ChatGPT-nin yaradıcısı OpenAI onun kimlər tərəfindən istifadə edildiyi və ən çox hansı tapşırıqlar üçün müraciət olunduğu barədə ilk ətraflı ictimai araşdırmasını dərc edib. Hesabat hazırda insanların bu süni intellekt alətindən necə istifadə etdiyini və onunla nələr barədə ünsiyyət qurduğunu daha yaxşı anlamağa imkan verir. Xüsusilə məlum olub ki, ChatGPT istifadəçilərinin əksəriyyəti qadınlardır və ChatGPT-yə göndərilən sorğuların çoxu işlə bağlı deyil. Bu gün OpenAI istifadəçilərinin davranışları haqqında məlumatları 62 səhifəlik araşdırma məqaləsində açıqlayıb. Məqalə 2024-cü ilin mayından 2025-ci ilin iyununadək 1.5 milyon ChatGPT istifadəçisinin söhbət qeydlərinə əsaslanır. Süni intellekt sənayesində, digər texnoloji sahələrlə müqayisədə, kişilər üstünlük təşkil edir və OpenAI ABŞ texnoloji sənayesinin mərkəzi olan San-Fransiskoda yerləşir.
https://technote.az/proqram-teminati/chatgpt-ni-daha-cox-kimler-terefinden-ve-ne-ucun-istifade-edildiyi-statistikasi-teqdim-edilib

Apple iOS 26 əməliyyat sistemini istifadəyə verib. 2013-cü ildə buraxılmış iOS 7-dən bəri iPhone üçün ən böyük proqram təminatı yeniləməsi olan bu versiya artıq uyğun cihazlar üçün əlçatandır. Yeni görünüşdən əlavə, iOS 26-da əsas tətbiqlər yenilənib və Apple Intelligence imkanları genişləndirilib. iPhone, iPad, Mac, Apple Watch və Apple TV üçün yeni əməliyyat sistemləri versiyalarında istifadə olunan Liquid Glass dizayn tərzi təsiredicidir. Müxtəlif panellərin təsvirləri altındakı elementləri əks etdirir və sındırır, bu isə ekranın kilidinə, tətbiq ikonlarına, idarəetmə panelinə və sistem tətbiqlərinə dərinlik qatan dinamik, axıcı bir effekt yaradır. Yeni dizayn iOS-u daha ifadəli etməyə, eyni zamanda tanış üslubu itirməməyə və Apple-ın bütün platformalarında vahidliyi təmin etməyə yönəlib. iOS 26-da kilid ekranı da yenilənib.
https://technote.az/proqram-teminati/ios-26-resmi-sekilde-istifadeye-verilib

Avqustun ortalarından etibarən YouTube-da bir çox müəllif öz videolarının baxış sayında kəskin azalma qeydə almağa başlayıb - bəzi hallarda göstəricilər əvvəlki nəticələrin yarısına qədər düşüb. Anomaliyanın səbəbləri hələ də rəsmi şəkildə təsdiqlənməyib, lakin analitiklərin məlumatları və platformanın dolayı açıqlamaları reklam bloklayıcıların təsirinə işarə edirlər. İngilis yutuberi Josh Strife Hayes-in müşahidələrinə görə, televizor, smartfon və planşetlərdən baxışlarda əvvəlki dinamika qorunub saxlanıldığı halda, avqustun ortalarından etibarən kompüterlərdən baxışlar təxminən 50% azalıb. Bu məlumatları texnologiya dünyası barədə məzmun hazırlayan TechLinked kanalı da öz göstəricilərində oxşar statistika qeydə alaraq təsdiqləyib.
https://technote.az/sosial-media/reklam-bloklayicilari-youtube-daki-baxis-saylarini-azaldirmis

