تبّت يدين المعتدي يــا نجد ما تبت يديك
‏ثوري .. و حنـا من وراك نعلّم اللي ما درى

‏شهيدك بْجنة عدن يا جنة الله مــــا عليك
‏و جريحك اليا خاط له جرحٍ وقف دونك ذرى

‏لا يحسبونك طارفه لااااا و الله الا ما يجيك
‏الا مراسيل السحاب اللي من الغيمه جرى 🇸🇦💚

‏يا ملاذ الادميّة ، و بنت الفرقدين
‏و امّ عزمٍ ما توانى ، و نورٍ ما غرَب

‏وش يقول اللي تربّى يحبّك ، فرض عين
‏لو مشاريبك من الموت ، سمّاك و شرَب

‏ان تبنيتيه جندي يضحّي بالسنين
‏و ان تبنيتيه شاعر ، يغنّي لك طرب🇸🇦

‏يالسعوديّة مغنّ الحقيقة ، و اليقين
‏سارعي ، مادام للعزّ في قفرك مرَب

‏ما عليك من المعادين و من الحاسدين
‏و انتي ارجائك طموحات و حدودك سرب

‏ديرةٍ مالت على الحزم بالراي المكين
‏الله اللي حطّ فيها من الضيق ، مهرَب

‏قطعة من السبع جنّات للناس اجمعين
‏فيك ، لا بالٍ تضايق ، و لا قلب اغترب

‏تحت ظلّ موضّح الحقّ ، وضّاح الجبين
‏سيّدٍ ، من كلّ هامات الامجاد اقترب

‏ماندوّر في ظلاله على الدنيا ، عوين
‏مرتضين الامر عنده ، لا حبّ ، و لا حرَب

‏طاعته دمٍّ يورّث و كسب رضاه دين
‏غصب عن سوّامة النفس و اشباه العرب

شاقني برق الخيال اللي توالا في خياله
‏ورفت حروف القصيده مع سناه ومع رفيفه

‏شاعرٍ شعري محط انظار وشعوري رساله
‏لا وقفت آقف على المرقاب ما آقف فـ النصيفه

‏اغبط اللي كل ما طالت دروبه طال باله
‏كن قلبه ما يعرف الخوف وعيونه كفيفه

‏جعل شعري نصرةٍ للحق من جاله لـ جاله
‏وراية بلادي بلاد الدين والارض العفيفه

‏ساد نورٍ فرق الجهل وعمى عين الظلاله
‏زاد ضوحه فالبلاد ومصدره وادي حنيفه

‏نور عدل ونور امان ونور علم ومن خلاله
‏تم توحيد القبايل بالتقاليد الشريفه

‏ قادها عبدالعزيز بعزمه و همة عياله
‏الشريعة نهجه اللي دونها رمحه و سيفه

‏بيعة الاجداد ورثٍ في ذممنا والولاء له :
‏ثابتٍ مثل ثبوت الشمخ الشم المنيفه

‏ورثونا بيعة ملوك و وطن صعبٍ مناله
‏قد تبايعنا لحفظه بيعة اصحاب السقيفه

‏ما تناش حدوده اللي في ذرى هيبة رجاله
‏الكليفه في حِماه وعزته ماهي كليفه

‏دون قبلة امة محمد و اصحابه وآله
‏يخطب الرجال منا الموت و يفادي رديفه

‏العدو منا يمينه تصفق براحة شماله
‏تنقطع كبده من الرهبه قبل حد الرهيفه

‏علمو اللي يعشق الغي ودهاليز الجهاله
‏نظرته ماهي رصاص و كلمته ماهي قذيفه

‏ابك حنا لا نوينا نبطش ونقطع حباله
‏نقطعه عن بارد الانسام ونجندل حليفه

‏زمرةٍ وردهم ابليس لدروب الاستماله
‏والله ان يبطون والدمعه على الوجنه ذريفه

‏رهن اشارة سيد الأمة و ميزان العداله
‏عاهلٍ يقدع شموخ وذروة الامجاد كيفه

‏ايه سلمان العروبه ايه سلمان الشكاله
‏كل دوله تستظل بظله وفيّة مضيفه

‏وفي يمينه سيفه اللي ضاري بكسب الجماله
‏رؤيته خلت ربوع الدار في خير ومريفه

‏العظيم اللي محى عنا معاني الاستحاله
‏كل ما ثقلت حمول الشعب خلاها خفيفه

‏يا محمد صاحب التجديد و بحور الجزاله
‏تتعب مجاريك لين انه يعود بالنكيفه

‏نحمد اللي جاد بك قايد ومن نعم السلاله
‏في سخاكم ما ذكرنا لا سمان ولا عجيفه

‏ونحمد الله عزنا من فضله وجلَ جلاله
‏بالسعودية وأمنّها دون ريب ودون خيفه💚

إن عشت يا راسي كسيتك عمامة
‏وإن مت يا راسي فدتك العمايم

من تطاول ذبّ راسه و حطه بالزبيل
‏و الزبيل أرمه زباله و نم لا ترهبي

‏خلها درس لغيره و عبره من يعيل
‏أصقعه في هامه الراس و يطيح يحبي

يدينا من وراه و بالحضون الآمنة محضون
امانه ما يضيع و لا تفرّط به شغاميمه 🇸🇦

حنا سعوديين يا طاق طرباق
‏أحرار ماعشنا بعيشة مذله

‏نضرب بقوتنا على كل طاغوت
‏والخوف قام يحوف ديرة عدانا

‏باقي ليا هالحين ما جاهم الموت
‏ما ماتوا الا بشسع نعل شهدانا

تراك أوّل غلا يسكن حشاي ويستحلّ/ أقصاي
معك تحلى مشاوير العُمر لو طال مشواري❤️

و تراك الجنب الأيمن و الحليف و مزبن سيوفي
و سند روحي ليا خان الزمن و دارت غبونه❤️

و تراك أغلى مساييري و طيفك أكرم ضيوفي
و صدري مجلسك و الناس ماعادوا يمرونه

أغليك و أحبك و اعزك و اداريك
و اشتاق لك في الثانية والدقيقة

تمر السّنين ومجريات الحياة تدور
‏تجدّد أماني الناس.. وأمنيتي أمنيتي

استحيت انخاك يوم الظرف جاني
‏و ادري انك ما تقصر لو نخيتك

‏قبل تشره حط نفسك في مكاني
‏يوم تزعل ليه ما جيت ونصيتك

‏يوم جيتك شفتك بعيني تعاني
‏ظرفي اهون من ظروفك يوم جيتك