‏فيك تشخيص البصاير ولك مد الكفوف
‏يا كريمٍ يكرمون الأكارم من عطاه

‏عالم اللي ما اعلمه، شايف اللي ما نشوف
‏خافيٍ سره والأسرار ما هيب تخفاه

‏لا جفانا القل واللي روابعهم ضعوف
‏جعل ربي ما يرينا غضبه ولا جفاه

‏ولا انقفل بابٍ من الرزق حراسه وقوف
‏فِتّحت بيبان الأرزاق من كل اتجاه
- سعد بن جدلان رحمه الله

‏شرعي باب المعاتب بدون مقدمات
‏واطلقي ماكان في صدرك اطلاق سجنا

‏حاصريني بالتشره من الاربع جهات
‏انتي المشروه منك مثل رد الثنا

‏اعتذر لك عن غيابٍ بدون مبررات
‏لو ما قلبي بـ خالي ولاّ الصدر دهنا

‏صح ماودي بهجرك لو يطول السكات
‏بس ماودي بوصلك وانا مانيب انا

اعتبروها مني لكم 😔

كل ما اشيّد من احلامي مقاصير وعماير
‏لا انتهى ليلي .. تصبحها مراسيم الإزالة

‏قصةٍ تبدأ من الضيقة اليا نثر العباير
‏مالها تفسير في علم البلاغه والدلالة!

‏رحت للطب الحديث وقالوا إن الجرح غاير
‏مال جرح الذات طبّ (إلا) التغافل عن مجاله

مافيه راحة لعيون مدور الراحة
‏حتى الفضول أقتحم سور الخصوصية

ٰحلم تلاشى وقفلٍ ضاع ..مفتاحه
‏وجدية الحزن ..ماتحتاج جدية

‏استأمن العين وأثر العين فضاحه
‏طرالها شيء محد جاب ..طاريّه

‏ مدري تعاظم كبر جرحه وجراحه
‏ وألا البطل دايم جروحه .. بطوليه

فمان الله يا أول من سكن بين الضلـوع العـوج
عسى دربك سفير و يا عسـى الله مـا يخلينـي

توكل لا توادع رح عسى درب الجفـا المسهـوج
يصادف درب فرقى عقبهـا مـا تلمحـك عينـي

سمحت من الهوى ومن القصيد ومن زراق الموج
ورميت أغلى مجاديف الغـرام وجيـت بيدينـي

أبغرق في عذابك لا رحلـت و يصبـح المنتـوج
قصيد في حياتـي سلوتـي و أن مـت يرثينـي

واذا هبن بنات الريح للذكـرى بـدون سـروج
أبسرج مهرة النسيان و أرحـل مـن عناوينـي

وبنسى لين أسج و برسل الونـات فـوج فـوج
وبنسى دمع عيني ينتثر و أنسـاك مـن حينـي

صبور ؟ أي و الله اني ما ثنيت العزم قبـل أدوج
بريضان الجفا و أظمـا لوصلـك ليـن تسقينـي

شجاع ؟ اي و الله اني ما عرفت الذل قبل أسوج
قدم رجلـي علـى درب لبيـت أهلـك يودينـي

كريم ؟ اي والله اني ما عرفت الشح قبل تـروج
دموعي في عيوني ثـم أشـح بحسرتـي فينـي

أحبك ؟ حسبي الله ليت مالك في سمـاي بـروج
و لا لك بالبسيطـه كـود شـي بينـك وبينـي

دخيلك لا تلتفت رح بفالـك و أتـرك المرجـوج
تغانم ما بقـى لـك و لا أنـا مـا عـاد يمدينـي

فمان الله سق ركبك على درب السنيـن العـوج
و لكن طالبـك لا أقفيـت عنـي .. لا تخلينـي

ضاقت معك عوْج السنين وتضايقَت:
واحتالَت أيَّام الرَّضا، والبشاير

وشعّ الصباح وفي ظنونك تعلَّقت:
وأنا عشان «أدلّ، وأتيه» حاير

أفكّ لك حتى ضلوعي إليَا اشتَقت
وأقطع لك دروب السهَر، والزراير

مثل القصِيْد إذا اجتمعت، وتفرَّقت:
أيَّام، وأحداث، وكلام، وعباير!

عسى يداعب وَجْنتك كلّ ما ضقت:
صبحٍ نسانيسه تدفّ الستاير!

أخاف من غبَّة هوَاك إن تعمَّقت
أنا أتجمَّع فيْك: فَرْد، وعشاير

كل ما طرَقتك فـ الحياة، وتطرَّقت
كنت الزمَن، بس الزمَن كان جاير

ما نامَت عيوْني على ذكْرك، وفِقت
إلا لقيْتك: بَين روح.. وضماير..

اِضحك، ويضحك لي على شانك الوَقت
وأنسى التعب، وأنسى الظمأ، والخساير.