OpenAI şirkəti ChatGPT-nin uşaq interfeysi üzərində işləyir və 18 yaşdan kiçik uşaqların və yeniyetmələrin standart versiyaya girişini məhdudlaşdırmaq üçün yaşın proqnozlaşdırılması texnologiyasından istifadə etməyi planlaşdırır. Şirkət vurğulayıb ki, əgər onun alətləri istifadəçinin yaşını dəqiq müəyyən edə bilməsə, ChatGPT ehtiyat tədbiri olaraq 18 yaşdan kiçiklər üçün nəzərdə tutulmuş versiyanı tətbiq edəcək. OpenAI həmçinin hesab edir ki, ChatGPT istifadəçilərinin yaşı ən azı 13 olmalıdır. İnsanlarla süni intellektin qarşılıqlı münasibətləri sahəsində aparılan son araşdırmalar yeniyetmələrin psixi sağlamlığı üçün çat-botlarla uzunmüddətli ünsiyyətin riskləri barədə ciddi narahatlıq doğurur. Bir müddət əvvəl OpenAI yeniyetmələr və emosional stress vəziyyətində olan insanlar üçün yeni məhdudiyyətlərin tətbiqi ilə bağlı genişmiqyaslı təşəbbüsünü elan edib.
https://technote.az/proqram-teminati/chatgpt-nin-usaqlar-ucun-versiyasi-hazirlanir

OpenAI-nin yeni araşdırması böyük dil modellərində hallüsinasiyaların əsl təbiətini üzə çıxarır: bu, müvəqqəti çatışmazlıq deyil, ideal məlumatlar və mürəkkəb təlim üsulları tətbiq olunduqda belə qalan qaçılmaz riyazi problemdir. Texniki cəhətdən süni intellektin özünə inam səviyyəsini qiymətləndirməsinə və şübhə yarandıqda cavab verməkdən çəkinməsinə imkan yaradaraq səhvlərin sayını azaltmaq mümkün olsa da, bu həll iqtisadi baxımdan sərfəli və praktik deyil. İstifadəçilər daim “bilmirəm” deyən süni intellektlə barışmağa hazır deyillər. Buna görə də yaxın gələcəkdə hallüsinasiyalar yəqin ki, dil modellərinin ayrılmaz xüsusiyyəti olaraq qalacaq. Səbəb qismən modellərin iş prinsipində gizlənir: süni intellekt ehtimallara əsaslanaraq mətni hər dəfə bir söz proqnozlaşdırmaqla yaradır.
https://technote.az/suni-zeka-ve-elm/openai-chatgpt-nin-neye-gore-hemise-hallusinasiya-yasayacagini-aciqlayib

Porsche yeni elektrikli krossoverin virtual sınaqları üçün süni intellektdən istifadə edib. Bu texnologiya şirkətə 120 fiziki prototip yaratmaqdan imtina etməyə imkan verib. Alman avtomobil istehsalçısı Porsche yeni modellərin sınaq yanaşmasında radikal dəyişiklik edib. Elektrikli Cayenne-in hazırlanması zamanı şirkət onun prototiplərinin virtual testləri üçün süni intellektdən istifadə edib. Porsche ilk dəfə olaraq erkən prototiplərin yaradılması mərhələsini tamamilə buraxıb. Fiziki avtomobillər qurmaq əvəzinə mühəndislər konstruksiya sınaqları üçün kompüter modelləşdirməsindən yararlanıblar. Süni intellekt virtual prototipləri müxtəlif şəraitlərdə - yarış traslarından gündəlik istismara qədər - sınaqdan keçirdi. Sistem komponentlərin müxtəlif yüklər altındakı davranışını analiz edirdi.
https://technote.az/neqliyyat/porsche-suni-intellekt-esasli-virtual-test-sayesinde-120-prototipin-yaradilmasindan-imtina-edib

YouTube kanallarının sahibləri ənənəvi olaraq çoxsaylı funksiyaları yerinə yetirməli olurlar: kontenti moderasiya etmək, montajçı və fotoqraf kimi çıxış etmək, sosial şəbəkələrdə strategiya müəyyənləşdirmək, ideyalar yaratmaq və ssenarilər yazmaq. Xidmət administrasiyası videoblogerlərin vəziyyətlərini yüngülləşdirmək və bu işlərin bir hissəsini süni intellektin üzərinə qoymaq qərarına gəlib. Made on YouTube tədbirində şirkət kontent yaradıcıları üçün nəzərdə tutulmuş bir sıra yeni süni intellekt funksiyalarını təqdim edib. Onların çoxu video yaradılması ilə bağlı pərdəarxası işlərə aiddir. Daha əvvəl müəlliflərə YouTube-da musiqi, foto və video generatorları kimi alətlər verilmişdi - yeni funksiyalar isə kontent strategiyasının formalaşdırılmasına, yeni auditoriyaya çatmaqda köməyə və mövcud izləyicilərlə daha effektiv qarşılıqlı əlaqəyə yönəlib.
https://technote.az/sosial-media/youtube-kontentin-herterefli-optimizasiyasi-ucun-yeni-suni-intellekt-aletlerini-teqdim-edib

