⚽️ “Yoshlar kuni” munosabati bilan universitetda talaba-yoshlar o‘rtasida turli sport turlari bo‘yicha musobaqalar tashkil etildi.

🏃‍♂️ “Yoshlar kuni” munosabati bilan talabalar uchun sport musobaqalari tashkil etildi. Bellashuvlar futbol, voleybol, yengil atletika va stol tennisi yo‘nalishlarini qamrab oldi. Ishtirokchilar musobaqalar davomida o‘zlarining jismoniy tayyorgarligi, mahorati va g‘alabaga bo‘lgan intilishini namoyon etdilar.

⚡ Tadbirda universitet professor-o‘qituvchilari, sport klubi mas’ullari, dekan o‘rinbosarlari va tyutorlar ham ishtirok etdilar.

🏆Bunday musobaqalar yoshlar o‘rtasida sog‘lom turmush tarzini targ‘ib qilish, do‘stlik va jamoaviylikni mustahkamlash hamda sportga bo‘lgan qiziqishni oshirishga xizmat qiladi.

Soliq va budjet hisobi fakulteti

😎Telegram | 😎Instagram

📚 “MAHALLADAGI UNIVERSITET” — AHOLI MOLIYAVIY SAVODXONLIGINI OSHIRISH YO‘LIDA

📍 Toshkent shahri Yunusobod tumani “Uvaysiy” mahalla fuqarolar yig‘inida Toshkent davlat iqtisodiyot universiteti “Soliq va soliqqa tortish” kafedrasi professor-o‘qituvchilari tomonidan “Mahalladagi universitet” yondashuvi asosida o‘quv-seminar tashkil etildi.

🗓 2026-yil 28-oktabr kuni bo‘lib o‘tgan seminarda mahalla aholisi, yoshlar va xotin-qizlarga jismoniy shaxslardan olinadigan mol-mulk va yer soliqlari, ularning maqsadi, soliq stavkalari, imtiyozlar, shuningdek, soliqlarni hisoblash va to‘lash muddatlari haqida batafsil ma’lumot berildi.

💬 Seminar jonli muloqot, savol-javoblar asosida o‘tkazilib, ishtirokchilarning soliq qonunchiligi va moliyaviy savodxonlikka oid bilimlarini mustahkamlashga xizmat qildi.

🎯 Bunday tashabbuslar aholining iqtisodiy faolligini oshirish, soliq va kredit munosabatlari, elektron tijorat hamda eksport sohalaridagi bilim va ko‘nikmalarini rivojlantirishda muhim ahamiyat kasb etadi.

Soliq va budjet hisobi fakulteti

😎Telegram | 😎Instagram