قالت تقارير أن شركة DeepMind قررت تأجيل نشر أبحاثها في مجال الذكاء الاصطناعي #AI للحفاظ على مزايا تنافسية لشركة جوجل (الشركة الأم لها)، مع نظام جديد للتدقيق يصعب من نشر الأبحاث وخصوصا التي تكشف عن ابتكارات قد يستفيد منها المنافسين أو تؤثر سلبا على نماذج الذكاء الاصطناعي من جوجل Gemini.

وتشمل السياسات الجديدة حظرا لمدة ستة أشهر على الأوراق البحثية الاستراتيجية، وتشترط موافقة عدد من أعضاء فريق العمل على النشر، وبينما لا تزال DeepMind تنشر العديد من الأبحاث سنويًا، إلا أن البيروقراطية المتزايدة أحبطت بعض الباحثين وساهمت في رحيلهم.

كانت جوجل قد استحوذت على DeepMind (اللي بدأت بالفعل ثورة الذكاء الاصطناعي واعتمدت كل الشركات الحالية على أبحاثها لتطوير النماذج اللغوية) في عام 2014 مقابل 400 مليار دولار أمريكي، وهي الشركة التي أسسها ديمس هاسابيس (اللي بيقود أعمال الذكاء الاصطناعي في جوجل حاليا) ومصطفى سليمان (اللي بيقود أعمال مايكروسوفت المتعلقة بالذكاء الاصطناعي حاليا).

#بذكاء

🧠 الجراحين بيستخدموا الذكاء الاصطناعي لتحديد الأورام قبل ما يقفلوا الجمجمة!

في مركز "برنسيس ماكسيما" في هولندا، جراحين المخ استخدموا أداة ذكاء اصطناعي يطلق عليها اسم Sturgeon – أداة ذكاء اصطناعي للمساعدة على تشخيص أورام المخ أثناء العملية الجراحية، بنسبة دقة توصل لـ 90% وفي أقل من 40 دقيقة!

ودة بدل ما المرضى يستنوا أسبوع عشان تظهر نتيجة التحاليل، Sturgeon بيوفر للأطباء معلومات لحظية وهم لسه فاتحين الدماغ.

• الأداة مبنية على تكنولوجيا متقدمة اسمها تسلسل الحمض النووي عبر الـ nanopore
• وتدربت على أكثر من 45 مليون محاكاة!
• لكنها حاليًا في مرحلة التجربة، ومع ذلك من الواضح إن التكنولوجيا واعدة جدا وبتفتح الباب لتطبيقها على أنواع أخرى من السرطان وجراحات أخرى.

تقنية Nanopore DNA sequencing: هي تقنية حديثة لتحليل الحمض النووي بسرعة ودقة عن طريق تمرير جزيئات DNA من خلال ثقوب مجهرية (nanopores).

#بذكاء #AI

مايكروسوفت أعلنت عن مميزات ذكية جديدة لمستخدمي أوفيس أو مايكروسوفت 365، المميزات حصل عليها Copilot المدمج في حزمة برامجها المكتبية، وهي المميزات التي تشمل:

🤖ميزة الـ Agents اللي بتوفر أداة ذكاء اصطناعي قادرة على تنفيذ المهام وبتشمل في التحديث الجديد:
🔍ميزة Researcher Agent : بيفهم سؤالك، يبحث على الانترنت والداتا الخاصة بالشركة أو المستخدم ويطلعلك تقارير مركّزة بتجاوب على كل حاجة في مشروعك — يعني بيوفرلك وقت ومجهود كبير.
📊ميزة Analyst Agent بياخد أي داتا عندك من كذا مصدر ويحوّلها لتحليلات أو توقعات أو حتى Visualization تقدر تبني عليها قرارات فعلًا.

ولو حبيت تجرب أكتر؟ في Agent Store هتلاقي وكلاء جاهزين من شركاء كتير، والأجمد؟ تقدر تبني الـ Agent الخاص بيك من غير كود، ودة عن طريق Copilot Studio كأنك بتفتح Word أو Excel.

📑ميزة Notebooks: وهي ميزة شبيهة بـ NotebookLM من جوجل، بحيث تقدر تجمع مصادر من الويب وملفاتك وملاحظاتك وبعدين Copilot يشتغل على المحتوى ده فقط، ويركز عليه — يعني بيحلل ويفهم ويديك نتايج دقيقة ومنسّقة، وكمان ممكن يحولك النتائج لبودكاست صوتي تسمعه.