Dünyanın hər yerində insanlar dini mətnlər əsasında öyrədilmiş çat-botlardan istifadə edərək mənəvi məsləhətlər və şəxsi suallara cavablar alırlar. Bible Chat kimi tətbiqlər 30 milyon yüklənməni keçib, katolik tətbiqi Hallow isə qısa müddətə App Store-un zirvəsinə qalxaraq Netflix, Instagram və TikTok-dan da məşhur olub. Dini süni intellekt platformalarına abunəliyin qiyməti illik 70$-a çata bilər. Onların bəziləri isə birbaşa ilahi əlaqə təmin etdiyini iddia edir. Bu cür tətbiqlər mənəvi rəhbərliyə çıxış problemini həll edir. İstifadəçilər istədikləri zaman bu cür mövzularda sual verə bilmək imkanını yüksək qiymətləndirirlər. Bəzi servislər, məsələn, ChatwithGod, dialoqlarda o qədər real görünür ki, insanlar bəzən soruşurlar: “Mən həqiqətən Tanrı ilə danışırammı?”. Əlbəttə ki, süni intellektin heç bir ilahi təbiəti yoxdur.
https://technote.az/suni-zeka-ve-elm/milyonlarla-insan-dini-meslehetler-ve-sohbetler-ucun-cat-botlara-muraciet-edir

O, ABŞ-da sentyabrın sonunda 799$-a satışa çıxacaq. 2026-cı ilin əvvəlində yenilik Kanada, Fransa, İtaliya və Böyük Britaniyada satışa təqdim olunacaq. Klassik Wayfarer üslubunda bir qədər qalın çərçivəyə sahib Meta Ray-Ban Display eynəyi sağ linzaya yerləşdirilmiş 600x600 piksel keyfiyyətli və 20 dərəcə baxış bucağına malik tam rəngli ekranla təchiz olunub. Ekran linzanın kənarında yerləşdiyindən baxışı bağlamır. Onun maksimal parlaqlıq səviyyəsi 5000 nit təşkil edir, işıq səpələnməsi isə cəmi 2% olduğundan ətrafdakı insanlar üçün demək olar ki, görünməz qalır. Bu ekran vasitəsilə istifadəçi mətn mesajlarını, altyazıları və real vaxt tərcüməsini, Instagram lentini, xəritələri və ya şəkil önbaxışlarını izləyə, videozəngləri qəbul edə, musiqi oxutmanı idarə edə və Meta AI ağıllı assistentindən vizual cavablar ala biləcək.
https://technote.az/mobil-cihazlar/meta-ray-ban-display-ar-eyneyi-teqdim-edilib-qiymeti

OpenAI-nin süni intellekti Bakıda keçirilmiş ICPC 2025 Beynəlxalq Tələbə Proqramlaşdırma Çempionatının finalında bütün 12 tapşırığı həll edərək həm tələbə komandalarını, həm də Google DeepMind tərəfindən hazırlanmış Gemini 2.5 modelini üstələyib. OpenAI bildirib ki, onun sistemi tapşırıqları insan iştirakçılarla eyni şəraitdə, heç bir üstünlüyə malik olmadan həll edib. Tapşırıqlar standart PDF formatında təqdim olunub, həll üçün 5 saat vaxt ayrılıb. Cavablar isə bütün işləri eyni meyarlarla qiymətləndirən ICPC-nin rəsmi hakimlərinə göndərilib. OpenAI-nin “iştirakçısı” 2 modeldən ibarət olub - GPT-5 və digər təcrübi sistem. GPT-5 11 tapşırığın öhdəsindən uğurla gəlib, ən çətin sonuncunu isə təcrübi model 9-cu cəhddən sonra həll edib. OpenAI-nin birləşdirilmiş sistemi yarışda iştirak edən DeepMind nəticəsini də üstələyib. Google-un modeli isə cəmi 10 tapşırığı həll edə bilib.
https://technote.az/suni-zeka-ve-elm/gpt-5-bakida-kecirilmis-proqramlasdirma-cempionatinda-butun-istirakcilari-geride-qoyub

