#Sunʼiy_intellekt #Platforma

Özbek tilidagi yozma imtihon javoblarini sun’iy intellekt yordamida baholovçi platforma yaratildi

Alişer Navoiy nomidagi Toşkent davlat özbek tili va adabiyoti universiteti Kompyuter lingvistikasi va raqamli texnologiyalar kafedrasi olimlari tomonidan “Imtihonni baholaş intellektual tizimi” (IBIT) platformasi işlab çiqildi.

Mazkur platforma özbek tiliga moslaştirilgan lokal sun’iy intellekt modeli asosida işlaydi. U talabalarning yozma imtihon javoblarini semantik, mantiqiy va lingvistik jihatdan tahlil qilib, belgilangan akademik mezonlar asosida avtomatik baholaş imkonini beradi.

Platformaning muhim jihati — özbek lotin yozuvining yangi tahriridagi Ö, Ğ, Ş va Ç harflari qöllangan matnlarni ham qayta işlaş va baholaş imkoniyatiga ega ekanidir.

IBIT platformasi quyidagi imkoniyatlarni taqdim etadi:

Talabalarning yozma javoblarini etalon javoblar bilan mazmunan taqqoslaş;

Javoblarni 100 ballik şkala böyiça 6 ta akademik mezon asosida baholaş;

Har bir javobning kuçli va takomillaştirilişi lozim bölgan jihatlari yuzasidan özbek tilida asoslantirilgan izohlar beriş;

Bitta yozma javobni taxminan 10–15 soniyada baholaş;

Oçiq turdagi yozma savollar va variantli testlarni avtomatik tekşiriş;

Imtihon savollarini DOCX va XLSX formatlarida yuklaş;

Natijalarni saqlaş, umumlaştiriş va talabalar hamda guruhlar kesimida statistik tahlil qiliş.

🔗Platforma: https://ibit.uz/

Facebook | Instagram | YouTube | Telegram