشاكل وراسو يلف ويدور وصل العربيه ولسه بفكر .. جاهو خيرو .. شنو يا انت النزلك شنو من العربيه .. احمد ما معاهو .. طقطق ليه ب يدو حتىانتبه .. اها مالك .. شنو مالي سرحتا وين .. ولا حته لاكين يا خيرو ما ملاحظ حاجه في افنان .. الا بتشبه اميره .. اي والله شبه مبالغه .. وغير كده .. وسكت .. في شنو غير كده شنو .. ياخ ولا شي يمكن بتخيل لي .. ي ود في شنو .. ماعايز اخرب ليك يومك دا .. لاكين تتزكر يومعمر كان متضايق في الجامعه وقال شاف وحده تشبه اميره ومشينا فتشناها في السوبر ماركت مالقيناها .. خيرو ي دوب وقع ليه الكلام .. لا لا ما تقول لي افنان دي هي زاتا .. والله ما بعرف ..كان طلعت هي مصيبه حتكون .. لا مصيبه ولا حاجه اي نعم حبيتا وعشقتا واي حاجه لاكين تطلع هي نفسها طوالي بخليها ل عمر .. تخلي شنو ياخ لبسه عجبت عمر تخليها ليه .. ي ود دي بشر وانسانه انت بتحبها وهي بتحبك .. ياخ ماعارف راسي جاط كدي لمن نعرف هي نفسها الي شافا عمر ولا لامانسبق الحوادث.. ارح امشي بيتكم .. خليني انا امشي لي عمر اشوف البحصل .. هسي انت ما طمنتني .. والله ولا انا مطمن نفسي .. ارح وربك بسهلا ..دور ومشا بيتو ادا احمد المفتاح رجع لي عمر .. اهلين اخيرا شرفتا من قبيل مستنيك .. اي والله انتظرتو لحده ما خلص وجيت معاهو نزلتو وجيتك طوالي .. يلا انا تعبان ماشي البيت ..بيت شنو ياخ كدي تعال اقعد احكي لي الحصل شنو وشفتا ..ماعارف الحصل والله لاني كنت في السياره بره .. واي شفتا بس من بعيد ما ركزتا فيها شكلها حلوه غايتو.. تمام كدي لمن نلاقي بكره في الجامعه .. خلاص تمام يلا لي بكره .. طلع احمد وراسو يودي ويجيب وماعارف يفاتح عمر كيف ويتاكد من البت كيف وصل البيت خت راسو ولسه بفكر لمن نام .. خيرو ب هناك افنان بتحاول تتصل عليه ما برد لمن اتحسست وقالت يمكن ما عجبتو وكده .. وهو خايف تطلع نفس البت الدايره عمر .. وخايف يواصل معاها ويمكن يخسر عمر .. نوم ما نام لمن الصباح جاء لبس ومشى الجامعه .. اتلاقو هناك كلهم سلمو ع بعض ومشو يشربو الجبنه عند نفيسه .. عادل طبعا ما مركز معاهم وشغال مع سماح ومافي زول جاب ليه سيره ب الحصل امس .. خيرو بعاين لي احمد وبي عيونو يعني عرفت الحاصل .. احمد بهز ب راسو لا اصبر .. وعمر عادي بتونس والا تحكي لينا حصل شنو امس
#روايه_رفقة_عمر
(الجزء السادس ح2)
طووالي تعال سوقا .. اجي وين ياخ جيبا لي حاتاخر انا كده .. والله يا خيرو ماقادر اقوم من السرير امبارح اليوم كلو مع احمد لف شديد .. خلاص عاين احمد اهندا معاي بخلي يجيبا ليك خلاص تمام .. انت في البيت .. اي خلاص .. احمد هاك المفتاح امشي لي خيرو ادي العربيه .. وارجع ب شنو .. هههه تعال مواصلات .. الود ماشي يلاقي حبيبتو ياخ بعد كم ماصدق حتلاقيهو .. خلاص تمام والله بس عشان اول مره يلاقيها وبعد ماطلعت روحو هات المفتاح .. شال المفتاح وطلع لي خيرو .. هاك المفتاح يلا رجعني .. ارجعك شنو بتستهبل انت ما كان اجي انا اشيلا طيب .. ياخ ما تتساغل .. مابمشي ب مواصلات كلمتك .. قمنا للعبط .. هههه خلاص خليتك .. خلاص عاين انا حالاقيها هناك وماعارف ترضى ارجعا ولا لا المهم ارح معاي واقعد في السياره .. وكان رضت ارجعا .. بكلمك تشوف ليك طريقه ترجع بيها ولا تستنى لمن اوديها واجيك .. يا زول ما مشكله بس مابرجع ب المواصلات .. ههه خلاص تمام .. وطلعو للمطعم خيرو ماخلى عطر ما اتعطر بيه ..وصل وخلا احمد في السياره .. ونزل .. مستنى متين افنان تجي .. شويه جات وحده حلوه جنس حلا وسمحه مبالغه .. ممكن اقعد ..بقى بعاين ليها ومخلوع ومامصدق .. ياخ دي بتشبه اميره الله يرحما حبيبت عمر شبه مبالغه وسارح فيها .. يعني ماحتقول لي اتفضلي .. هي انا افنان .. اها اهلين حبيبي اقعدي ياخ معقولا ما اعرفك ..وتاني سرح .. شنو الليله حتقضيها لي سكات وتتفرج فيني بس .. هههه لا ما كده بس ما مصدق اني شفتك .. وغلبو ليك الكلام .. ياخ لو ما لونا تقول اميره زاتا .. صحي يخلق من الشبه 40 .. المهم اتونسو واكلو .. قالت الوقت اتاخر .. طلب يوصلا رفضت قالت بتمشي براها قال ليها خلاص اصل معاك للشارع اشوف ليك امجاد واطمن عليك وامشي .. وافقت ..طلعو بره يشوف ليها امجاد .. احمد لمحم .. شاف البت صدم اميره .. اميره شنو اميره ماتت زمان .. حاول يتاكد تاني خيرو بقى مديهو ظهرو .. الشمار حرقو .. طوالي نزل من العربيه ومشى عليهم .. او خيرو كيف .. احمد بعاين مستغرب . اهلين احمد .. اخبارك ..