🔍تعزيز ميزة البحث، بحيث يمكن البحث الآن في جميع التطبيقات، بما في ذلك التطبيقات الخارجية مثل جوجل درايف وغيرها.
🎨 ميزة Create: تخيل إنك تقدر تحوّل عرض بوربوينت لفيديو شرح كامل بكام كليك؟ أو تطلب من Copilot يصمملك صورة من مجرد جملة؟
كل ده بقى ممكن… وبسهولة جدًا.

والأجمد؟ مميزات جديدة بتخلي Copilot يتشكّل على طريقتك إنت —
يعني تجربة أكثر تخصيص، وكأنك بتشتغل مع "مساعد شخصي فاهمك".

وكمان التطبيق كله اتعاد تصميمه من الصفر، عشان يبقى مبني أساسًا على التعاون بينك وبين الذكاء الاصطناعي، مش مجرد أداة. #بذكاء #ai

جوجل تطور ذكاء اصطناعي قادر على تشخيص الصور الطبية 🤯🩺

من أكتر الحاجات اللي بأهتم بها بخصوص الـ #AI هو استخدامه في الطب لتقديم تجربة أفضل أو مساعدة الأطباء أو المساعدة في التشخيص وابتكار علاجات، والنهاردة فيه خبر جديد مهم من جوجل

جوجل عندها نظام ذكاء اصطناعي اسمه AMIE كان بيقدر يعمل محادثات طبية تشخيصية عن طريق الكلام بس؟ 🤔 يعني تقدر تدردش معاه وتقوله الأعراض ويساعد في التشخيص.

الجديد بقى؟ 🚀

جوجل خلّت AMIE "يشوف"! 👀 يعني إيه؟ يعني النظام ده مبقاش بس بيسمع ويفهم الكلام ووصف الأعراض، لأ ده كمان بقى بيقدر يحلل ويفهم الصور الطبية! 🖼️.

طيب ده ممكن يفيد في إيه؟ 🤔 تخيل إنك بتتكلم معاه عن مشكلة جلدية مثلاً، وتقدر توريله صورة للمشكلة دي! أو تشرح أعراض في صدرك وهو يقدر يشوف صورة الأشعة السينية (X-ray) بتاعتك! 🦴 أو حتى يفحص صورة لقاع العين 👁️. ده بيخلي الحوار التشخيصي بتاعه ممكن يكون أدق وأشمل.

باختصار: ✨

نظام AMIE: نظام ذكاء اصطناعي بحثي من جوجل للمساعدة في الحوارات الطبية التشخيصية.

👀 التحديث: بقى "بيشوف"! قادر يحلل صور طبية (جلدية، أشعة، عيون، وغيرها) مع فهمه للكلام.

🎯 الهدف: محاولة تحسين دقة التشخيص المبدئي وجودة الحوار الطبي من خلال فهم الصور.

🔬 لسه بحث: النظام ده مازال في مرحلة الأبحاث والتجارب المكثفة.

💡 المستقبل: ممكن في يوم من الأيام يساعد الأطباء ويسهل الوصول للمعلومات الصحية.

النظام لسة تحت البحث والتطوير ومش جاهز للاستخدام في المستشفيات أو العيادات. ومش هيكون بديل أبدا عن زيارة الدكتور واستشارته المتخصصة!

#ذكاء_اصطناعي #جوجل #صحة #بذكاء

الأب الروحي للذكاء الاصطناعي: "سعيد إني عجوز.. عشان مش هشوف الكارثة!" 🤔🤖

خبر وتعليق مثير جداً من البروفيسور "جيفري هينتون"، المعروف بلقب "الأب الروحي للذكاء الاصطناعي"! 🤯

في مقابلة جديدة، هينتون (اللي عنده 77 سنة) بيقول إنه "سعيد" بعمره ده، والسبب؟ 😅 لأنه غالباً مش هيكون عايش لما الذكاء الاصطناعي يوصل لمرحلة ممكن تكون خطيرة جداً ويسيطر على العالم!

