#imtiyoz

⚡️Pedagoglar farzandlari kontrakt to'loviga 30 foiz chegirma beriladi ➖ (VM-501-son, 17.09.2026 y.)

2026/2027 o'quv yilidan boshlab har yili davlat oliy ta'lim tashkilotlariga o'qishga kirgan hamda tahsil olayotgan pedagoglarning farzandlari uchun to'lov-kontrakt summasiga 30 foiz miqdorida chegirma joriy etiladi.

Chegirma davlat oliy ta'lim tashkilotlarining bakalavriat bosqichida kunduzgi ta'lim shaklida tahsil olayotgan pedagoglarning farzandlariga tatbiq etiladi.

❌ Chegirma quydagi OTMlarda tahsil olayotganlarga nisbatan qo'llanilmaydi:

➖ oliy harbiy va harbiylashtirilgan ta'lim tashkilotlarida;
➖ O'zbekistonda faoliyat olib borayotgan xorijiy oliy ta'lim tashkilotlari va ularning filiallarida ;
➖ qo'shimcha va tabaqalashtirilgan to'lov-kontrakt asosida;
➖ xorijiy hamkor OTMlarning qo'shma ta'lim dasturlari asosida va fakultetlarida;
➖ nodavlat oliy ta'lim tashkilotlarida tahsil olayotganlarga.

☝️Pedagogning bir nechta farzandi davlat OTMlarida to'lov-kontrakt asosida tahsil olayotgan bo'lsa, chegirma har bir farzand uchun alohida qo'llaniladi.

❓Chegirmadan qanday foydalanish mumkin?

📝 To'lov-kontrakt shartnomasi olish yuzasidan kontrakt.edu.uz tizimi orqali ariza yuboriladi.

📲 Arizani ko'rib chiqish jarayonida ariza beruvchining pedagog farzandi ekanligi “Raqamli hukumat” tizimining idoralararo integratsiyalashuv platformasi orqali tasdiqlanganda, chegirma avtomatik tarzda qo'llaniladi.

📨 Arizalar 2 ish kuni mobaynida ko'rib chiqiladi.

📊 Chegirma bir o'quv yili uchun bir marotaba qo'llaniladi.

❗️Pedagog toifasidan chiqarilgan taqdirda, keyingi o'quv yilidan boshlab ularning farzandiga chegirma qo'llash to'xtatiladi.

🎓 @Talim_huquqi

⚡️2027/2028-o‘quv yilidan boshlab Ichki ishlar vazirligi Akademiyasida kadrlar tayyorlash tizimiga bir qator yangiliklar joriy etiladi.

➖ Masofaviy va kechki ta’lim shakllari yo‘lga qo‘yiladi.

➖ Tabaqalashtirilgan to‘lov-kontrakt asosida o‘qishga qabul qilish tizimi joriy etiladi.

➖ AKT ( axborot-kommunikatsiya texnologiyalari ) sohasidagi oliy ta’lim tashkilotlarining 2-bosqichini tamomlagan talabalar IIV Akademiyasi bakalavriatining kunduzgi ta’lim shaklidagi Yurisprudensiya (“Raqamli texnologiyalar sohasida jinoyatlarga qarshi kurashish”) yo‘nalishiga “2+2” dasturi asosida davlat granti bilan maqsadli tanlov orqali qabul qilinishi mumkin. Ya’ni, AKT yo‘nalishida 2 yil tahsil olgan talaba tanlovdan muvaffaqiyatli o‘tsa, keyingi ta’limini IIV Akademiyasida davom ettirish imkoniyatiga ega bo‘ladi.

Akademiyani kunduzgi taʼlim bakalavriatiga oʻqishga kirish uchun nomzodlarning dastlabki tanlov tadbirlari va hujjatlar yigʻma jildi odatda har yili 15 noyabrdan boshlanib kelasi yilning 15-fevraliga qadar davom etadi.

Akademiyaning kunduzgi ta’lim bakalavriatiga 17 yoshdan kichik va 25 yoshdan katta bo‘lmagan, umumiy o‘rta, o‘rta maxsus va professional ma’lumotga ega O‘zbekiston Respublikasi fuqarolari tanlov asosida qabul qilinadi.