أتذرى في ذرى اللي من وصل له ما يضام
‏واحدٍ من دون كِل النَاس قلبه حـبنيّ

‏و أنتثر في وسط صدرٍ كل ما جيته حِطام
‏يَجمع شْتاتي دفاه وفي ضلوعه موطنيّ

يوم عاثت بي حروبي كان كله لي سلام
"ما تردّى بي"ولا في يوم جيته ردني

ذخرتك للشقى صدرٍ يكفيني عن الباقين
و ذخرتك للمدى هقوة تشتت كل ضيقاتي

أنت حبّك ما لقيته على جال الطريق
ما تجيبه غير دعوة حجيجٍ في منى

يا عفيف تجمع الزين والساس العريق
جدك اللي يروي السيف الاملح و القنا

جيت من بطن السحايب كما الغيث الدفيق
تنجي اللي طول عمره حياته في عنا

منهو اللي يكسب رضاك يوم إنك تضيق
و يتجرع كل لوعات حزنك غير أنا ؟

سناااااي بظلمة الليل ونجمي الساااري
دليلي لا اختلف درب المسير و زلّت الخطوة❤️

‏حزنٍ خذاني في دروبه ولا طقت :
‏صمتٍ تدابك بالحنايا خيوله

‏ضامي وفي برق الاماني تعلقت
‏لو ماهو مخضّب ثراي ب سيوله

‏واقف .. وانا في داخلي كم تشققت
‏متحودبً ظهر الصبر من حمولة

‏غرّبت عن عيني وانا عنك شرقت
‏مشيت لو خطوات رجلي خجولة

‏تعبت أكذب غيبتك لين صدقت
‏ان الحزن فيني ب اربع فصولة

‏شفني ليا ضاق الفضاء فيّ واشتقت
‏كل الكلام اللي نسيته .. اقوله

‏على الورق .. ياني تشجرت و أورقت
‏والدمع ينضج قبل لا يحين حوله

‏ابشرك غبت .. ونقص بعدك الوقت
‏ما فيه صبح الا وانا ارفض قبوله

‏وان جيت افتش في هداياك دنقت
‏كني افتش في سنين الطفولة

‏والضحكة اللي استاذنتني .. ووافقت
‏راحت .. ولا ادري ليش كانت عجولة

‏ما اقول قلبي مات من يوم فارقت
‏لكن عجزت احيا بعدك بسهوله

‏يكفي تعبت من التعب وانت ما فقت
‏ارجع ل قلبي قبل موعد ذبوله

‏ب اشارك الريح السفر كل ما ضقت
‏وان جيت .. شاركت المطر في هطوله

- طيش الهيام -

آسفك لا تحسب انها ديّتك لازهاق روح
من متى كان الأسف يشفع لجرم الآدمي ؟

الطريق اللي خذاني في دياجيرك " ينوح "
و كلّ خطوة سيّرتني لك ثمنها -من دمي-

الندم لو له ملامح ؟ بانت فـ وجهي جروح
مثلما بانت محبتْك - فـ حلايا مبسمي -

من يصدّق بانهياري خلف هالوجه الصبوح ؟
وضحكتي تسبق بكاي وبسمتي تسكن فمي

آتصبّر و آتأسّى في نبي الله نوح
واضحك بقلبي لو الحزن بجناحي مرتمي

كنت اخاف الصمت حتى صار يقتلني الوضوح وامتنعت مْن الكتابه لين ما ضاق نْسمي

القصايد يوم كانت تشرح احساس و تبوح
آتهجاها … مَـ كنْها كتبت بـ خطّ قْلمي

انطفى وهج الأمل بـ عيوني ومات الطموح
وسيقت ايامي على الحسره وانا سقت قْدمي

آتحاشى - ذكرياتك - بالتناسي والنزوح
وآتوارى عن حقيقه قيّدت لي معصمي

كلّما عزّمت أنسى رايتي البيضا تلوح
والحلول الممكنه خلف القصايد تحتمي

مشكلة عقلي : نبيه ومشكله قلبي : سروح
و بين هذا و بين ذاك آتوه وآجن واعتمي

آه من طيش الهيام ونزوة القلب اللحوح
اكسروني ؛ كسرة الابيات بلسان اعجمي

السؤال اللي سلب لُبّ الإجابه : وين اروح ؟
و غربتي غربة مشاعر بس لقلبك تنتمي

غلاك أكبر من الدنيا لو الدنيا فضا و بحور
غلاك سلاح أواجه به همومٍ جات ملتمه

اللي ورا يدين المناعير مقدور
‏الكايد اللي في يدين الهلايم

‏ادري ان الفقد موجع وادري الحبّ آفة
‏ما أخبر انه مرنّـي .. ( تيارّه الاصلاحي )

‏وإن هلك طراد شفّه دون سعي اهدافه ..!
‏الصبر منجاي 'والعزم المكين سلاحي

‏يتعب المبدع ما يلقى فـ الحياه انصافه
‏ولّا انا قد جزت عن شفّي وجمع ارباحي ! )

‏ان خفضت جناحي يحجب القمر مهيافه
‏وان رفعت جناحي يضيق المدى بجناحي

بدوي لا أستحى من قول أحبك
راح ينًسج لك من اللهفة قصيدة

"والله لا اوصيّ فيك حتى عيالي"🇸🇦🤍

يعيش عراب العروبة كلها