ليه قلقان وبيقول كده؟ أهم النقاط من كلامه: 👇

🚀 تطور أسرع من اللازم: بيحذر إن الذكاء الاصطناعي بيتطور بمعدل أسرع بكتير من اللي كنا متخيلينه.
🧠 تفوق وخطر: خايف من اليوم اللي الذكاء الاصطناعي يتفوق فيه على ذكاء البشر، وساعتها ممكن يقدر يتلاعب بينا ويخدعنا.
🐅 تشبيه النمر: شبه تطوير الذكاء الاصطناعي بتربية "شبل نمر" 🐯... ممكن يكون لطيف ومفيد وهو صغير، لكنه ممكن يبقى خطر جداً ومش ممكن السيطرة عليه لما يكبر!
📊 نسبة مقلقة: بيعتقد إن فيه احتمال بنسبة 10% إلى 20% إن أنظمة الذكاء الاصطناعي تقدر تخرج عن السيطرة وتستولي على الأمور! 😨
⚠️ الحاجة للحذر: بيشدد على إننا لازم نطور الذكاء الاصطناعي ده بحذر ومسؤولية شديدة، خصوصاً مع السباق العالمي المحموم في المجال ده.

هينتون كان استقال من منصبه الكبير في جوجل السنة اللي فاتت عشان يقدر يتكلم بحرية تامة عن المخاوف دي من غير قيود. (وهو حاليا أستاذ فخري في جامعة تورونتو). #AI #الذكاء_الاصطناعي #GOOGLE

محطة راديو أسترالية اسمها "CADA" كان عندها برنامج اسمه "Workdays with Thy" (أيام الشغل مع تاي). "تاي" دي المفروض مذيعة بتقدم البرنامج ده اللي بيكون 4 ساعات أغاني ومزيكا. 🎶

الصدمة بقى: 😲 "تاي" دي طلعت صوت متخلق بالكامل بالذكاء الاصطناعي! المحطة فضلت مشغلاها شهور، والبرنامج نجح ووصل لحوالي 72,000 مستمع، والمستمعين الغلابة دول محدش فيهم حس بحاجة، والمحطة طبعاً مقالتش لحد إن "تاي" دي مش حقيقية. الأدهى إن صوتها ده متاخد من صوت موظفة حقيقية عندهم في المحطة!

طب وبعدين؟ لما الموضوع اتكشف، الدنيا قامت ومقعدتش! النقاد و"جمعية الممثلين الصوتيين الأسترالية" هاجموا المحطة جامد وقالوا إن دي قلة شفافية، وإن من حق المستمع يعرف هو بيتكلم أو بيسمع بني آدم ولا برنامج كمبيوتر. 😠 الناس ليها حق تعرف هي بتتفاعل مع مين!

المدير التنفيذي للمحطة طلع وقال إنه فاهم أهمية إن الناس تميز بين المذيع البشري والذكاء الاصطناعي (يا راجل كتر خيرك!).

تفتكروا دي شطارة من المحطة إن محدش كشف الموضوع لشهور، ولا ده يعتبر نوع من الخداع للمستمعين؟ وهل ممكن نشوف حاجة زي دي بتحصل عندنا قريب؟ شاركوني رأيكم 👇

#ذكاء_اصطناعي #بذكاء #ai

إنفيديا Nvidia أعلنت عن إصدار جديد من نموذج الذكاء الاصطناعي للتعرف التلقائي على الكلام Parakeet V2

الموديل مفتوح المصدر وقادر يعمل الآتي بمنتهى القوة:

⚡️ يفرّغلك ساعة كاملة من الصوت في ثانية واحدة بس! أيوه، ثانية! (متدرب على توفير الكفاءة دي بالنسبة للغة الإنجليزية)

🏆 تصدّر قائمة Open ASR كأقوى موديل متخطي كل من ElevenLabs Scribe و OpenAI Whisper!

👂 نسبة الخطأ في الكلمات بتاعته 6.05% فقط.

🤝 ومتاح للكل تحت ترخيص CC-BY-4.0 عشان الكل يستفيد منه ويطور بناء عليه.

باختصار، لو بتشتغل في أي حاجة محتاجة تحويل الصوت لكلام مكتوب بسرعة ودقة خرافية، يبقى لازم تستكشف Parakeet V2.

#بذكاء #ai

شركة OpenAI أعلنت رسميا عن نموذجها الجديد المنتظر GPT-5، واللي ممكن نقول باختصار إنه نقلة مهمة للوصول لنموذج أذكى ومستقر أكتر بأخطاء وهلوسة أقل، لكنه لا يمثل قفزة على غرار GPT-3.

ودة كل اللي محتاج تعرفه عن GPT-5:

🧠 نموذج موحد أكثر ذكاء مش محتاج تختار بين نماذج مختلفة (زي GPT-4o أو o3-pro)، شات جي بي تي هيختار تلقائيا أفضل أسلوب للتعامل مع طلبك، سواء كان سريع أو تحليلي ومعمق.