Ən müasir “görünməz” sualtı qayıqların erası gözlənildiyindən xeyli daha qısa ola bilər. Çin mühəndisləri Electronics Optics & Control adlı jurnalda süni intellekt əsasında işləyən sualtı qayıqlara qarşı müdafiə sistemini təsvir ediblər. Kompüter modellərində bu sistem sualtı qayığın izləmədən yayınma şansını 5%-ə qədər azaldıb. İş Çin Tədqiqat və İnkişaf İnstitutunun baş mühəndisi Meng Hао-nun rəhbərliyi altında aparılıb və müəlliflərin qiymətləndirmələrinə görə, real vaxtda intellektual qərar qəbuletmənin dənizdə oyunun qaydalarını necə dəyişdiyini nümayiş etdirir. Yanaşmanın əsasında çoxsəviyyəli “qavrayış - qərar qəbuletmə - insan və maşın qarşılıqlı fəaliyyəti” arxitekturası dayanır.
https://technote.az/suni-zeka-ve-elm/suni-intellekt-esasli-sualti-qayiqlara-qarsi-mudafie-sistemi-sualti-qayiqlarin-sag-qalmla-sansini-5-e-endirir

Çin şirkəti DeepSeek bildirib ki, onun R1 süni intellekt modelinin öyrədilməsi üçün 294 000$ xərclənib ki, bu da ABŞ rəqiblərinin oxşar xərclərindən kəskin şəkildə azdır. Bu məlumat akademik Nature jurnalında dərc olunub. Analitiklər gözləyirlər ki, məqalənin dərc olunması Çinin süni intellektin inkişafı uğrunda yarışdakı mövqeyi barədə müzakirələri yenidən alovlandıracaq. DeepSeek şirkətinin yanvarda nisbətən ucuz süni intellekt sistemlərini buraxması dünya investorlarını texnologiya şirkətlərinin səhmlərini satmağa sövq etmişdi, çünki onların dəyərinin kəskin düşəcəyi qorxusu yaranmışdı. O vaxtdan bəri DeepSeek və onun təsisçisi Liang Wenfeng demək olar ki, ictimaiyyətin diqqətindən itib, yalnız bir neçə məhsulun yenilənməsi elanları istisna olmaqla. Dünən Nature jurnalı Liang-ın həmmüəlliflərindən biri olduğu məqaləni dərc edib.
https://technote.az/suni-zeka-ve-elm/deepseek-r1-suni-intellekt-modelinin-telimi-ucun-serf-edilmis-meblegi-aciqlayib

OpenAI süni intellekt modellərinin aldatma halları ilə mübarizəsini təsvir etdiyi bir araşdırmanın nəticələrini dərc edib. Şirkətin izahına görə, bəzən “Süni intellekt müəyyən şəkildə səthi olaraq davranır, amma əsl məqsədlərini gizlədir”. Apollo Research tədqiqat təşkilatı ilə birlikdə hazırlanmış materialda bu cür gizli mexanizmlər, qanunu pozaraq maksimum qazanc əldə etməyə çalışan birja maklerinin davranışları ilə müqayisə olunur. Əksər hallarda süni intellektin bu davranışı hələlik əsasən zərərsizdir. Tədqiqatçılar yazır ki, “ən çox rast gəlinən nasazlıqlar sadə aldatma formaları ilə bağlıdır - məsələn, model tapşırığı əslində yerinə yetirmədiyi halda elə göstərir ki, guya yerinə yetirib”.
https://technote.az/suni-zeka-ve-elm/openai-suni-intellekt-modellerinin-aldatma-hallari-ile-mubarizesini-tesvir-etdiyi-bir-arasdirmanin-neticelerini-derc-edib-sirketin-izahina-gore-bezen-suni-intellekt-mueyyen-sekilde-sethi-olaraq-davranir-amma-esl-meqsedlerini-gizledir-apollo-research