والجابك هنا شنو ويرفع في حواجبو .. كنت مع صاحبي وطلع قبل شويه .. اها .. اعرفك دي افنان .. دا احمد صاحبي .. اهلين .. ياخ والله نفس الملامح والشبه والصوت .. تقول دي اميره زاتا .. تاني معقوله ونطط عيونو .. خيرو مالك لا ولا شي يلا اناماشي .. خلاص استنى اهنديك العربيه هاك المفتاح بس اوقف امجاد لي افنان واجيك .. شال المفتاح ومشى وراسو جاط ي ربي دي نفس البحكي عنها عمر كان ي ربي دي ياها الكان كايس ليها وكان طلعت هي بتحصل مشاكل وراسو يلف ويدور وصل العربيه ولسه بفكر .. جاهو خيرو .. شنو يا انت النزلك شنو من العربيه .. احمد ما معاهو .. طقطق ليه ب يدو حتىانتبه .. اها مالك .. شنو مالي سرحتا وين .. ولا حته لاكين يا خيرو ما ملاحظ حاجه في افنان .. الا بتشبه اميره .. اي والله شبه مبالغه .. وغير كده .. وسكت .. في شنو غير كده شنو .. ياخ ولا شي يمكن بتخيل لي .. ي ود في شنو .. ماعايز اخرب ليك يومك دا .. لاكين تتزكر يومعمر كان متضايق في الجامعه وقال شاف وحده تشبه اميره ومشينا فتشناها في السوبر ماركت مالقيناها .. خيرو ي دوب وقع ليه الكلام .. لا لا ما تقول لي افنان دي هي زاتا .. والله ما بعرف ..كان طلعت هي مصيبه حتكون .. لا مصيبه ولا حاجه اي نعم حبيتا وعشقتا واي حاجه لاكين تطلع هي نفسها طوالي بخليها ل عمر .. تخلي شنو ياخ لبسه عجبت عمر تخليها ليه .. ي ود دي بشر وانسانه انت بتحبها وهي بتحبك .. ياخ ماعارف راسي جاط كدي لمن نعرف هي نفسها الي شافا عمر ولا لامانسبق الحوادث.. ارح امشي بيتكم .. خليني انا امشي لي عمر اشوف البحصل .. هسي انت ما طمنتني .. والله ولا انا مطمن نفسي .. ارح وربك بسهلا ..دور ومشا بيتو ادا احمد المفتاح رجع لي عمر .. اهلين اخيرا شرفتا من قبيل مستنيك .. اي والله انتظرتو لحده ما خلص وجيت معاهو نزلتو وجيتك طوالي .. يلا انا تعبان ماشي البيت ..بيت شنو ياخ كدي تعال اقعد احكي لي الحصل شنو وشفتا ..ماعارف الحصل والله لاني كنت في السياره بره .. واي شفتا بس من بعيد ما ركزتا فيها شكلها حلوه غايتو.. تمام كدي لمن نلاقي بكره في الجامعه .. خلاص تمام يلا لي بكره .. طلع احمد وراسو يودي ويجيب وماعارف يفاتح عمر كيف ويتاكد من البت كيف وصل البيت خت راسو ولسه بفكر لمن نام .. خيرو ب هناك افنان بتحاول تتصل عليه ما برد لمن اتحسست وقالت يمكن ما عجبتو وكده .. وهو خايف تطلع نفس البت الدايره عمر .. وخايف يواصل معاها ويمكن يخسر عمر .. نوم ما نام لمن الصباح جاء لبس ومشى الجامعه .. اتلاقو هناك كلهم سلمو ع بعض ومشو يشربو الجبنه عند نفيسه .. عادل طبعا ما مركز معاهم وشغال مع سماح ومافي زول جاب ليه سيره ب الحصل امس .. خيرو بعاين لي احمد وبي عيونو يعني عرفت الحاصل .. احمد بهز ب راسو لا اصبر .. وعمر عادي بتونس والا تحكي لينا حصل شنو امس
.. عادل ركز وعرف امس خيرو لاقى البت .. والله #يتبع
المسؤلية ..الحلقة 29 ..بقلم طارق اللبيب ..طبعا" فخري طير عينيهو من مقدمة الكلام .. العايزة تقوولو امو .. نور قالت ليها اتفضلي ياخالتي زينب .. قالت ليها .. انا لمن كنت حامل بيأول حمل لي في حياتي .. وودوني المستشفى وولدت .. انا في البنج الكامل قالو جبت ولد ميت ..وكان في نفس اليوم في واحدة هاربة من المستشفى ومخليه جناها .. اها زوجي الله يرحمو .. جاب ولد البت الهاربة وختاهو لي .. وشالو ولدي الميت ودفنوه .. عشان ما اتاثر .. ويكون ربى ليهو طفل برئ .. وسميناهو فخري .. وانا ماكنت عارفاهو انو ماولدي .. بس كلمني راجلي قبل مايسافر سفرتو الاخيرة المات فيها .. التقول حاسي بي نفسو حيموت .. عشان كدي يافخري ياولدي .. انت متربي معاي .. زي مانور متربية مع محمد وكوثر ..فخري قال ليها .. مايهم الولدني منو مش انتي امي الربيتيني .. الموضوع مامهم بالنسبة لي .. نور قالت ليها وانتيياخالتي زينب .. ربنا يجزيك خير اديتيهو حنان الام ..ياريت لو كل الناس بكونو زيك وزي امي كوثر .. وانا وفخري محظوظين ربنا عوضنا .. عن اهلنا .. بي ابرك واخير .. ياحسرتي على بقية الايتام .. ومجهولي النسب المالقين اهتمام .. ومافي زول يتكفل بيهم .. ومحرومين من ابسط احياجات الطفل الوجدانية ..فخري قال لي نور .. يانور .. نحن لازم نتزوج عما قريب .. وانا بوعدكتكملي تعليمك وانتي معاي.. عليييييييييك الله يانور .. انا مابقدر اصبر لغاية ما تخلصي ..امي غليك الله اتكلمي معاها .. والكلام القالتو امو ده ماهماهو نهائي ..نور قالت ليهو خلاص .. ان شاء الله كلها اربعة شهور والامتحانات تنتهي .. ونتم الموضوع انت اطمئن .. بس انت وديني اشوف امي .. اللهيخليك يافخري ..قال ليها اصبري لي يومين تلاتة بتشوفيها .. قالت ليهو حاضر انا صابرة مادام امي موجودة .. وحألاقيها .. مافي فرح اكتر من كدا .. تسلم لي انت وربنا يخليك لي ..