*بعض المستخدمين على ريديت زعلانين على فراق GPT-4o اللي كانوا شايفينه شاطر جدا في الكتابة الإبداعية أو في التواصل معاهم.

📊 قوة أكبر في التحليل والدقة
النموذج الجديد #GPT5 بيقدم أداء أعلى في الكتابة الإبداعية والبرمجة والصحة والرياضيات، مع أخطاء (هلوسة) أقل بنسبة تصل لـ 80% مقارنة بالإصدارات السابقة.




📚 ذاكرة وسياق أوسع
بيقدر يتعامل مع نصوص طويلة جدا (لحد 256 ألف كلمة أو حتى مليون في بعض الحالات) بدون فقدان ترابط، ودة بيخليه مثالي لتحليل كتب أو محادثات طويلة.

🎨 دعم وسائط متعددة
النموذج GPT-5 قادر على معالج نص وصور وصوت وفيديو في محادثة واحدة، بحيث يقدر يحلل صورة أو يلخص فيديو أو حتى يتفاعل صوتيا.

🤖 مهام ذكية ذاتية
النموذج الجديد يقدر يبحث على الإنترنت ويدير المواعيد ويرسل إيميلات أو ينفذ مهام متعددة الخطوات لوحده.

🎭 تخصيص أسلوب المحادثة
إمكانية الاختيار بين بين شخصيات مختلفة للتواصل: المتشائم والمستمع والذكي المهووس.

💡 أمان وشفافية أفضل
أكثر أمانا مع المواضيع الحساسة وأقل مجاملة وأصدق في إظهار حدود معرفته.

📌 الخلاصة: GPT-5 مش بس أداة أسئلة وأجوبة، لكنه مساعد شخصي ومحلل بيانات ومصمم ومبدع وكل ده في محادثة واحدة.

ودي بعض الأمثلة العملية اللي بتوضح قوة GPT-5 مقارنة بالإصدارات السابقة، بحيث تظخر مميزاته الجديدة بوضوح:

1️⃣ مشروع بحثي ضخم
قبل: GPT-4 كان يقدر يتعامل مع مقالات أو فصول محدودة الطول، ولو النص طويل كنت مضطر تقسمه على أجزاء.

الآن: GPT-5 يقدر يقرأ كتاب كامل أو أرشيف محادثات طويلة (حتى 256 ألف كلمة أو أكثر) مرة واحدة، ويحلله بدقة مع الحفاظ على الترابط.

2️⃣ تحليل وسائط متعددة
قبل: كنت محتاج تستخدم أدوات مختلفة لتحليل الصور أو الصوت أو الفيديو.

الآن: GPT-5 يقدر في جلسة واحدة يقرأ مقال ويحلل صورة مرتبطة به ويلخص فيديو عنه ويرد عليك صوتيا.

3️⃣ أتمتة مهام معقدة
قبل: لو طلبت منه مهمة فيها خطوات متعددة (بحث ثم تحليل ثم كتابة تقرير) كان بيعملها خطوة خطوة مع تدخل منك.

الآن: GPT-5 يقدر ينفذ كل الخطوات تلقائياً، يبحث عن المعلومات من الويب ويرتبها ويقدم لك تقرير نهائي جاهز.

4️⃣ إنتاج محتوى بأسلوب مخصص
قبل: الأسلوب كان ثابت تقريبا إلا إذا حددت التعليمات بدقة في كل مرة.

الآن: تختار شخصية أو أسلوب محادثة ثابت (مثلا: محلل جاد أو ساخر أو ودود) ويكمل بنفس النبرة طوال الجلسة.

5️⃣ تقليل الأخطاء وزيادة الثقة
قبل: GPT-4 كان أحيانا يخترع تفاصيل أو يعطي إجابات واثقة لكنها غير دقيقة.

الآن: GPT-5 أقل في الأخطاء بنسبة كبيرة، ويصرّح لما يكون غير متأكد بدل ما يخمّن.

