نواجه الدنيا بلا سترة نجاة
حتى لو أن الوقت عقد حاجبه

عشنا على سلم ومبادي فالحياة
ماحن مثل من جاه موج وهاجبه

نعطي ونكرم في فقر ولا غناة
ماهمنا عين الحسد والعاجبه

كرامة الطيّب مثل فرص الصلاة
مهما تعذر والله انها واجبة

اقرأ الفلق والناس واعيد الأذكار
وما زال وجهك في ثرى القلب ساجد

يارجى قلبي ومطلوبي وشفي
يا امل دنياي في العمر وسنينه

انت اغلى انسان في طية ملفي
وكل غالي فرق ما بينك وبينه

انت مكفي عن الكل وموفي
لك بقلبي قصر و اسوار ومدينة ❤️

سلام الله على عنق المها يافارس ابن حمود
‏سلامٍ ينقله ريح المساء ويوصلّه قافي

‏عليك من الثنا مايروي الظامي من القرهود
‏ليا ضيّعت دربي.. دلّني يالصاحب الوافي

‏تولعت ومشيت الدرب لا فاقد ولا مفقود
‏وأثرني كل يوم أكتب قصيدة وأخسر سنافي

‏أجاهد في سبيل الحبّ.. كلّه لأخر العنقود
‏وأجاهر في غلاها كل ما عدّيت مشرافي

‏ترى قلبٍ تولّع فالهوى ما يلحقه منقود
‏ليا صار الهدف: حبٍ عفيف وخاطرٍ صافي

‏عسى كل العلاقات القديمه والليال السود
‏فدا بنتٍ مشاعرها جليد وصوتها دافي

‏غريبة: كنّها من بطن ريح ومن ظهر عبرود
‏أصيلة: كنّها المجد التليد وسيرة أسلافي

‏عظيمة: كنّها الدين الحنيف وحلمي المنشود
‏كريمة: كنّها يمنى الكريم وخيرها ضافي

‏أنا وشلون أقفّي وأتجاهل كل ميلة عود
‏وأنا أشوف أنّها "لذة حياتي وأول أهدافي"

‏أحنّ شعورها وأدرى عليها من هبوب النود
‏وأجيها والظمأ يرعى حشاي وعمري خلافي

‏يقولون الهوى سيفٍ صقيل وقاطعٍ مجرود
‏وانا أقول الهوى اللي قد جرحني ماهو بـ كافي

‏ماكنت أظنها تقدر تليّن قلبي الجلمود
‏بعد مالت تحت وبل السحاب ولانت أطرافي

على مبدا الطريق العابر اللي يجمع الرّحال
‏وقفت وحركت سفن المشاعر من موانيها

‏من الصدمه وقو الكلمه اللي بعد كيف الحال
‏تفاديت العثور ونظرة تربك محاكيها

‏اسوق الرجل والسود النواعس تطرح الخيّال
‏وانا ، اللي ،، ماني بخيالها ماني بـ ادانيها

‏بدايات الهوى يافاتنه ماهي بـ الاستغفال
‏ولا ترضى بها اهل المعرفه عن بكرة ابيها

‏مبداينا ، عزاز ، وروسنا ، ماتقبل ، النّزال
‏ولا عز ، الرجال الطيبين ،، الا مباديها

‏لقيتك والصدف مثل البروق تهيض الوبال
‏ولا زلت بدوي ٍ كلمته ماهوب يثنيها

‏رفضت اللي طلبتي فالمكان اللي عليه اقبال
‏وقلته عن قناعه والظماير بان خافيها

‏تماديتي على روض الحشا اللي يمنع التجوال
‏وتجاهلتي قوانين التعدي ماجهلتيها

‏رغم حرصي وصدة خاطري من لابسات الشال
‏وتجربت الفراق و وجعة ماني بناسيها

‏مازلت اسمع صدا اخر كلمه وباقي معي لازال
‏ونبرت صوتك اللي كل ليل تمر و اوحيها

‏احبك كثر مامرت علي وكثر ماتنقال
‏ماحرك قلبي من اقصى ضلوعه لين قلتيها

‏كتبتيني قصيده والقصيد احيان راحة بال
‏وبعض احيان مصدر لـ الجروح وحزن راعيها

‏فمان الله ياغصن الربيع اليانع الميال
‏لو اني ما آعرف ديار ربيتي في مرابيها

وأخاف .. لا منك بغيتي تنامين
‏ما أحدٍ يمد لحافك ليا استويتي

‏وأخاف ما أحد يقول لك يوم تدعين
‏أبشرك .. زانت بعد ما دعيتي !

‏وأخاف .. لا قمتي وخاطرك شين
‏ما أحدٍ يعرف من نظرتك وش بغيتي

و أخاف.. لاقلتي مابي الاكل هلحين
ما أحد يحلف ما ياكل إن ما كليتي

‏

الزبدة إنك أغلى مخلوق و أطيب شريك
جمعت طبع الحبيب و مغريات الخويّ

يا جعلني ما اخسر حبك ولا اعتاض فيك
و لا اخلى من غلاك و شوقك الفوضوي

الناس تنصاني يا ربي و أنا ازبنك
و عن سدّة الحاجة ماعرف اتخلّف

هم يحسبون إني على خزنة البنك
و أنا اتسلف دون وجهي و اسلّف😓

سلام يا اكثر فعل طيب وكف ندي
يالمتقي والتقا والتوق والمتقا
يامقتدى الظهر ياحزامي ويامسندي
يامكسبي من حياة البهذله والشقا

يا اغلى اربع حروف في كل الحروف
و اجمل ماعطاني الله في حياتي 💙💙

على صغر راحه يـده تاسع من همومي بلاد :
‏ اللي ليا ضميتها حطت من جيوش إتعبي !