والفرح في قلب فخري ماقادر يحتملو ..لدرجة انو كلام امو ده كانها ماقالتو .. وحس بي معنى جديد للحياة.. لمن نور وعدتو بسرعة الزواج.. وبقى يضرب ليها طوالي صباح.. ومساء .. وهي بقت تتنفس أكسجيناسمو فخري .. وخطبها رسمي من محمد ..والامور مشت تمام التمام ..في يوم جمعة كدا نور طلبت من امها .طلب غريب . قالت ليها يا امي انا عايزة امشي لدار الرعاية .عايزة اشوف المكان الانا مرتبطة بيهو وجدانيا.. حاسة انو عندي اخوان هناك زي التومات ديل ..وكوثر طوالي ربت ليها رغبتها ومشت معاها هناك .. نور كانت متشوقة للمكان .ولمن وصلت .وشافت الاطفال . ياخي نور دي بكت بكا .. اتفنت في الواطة وبقت تجعر .. زي الميت ليها زول .. وتعاين للبنات الصغار والاطفال اليادوب بحبو وتنفقع بالبكاء .. في مشهد الزول مايستحمل حتى يوصفه ..ورجعت من هناك جزينة و طول اليوم تبكي والاكل ما قادرة تبلعو ..يوم من الايام نور اتصل عليها فخري لقاها بتبكي .. قال ليها مالك ياحبي ..قالتليهو يافخري ماعرفت اي خبر عن ابوي الحقيقي بكون منو؟..قال ليها لمن تلاقي امك اسأليها ..وفخري اتمنى انو يحقق لنور رغبتها .. ويلاقي ابوها وتتاكد انها ناتجة عن زواج شرعي..بس الامل مفقود .. لانو الراجل كل الدلايل بتثبت انو ميت ..اها فخري بفكر في الموضوع .. نطت ليهو فكرة في راسو .. مشى لصاحبو خالد ود الضابط الفي بري في البيت ..ولقى ابوهو الضابط موجود في البيت .. وشكرو على الخدمة القدمها ليهو.. وحكا ليهو القصة بتاعة نور من اولها الى اخرها ..الضابط قال ليهو انا ممكن القى معلومة مؤكدة اكتر وتطمئن .. عن الضابط عبد الرحمن .. تعال لينا بكرة المساء .. وفعلا فخري بكرة جاهم .. الضابط ابوخالد .. قال ليهو اصبر .. انا سألت عن الضباط الكانو في كتيبة عبدالرحمن .. واتحصلت على واحد .. ووعدني يجيني هسي ..وهو كان لصيق بعبد الرحمن .. فعلا بعد مسافة جاء الضابط زميل عبد الرحمن ولمن حكو ليهو القصة ..قال ليهم انا طبعا" .. طلعت الصالح العام بعد خمس سنوات من العملية دي .. بس عبد الرحمن ما قتـل . عبد الرحمن اتضرب في رجله وكتفه .. وكان متأذي شديد .. نحن اخر حاجة سلمناهو لاخوه.. في كادوقلي .. اخوه كان ما اخاف الكضب .. اسمو عبد الحي ..طبعا" ده نفس اخو عبد الرحمن القال لفخري ..شاشوقة كذابة .. اللهو في الصورة مع عبد الرحمن .. ده زول مجرم وعديمضمير بوريكم قصتة لي قدام ..المهم الضابط قال لفخري .. نحن سلمناهو لي اخوهو بعد رجوع المتحرك .. لانو كانت حالتو الصحية متدهورة .. وخاشي في غيبوبة ..الضابط ابو خالد : قال ليهو .. بس الزول ده في سجلات الجيش ميت .. وحتى حقوقو مسحوبة بالكامل ..قال ليهو الا يكون مات بعد داك .. لكن نحن سلمناهو ليهو حي .. ايوة متعوق شديد .. ومفيب .. بس حي .. حتى استلمو في مستشفى الشرطة بكادوقلي ..فخري اخد المعلومة المفيدة .. وطلع طوالي مشى الحلة الجديدة .. عنده صاحبو من كادوقلي .. اسمة هارون بشير .. طلب منه يمشي معاهو كادوقلي .. هارون قال ليهوماشي لشنو؟ .. حكا ليهو القصة بتاعة نور وشاشوقة .. لمن ق
ال ليهو)شاشوقة(..!!هارون قال ليهو قلت منو؟؟؟انت قلت شاشوقة؟؟.. فخري قال ليهو نعم ..هارون قال ليهو .. زولك الكايس ليهو ده انا بعرفو .. وحي يرزق .. بسمخو ماتمام ..عارف في واحد ساكن مع ناس .. جيران عمي في كادوقلي .. نحن من فتحنا لقيناهو معاهم مع انو قالو ماببقا ليهم .. زول ساكت ساكت كل الوكت .. وحايم بالشوارع .. ومشهور السوق كله بعرفو ..ولمن تقول ليهو انت منو؟ .. يقول ليك انا حبيب شاشوقة .. ونحن كنا قايلين شاشوقة دي الجنية بتاعتو ..فخري قال ليهو ياسلاااااااااااااااااااام .. ياخي الله ينصر دينك ياهارون .. والله الليلة فرحتني فرحة ..هارون قال ليهو .. لاول مرة حأعمل لي حاجة احسن باني بستحق الثناء ..يلا كلها تلاتة يوم وجهز نفسك ونسافر كادقلي ..وفعلا بعد تلاتة يوم سافروا كادوقلي .. اتخيليو .. لمن فخري لاقى عبد الرحمن .. لقاهو قاعد في الشارع في ضل .. وبتكلم مع روحو ..بقول لروحو .انت ياعبد الرحمن .. اصبر .. وخليك واثق من الله .. بجي زول يوم ويوريك انت منو؟ وابوك منو؟ .. ويوصلك لشاشوقة .. والله بجي زول ياعبد الرحمن ماتبكي ..طبعا لو بتتذكرو الحركة دي .. حركة الزول البصبر روحو بي روحو .. عند منو؟؟؟؟؟؟؟اها فخري جاهو وقعد جمبو .. طبعا عرفو طوالي لانو شايل الصورة معاهو .. مع انها مرت عشرين سنة .. لكن ملامح عبد الرحمن ما اتغيرت..عبد الرحمن قال ليهو .. انت منو ..؟ قال ليهو انا اسمي فخري .. اها عبدالرحمن لمن حس بانو الزول مهتم بيهو .. قال ليهو عليك الله يافخريوديني لشاشوقة .. ماتقولي شاشوقة منو ؟ .. اي زول بقول ليهو وديني لشاشوقة .. يقول لي شاشوقة منو ؟؟ .. انا ماعارف شاشوقة منو .. بسعارف انو انا عبد الرحمن حبيب شاشوقة ....فخري بكى بكى .. وقال ليهو حاضر حاوديك لشاشوقة والله ..وساقو مشى لناس البيت الهو قاعد معاهم ..قالو ليهو الزول ده نحن ماعارفين اهلو وين .. ولاعارفين عنه اي حاجة .. جابو لينا اخوهو ..قبل عشرين سنة .. ودفع لينا قروش كتيرة .. وقال ليناالزول ده يقعد معاكم .. ولايتعالج ولايمرق من كادوقلي .. ونحن على حسبحوجتنا .. قبلنا بالعرض .. والزول ده قاعد معانا .. زول طيب ومسالم والاربعة وعشرين ساعة بتكلم براهو .. وعن الجنية الاسمها شاشوقة دي..فخري قال ليهو شاشوقة ماجنية .. شاشوقة مرتو ..ده راجل ضابط في الجيش جار بيهو الزمن .. واخوهو غدر بيهو .. نسأل الله السلامة ..وفخري وهارون اخدوهو طوالي على المستشفي في كادقلي ..وفحوصات .. وتحاليل .. وصور .. وظهر انو عندو ورم قديم في مؤخرة الراس .. مأثر على الذاكرة ومحتاج لعملية ..وباختصار ساقوهو و سافروا على الخرطوم ..واول حاجة نزلو بيهو في المستشفى .. وحجزو ليهو للعملية .. ونزلوهو في بيت هارون في الحلة الجديدة ..وفخري متواصل مع فاطمة وهي كانمة سرو .. وقال ليها بمجرد الزول ده ترجع ليهو زاكرتو .. بنعرف .. هل نور ده ابوها .. ولا نحن تعبنا راحفي الفاضي ..يارب يطلع ابوها فعلا عشان انا اكون قدمت لنور حياة نفسية جديدة ..ودفع قروش العملية .. بس يوم العملية من الصباح .. في مشكلة كبيرة واجهت فخري .. ماقدر يتصرف فيها .. الى اللقاء ..
This media is not supported in your browser
VIEW IN TELEGRAM
المسؤوليه ..الحلقة الاخيرةتساوي حلقتينبقلم طارق اللبيب.المشكلة القابلت فخري هي .. انو الورم الموجود في راس عبد الرحمن متحجر .. والعملية فيها خطورة على حياتو .. ومحتاجين زول من اولياء امره .. يستحمل المسؤلية .. فخري طبعا" خاف شديد على الحاج .. ونسيب المستقبل .. ومافي طريقة يمشي لاهله .. قدر ماحاول معاهم عشان يقبلو.. انو هو يستحمل المسؤلية رفضو .. في النهاية اتوكل على الله .. ووداهو السلاح الطبي .. ومن هناك اتصل على ابوخالد .. والعملية اتعملت في نفس اليوم ..على حساب القوات المسلحة .. وابوخالد .. اثبت للجهات المختصة . انو شهادة الوفاة كانت مزورة .. والقضية بقت قضيةجنائية .. القوات المسلحة ضد عبد الحي .. والجيش اتكفل بكل العلاجات ..كلها 48 ساعة عبد الرحمن رجع لي وعيه .. وبدأ يجمع في معلوماتو .. دخلو عليهو الاربع .. فخري وهارون . وابوخالد وزميلو الفي الصالح العام ..ماعرف زول منهم غير زميلو وسلم عليهم جميعا .. وقال ليهم احكو لي ياجماعة ..احكو لي انا مالي ..والحصل شنو.. ؟فخري حكا ليهو كل الحاصل ..ويالتفصيل الحصل في. العشرين سنه الفاتت ..الزول ده قعد يبكي زي الشافع .. وأول كلمة قال ليهم.. ياحليلا شاشوقة .. عليك الله انا عندي بنت كبيرة كدا يعني ؟؟ ياجماعة انا حاسي باني حموت لو ماشفت شاشوقة.. ودوني ليها هسي ..ونكمل كلامنا بعدين ..وهسي جيبو لي بتي ..قال ليهم اول شي .. انا عندي املاك وورثة من ابوي ..وكلت عليها عبد الحي ..وانا ما طلقت شاشوقة .. شاشوقة مراتي .. وهي املي الوحيد في الرجوع حي للدنيا .. ولو فعلا شاشوقا جابت بت فالبت بتي .. شاشوقة مستحيل تخوني .وفعلا انا دخلت بي شاشوقة .. وكل الحكاية الحكتها فيالليلة الاخيرة صحيحة.. وعبد الحي عارف التفاصيل دي كلها .. وهو نفسو الوصلني علي بيت ناس شاشوقة بالليل .. ماكنت بتوقع انو ممكن اخوي يعمل فيني كدا ..انا عافي ليهو دنيا واخرة .. اناعافي ليهو .. ياربي لاتعاقبو بي سببي ..الدكتور قال ليهو انت هسي ماممكن تطلع ..الا بكرة نشوف وضعك ماشي كيف ..الحمد لله العملية طلعت بسيطة .. ما زي ماقالو ناس المستشفى الجيتو منو ..فخري ركب العصرية .ومشى كلم شاشوقة وامها .بكل الحاصل على عبد الرحمن .وانو جاي بكرة عبد الرحمن .. امها قالت ليهو .طيب المراة دي في راجل عقد عليها بعد عبد الرحمن .. ده نظامو شنو؟فخري قال ليها اول حاجة )حمد( بتاعكم ده ماراجل ولامحسوب في الرجال .. نمرة اتنين عقدو باطل .. لانو المراة في عصمة رجل وماطلقها .. ههههههه شوف فخري بقى يفتي كمان )وكلامه صحيح ( ..المهم حجة السرف ام شاشوقة بقت تبكي ..وتطلب في العفو من بتها..وقالت ليها قومي النغير ليك شكلك ده .. راجلك جاي باكر ..وفعلا بكرة الساعة واحدة ظهرا .. خرجوهو من المستشفى .. وغشو حلقو ليهو واهتمو بيهو ولبسوهو جديد لاعند الشبشب الابيض .. وصل عبد الرحمن البيت وشاف شاشوقا .. وشاشوقة شافتو .