#AI #GPT5 #CHATGPT #OPENAI

من دقائق شركة OpenAI أطلقت متصفح جديد (لو عايز تلم بيانات أكتر تدرب عليها نماذج الذكاء الاصطناعي في الغالب محتاج متصفح) باسم أطلس Atlas، وزي ما هو متوقع المتصفح بيتكامل تماما مع شات جي بي تي ChatGPT وبيوفر ميزة للبحث والاستفسار عن أي صفحة ويب بتتصفحها من خلال شريط جانبي، بالإضافة لإمكانية المساعدة في أداء المهام، زي مثلا إنك تقوله مسافر بكرة ومحتاج قائمة بالمنتجات اللي ممكن احتاجها في أثناء تصفح متجر ما ولنقل أمازون، وهو تلقائيا هيضيف المنتجات للسلة وكل اللي عليك تتأكد وتدفع.

أطلس (متصفح Openai الجديد) متوفر مجانا لكل المستخدمين، لكنه من اليوم متوفر فقط لمستخدمي أجهزة ماك، والشركة قالت إنه هيتوفر لويندوز وأندرويد وiOS قريبا.

لكن لو مستعجل ومش عندك جهاز ماك وعايز متصفح بيوفر نفس التجربة تماما ويمكن أفضل، ممكن تجرب متصفح Comet من Perplexity والمتوفر حاليا لأجهزة ويندوز، وبيوفر برضو مساعد ذكي مدمج يتيح استكمال المهام نيابة عنك، ومش بس كدة، لو حملت المتصفح هتحصل على شهر مجاني في Perplexity Pro (يكلف 25$ شهريا)، ودي فرصة عظيمة.

ممكن تحملوا متصفح Comet من خلال الرابط 🔗https://pplx.ai/mosay

#بذكاء #AI

من دقائق شركة OpenAI أطلقت متصفح جديد (لو عايز تلم بيانات أكتر تدرب عليها نماذج الذكاء الاصطناعي في الغالب محتاج متصفح) باسم أطلس Atlas، وزي ما هو متوقع المتصفح بيتكامل تماما مع شات جي بي تي ChatGPT وبيوفر ميزة للبحث والاستفسار عن أي صفحة ويب بتتصفحها من خلال شريط جانبي، بالإضافة لإمكانية المساعدة في أداء المهام، زي مثلا إنك تقوله مسافر بكرة ومحتاج قائمة بالمنتجات اللي ممكن احتاجها في أثناء تصفح متجر ما ولنقل أمازون، وهو تلقائيا هيضيف المنتجات للسلة وكل اللي عليك تتأكد وتدفع.

أطلس (متصفح Openai الجديد) متوفر مجانا لكل المستخدمين، لكنه من اليوم متوفر فقط لمستخدمي أجهزة ماك، والشركة قالت إنه هيتوفر لويندوز وأندرويد وiOS قريبا.

لكن لو مستعجل ومش عندك جهاز ماك وعايز متصفح بيوفر نفس التجربة تماما ويمكن أفضل، ممكن تجرب متصفح Comet من Perplexity والمتوفر حاليا لأجهزة ويندوز، وبيوفر برضو مساعد ذكي مدمج يتيح استكمال المهام نيابة عنك، ومش بس كدة، لو حملت المتصفح هتحصل على شهر مجاني في Perplexity Pro (يكلف 25$ شهريا)، ودي فرصة عظيمة.

ممكن تحملوا متصفح Comet من خلال الرابط 🔗https://pplx.ai/mosay

#بذكاء #AI

جانب من الجوانب المرعبة للمتصفحات المدمج بها أدوات #AI زي أطلس الذي أطلقته OpenAI مؤخرا، المتصفح بيرفض يعرض صفحات ويب عند البحث عن كلمات مفتاحية ما (حاجة أشبه بالصين اللي الأمريكان كانوا بيسخروا منها لأسباب مشابهة)، ركزوا في الصورة المرفقة هتلاقي حد بيبحث عن فيديوهات عن شخصية ما مثيرة للجدل وهو بيقول مش هأقدر أعرض فيديوهات متعلقة بها.

كنت كتبت قبل كدة عن خطورة حاجات مشابهة زي مثلا لو ترجمة جوجل كانت بتعتمد على Gemini، وبدلا من رفض ترجمة نص تترجمه بطريقة متحيزة ومع الوقت الحقائق نفسها هتضيع وهتبقى الحقائق هي اللي بتقولها أدوات الذكاء الاصطناعي اللي بتتحكم فيها كبرى الشركات.

