أتذرى في ذرى اللي من وصل له ما يضام
‏واحدٍ من دون كِل النَاس قلبه حـبنيّ

‏و أنتثر في وسط صدرٍ كل ما جيته حِطام
‏يَجمع شْتاتي دفاه وفي ضلوعه موطنيّ

يوم عاثت بي حروبي كان كله لي سلام
"ما تردّى بي"ولا في يوم جيته ردني

ذخرتك للشقى صدرٍ يكفيني عن الباقين
و ذخرتك للمدى هقوة تشتت كل ضيقاتي

أنت حبّك ما لقيته على جال الطريق
ما تجيبه غير دعوة حجيجٍ في منى

يا عفيف تجمع الزين والساس العريق
جدك اللي يروي السيف الاملح و القنا

جيت من بطن السحايب كما الغيث الدفيق
تنجي اللي طول عمره حياته في عنا

منهو اللي يكسب رضاك يوم إنك تضيق
و يتجرع كل لوعات حزنك غير أنا ؟

سناااااي بظلمة الليل ونجمي الساااري
دليلي لا اختلف درب المسير و زلّت الخطوة❤️

‏حزنٍ خذاني في دروبه ولا طقت :
‏صمتٍ تدابك بالحنايا خيوله

‏ضامي وفي برق الاماني تعلقت
‏لو ماهو مخضّب ثراي ب سيوله

‏واقف .. وانا في داخلي كم تشققت
‏متحودبً ظهر الصبر من حمولة

‏غرّبت عن عيني وانا عنك شرقت
‏مشيت لو خطوات رجلي خجولة

‏تعبت أكذب غيبتك لين صدقت
‏ان الحزن فيني ب اربع فصولة

‏شفني ليا ضاق الفضاء فيّ واشتقت
‏كل الكلام اللي نسيته .. اقوله

‏على الورق .. ياني تشجرت و أورقت
‏والدمع ينضج قبل لا يحين حوله

‏ابشرك غبت .. ونقص بعدك الوقت
‏ما فيه صبح الا وانا ارفض قبوله

‏وان جيت افتش في هداياك دنقت
‏كني افتش في سنين الطفولة

‏والضحكة اللي استاذنتني .. ووافقت
‏راحت .. ولا ادري ليش كانت عجولة

‏ما اقول قلبي مات من يوم فارقت
‏لكن عجزت احيا بعدك بسهوله

‏يكفي تعبت من التعب وانت ما فقت
‏ارجع ل قلبي قبل موعد ذبوله

‏ب اشارك الريح السفر كل ما ضقت
‏وان جيت .. شاركت المطر في هطوله

- طيش الهيام -

آسفك لا تحسب انها ديّتك لازهاق روح
من متى كان الأسف يشفع لجرم الآدمي ؟

الطريق اللي خذاني في دياجيرك " ينوح "
و كلّ خطوة سيّرتني لك ثمنها -من دمي-

الندم لو له ملامح ؟ بانت فـ وجهي جروح
مثلما بانت محبتْك - فـ حلايا مبسمي -

من يصدّق بانهياري خلف هالوجه الصبوح ؟
وضحكتي تسبق بكاي وبسمتي تسكن فمي

آتصبّر و آتأسّى في نبي الله نوح
واضحك بقلبي لو الحزن بجناحي مرتمي

كنت اخاف الصمت حتى صار يقتلني الوضوح وامتنعت مْن الكتابه لين ما ضاق نْسمي

القصايد يوم كانت تشرح احساس و تبوح
آتهجاها … مَـ كنْها كتبت بـ خطّ قْلمي

انطفى وهج الأمل بـ عيوني ومات الطموح
وسيقت ايامي على الحسره وانا سقت قْدمي

آتحاشى - ذكرياتك - بالتناسي والنزوح
وآتوارى عن حقيقه قيّدت لي معصمي

كلّما عزّمت أنسى رايتي البيضا تلوح
والحلول الممكنه خلف القصايد تحتمي

مشكلة عقلي : نبيه ومشكله قلبي : سروح
و بين هذا و بين ذاك آتوه وآجن واعتمي

آه من طيش الهيام ونزوة القلب اللحوح
اكسروني ؛ كسرة الابيات بلسان اعجمي

السؤال اللي سلب لُبّ الإجابه : وين اروح ؟
و غربتي غربة مشاعر بس لقلبك تنتمي

غلاك أكبر من الدنيا لو الدنيا فضا و بحور
غلاك سلاح أواجه به همومٍ جات ملتمه

اللي ورا يدين المناعير مقدور
‏الكايد اللي في يدين الهلايم

‏ادري ان الفقد موجع وادري الحبّ آفة
‏ما أخبر انه مرنّـي .. ( تيارّه الاصلاحي )

‏وإن هلك طراد شفّه دون سعي اهدافه ..!
‏الصبر منجاي 'والعزم المكين سلاحي

‏يتعب المبدع ما يلقى فـ الحياه انصافه
‏ولّا انا قد جزت عن شفّي وجمع ارباحي ! )

‏ان خفضت جناحي يحجب القمر مهيافه
‏وان رفعت جناحي يضيق المدى بجناحي

بدوي لا أستحى من قول أحبك
راح ينًسج لك من اللهفة قصيدة

"والله لا اوصيّ فيك حتى عيالي"🇸🇦🤍

يعيش عراب العروبة كلها

صحيح ان الغياب اللي حصل بيني وبينك طال
لكن مهوب انا اللي فوق حبه يسفي السافي

تناقصوا ربعي على واحد اثنين
‏الين خلوني وحيدٍ لحالي

‏كانوا لي اقرب من ظلالي وهالحين
‏راحوا وزين انه بقالي ظلالي

‏ان مابقالي في حياتي محبين
‏عزالله ان مافيه شيٍ بقالي

‏وش ونة الفرقا وش دمعة العين
‏اذا ذكرت الماضي اللي مضى لي

يا أغلى مقادير عمري وأصدق آماله
الله يديم الرضى .. ونعيش في ظله

أدور اللي يسرّك و أتعنى له
وأقدّم العمر لك وأقول ..يا قلّه

لي عمر محدٍ وقف قبلك على جاله
ولك قدر محدٍ قدر فالناس يوصل له

لا قالوا الماضي اجمل قلت من قاله
الاجمل انت و عقبال العمر كله

ما على وجه البسيطة مستريح
كل جوفٍ فيه همٍ منزوي

القوي يحاول إنه مايطيح
و الضعيف يحاول يسوي قوي

يامرحبا واسعد الايام وابركها
ترحيبةٍ ماهي من الباب لطاقه

ابطيت في طرقةٍ ما انته بتاركها
لو اجمع من الزعل ومن العتب باقه

م كنت اغبط الحكومات بـ ممالكها
وصرت اغبط الحاشي المفرود والناقه

صفرٍ لاشافتك دكت من مباركها
اتبادلك بالمشاعر ولف وعشاقه

على شماغك تعبر عن مداركها
و على طرف متنك تقولك مشتاقه

يربكني البعد عن زولك و يربكها
و يشغلني الخط والجوال و اغلاقه

في ديرةٍ ما يعلّمك بمسالكها
إلا بدويٍ على اصله ولعه و فاقه

يفداه من لا شراله ذود شبكها
ومايدري عن الشمال أن لاح برّاقه

عن بنوك الماااال تكفيني جيوبه
كن لي في العاصمة راتب وظيفة

-سعد بن جدلان

كل ما قدّت بي ظروفي ذخرتك
خابرك لا طاحوا الغلمان باشه

و إن نساني راتب الدولة ذكرتك
يا معاش اللي قطع وقته معاشه