وتعال شوف المشاهد.. بكاااااااااااا واحضاااااااان .. ودموووووووع فرحة لايعلمها الا الله..وفخري واقف بعيد مربع يديهو ويعاين ودموعو دي تشيل ويقشها ..قال ليهم بتكم في انتظاركم.. وانا بجي بسوقكم ليها يوم الجمعة ..اليوم ده كان يوم اربعاء .. وفخري مشى لخالتو وامو .اول حاجة ووراهم بالانجاز العجيب الربنا وفقو بيهو .. والمراتين الاتنين من الفرح قعدن يزغردن ..والمساء مشى لناس كوثر ..وماقادر يتكلم من الفرحة ..وقال ليهم كووووثر نوووووووووووور تعاااااااااالو الليلة يوم البشارة ..حاصل حاصل حاصل .. ويوم الجمعة يانور حتشوفي امك وابوك .. يوم الجمعة حيجوك هنا الاتنين .. يوم الجمعة ..يانور حتحسي بي حياة مختلفة.. نور جات جارية على فخري عشان تسلم عليهو بالاحضانفرملت في اخر لحظة اتذكرت انها ملتزمة ومنتقبة ..قالت ليهو انت حبيبي براي .. انا مابقدر اكافيك يكافيك رب العالمين .. لكن بوعدك اني اسعدك ولو احتجت لروحي تهون في سبيل سعادك ياهناي..ومحمد وكوثر ديل من الفرحة ماقادرين يصدقو ..ومحمد قال ليهو انا يافخري حاعمل عزومة كبيرة لعبد الرحمن ومراتو.. حامشي اكلم ناس بيتنا .وندعي اسرة كوثر وكل اقاربنا .. ومابنسى اسرة استاذ عادل واختو هديل .. وصاحبات نور الطالبات .. عشان يعرفو ماكل زول اهلو مامعروفين معناها مولود غير شرعي..تتذكري يانور؟ .. انا اول يوم كلمتك ..قلت ليك انتي لقيطة وموسى عليه السلام اسمه النبي اللقيط ..انتي زي موسى .. تتذكري؟؟قالت ليهو فعلا يا . بابا .. وفي كتيرين من اخواني واخواتي الفي دار الرعايه حاصل عليهم ظروف زي ظروفي ..بس وين يلقو كوثر ومحمد وفخري .؟؟ ياحسرتي عليهم ..ياوجع قلبي..بعد شوية .. كدا فخري اتصل على عبد الحي. وقال ليهو .. اخوك عبد الرحمن حي يرزرق .. وهسي مع زوجته شاشوقة ..استعد انت في قضية ضد القوات المسلحة .. طوالي والله الا تطير .. كتمت فيك يا داقس ..طوالي عبد الحي شال اوراق التوكيلات والاملاك .. ومشى لناس شاشوقه.. وسلم على اخوهو .. وعبد الرحمن سلم عليهو بكل لهفة وحنا
ن .. كانه ماعمل حاجة ..سبحان الله الراجل ده طيب لدرجة مبالغ فيها .. عبد الحي قال ليهو دي كل املاكك وحقوقك وبطلب منك العفو .. ومن شاشوقة.. واعترف بكل عمايلو .من ورقة الطلاق الرسلها باسم اخوهو .. لغاية غدرو بيهو في كادوقلي .. واتوسل عشان يدوهو العفو ..عبد الرحمن قال ليهو .. اناعافي ليك ياعبد الحي اخوي .حتى لو اكلت حقي .. في النهاية انت اخوي .. وحقي مامشى لزول غريب .. بس مشكلتك مع ناس القيادة .. انا بحاول احلها ليك ماتشيل هم ..شاشوقة قالت ليهو يا عبد الحي .. حرام عليك .. ترسل لي ورقة طلاق مزيفة .. انت ماعارف انا في العشرين سنة العذاب النفسي الحسيتو ..بس في النهاية انت عم بتي .. وانا عافية ليك ..لكن برضو قالو عبد الحي اتسجن .في قضية التزوير ضد القوات المسلحة .والله غالب..المهم يوم الجمعة جاء ..وكان يوم لامثيل له ..وبيت ناس كوثر .. كأنو مستقبلين العيد .. من الصباح الساعة تمانية . وقفت امجاد جمب الباب .. ونور دي واقفة ترجف وتفرك في يديها .. ومحمد مشى فتح الباب ..جاء فخري .. معاهو عبد الرحمن ابو نور .. وحجة السرف حبوبتها .. واشتياق امها .. وخالها عثمان .. ودخلو .. اول مادخلت شاشوقة .. وجات ماشة زي مشيه نور .. .لابسة ليها توب سماوي بي كحلي .. كوثر ونور ماقدرو يسلمو عليها من الدهشة .. بقن فاتحات خشومهن بس يعانن فيها فيها .. .بس نوووووور الخالق الناطق ..( شبة مبالع فيهو .سبحانك ربي . ونور جات جارية عليها .. وشهقو الاتنينفي بعض .. ..والمشهد مشهد لايحتمل الوصف .يكفيني انكم تتخيلو .. نص ساعة والبكا متواصل .. والسلام ونور دي بعد سلمت عليهم .. ومسكت خالها عثمان تسلم عليهو وتعاين ليهو ..وتاني تسلم .. وحبوبتها حاجة السرف اغمي عليها من شدة البكا .. والتاثير لمن رشوها بالموية .. ونور جات حضنت حبوبتها وهي مبلولة بالموية قبل ماتصحى كويس ..وفخري ماقادر يحتمل .. خلاص .. ونور دي قععدت امها وابوها جم بعض.. وبركت قدامهم .. في الواطا وبقت تعاين ليهم .. وقالت لي امها .. ياماما رقديني فيك حضنك دقايق .. دقايق بس اشوف الاحساس ده شكلوكيف.. نفسي اشعر بالحاجة دي ياماما ؟. يا الله ..سبحان الله .. وقالت لابوها .. يابابا امسكني عليك .. انت عارف يابابا .. انا ابوي محمد بغطي منو راسي ؟لانو هو مربيني بس .. وماصح يشوفني كاشفة ؟؟ .. انت عارف الحصل علي ..؟؟ انت عارف الانا حسيتو في السنين دي .. .. انت يا بابا عارف السنوات دي مرت علي كيف؟ شاشوقا قالت ليها .. ايوة يانور يابتي ابوكما حاسي اي معاناه .. لانو اساسا كان برة الدنيا .. أساليني انا من الاحساس.ده ومن مرارة التهمة .تعالي يانور يابتي البسك الخيط الاحمر ده .. ورقدتها في كرعيها .. وفخري ومحمد كوثر بس يعاينو ويبكو .بس .المهم .. وكت الفطور كدا الناس بدت تتجمع .. والفرحة ماواسعة المكان.. محمد خاطب الناس القاعدين .. وقال ليهم .. ياجماعة كلنا كنتو رافضين نور .. والان اتقبلتوها ..مع انو نور اليوم .. ياها زاتها نور السنة الفاتت وياها زاتها نور الطفلة الختوها في الصبة بتاعة المظلة .. ليه الناس بتعامل مجهول النسب بي رفض ؟ ليه الناس مابتحس بي احساس المعاناة البعانيها الطفل الفاقدابويه ..لو الاسر عارفة البركة البتنزل بي تربية طفل فاقد والديهو .. كان كل اسرة اتكفلت بي طفل .. أسالوني انا من البركة النزلت علي بي دخول حبيبة قلبي ونور حياتي نور ..نور قالت يابابا ممكن اتكلم؟ .. قال ليها اتفضلي .. قالت ليهم .. الناس القلوبهم رحيمة ربنا بنزل عليهم الرحمة .. وحبيبنا النبي قال ارحموا من في الارض يرحمكم من في السماء .. ياجماعة لو حسيتو احساسي انا لمن بسمع الناس بنادوني باني لقيطة وغير شرعية وبت حرام وماعندي اهل .. احساس احسن منو الموت ..انا لو ما ربنا مثبت قلبي كان انتحرت .. احساس انسان بموت كل لحظة..وانا هسي الشي الحازي في نفسي .. وممسخ علي فرحتي اخواني واخواتي .. البتخلصو منهم في يوم الولادة .. وبرموهم في الوساخة .. وبدفنوهم في ركن البيت ..واطفال الدار .. المحتاجين لعطفكم وحنانكم ..وانا يابا ماطالبة من فخري ده مهر .. مهري انو يمشي معاي نجيب طفل ونتكفل برعايتو لغاية مايكبر ..فخري من هناك قال ليها وانا موافق ياالغالية..دكتورة فاطمة قالت وانا برضو .بتكفل بي طفل . وام استاذ عادل قالت وانا برضو ..عايزة بنيه ..وتم المراد ..وام فخري نادت فخري ونور في الاوضة وقالت ليهم عايزة اعترف ليكمبي حاجة ..انا كنت بكذب عليكم .. الاتنين قالو ليها ونحن عااااااارفين ههههه..قالت ليهم عرفتو من وين .. قالو ليها لبنى بتك كشفت لينا خدعتكقلتي ليها .. انا عايزة اخوف فخري زي ماخوفني .. وعايزة نور ماتحس انهااقل من فخري بحاجة صح؟ زينب قالت ليهم صاااح بس لبنى التصبر لي المعفنه ..ومرت الايام ..وزينب باعت بيتها في الابيض .. وجات اشترت جنب ناس محمد ..وعبد الرحمن اشترى البيت اللاصق في بيت ناس محمد ..والتلاتة اسر عاشو في تواد ومحبه .. والزواج تم بعد نور خلصت الامتحانات
.. وتاني شاشوقة حملت .. ونور قرت الجامعة وهي في عصمة فخري الراجل العجيب ..والبيوت التلاتة فاتحة في بعض .. والناس ديل همهم كلو مراعاة الايتام ..ومحاربة الفساد .اللهو سبب من اسباب الضياع لهذه النطف الحائرة .. وفلذات الاكباد الضائعة والمظلومة .. ونور جابت ليها بنية من الدار حلوهوجميلة عسوووولة .. وبدأت قصة مسؤولية جديده .. بكل فخر ونور..ربنا يحفظكم يانور وفخري .. وتبقو لينا نور لي حياتنا .. وفخر لبلادنا ..والسلام عليكم ورحمة الله ..اخوكم طارق اللبيب ..الخرطوم بحري .. 2014..ــــــــــــــ
This media is not supported in your browser
VIEW IN TELEGRAM
#روايه_رفقة_عمر
(الحزء السادس ح3)
ي جماعه عادي لاقيتا واتونستا معاها وكده وحسيتا عاديه ما زي ما خاتي ليها وماعارف اكمل معاها ولا لا .. احمد عرفو بتكلم كده اذا طلعت نفس البت حقت عمر يكون هو اصلا ما دخلت راسو وعادي وانو الكلام دا من وراء قلبو.. عمر انت مجنون شنو ما ع قدر كده انت بتحبها ولا لا ويعني شنو لو شكلها ما حلو او ما زي ما خاتي ليها اهم شي اخلاقا وتعاملا معاك وحبها ليك وقعد يتكلم .. كدي بنشوف لي بعدين .. طيب كدي ادينا احنا بنحكماكيد اتصورتو ولا رسلت ليك صوره .. اه لا ما اتصورنا والله لاكين بكلما ترسل صوره .. وكان بكذب لانو اول ما شافا بتشبه اميره صوره مخصوص عشان يوريها لي عمر ومن احمد حكا ليه عمل رايح .. تمام لمن ترسلا بلاي ورينا .. خير .. شويه احمد تلفونو دق استاذن وطلع .. بقو يتشاورو براهم ودايرين حل للموضوع ودخلو عادل في القصه وحكوليه .. احمد.. والله انا ماشايف في طريقه غير حاجه وحده اخد الصوره واوريها لي عمر برانا كده واقول ليه لقيتا في اي حته وعشان بتشبه اميره قلتا اوريك ليها وبعد دا هو حيورينا هي نفسها الشافا ولا لا .. تاني ما شايف حل .. طيب واذا طلعت هي .. نطت خيرو .. لو عايز يرتبط بيها طوالي انا ما عندي مشكله هي تزعل كم يوم وبترضى وعمر ما بتعيب .. عادل والله عمر ما بتعيب لاكين انت تتخلى عن حبك ب البساطه دي..