الـزلازِل تـذكير من ربنا عشان
نصـحَـى
ونرجـع
ليهُ سُـبحانه ..

رحمة منـه عشان نـفوق من الغَفلة!

أهلـنا
وأحبابنا في مصـر
استودعناكُم الله الذي لا تضيع ودائعه ♡

فاللهم لا تقتلنا بغضبك، ولا تهلكنا بعذابك، وعافنا قبل ذلك .

ممكن نصلّ على الحبيب! ♥️
#الزلزال
#تيسير_الصادق

قالت :
كنت بمرَض كتير، كل يومين أنا بَشتَكي
من حاجة جديدة!

مشيت الدكتور مافي حاجة
لمّن بِقِيت أخجَل من الشكيَّة 😁

أمي الله يدّيها العافية قالت لَي :
أقري سورة الفاتحة
في موية
وأشرَبيها = رُقية وشِفاء بإذن الله ♡

وأسمَعي سورة البقرة، وخلّيك متأكدة
إنه
ربنا حيشفِيك ويحفظك

قريتها في الموية وشرِبتها بقيت كويسة وعاديّة
ماشاء الله
وما شَكِيت من أي حاجة تاني

وبيتنا كان فيهُ توتُّر غريب وكل زول فينا زهجان براهُ
وحالة كده ما مفهومة

أمي بِقَت تقرأ سورة الفاتحة يومياً
وتلِفّ علينا
بالدور
حتى أبوي معانا

وتقول لينا :
يلا أشربوا سريع 😂

الحمدلله بِقِينا رايقِين ومُرتاحِين وعلاقتنا
اتحسّنت وفرَقَت من أوّل ♡

وبِقى كل واحد فينا بيقرأ سورة الفاتحة يومي
ويشربها ، وما بنفوّت
ولا يوم بدون
ما نقرأ سورة البقرة الحمدلله رب العالمين .

فاللهمّ طِيب الحال وعافية الأبدان وراحة البال، طمأنينة القُلوب ترافِقنا في حياتنا، وسعادة الدارين لنا ولأحبّتنا يا رحيم يا مُتعال.

ممكن نصلّ على الحبيب!♥️
#سورة_الفاتحة
#تيسير_الصادق

قال :

أنا عـايش في القـاهـرة مع زوجـتي وأولادي .

أمبارح كنت راجع البيت
ومعاي حاجـات
قلت
ما ممـكن أركب بيهم المواصلات

فكّـرتَ أركَـب أوبر ..

اتذكـرتَ
إني ما جـبت تلفوني من البيت

قلت خلاص أركَـب تـوكتـوك (ركـشة)

وقّـفتَ الأول قلت ليهُ :
توصّـلني بي كم ؟

قال لي :
٧٠ جنيه (والمشـوار ده بالأوبـر ٤٠ جنيـه)

قلت ليهُ :
لا والله
بالتـوفيق يا أخـوي

اللي بعـده ، سألـته :
تاخـد كم ؟

قال لي :
جِـيب اللي عـندك بس
حأجبُـر خاطرك
وربـنا حيرزقـني بإذنه تعـالى

قلت ليـهُ :
لا لازم تحدّد لـي!

قال لي :
خلاص ٣٥ جنيه

ركـبتَ وقعـدتَ أتونـس معاهُ

واضـح عليهُ
شـاب في عُـمر صغيـر

سألته :
إسـمك منو ؟

ورّانـي و ورّيـته إسمي ..

بعـدها سألـته :
عُمرك كم ؟

قال لي :
١٥ سنـة

سألـته :
عـايش مع منو ؟

قال لي :
أمـي وأخواني الصغـار

قلت ليهُ :
أبوك وين ؟

قال لي :
متوفـي ربنا يرحمه ويغفر له

سألته :
بتقـرأ ؟

قال لي :
خلّـيت المـدرسة
عشان
أقدر أساعـد أمي في المصاريف

و واصَـل يحكي لي عن حيـاته ..

فجأة
قال لي :
معلـيش صدّعتَ بيك 🥺

قلت ليهُ :
لالا
أنا بحـب أسمَـع

سـرحتَ مسافة وقلت
في نفسي :
الشاب ده ما طِـمِع ، قال ربنا حيرزقـني ♡

خلّيـني أفَـرّحـه!

وصلنا البيت
فقلت ليهُ :
انتظرني خمسة دقايق بس

كنت عنـدي سـِماية ولدي
وباقي منها
كم كيس لحمـة ، طَـلّعـتَ كيس

وجبـت كيس تاني
ختيـت فيهُ
سكر وزيت وبعض حاجات البيت

وكان عندي ظرف حأطلـّع فيهُ صدقة ♡

نزلتَ
ختيت الحاجات في التوكتوك
و حاسبته
وأدّيته الظرف

وقلت ليهُ :
انت
قلتَ لي ربنا حيـرزقني ، وربنا فعـلًا رزقه واسـع

كل ده حصل كيف وبأي ترتيب أنا ما عارِف!

كل اللي بعـرفه إنه
ربنا سبحانه بقول :
{وَمَن يَتَّقِ اللَّهَ يَجْعَل لَّهُ مَخْرَجًا • وَيَرْزُقْهُ مِنْ حَيْثُ لَا يَحْتَسِبُ ۚ وَمَن يَتَوَكَّلْ عَلَى اللَّهِ فَهُوَ حَسْبُهُ ۚ}

حتى أفعالي ما كنتَ مُسَيـطِر عليها!

كانت بتتحرّك
في سبيل إسـعَاد إنسان
ما بعـرفه .

فاللهُمّ اجعلنا من أهل العَـطاء والإنفاق، يسّـر أمرنا وبارِك سعيـنا وأنِـر بالخير دروبنا، أن توفقنا لمـرضاتك وتجعـل مُـستقرنا أعالـي الجِـنان .

ممكن نصلّ على الحبيب! ♥️
#السعادة
#تيسير_الصادق
🌿

حيرزُقك السكَـن في المدينة
تصلّي في الـحرم
وتزور الحبيب ﷺ في الروضة الشريفة .

أبشِـروا ♥️
#الوتر