Tasavvur qiling men 19, 20 yoki 22 yoshga qaytib qoldim.

O’zbekistondaman. Ingliz tili bilaman. Oz-moz IT ham bilaman. Ishim bor va 400-500$ pul topaman.

Hayotim keyingi bir yilini qanday o’tkazgan bo’lar edim?

Bu haqida ba’zan o’ylab qolaman. Menimcha eng to’g’ri qaror backpacking bo’lar edi.

Backpacking bu kundalik yashash uchun minimal narsalarni ryukzakka solib, o’ta arzon yo’l bilan sayohat qilish. Unda hotelda emas hostelda turiladi. Hostel bu bitta xonada 4, 6, 8 ta o’rin bo’lgan uxlash uchun arzon yotoqxonalar. Sayohat arzon bo’lishi uchun restoranda emas ko’chadagi arzon yoki tekin joylarda ovqat yeyiladi. Shahar aylanishni taksida emas, balki piyoda, juda bo’lsa arzon avtobusda qilinadi.

Men quyidagi yo’lni tutgan bo’lar edim:

1. Backpacking uchun manzil belgilar edim. Misol India-Nepal-Burma-Laos-Kambodja yoki shunga o’xshash

2. U davlatlarda komfort backpacking uchun tahminiy byudjet kuniga 25-40$, 60 kunga 2400$. Bilet 500$. Umumiy byudjet 3000$ deylik ana

3. Shuni topish kerak endi. Bu uchun kundalik harajatlarni maksimal kamaytirib, daromadni oshirib bir amallab 3000 to’plar edim

4. Pul to’plash jarayonida Janubiy-Sharqiy Osiyoda backpacking qiluvchilar facebookdagi guruhlar, Reddit, turli forumlarni o’rganib, taxminiy marshrut tuzgan bo’lar edim. Boshqalar tajribasini o’rganar edim

5. Faslga moslab, ishxonam bilan kelishib bir tomonga bilet olib shartta ketgan bo’lar edim. Ishxonam rozi bo’lmasa ham ishdan shunday voz kechib ketgan bo’lar edim. Sababi bugun 20 yoshda 500 topa olyapmanmi, 2 oy sayohatdan keyin ham kamida shuni topa olaman. Topa olmagan taqdirimda ham rizq borasida qo’rquvim yo’q. Tavakkal!

6. Sayohat davomida turistlar boradigan maskanlarga emas, balki mahalliy aholi to’planadigan joylarga borar edim. Maksimal darajada odamlar bilan suhbat qilgan bo’lar edim

7. Bir kundalik olib ko’rgan va his qilganlarimni, xulosalarimni yozib borar edim. Bu jarayonda ”men to’g’ri, boshqalar noto’g’ri” degan fikrdan yiroqlashgan holda yondashuv muhim bo’lar edi

8. Arzonroq kamera olib, yoki telefonga video va rasmlar olar edim

9. Olingan videolar yoki yozilgan kundalikni ijtimoiy tarmoqlarga vatanga qaytguncha qo’ymas edim

10. Sayohat davomida hostelda ko’rishgan yoki orttirgan har bir tanishim kontaktlarini olar edim. Instagram, Facebook, Whatsapp va hok, farqi yo’q.

Ikki oylik sayohatdan keyin vatanga qaytganda bir narsa insonni hayron qoldiradi.

Hamma narsa o’sha-o’sha. Ishxona ham, uy ham, odamlar, ko’chalar va hok. Hech narsa o’zgarmagandek.

Ammo ikki oylik sayohat davomida 99,9999% odamlar 20 yilda ham olmaydigan hayotiy tajriba va hissiyotlarga to’la bo’lgan, ancha yetuk, musofirlikni ko’rgan yangi inson sifatida qaytishim kafolatlangan bo’lar edi.

Qo’rqmaysizmi degan savol bo’lishi tabiiy.

Dunyo xavfli emas. Biz o’zimiz ko’rmagan dunyo haqidagi fikrlarimiz odatda noto’g’ri bo’lib chiqadi.

20 yoshlardagi arzon byudjet bilan sayohat qilish orqali olinadigan hayotiy tajribani beradigan hech narsa yo’qdek fikrimcha.

Buni 40 yoshga kirib tushunasan, agar tushunsang!

Bek Olimjon
17.05.24
Norvegiya

Onamga

Yillar o'tdi, birov uchun tutmadim qalam,
Balki hech kim arzimadi yozishimga she'r.
Tinchmisan, sog'misan, to'qmisan, bolam?
Sizdan o'zga yana kim shu so'zlarni der?!