❗️Hujjatlar IIV akademik litseylari bitiruvchilari va fuqarolar uchun ularning doimiy yashash joyidagi tegishli ichki ishlar organlariga topshiriladi.

🎓 @Talim_huquqi

⚡️Xodimni ishdan bo'shatish maqsadida unga bosim o'tkazish javobgarlikka sabab bo'lishi mumkin.

❗️Xodimni ishdan ketkazish maqsadida unga qo'pol muomala qilish, sha'ni va qadr-qimmatini muntazam kamsitish orqali ishdan bo'shash darajasiga yetkazish mehnat sohasidagi ruhiy bosim hisoblanadi.

☝️ Bu Vazirlar Mahkamasining 2026-yil 28-sentabrdagi 518-son qarori bilan tasdiqlangan nizomda belgilangan.

➖ Yana bir muhim jihati, xodimni ishdan bo'shatish maqsadida hech qanday asossiz ustama va mukofotlardan mahrum qilib, faqat quruq oylikda qoldirish ham mehnat sohasidagi tazyiq va zo'ravonlik holatlariga kirishi mumkin.

➖ Ya'ni rahbar xodimning o'zi ariza yozib ketishi uchun unga ataylab bosim o'tkazishi, munosabatni yomonlashtirishi yoki asossiz ravishda moliyaviy rag'batlantirishdan mahrum qilishi endi jiddiy huquqiy oqibatlarga olib kelishi mumkin.

☝️Bu tartiblar Prezidentning 2026-yil 21-sentabrdagi PQ-345-son «Mehnat sohasida xavfsiz va hurmatga asoslangan ish muhitini ta'minlash chora-tadbirlari to'g'risida»gi qarori doirasida joriy etildi.

❗️Hamkasblaringizga tarqatishni unutmang!

🎓 @Talim_huquqi

⚡️Oliy ta’lim tashkilotlarining professor-o‘qituvchilar tarkibi mehnatiga haq to‘lash bo‘yicha bazaviy lavozim maoshlari miqdori.

Bazaviy lavozim maoshlari xodimning lavozimi, ilmiy darajasi va ilmiy unvoniga qarab farqlanadi.

✅ Kafedra mudiri — 12 522 918 so‘mdan 15 136 736 so‘mgacha
✅ Professor - 12 952 053 so‘mdan 14 434 516 so‘mgacha
✅ Dotsent - 10 221 197 so‘mdan 12 210 822 so‘mgacha
✅ Katta o‘qituvchi - 9 167 869 so‘mdan 10 650 334 so‘mgacha
✅ Assistent, o‘qituvchi - 8 153 552 so‘mdan 9 401 944 so‘mgacha
✅ O‘qituvchi-stajyor - 7 217 258 so‘m.

☝️Shuningdek, professor unvoniga ega bo‘lmagan, biroq fan nomzodi, falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga yoxud dotsent ilmiy unvoniga ega bo‘lgan, professor lavozimiga bir muddatga qabul qilingan shaxslar uchun bazaviy lavozim maoshi 2026-yil 1-sentabrdan boshlab 12 210 822 so‘m miqdorida belgilanadi.

Asos: Mazkur miqdorlar Oliy ta’lim, fan va innovatsiyalar vazirligi hamda Kambag‘allikni qisqartirish va bandlik vazirligining 2026-yil 11-avgustdagi qaroriga muvofiq belgilangan.

🎓 @Talim_huquqi

⚡️Pedagoglarning farzandlari uchun beriladigan 30 foiz chegirma haqida ayrim ma’lumotlar

✅ Chegirma faqat DAVLAT oliygohida KUNDUZGI ta’limda o‘qiyotgan talabalar uchun beriladi;

👥 Chegirma har bir farzand uchun alohida qo‘llanadi. Demak, bir necha farzand kontraktda o‘qisa, barchasi uchun alohida 30 foizlik chegirma beriladi.