Bəzi xəstəliklər insanı nitq aparatının əzələlərinə nəzarətdən məhrum edir və nəticədə o, ətrafdakılarla tam ünsiyyət qurmaq imkanını itirir. Neuralink şirkəti gələn ay insana sözün əsl mənasında fikirləri vasitəsilə elektron cihazlarda “mətn yığmağa” imkan verəcək beyin implantının klinik sınaqlarına başlamağı planlaşdırır. Əslində, artıq kəllə qutusuna implant yerləşdirilmiş Neuralink pasiyentlərindən biri kompüterdə yaxınlarına müraciət məktubları yazmaq üçün bu imkandan istifadə edir, lakin əsasən klinik sınaqlarda iştirakçılar kompüterdə işləyərkən siçanın kursorunu idarə etməyə yönəlirlər. Onlardan biri hətta sənaye dizaynı sahəsində işləyir və neyroimplant ilə kompüterdən ibarət birləşmədən istifadə edir. Bloomberg-in qeyd etdiyi kimi, 2030-cu ilə qədər Neuralink həmçinin öz implantının ilk sağlam insana yerləşdirilməsi üçün icazə almağa ümid edir.
https://technote.az/texnologiya-xeberleri/neuralink-gelen-ay-insan-fikirlerini-metne-cevire-bilen-beyin-implantinin-testlerine-baslamaq-isteyir

Bu ilin iyul ayında OpenAI Apple-ın keçmiş baş dizayneri Jony Ive-ın io adlı startapını almaqla bağlı müqaviləni bağladı və bundan sonra ilk ortaq şəkildə hazırlanacaq ağıllı cihazların gözlənilməsi şayiələrin müzakirəsi ilə müşayiət olunan maraqlı bir prosesə çevrildi. İndi isə məlumat ortaya çıxıb ki, tərəfdaşlar bütöv bir ağıllı cihazlar spektri hazırlayırlar. Məlumata görə, OpenAI artıq Apple-ın iki podratçısı - Luxshare və Goertek şirkətləri ilə gələcək ağıllı cihazlar seriyası üçün komponentlərin tədarükünə dair müqavilələr bağlayıb. Xüsusilə, söhbət bu cihazlar üçün akustik elementlərdən gedir, çünki hesab olunur ki, onların arasında ekransız ağıllı səs sütunu da olacaq. Məlumata görə, OpenAI həmçinin ağıllı eynəklər, rəqəmsal diktofon və geyim üzərində taxıla biləcək “ağıllı sancaq” buraxmağı da planlaşdırır.
https://technote.az/mobil-cihazlar/openai-apple-in-kecmis-bas-dizayneri-ile-birlikde-muxtelif-agilli-cihazlar-uzerinde-calisir

Apple radikal dərəcədə nazik iPhone Air-i təqdim edəndə onu tarixdəki ən möhkəm iPhone adlandırdı və görünür, brendin pərəstişkarları yalnız cihazın bu statusu reallıqda təsdiqləyəcəyi anı gözləyirdilər. iPhone Air isə bunu bacardı - o, JerryRigEverything adlı YouTube kanalının müəlliflərinin ən sərt sınaqlarına tab gətirə bilib. Nəticədə cihaz sıradan çıxsa da, bu, video müəlliflərinə kifayət qədər ciddi səyə başa gəlib. JerryRigEverything adlı YouTube kanalının müəllifləri ənənəyə uyğun olaraq sınaqlara ekranın cızılmaya davamlılığını tədqiqat alətləri ilə yoxlamaqdan başladılar. Smartfonlarda şüşələr adətən 5 və ya 6 nömrəli alətlərlə (Moss şkalası üzrə ballar) təmasda zədələnir. Əvvəlki demək olar ki, bütün iPhone modelləri 6 nömrəli alətin təsirindən nəzərəçarpacaq cızıqlar alırdı.
https://technote.az/mobil-cihazlar/iphone-air-en-dozumlu-iphone-statusunu-tesdiqleyib-video

HUAWEI “Ride the Wind” (Küləyə hakim ol) şüarı ilə Parisdə keçirilən qlobal təqdimat tədbirində yeni nəsil ağıllı cihazlarını ictimaiyyətə təqdim etdi. Tədbirin mərkəzində HUAWEI WATCH GT 6 Seriyası, HUAWEI WATCH Ultimate 2 və HUAWEI WATCH D2 ağıllı saatları dayandı. Bu cihazlar həm estetik dizayn, həm də peşəkar sağlamlıq və idman monitorinqini birləşdirərək istifadəçilərə yüksək keyfiyyətli təcrübə təqdim edir. Tədbirdə həmçinin HUAWEI nova 14 Seriyası smartfonu, HUAWEI FreeBuds 7i simsiz qulaqlıqları və HUAWEI MatePad 12 X planşeti təqdim edildi. HUAWEI həmçinin yeni “Now is Yours” (İndi Sənin Zamanındır) fəlsəfəsini açıqladı və GoPaint 2025 beynəlxalq yaradıcılıq təşəbbüsünü elan etdi.
https://technote.az/mobil-cihazlar/huawei-parisde-yeni-mehsullarini-teqdim-etdi-huawei-watch-gt-6-seriyasi-ultimate-2-d2-agilli-saatlari-ve-daha-coxu