#بذكاء (هاشتاج باجمع فيه الحاجات اللي باكتبها عن الذكاء الاصطناعي سواء عن أدوات مفيدة أو أراء زي رأيي في البوست دة)

ولو حابب تجرب متصفح زي أطلس من Openai المتوفر فقط لأجهزة ماك الآن، ممكن تجرب متصفح Comet من Perplexity المتوفر مجانا لأجهزة ويندوز وكمان تاخد شهر مجانا في Perplexity Pro (اللي بيوفر الوصول لـ GPT-5 وغيرها من نماذج الذكاء الاصطناعي، ودة من خلال الرابط 🔗https://pplx.ai/mosay

إذا كنت من مستخدمي ويندوز وترغب في تجربة ما يقدمه متصفح أطلس الجديد من ‎#OpenAI (مطور ChatGPT) يمكنك تجربة متصفح Comet من ‎#Perplexity المتوفر الآن مجانا، مع شهر مجانا في خدمة Perplexity (تكلف 25 دولار شهريا) مباشرة من خلال الرابط 🔗 pplx.ai/mosay‎
‎#AI

أفضل أداة ذكاء اصطناعي #AI منذ إطلاق شات جي بي تي أواخر 2022.

تطبيق notebooklm من جوجل حصل هذا الأسبوع على العديد من المميزات الجديدة التي تزيد من أهميته وفوائده كأداة #AI، التحديثات دي شملت:

- التكامل مع خاصية "البحث العميق" (Deep Research native integration)، مما يتيح إنشاء تقارير بحث عميق حول أي موضوع، مع إمكانية استيراد المراجع أيضًا للتعمق "Ultra Deep".
- إمكانية استخدام مستندات Microsoft Word بصيغة (docx) كمصدر للمعلومات.
- تحميل الصور كمصادر – سواء كانت إيصالات، أو شاشات محاضرات، أو رسائل، أو مستندات، أو لقطات شاشة (screenshots)، أو صفحات، وأيضًا صور من العالم الحقيقي والمواقف الواقعية، يمكن استخدام الميزة أيضا من خلال تطبيق الهاتف.
- قائمة السياق (Context menu) للمصادر الفاشلة: والتي تسمح للمستخدمين بحذف جميع المصادر التي فشلت في التحميل في وقت واحد.
- سلسلة من "مفكرات STEM المميزة" (Featured STEM Notebooks) برعاية Google Research: جوجل هتوفر مفكرات جاهزة لشرح العلوم، الأسبوع دة طرحت مفكرة: كيف يمكن للعلماء معرفة ما هو موجود في الجينوم الخاص بك؟ وكيف يربط العلماء علم الوراثة بالصحة؟
- ملخصات فيديو مخصصة (Custom Video Overviews) – ممكن دلوقتي تطلب ملخصات فيديو وفقا لما يناسبك، اطلب من خلال أمر نصي.
- تنزيل البطاقات التعليمية (Flashcards) بصيغة CSV لاستيرادها إلى Anki!
- حفظ موضع التشغيل (Playback position) للملخصات الصوتية.
-السماح للمستخدمين بتحديد مصادر معينة عند الدردشة أو إنشاء ملخصات صوتية. (من خلال الموبايل)
- توليد ملخص صوتي تلقائيًا عند التحميل الأولي للمصادر. (من خلال الموبايل فقط)

تطبيق notebooklm من جوجل (اللي بأعتبرها أفضل أداة AI متوفرة دلوقتي على الإطلاق)، وهو بمثابة أداة بتوفر ذكاء اصطناعي يعتمد فقط على المصادر الخاصة بك أو المصادر التي تزوده بها، المصادر دي تتضمن ملفات PDF وروابط وفيديوهات يوتيوب ومؤخرا صور، والتطبيق عظيم جدا للمذاكرة لإنه قادر على توفير بطاقات تعليمية من المحتوى وكمان ملخصات صوتية (يعملك شرح كبودكاست) وحتى ملخص فيديو (يعرضلك المعلومات بفيديو تختار الثيم الخاص به) أو تطلب تقارير أو سؤال وجواب وغيره.

#دردشة_تقنية #بذكاء

شراكة استراتيجية ضخمة تجمع بين عمالقة التكنولوجيا أو الذكاء الاصطناعي: NVIDIA وMicrosoft وAnthropic

استمرارا لصفقات تدوير الفلوس بين شركات التكنولوجيا خصوصا أعمالها المتعلقة بالذكاء الاصطناعي #AI، شركان مايكروسوفت وانثروبيك ومايكروسوفت أعلنوا عن صفقة ثلاثية تتضمن:

💰 استثمار بقيمة $15 مليار دولار في Anthropic!
- انفيديا تستثمر ما يصل إلى 10 مليارات دولار.
- مايكروسوفت تستثمر ما يصل إلى 5 مليارات دولار.
☁️ تتعهد Anthropic بشراء خدمات سحابية من منصة مايكروسوفت Microsoft Azure بقيمة 30 مليار دولار.
🤝 شراكة تقنية عميقة: تتعاون NVIDIA و Anthropic لأول مرة في مجالي التصميم والهندسة لتحسين نماذج الذكاء الاصطناعي الخاصة بـ Anthropic على شرائح NVIDIA (مثل Grace Blackwell و Vera Rubin).