Sohiba Ataniyazova

@osiyo_muxtarova

Siz bilan bir xushxabarni bo'lishmoqchiman😍

Notiqlik mahoratidan ko'plab o'quvchilarga ta'lim berib ketayotgan Osiyo ustoz bir necha yil oldin yozilgan she'rimni chiroyli qilib o'qiberibdilar. Hozirgina kanallarida ko'rib lol qoldim to'g'risi ❤️

Aka-uka va opa-singillar o'rtasidagi muammo | Rahimov Suhbatlari
https://youtube.com/watch?v=ApLGhoQCuMw&si=8BBLvkxGQgSfvaYJ

Farzand tarbiyasida nafaqat ota-onaning, balki bobo-buvilarning ham o’rni kattaligiga yuqoridagi video yorqin namuna. Havas qilsa arziydi.

QADRLANMASLIKKA TAYYOR TURING

Ba’zan qadrsizlik va qadrlanmaslik bizni bezovta qiladi, shundan alamzada bo‘lamiz. Qornimga emas, qadrimga yig‘layman degan iboralar bor.

Men hayotni kuzatib shunday xulosaga keldimki, ruhan xotirjam bo‘lish uchun qorningizga ham qadringizga ham yig‘lamang. Bu dunyoda hechkimdan qadr istamang, yaxshilikni faqat Allohdan savob istab qiling, boshqa hech qanday g‘arazingiz bo‘lmasin. Aks holda qattiq nadomat va hasratlar ichida qolib ketasiz. Chunki sizni o‘z farzandlaringiz, turmush o‘rtog‘ingiz va hatto ota-onangiz ham qadrlamayotgandek tuyulaveradi. Go‘yo qadringizni hech kim bilmaydigandek tuyuladi. Qadrni bu dunyodan emas Oxiratda kuting.

Nega deysizmi? Chunki biz hech kim emasmiz, bizdan ming karra afzalroq bo‘lgan payg‘ambarlar,sahobalar va avliyolarning ham hayotlik chog‘larida qadriga yetishmagan.

Eng avvalo, Alloh Taolo butun koinotni va insoniyatni yaratdi, rizq berdi, behisob ne’matlar berdi. Ammo aksariyat bandalari Uning qadriga yetmadi va kofir bo‘ldi, iymon keltirmadi. O‘zingiz ayta olasizmi Allohni va uning ne’matlarini yetarlicha qadrlayapman deb ? Iymon keltirganlarimiz ham osiy bandalarmiz, toat -ibodatda sustkashmiz. Tag‘inam Alloh mehribon zot, gunohlarimiz uchun zudlik bilan jazo yubormaydi.

Nuh, Muso, Lut,Iso va Shuayb alayssalom kabi payg‘ambarlarni qavmlari qadrlaganmidi? Payg‘ambarimiz alayhissalomni ham o‘z qavmi qadrlamadi,ozorlar berib haydadi. Toifda bo‘lgan voqeani eslang. Hozir ham bu Ummat o‘z Rosulini yetarlicha qadrlayaptimi ? O‘zingiz qadrlayapsizmi? Sunnatlarga qanchalik amal qilyapsiz?

Dinni bizga mashaqqatlar bilan yetkazgan sahobalarni, tobe’iynlarni va boshqa ulamolarni qadrlayapmizmi? Qur’oni Karimdan keyingi asosiy manba sanaladigan Sahihi Buxoriy kitobini yozgan zotni o‘z qavmi sig‘dirmagan edi, umrining oxirida ham mashaqqatlaridan vafot etdi. Bizchi ? U kishini qadrlayapmizmi, kitoblarini o‘qib tushunib amal qilyapmizmi?

Shuning uchun bu dunyoda qadrlanmaslikka tayyor turing, sizdan yaxshiroqlarni ham qadrlashmagan. Inshaolloh ana shunda hafsalangiz pir bo‘lmaydi va xotirjam bo‘lasiz. Inshaolloh ajrini Oxiratda olasiz.

https://t.me/YaqinOzbek

@with_Temur

1-sinfga chiqqaniga sanoqli kunlar bo’lgan o’g’limdan hayot haqiqati:

(Dars qilayotib, boshini deraza tarafga burib, yengil uf tortib)

-Maktab boshlandi, hayot qiyinlashdi😁

Befarq bola

Agar bola maktabni yomon ko'rsa yoki unga nisbatan befarq bo'lsa...

Ammo o'zi qiziqqan biror ish bilan soatlab vaqt sarflay olsa, tunu-kun shu haqida gapiraversa, shu haqida o'qisa, o'rgansa (ha, hatto u kompyuter o'yini bo'lsa ham), bolani bu yo'ldan qaytarishga aslo shoshmasligimiz kerak.

Ota-ona yoki maktab bir ishga mukkasidan ketishni o'rgata olmaydi, ammo bu xislatni tez o'ldirib qo'ya oladi.

Bek Olimjon
25.09.26
Norvegiya