arXiv preprint saytında alimlərin başqa bir kainatdan gələn siqnalın ilk dəfə aşkar edilməsi məsələsini müzakirə etdikləri məqalə dərc olunub. Onlar öz kəşflərində israr etmirlər, lakin bunu tamamilə istisna da etməyərək həmkarlarını oxşar halları araşdırmağa dəvət edirlər. Söhbət 2019-cu ildə GW190521 qravitasiya dalğası siqnalının qeydə alınmasından gedir. Bu siqnal həm ABŞ-ın LIGO, həm də Avropanın Virgo qravitasiya dalğası rəsədxanaları tərəfindən əldə olunub. Hadisənin müddəti 1 saniyədən az olub, halbuki adətən belə siqnallar xeyli uzun olur və xarakterik xüsusiyyətlərə - azalan titrəyişlərə malik olur. Müasir qravitasiya dalğası rəsədxanaları böyük kütləyə malik sıx obyektlərin - qara dəliklərin və ya neytron ulduzlarının birləşməsini qeydə alırlar. İki obyekt bir-birinə yaxınlaşaraq sürətlənmiş şəkildə ümumi kütlə mərkəzi ətrafında spiral üzrə fırlanır və nəhayət bir obyektə birləşir.
https://technote.az/texnologiya-xeberleri/alimler-belke-de-paralel-kainatdan-gelmis-siqnali-teyin-edibler

Süni intellekt biznesdə və hətta dövlət qurumlarında istifadə olunur, baxmayaraq ki, o hələ mükəmməllikdən uzaqdır. Amma belə sistemlər nəzərdə tutulduğu kimi işləməsə, nə baş verəcək? Google DeepMind tədqiqatçıları Frontier Safety Framework sənədinin üçüncü versiyasını təqdim ediblər. Bu sənəd süni intellekt istifadəsi zamanı əsas riskləri və ehtiyat tədbirlərini təsvir edir. Mütəxəssislər risklər arasında modellərin zərərli proqram təminatı yaratmaq üçün istifadəsi ehtimalını, insanların inanclarını manipulyasiya etmə imkanlarını, eləcə də “uyğunsuz süni intellekt” adlandırılan - təlimatları nəzərə almayan və ya insanın maraqlarına zidd hərəkət edən sistemlərin yaranmasını vurğulayırlar. DeepMind-ın təhlükəsizlik sisteminin əsasını “kritik imkan səviyyələri” (CCL) anlayışı təşkil edir.
https://technote.az/suni-zeka-ve-elm/suni-intellekt-uzerinde-idareetmenin-itirilmesinin-riskleri-aciqlanib

NASA-nın yüksək vəzifəli şəxsləri “Artemis 2” missiyası çərçivəsində tarixi uçuşun artıq 2026-cı il fevralın 5-də baş tuta biləcəyini bildiriblər. Orion gəmisində Ay ətrafında uçuşa 4 astronavt göndəriləcək - bu, 50 ildən artıq fasilədən sonra ilk dəfə olacaq. Ay missiyası üçün sonuncu uçuş tarixi 26 aprel kimi müəyyən olunub, lakin agentlik mümkün qədər tez başlamasına ümid edir. NASA-da “Artemis 2” missiyasının məqsədləri belə izah olunur: “Bu missiyanı tam uğurlu adlandırmaq üçün biz Ayı dövrə vurmalı, ekipajı sağ-salamat geri gətirməli və onları geniş qucaqla qarşılamalıyıq”. Ekipajlı gəmi Ay orbitinə çıxmayacaq - o, peyki sərbəst dövrə vuracaq və onun səthinə 9260 km-dən yaxın məsafəyə yaxınlaşmayacaq. Bu cür ehtiyatlılıq onunla bağlıdır ki, “Artemis 2” missiyası böyük ölçüdə sınaq xarakteri daşıyır. NASA astronavtların həyatını riskə atmaq fikrində deyil.
https://technote.az/texnologiya-xeberleri/nasa-astronavtlarinin-ay-etrafi-ucusu-artiq-gelen-ilin-fevral-ayinda-bas-tuta-biler