حتقول ليها شنو لو سالتك . . بتصرف .. احمد كدي ما تسبقو الحوادثوخلوني لمن اوريهو .. شافو عمر جاي .. غيرو الموضوع اهندا جاء .. وقعدو يتونسو عادي ومشو حضرو محاضراتم وطلعو شارع النيل ونزل خيرو وعادل .. احمد قال ليه انا ماش معاك البيت .. ارح طوالي .. ومشو البيت .. قعدو يلعبو كوتشينه . زهجو من اللعب كل واحد مسك تلفونو بقلب .. احمد .. عمر عان البت دي .. وراهو صوره افنان .. عمر لمن شايفا سكت مسافه .. دي منو .. مابعرفا لقيتا في الانستغرام .. بتشبه منو .. اميره الله يرحما .. عمر ي ربي دي م البت الكنا بنفتش عليها ديك .. تشبها لاكين لا ماهي .. احمد ي دوب ختا نفسو واطمن .. كان شايل هم وخايف من الزعل والجوطه .. كدي ركز يمكن هي .. لا لا ياخ ماهي ديك تشبها برضو .. بعدين انا زاتو خلاص عايز لي وحده تانيه واحبها بعد ما اعرسا زاتو .. لا لا انت عمر .. هههه والله جد فترتا من الحب وبعدين بتفشل العلاقه .. بعد الجامعه طوالي ان شاء الله حاعرس ومن اختيار امي كمان اهارايك شنو .. لا لا دي قويه لمن ما اتعرفتا عليك .. قعدو يتونسو ب مزاج.. وخيرو وعادل دايرين يعرفو الحاصل .. احمد خلص الونسه وقال ماشي البيت عشان بكره الصباح زاتو مراجعه الحاج .. وطلع .. وصل البيت ..طوالي شال التلفون اتصل ع خيرو .. الو .. اها احكي الحصل شنو .. والله يا خيرو ما عارف اجيب ليك الكلام كيف . صراحه ما عارف ماعارف .. كديلمن الاقيك بكره .. ماجادي طبعا من قبيل مستنيك عشان تقول لي بكره انت ****وقعد بنبز فيه .. احمد عايز يضحك وماسك نفسو ب العافيه.. وخيرو اعصابو بايظه ويشيل ويجدع في الكلام .. خلاص ياخ وريني عادي مابعمل شي بس ما تخليني في التوتر الانا فيه دا .. اصلو من كلامك شكلها طلعت هي صح .. اصلا انا اتوقعتا تكون هي وقعد يتكلم براهو .. احمد فكاها ضحكه .. انت رمه موش بتضحك لي هسي .. ياخ ابرد خلاص والله بطني وجعتني من الضحك اطمن طلعت ما هي .. قول والله .. عليك الله صحي ومبسوط .. هههه اي والله هسي وريتو الصوره وقال ماهي . اطمن بعد دا وامشي رد للبت ساي وما تعاملا كده .. يا الله ياخ ياخ اخر ضرس طلع .. هو انت عندك ضرس هههه ماحارد ليك عشان الليله بسطني والله وحرم الا ابسطك وارسل ليك رصيد كمان .. يا زول خلاص تمام ب كم .. شنو ب كم انت كمان الفين بس .. كمان فاتح نفسو ب كم .هههه طيب خلي عندك ما دايرو ويلا شتت مني عشان عندي قومه الصباح مع الحاج للمستشفى .. خلاص تمام وطمنا الدكتور حيقول ليك شنو.. طيب وقفل . . مبسوط اول شي دق ع عادل وطمنو .. بعدين اتصل ع افنان .. عملت زعلانه ابت ترد .. بقى يرسل ليها في الرسائل ويعتزر وقال واحد من اصحابو حصل ليه حادث وكان معاهو في المستشفى .. حتى وافقت وردت .. بقو يتونسو .. عدت ايام وشهور وابو احمد بقى كويس ..وعمر فكا الجبص من يدو .. وخيرو ماشي كويس مع افنان .. وراء الصوره لي عمر .. بلاي دي هي احمد عاين دي الوريتني ليها .. عليك الله اي والله .. ومشو الموضوع ..عادل وسماح اتشكلو وقال بتاعت ماده وبتحب القروش ما بنفع يكملو مع بعض ..قطعو معاها .. والامتحانات جات.. بقو يتلمو كلهم مع بعض يدرسو مرات ويلعبو مرات وغايتو .. امتحنو وخلصو.. مستنين النتيجه .. ابو عمر مواعدم يشغلم كلهم في الشركه حقتو والماعيز يتوسط ليه في المحل الدايرو .. ام عمر مبسوطه ومتين عمر يخلص عشان وعدا بعد الجامعه حيعرس ومن اختيارا هي .. النتائج طلعت وبي قدرت قادر نجحو.. نجاح اي كلام .. وبعد دا مبسوطين ب نجاحم .. ام عمر عملت ليهم حفله تخريج في صاله وعزمو الاصحاب والحبايب كلهم ..يوم احمد
(الحزء السادس ح3)
ي جماعه عادي لاقيتا واتونستا معاها وكده وحسيتا عاديه ما زي ما خاتي ليها وماعارف اكمل معاها ولا لا .. احمد عرفو بتكلم كده اذا طلعت نفس البت حقت عمر يكون هو اصلا ما دخلت راسو وعادي وانو الكلام دا من وراء قلبو.. عمر انت مجنون شنو ما ع قدر كده انت بتحبها ولا لا ويعني شنو لو شكلها ما حلو او ما زي ما خاتي ليها اهم شي اخلاقا وتعاملا معاك وحبها ليك وقعد يتكلم .. كدي بنشوف لي بعدين .. طيب كدي ادينا احنا بنحكماكيد اتصورتو ولا رسلت ليك صوره .. اه لا ما اتصورنا والله لاكين بكلما ترسل صوره .. وكان بكذب لانو اول ما شافا بتشبه اميره صوره مخصوص عشان يوريها لي عمر ومن احمد حكا ليه عمل رايح .. تمام لمن ترسلا بلاي ورينا .. خير .. شويه احمد تلفونو دق استاذن وطلع .. بقو يتشاورو براهم ودايرين حل للموضوع ودخلو عادل في القصه وحكوليه .. احمد.. والله انا ماشايف في طريقه غير حاجه وحده اخد الصوره واوريها لي عمر برانا كده واقول ليه لقيتا في اي حته وعشان بتشبه اميره قلتا اوريك ليها وبعد دا هو حيورينا هي نفسها الشافا ولا لا .. تاني ما شايف حل .. طيب واذا طلعت هي .. نطت خيرو .. لو عايز يرتبط بيها طوالي انا ما عندي مشكله هي تزعل كم يوم وبترضى وعمر ما بتعيب .. عادل والله عمر ما بتعيب لاكين انت تتخلى عن حبك ب البساطه دي..