‏اشمها لا ضاقت دروبي و احس بْها ضماد :
‏عن دمعةٍ يجرح بها خدي ليا جات تْحبي !

‏من قبل لا يأصل و انا اغني على لقياه عاد :
‏و من بعد ما شفته و ضميته على صدري صبي !

‏صرت اتفيا ضحكته .. في ليلةٍ ماهي جواد :
‏ و اليا غفا .. يثقل علي الوقت كني في سبي !

‏اللي لا تمتم لي تحول جمرة اوجاعي رماد :
‏و ليا بكاء ( يا دمعه امي لاااا و يا دمعه ابي ) !

‏تسيل من عينه / و تقتلني مثل طلقة زناد :
‏و كيف اتحاشاها ليا مرت ؟ و انا قلبي ظبي !

‏جاني عقب قيض الحزن لفحة نسانيس البراد :
‏مرسول لـ ( العاصي من همومي على هيئه نبي ) !

‏كنه يقول الـ عيني اللي قد تخطاها / الرقــاد :
‏ما قالها الله لـ مريم بـْ معناه ( قرّي .. و اشربي ) !

‏****/ لوني كنت ابيه بْنيّه .. و ستر و عتاد :
‏جاني عن ( بْنيات حواء ) كل حاجه ويش ابي ؟

هلا يا أعز و أغلى من ودّا الزمان و جاب
هلابك في خفوقٍ فرّغ الخلان من شانك

مرحبا يا أصفى من البدر فالليل العتيم
يا ألطف من الماء ليا سار فالجوف ورواه

ادري انه ما يشوف … اني خسارة
‏و ادري ان اللي عطيته مو قليل

‏قد ما كنت انتثر له و بـ غزاره
‏قد ما جيته صباح .. و كان ليل

‏صاحبي يوم الزمان اسدل ستاره
‏فك لي عن وجهٍ .. احسبته خليل

‏ما حسبت اني بـ وقّف دون داره
‏أسأله ( فرصة لقا .. و ارجع عليل )

‏قلت اجيك ؟ و قال لا .. و ابدى قراره
‏و رحت ما دوّرت لـ وصاله بديل

‏كان قلبي .. يلتفت تاره .. و تاره
‏و الف عذر يحط لـ عيونه و اشيل

‏و احسب اني درت هالكون و مداره
‏من قسى الخطوه و من قل الحصيل

‏و الفراق اللي رجمناه .. بـ حجاره
‏( نحسب انه ما يجينا مستحيل )

‏كان طول الدرب يلحقني غبـاره
‏و كنت طول الدرب ادور لي دليل ..

تاخذني ظروف الحياة..السريعة
والقاك من عقب البطى مثل ماكنت
أنا أدري إن ضاقت علي الوسيعة
محدٍ موقف لي على ساق غير أنت

الله لا يخليني من اللي يوم اجيـه
‏ياطى على خشم الريال و لا اهبي

‏ترميني دروبي عليه .. و ما عليه
‏( منكبة .. سد لـ منكبي وش ما يبي )

‏اااالله يصب الخير في راحه يديه
‏اللي يديه اليا امتلت قال : ارحبي

‏بيني و بينه دم .. وش ما قلت فيه
‏الطيب اللي فيه ( من وقفات ابي )🥹

‏كلّ ما غطّا الشفق وجه السما
‏تكشف اللهفه عن القلب اللثام

‏يا اغترابي وش يكون الإنتماء
‏غير ذكرى مرّت مْرور الكرام

‏البياض اللي على وجهي نمى
‏خيط صبحٍ صافح ثياب السلام

‏والسواد اللي تحت عين العمى
‏ليلةٍ ما خانت اهداب الغمام

‏من متى الغيم يتغنّى بالظما
‏من متى النور يتفائل بالظلام

‏مين انادي ليه الوّح كلّ ما
‏سيّرت ذيك الملامح بالزحام

‏مدري اصوات الأماني ربّما
‏ولّا انا شكّيت بـ آمال الكلام

‏كنت اردّد يوم ودّعت الحمى
‏ما بقى بي لا عتاب و لا ملام

‏"جادكَ الغيثُ إذا الغيثُ هما"
‏يا زمانٍ ما عرف مسك الختام

لقيت في الدنيا مغني و باكي

يا معزي ليتك تشوف البلاد
في كنف سلمان في عز ورغد
عاهلٍ شامت له العوجا وذاد
عن ثرى نجد العذيه بالولد

من يقول النار ترث لك رماد
نارنا محمد وريت ابو فهد
هو سنام العز نطّاح الشداد
هو عزيز القدر هو والي العهد

ما يهد إلا على أحلامٍ بعاد
لارتكا للوعد حقّق ما وعد
قايدٍ في راسه الساطي عناد
ما تعرف الخوف يا وجه السعد

للوطن شعبٍ مواقيفه عتاد
ما رضخ راسه لخلق الله أبد
للثقيلة ظهر وللطرقة جياد
وللمعادي سيف ما ياوي لأحد

دارنا ما انتِ بحي الله بلاد
دون حدك يرجع الشايب ولد
ما نحايد فيك والعلم الوكاد
انتِ ما مثلك بهالدنيا بلد🤍🇸🇦