📝 Chegirma olish uchun kontrakt.edu.uz orqali ariza yuborish kerak. Ariza 2 ish kunida ko‘rib chiqiladi va pedagogning farzandi ekanligi tasdiqlangach, chegirma avtomatik qo‘llanadi.

❌ Quyidagilarga chegirma berilmaydi:
🚫 oliy harbiy va harbiylashtirilgan ta’lim tashkilotlari uchun;
🚫 nodavlat oliy ta’lim tashkilotlari uchun;
🚫 O‘zbekistonda faoliyat olib borayotgan xorijiy oliy ta’lim tashkilotlari va ularning filiallari uchun;
🚫 qo‘shimcha va tabaqalashtirilgan to‘lov-kontrakt uchun;
🚫 xorijiy hamkor OTMlarning qo‘shma ta’lim dasturlari asosida va fakultetlari uchun;
➖ kechki, masofaviy hamda sirtqi ta’lim shakli uchun.
🔁 Pedagog farzandlariga chegirma o‘quv yili uchun bir marotaba qo‘llaniladi. Demak, har yili qaytadan chegirma olish mumkin.

❗️Pedagog farzandlarining otasi yoki onasi pedagog toifasidan chiqarilgan taqdirda, keyingi o‘quv yilidan boshlab unga chegirma qo‘llash to‘xtatiladi.

Ayrim savollarga javoblar:

❓Pedagog deganda kim tushuniladi o‘zi?
Javob: Adliya vazirligi tomonidan 2026-yil 9-iyunda 3849-raqami bilan ro‘yxatdan o‘tkazilganPedagogik faoliyat bilan bog‘liq lavozimlar ro‘yxatida465 ta lavozim nomi tasdiqlangan. Ushbu 465 ta lavozimda kim bo‘lsa, o‘shaning farzand(lar)i uchun 30 foizlik chegirma beriladi.
❓Maktabgacha ta’lim muassasalaridagi tarbiyachilar uchun ushbu qaror qo‘llanadimi?
Javob: Ha, qo‘llanadi. Bog‘cha tarbiyachilarining kontraktda o‘qiyotgan farzandlari uchun ham 30% chegirma qo‘llanadi.
❓Oliygohlardagi tyutorlarning farzandlari uchun ushbu qaror qo‘llanadimi?
Javob: yo‘q, tyutorlar ro‘yxatdan mavjud emasligi sababli ularning farzandlariga chegirma berilmaydi.
❓O‘quv markazlaridagi o‘qituvchilarning farzandlari uchun ushbu qaror qo‘llanadimi?
Javob: yo‘q, o‘quv markazlari ro‘yxatdan mavjud emasligi sababli ularning farzandlariga chegirma berilmaydi.
❓To‘liq bo‘lmagan grantda o‘qiyotgan (50% davlat granti, 50% kontrakt) talabaning kontrakt summasi uchun ham chegirma beriladimi?
Javob: ha, chegirma beriladi. 50% kontrakt qismi uchun 30% chegirma qo‘llanadi.
❓Qaror chiqqunga qadar 2026/2027 o‘quv yili uchun to‘liq yoki qisman kontrakt to‘lovini to‘lab qo‘yganlar uchun chegirma qanday hisoblanadi? Ortiqcha to‘langan summa qaytariladimi yoki keyingi yil hisobi uchun o‘tkaziladimi?
Javob: ha, to‘lab qo‘yganlar uchun ham chegirma qo‘llanadi va ortiqcha to‘langan summani istasa qaytarib olishi, istasa kelasi o‘quv yili uchun o‘tkazib yuborishi mumkin.
❓Pedagog xususiy ta’lim tashkilotida ishlasa ham chegirma beriladimi yoki faqat davlat ta’lim tashkilotida ishlashi kerakmi?
Javob: xususiy ta’lim tashkilotida, masalan, xususiy oliygoh, xususiy maktab yoki xususiy bog‘chada ishlayotgan pedagoglarning farzandlari uchun ham 30% chegirma beriladi.

🎓 @Talim_huquqi