مرحبا يا أصفى من البدر فالليل العتيم
يا ألطف من الماء ليا سار فالجوف ورواه

ادري انه ما يشوف … اني خسارة
‏و ادري ان اللي عطيته مو قليل

‏قد ما كنت انتثر له و بـ غزاره
‏قد ما جيته صباح .. و كان ليل

‏صاحبي يوم الزمان اسدل ستاره
‏فك لي عن وجهٍ .. احسبته خليل

‏ما حسبت اني بـ وقّف دون داره
‏أسأله ( فرصة لقا .. و ارجع عليل )

‏قلت اجيك ؟ و قال لا .. و ابدى قراره
‏و رحت ما دوّرت لـ وصاله بديل

‏كان قلبي .. يلتفت تاره .. و تاره
‏و الف عذر يحط لـ عيونه و اشيل

‏و احسب اني درت هالكون و مداره
‏من قسى الخطوه و من قل الحصيل

‏و الفراق اللي رجمناه .. بـ حجاره
‏( نحسب انه ما يجينا مستحيل )

‏كان طول الدرب يلحقني غبـاره
‏و كنت طول الدرب ادور لي دليل ..

تاخذني ظروف الحياة..السريعة
والقاك من عقب البطى مثل ماكنت
أنا أدري إن ضاقت علي الوسيعة
محدٍ موقف لي على ساق غير أنت

الله لا يخليني من اللي يوم اجيـه
‏ياطى على خشم الريال و لا اهبي

‏ترميني دروبي عليه .. و ما عليه
‏( منكبة .. سد لـ منكبي وش ما يبي )

‏اااالله يصب الخير في راحه يديه
‏اللي يديه اليا امتلت قال : ارحبي

‏بيني و بينه دم .. وش ما قلت فيه
‏الطيب اللي فيه ( من وقفات ابي )🥹

‏كلّ ما غطّا الشفق وجه السما
‏تكشف اللهفه عن القلب اللثام

‏يا اغترابي وش يكون الإنتماء
‏غير ذكرى مرّت مْرور الكرام

‏البياض اللي على وجهي نمى
‏خيط صبحٍ صافح ثياب السلام

‏والسواد اللي تحت عين العمى
‏ليلةٍ ما خانت اهداب الغمام

‏من متى الغيم يتغنّى بالظما
‏من متى النور يتفائل بالظلام

‏مين انادي ليه الوّح كلّ ما
‏سيّرت ذيك الملامح بالزحام

‏مدري اصوات الأماني ربّما
‏ولّا انا شكّيت بـ آمال الكلام

‏كنت اردّد يوم ودّعت الحمى
‏ما بقى بي لا عتاب و لا ملام

‏"جادكَ الغيثُ إذا الغيثُ هما"
‏يا زمانٍ ما عرف مسك الختام

لقيت في الدنيا مغني و باكي

يا معزي ليتك تشوف البلاد
في كنف سلمان في عز ورغد
عاهلٍ شامت له العوجا وذاد
عن ثرى نجد العذيه بالولد

من يقول النار ترث لك رماد
نارنا محمد وريت ابو فهد
هو سنام العز نطّاح الشداد
هو عزيز القدر هو والي العهد

ما يهد إلا على أحلامٍ بعاد
لارتكا للوعد حقّق ما وعد
قايدٍ في راسه الساطي عناد
ما تعرف الخوف يا وجه السعد

للوطن شعبٍ مواقيفه عتاد
ما رضخ راسه لخلق الله أبد
للثقيلة ظهر وللطرقة جياد
وللمعادي سيف ما ياوي لأحد

دارنا ما انتِ بحي الله بلاد
دون حدك يرجع الشايب ولد
ما نحايد فيك والعلم الوكاد
انتِ ما مثلك بهالدنيا بلد🤍🇸🇦

" إن قالوا اقلط صوب دلة و فنجال
اخذ الحذر ترى قهوتهم ذبيحة "

كأني اشوف الوالد

التحايل بالكرم جعله عادة ماتنقطع من بيوت العرب

ما ينحني لصدوف الايام ظهري
الا ليامنه نقص خاطرك شي
انا ادري ان الارض ماهي بقدري
الا على شانك تره عزتن لي

فارس الشمري

اضحك ترا عوج الليالي مدابير
وماللخلايق في قضاء الرب حيله

غديت انا وياه مثل امس واليوم
قريب .. لكن مستحيل نتواجه

اخذ عفة الزاهد وخذ همّة الوبال
وخذ طهر من طاحت دموعه بمحرابه

واللي مايثمن كلمته عدّه الفنجال
واللي مايثمن قيمتك لا تعزوابه

لـ انقفل بابً من الرزق حراسه وقوف
.فتحت بيبان الارزاق من كل اتجاه

سج القدم ما دام ربي معافيك
دامك شباب ومنت بالعمر شايب

ترى العمر يركض وتركض لياليك
ولابد من يومّ.. تعقل الركايب

" يا حي يا قيوم برحمتك استغيث اصلح لي شأني كله ولا تكلني لنفسي طرفة عين "

والله من اعظم الأدعية اللي تشوف أثرها في نفسك وحياتك ..كل ما خفت من شيء مستقبلًا وكثر عليك التفكير والتخطيط والهم ألزمه و داوم عليه

يكفيك إنك تستغيث برحمة الله (التي وسعت كل شيء) في -صلاح- أمورك كلها بلا استثناء

لا تفتر من الدعاء ولا تطفش وتملّ
الله سبحانه يشوفك و يراك ويسمعك ومعك..أنت بس تمسك بالدعاء في كل أحوال حياتك سواء كنت في رخاء ولا شقاء لا تفتر