حتقول ليها شنو لو سالتك . . بتصرف .. احمد كدي ما تسبقو الحوادثوخلوني لمن اوريهو .. شافو عمر جاي .. غيرو الموضوع اهندا جاء .. وقعدو يتونسو عادي ومشو حضرو محاضراتم وطلعو شارع النيل ونزل خيرو وعادل .. احمد قال ليه انا ماش معاك البيت .. ارح طوالي .. ومشو البيت .. قعدو يلعبو كوتشينه . زهجو من اللعب كل واحد مسك تلفونو بقلب .. احمد .. عمر عان البت دي .. وراهو صوره افنان .. عمر لمن شايفا سكت مسافه .. دي منو .. مابعرفا لقيتا في الانستغرام .. بتشبه منو .. اميره الله يرحما .. عمر ي ربي دي م البت الكنا بنفتش عليها ديك .. تشبها لاكين لا ماهي .. احمد ي دوب ختا نفسو واطمن .. كان شايل هم وخايف من الزعل والجوطه .. كدي ركز يمكن هي .. لا لا ياخ ماهي ديك تشبها برضو .. بعدين انا زاتو خلاص عايز لي وحده تانيه واحبها بعد ما اعرسا زاتو .. لا لا انت عمر .. هههه والله جد فترتا من الحب وبعدين بتفشل العلاقه .. بعد الجامعه طوالي ان شاء الله حاعرس ومن اختيار امي كمان اهارايك شنو .. لا لا دي قويه لمن ما اتعرفتا عليك .. قعدو يتونسو ب مزاج.. وخيرو وعادل دايرين يعرفو الحاصل .. احمد خلص الونسه وقال ماشي البيت عشان بكره الصباح زاتو مراجعه الحاج .. وطلع .. وصل البيت ..طوالي شال التلفون اتصل ع خيرو .. الو .. اها احكي الحصل شنو .. والله يا خيرو ما عارف اجيب ليك الكلام كيف . صراحه ما عارف ماعارف .. كديلمن الاقيك بكره .. ماجادي طبعا من قبيل مستنيك عشان تقول لي بكره انت ****وقعد بنبز فيه .. احمد عايز يضحك وماسك نفسو ب العافيه.. وخيرو اعصابو بايظه ويشيل ويجدع في الكلام .. خلاص ياخ وريني عادي مابعمل شي بس ما تخليني في التوتر الانا فيه دا .. اصلو من كلامك شكلها طلعت هي صح .. اصلا انا اتوقعتا تكون هي وقعد يتكلم براهو .. احمد فكاها ضحكه .. انت رمه موش بتضحك لي هسي .. ياخ ابرد خلاص والله بطني وجعتني من الضحك اطمن طلعت ما هي .. قول والله .. عليك الله صحي ومبسوط .. هههه اي والله هسي وريتو الصوره وقال ماهي . اطمن بعد دا وامشي رد للبت ساي وما تعاملا كده .. يا الله ياخ ياخ اخر ضرس طلع .. هو انت عندك ضرس هههه ماحارد ليك عشان الليله بسطني والله وحرم الا ابسطك وارسل ليك رصيد كمان .. يا زول خلاص تمام ب كم .. شنو ب كم انت كمان الفين بس .. كمان فاتح نفسو ب كم .هههه طيب خلي عندك ما دايرو ويلا شتت مني عشان عندي قومه الصباح مع الحاج للمستشفى .. خلاص تمام وطمنا الدكتور حيقول ليك شنو.. طيب وقفل . . مبسوط اول شي دق ع عادل وطمنو .. بعدين اتصل ع افنان .. عملت زعلانه ابت ترد .. بقى يرسل ليها في الرسائل ويعتزر وقال واحد من اصحابو حصل ليه حادث وكان معاهو في المستشفى .. حتى وافقت وردت .. بقو يتونسو .. عدت ايام وشهور وابو احمد بقى كويس ..وعمر فكا الجبص من يدو .. وخيرو ماشي كويس مع افنان .. وراء الصوره لي عمر .. بلاي دي هي احمد عاين دي الوريتني ليها .. عليك الله اي والله .. ومشو الموضوع ..عادل وسماح اتشكلو وقال بتاعت ماده وبتحب القروش ما بنفع يكملو مع بعض ..قطعو معاها .. والامتحانات جات.. بقو يتلمو كلهم مع بعض يدرسو مرات ويلعبو مرات وغايتو .. امتحنو وخلصو.. مستنين النتيجه .. ابو عمر مواعدم يشغلم كلهم في الشركه حقتو والماعيز يتوسط ليه في المحل الدايرو .. ام عمر مبسوطه ومتين عمر يخلص عشان وعدا بعد الجامعه حيعرس ومن اختيارا هي .. النتائج طلعت وبي قدرت قادر نجحو.. نجاح اي كلام .. وبعد دا مبسوطين ب نجاحم .. ام عمر عملت ليهم حفله تخريج في صاله وعزمو الاصحاب والحبايب كلهم ..يوم احمد
This media is not supported in your browser
VIEW IN TELEGRAM
Forwarded from نبض مختلف||🌸 (Armando🎩)
في الصباح
الكل يبحث عن مكيفات لرأسه منهم من يشرب قهوة او شاي او نسكافيه او اي نوع منبه
اما انا فاكتفي فقط بالنظر الى ابتسامتك الساحرة❤️
دمتي كيفا لي🖤
الى تلك السمراء التي اذابت قلبي
الكل يبحث عن مكيفات لرأسه منهم من يشرب قهوة او شاي او نسكافيه او اي نوع منبه
اما انا فاكتفي فقط بالنظر الى ابتسامتك الساحرة❤️
دمتي كيفا لي🖤
الى تلك السمراء التي اذابت قلبي
السَلآْم عَلْيُكّمٌ وٍرٍحَمُةّ الله وٍبُرٍكآتُهْ
رايكم شنو كل اسبوع نعمل موضوع نقاش. تختارو انتو اوانا
رايكم شنو كل اسبوع نعمل موضوع نقاش. تختارو انتو اوانا