إيه رأيكم في الصفقات دي ومين مستفيد أكتر في الصفقة دي تحديدا؟

#بذكاء #دردشة_تقنية

جيميناي قادر الآن على الكتابة باللغة العربية على الصور عربي وبالخط العربي أيضا بدقة كبيرة جدا، وذلك اعتمادا على تحديث جديد من جوجل لنموذج إنشاء وتعديل الصور #Nanobananapro.

ما عليك للتجربة سواء إن تختار إنشاء صورة 🍌مع نموذج التفكير أو Gemini 3 Pro.

#ai

✨الهدف: إنشاء بوستر بكامل الجسم لشخص ما بجواره رسم للوجه والاسم بطريقة فنية اسفل الوجه
🖼️مثال: في التعليقات
🤖الخدمة: Gemini.
✨النموذج: Gemini 3 (Thinking) + NanoBananaPro
👈للتخصيص: ابحث عن اسم Mohamed واستبدلها بأي اسم أو نص تريد
الأمر Prompt:
{
"type": "photorealistic_portrait_with_graphic_elements",
"subject": {
"reference_face": "use_uploaded_image_face",
"face_preservation": "100%_identical_no_changes",
"gender": "female",
"body_language": "relaxed, confident"
},
"attire": {
"upper_body": "clean pressed white dress shirt, turned-up collar",
"accessories": "small lapel microphone",
"lower_body": "dark navy blue trousers",
"footwear": "polished brown dress shoes"
},
"pose": {
"stance": "leaning against wall, one leg crossed over the other",
"hands": "in pockets",
"framing": "full_body_shot"
},
"environment": {
"background": "smooth light gray studio wall",
"wall_art": {
"type": "vector portrait of subject",
"style": "black-and-white, sharp angular lines, overlapping polygonal shapes, minimalist modern graphic",
"placement": "next to subject"
},
"typography": {
"primary_text": "Mohamed",

"placement": "below vector artwork"
}
},
"technical_specs": {
"resolution": "8K",
"style": "ultra-realistic",
"lighting": "studio lighting"
}
}



#AI #Gemini #Prompts #AiPrompts

جوجل عملت تحديث كبير مهم على تعديل الصور في تطبيق Gemini سواء للموبايل أو الويب، دلوقتي تقدر بعد ما ترفع أي صورة لتعديلها تضغط عليها وتشاور على جزء منها بالرسم زي ما أنتم شايفين في الصورة المرفقة، ترسم أي رسم زي تاج بالإضافة إلى الـ Prompt عشان تطلع صور أفضل وعشان تاخد تعديلات أفضل، ممكن مثلا تحدد بالرسم العين وتقوله غير لونها أو تعمل سهم عشان تحرك الوش للناحية التانية وهكذا.

وزي ما قولت قبل كدة، على الرغم من إن جيميناي مع NanoBanana Pro مذهلين في إنتاج الصور بالذكاء الاصطناعي، إلا أن أفضل استخدام لهم هو في تعديل الصور، دي حالة استخدام مثالية لهم (للذكاء الاصطناعي)، لو أنت مش بتعرف تستخدم تطبيقات تعديل الصور ولا حابب تستهلك وقتك، تقدر دلوقتي تعمل التعديلات بمجرد الرسم على الصورة أو الطلب نصيا أو حتى صوتيا.

وبالمناسبة Google Photos بقى فيه ميزة لإنشاء صور لك بسهولة بالذكاء الاصطناعي، فيه ثيمات جاهزة (ممكن تشوفوا مثال في الصورة). #AI #GEMINI

فقاعة الـ AI وأزمة الرامات! القصة وما فيها.

من التعليقات اللي صادفتني على ريديت عن أزمة ارتفاع سعر وحدات الذاكرة RAM، التعليق بيوضح الأزمة وبيسخر منها بذكاء:

"السبب في أن سعر ذاكرة الوصول العشوائي (RAM) قد تضاعف أربع مرات؛ هو شراء كميات هائلة من الرامات التي لم يتم إنتاجها بعد، وذلك بأموال غير موجودة، ليتم تركيبها في وحدات معالجة رسومية - كروت شاشة - (GPUs) لم يتم إنتاجها هي الأخرى بعد، وذلك لوضعها في مراكز بيانات لم يتم بناؤها بعد، وتعمل ببنية تحتية قد لا تظهر للوجود أبدا، لتلبية طلب لا وجود له في الواقع، ولتحقيق ربح مستحيل من الناحية الحسابية"

إيه قصة أزمة الرامات دة؟ خلونا نشوف ونفهم الموضوع ببساطة:

القصة بتبدأ بنوع من الرامات اسمه HBM (ذاكرة ذات نطاق ترددي عالي) أو High Bandwidth Memory، والذي بدأت الشركات الكبرى (مثل Samsung وSK Hynix وMicron) في تحويل معظم خطوط إنتاجها لتصنيعها، لكن ليه؟

السبب إن كروت Nvidia (مثل H100 و Blackwell) التي تُستخدم لتدريب الذكاء الاصطناعي لا تعمل بالرامات العادية، بل تحتاج إلى HBM لسرعتها الفائقة.

والنتيجة: إنتاج الرامات العادية (زي DDR5) التي نعتمد عليها في أجهزتنا زي أجهزة الكمبيوتر وغيرها قل والشركات مهتمة أكتر بإنتاج الرامات من نوع HBM لتلبية الطلب المهول على الذكاء الاصطناعي، ودة نتج عنه ارتفاع سعرها (قانون العرض والطلب).

القصة الأكبر!


الشركات الكبرى زي جوجل ومايكروسوفت وميتا وOpenAI بتحجز شحنات من الرقائق والرامات لعامين أو ثلاثة قادمة.

المشكلة إنهم بيدقعوا يدفعون مليارات الدولارات مقدما لعتاد لم يتم تصنيعه بعد، ودة خلق حالة من "الندرة المصطنعة" والذعر في السوق، بمعنى أن الجميع يشتري أي شيء متاح خوفا من نفاد الكمية، حتى لو لم تكن لديهم خطة واضحة لاستخدامه الآن.

العتاد (وحدات الذاكرة والبطاقات الرسومية - كروت الشاشة -) المفروض الشركات بتشتريها عشان مراكز بيانات جديدة للذكاء الاصطناعي لسة مش موجودة، ومراكز البيانات دي اللي مش موجودة محتاجة طاقة مهولة (كهرباء لتشغيلها)، وفيه تقارير كتير بتشير إلى إن شبكات الكهرباء الحالية في أمريكا وأوروبا غير قادرة على تلبية الطلب على تشغيل مراكز البيانات المستقبلية أو المخطط إنشائها.

يعني باختصار، نحن نبني "سيرفرات" قد لا نجد "كهرباء" لتشغيلها.

ومش بس كدة، الشركات تنفق ما يقارب 600 مليار دولار سنويا على تطوير بنية تحتية للـ AI (شراء رامات وكروت شاشة وبناء مراكز بيانات)، لكن في المقابل، العائد المادي من بيع خدمات الذكاء الاصطناعي (مثل اشتراكات ChatGPT وغيرها) لا يتجاوز بضعة مليارات.

الفجوة بين حرق الفلوس والإيرادات ضخمة جدا، وحسابيا استعادة هذه الأموال شبه مستحيلة ما لم يحدث تغيير جذري في كيفية تحقيق الأرباح من الـ AI. #دردشة_تقنية #بذكاء #AI

✨ يسعدنا الإعلان عن إطلاق نسخة تجريبية مميزة من نشرة "بذكاء" البريدية! 🚀

نفتخر بتقديم تجربة فريدة توفر ملخصاً يومياً لأبرز أخبار الذكاء الاصطناعي، مصممة لتعزيز نموكم المهني وتوسيع آفاقكم الاستراتيجية. 🌟 تشمل النشرة توصيات بأدوات مبتكرة ونصائح عملية لتحقيق أقصى استفادة من التقنيات الحديثة، مما يُمكّنكم من مواكبة أفضل الممارسات في هذا المجال المتطور.

🔗 لا تفوتوا الفرصة للانضمام إلى هذه الرحلة الملهمة:
https://open.substack.com/pub/bizakaa/p/654?r=65l5p&utm_campaign=post-expanded-share&utm_medium=web

#AI