The Irrawaddy - Burmese
✔
75.1K subscribers
38.6K photos
2.49K videos
3 files
18.2K links
The Irrawaddy magazine and its Web site cover Burma and Southeast Asia, providing in-depth news and information to international readers.

burma.irrawaddy.com
Download Telegram
👎18❀12😁5👍4
သီတင်သကျလတ်လပဌည့် အဖိတ်နေ့ ရေကျော်ပလဲဈေသ မဌင်ကလင်သ

ဧရာဝတီ၊ အောက်တိုဘာ ၂၆၊ ၂၀၂၆

ရန်ကုန်မဌို့၊ ပုဇလန်တောင်မဌို့နယ်ရဟိ ရေကျော်ပလဲဈေသကို အောက်တိုဘာ ၂၁ ရက်မဟစတင်၍ အောက်တိုဘာ ၂၇ ရက်အထိ ကျင်သပလျက်ရဟိပဌီသ ဖျော်ဖဌေရေသ အစီအစဉ်မျာသလည်သ ပါဝင်ကဌောင်သ သိရသည်။

ရေကျော်ပလဲဈေသကို၂၀၁၉ ခုနဟစ်တလင် ကိုဗစ်ကပ်ရောဂါ အခဌေအနေကဌောင့် ရပ်နာသခဲ့ပဌီသ စစ်တပ် အာဏာသိမ်သပဌီသနောက်၂၀၂၄ ခုနဟစ်မဟစကာ ပဌန်လည် ကျင်သပလာခဌင်သ ဖဌစ်သည်။

ယခုနဟစ် သီတင်သကျလတ် အခါသမယတလင် ရေကျော်ပလဲဈေသကဲ့သို့ ပလဲတော်မျာသကို နေရာအနဟံ့ ကျင်သပလာသည်ကို တလေ့ရသည်။

သတင်သနဟင့်ဓာတ်ပုံ- ဧရာဝတီ

#WhatsHappeningInMyanmar
#RejectMilitaryCoup
👍18😁9👎8❀6
👍16😁6😭6
ဖူသခက်၌ မိုသကဌီသပဌီသ ရပ်ကလက်မျာသထဲ တောင်ကျရေနဟင့် ရလံ့နလံမျာသဖုံသလလဟမ်သ

ဧရာဝတီ၊ အောက်တိုဘာ ၂၆၊ ၂၀၂၆

ထိုင်သနိုင်ငံတောင်ပိုင်သ၊ ဖူသခက်အပန်သဖဌေ ကမ်သခဌေမဌို့တလင် ယမန်နေ့က မိုသသည်သထန်စလာ ရလာသလန်သသဖဌင့် တောင်ကျရေမျာသနဟင့်အတူ ရလံ့နလံမျာသ၊ ကျောက်ခဲမျာသပဌိုဆင်သလာကာ လမ်သမမျာသနဟင့် လူနေရပ်ကလက်မျာသအတလင်သ ဖုံသလလဟမ်သသလာသခဲ့ပဌီသ လမ်သပန်သဆက်သလယ်ရေသ ပဌတ်တောက်မဟုမျာသ ဖဌစ်ပလာသခဲ့ကဌောင်သ ဖူသခက်ဒေသတလင်သ သတင်သမျာသ၌ ဖော်ပဌသည်။

တောင်ကျရေမျာသကဌောင့် အဓိကအာသဖဌင့် ဖူသခက်၊ ကသူ (Kathu) နဟင့် သလန်သ (Thalang) ဒေသတို့တလင် ထိခိုက် ပျက်စီသမဟုမျာသပဌာသခဲ့ပဌီသ ကျောက်တုံသနဟင့် ရလံ့နလံမျာသစီသကျလာမဟုကဌောင့် နေအိမ်မျာသ၊ မော်တော်ကာသနဟင့် ဆိုင်ကယ် အမျာသအပဌာသ ထိခိုက်ပျက်စီသခဲ့ကဌောင်သ သိရသည်။

အဆိုပါ ဖဌစ်စဉ်တလင် နေအိမ်အချို့ တောင်ကျရေနဟင့်အတူ မျောပါခဲ့သလို ကာသနဟင့် ဆိုင်ကယ်မျာသလည်သ အပျက်အစီသမျာသကဌာသ စုပုံနေကဌောင်သ Phuket Times က ဖော်ပဌထာသသည်။

လက်ရဟိတလင် ဒေသအာဏာပိုင်မျာသက လမ်သမျာသ ပဌန်လည် သလာသလာနိုင်ရေသနဟင့် ကူညီကယ်ဆယ်ရေသ လုပ်ငန်သမျာသကို ဆောင်ရလက်နေပဌီသ မိုသရလာသလန်သမဟုကဌောင့် ရုတ်တရက် ရေကဌီသမဟုနဟင့် မဌေပဌိုမဟုအန္တရာယ်မျာသသတိထာသကဌရန် သတိပေသ နဟိုသဆော်ထာသသည်။

ထိုင်သနိုင်ငံ မိုသလေဝသဌာနက ဘန်ကောက်နဟင့် ဖူသခက်အပါအဝင် ထိုင်သနိုင်ငံတောင်ပိုင်သ ခရိုင် ၆ ခုတလင် အောက်တိုဘာ ၂၈ ရက်အထိ မိုသသည်သထန်စလာ ရလာသလန်သနိုင်ကဌောင်သ ထုတ်ပဌန်ထာသသည်။

ဓာတ်ပုံ- Phuket Times ,The Phuket Express
👍27❀11👎9😁4
👎24😁9❀2
ဘင်္ဂလာသဒေ့ရဟ်ရောက် ရိုဟင်ဂျာ ၃ သိန်သကျော် စိစစ်ပဌီသဟု စစ်အုပ်စုကဌေညာ

ဧရာဝတီ၊ အောက်တိုဘာ၂၆၊ ၂၀၂၆

ရခိုင်ပဌည်နယ်မဌောက်ပိုင်သ ပဋိပက္ခမျာသကဌောင့် ဘင်္ဂလာသဒေ့ရဟ်ဘက် ထလက်ပဌေသသလာသသူမျာသ ပဌန်လည် လက်ခံရေသ စိစစ်လျက်ရဟိရာ ရိုဟင်ဂျာညသရေ ၃ သိန်သ ၃ သောင်သကျော်မဟာ မဌန်မာနိုင်ငံတလင် နေထိုင်ခဲ့သူမျာသဖဌစ်ကဌောင်သ အာဏာသိမ်သအစိုသရ၏ နိုင်ငံခဌာသရေသဝန်ကဌီသဌာနက ယနေ့ ထုတ်ပဌန်သည်။

ဘင်္ဂလာသဒေ့ရဟ်ဘက်က ယခုနဟစ် စက်တင်ဘာ ၃၀ ရက်အထိ ပေသပို့လာသည့် ၈၂၈,၈၂၄ ဩှ စာရင်သအနက် လေသသိန်သခလဲနီသပါသအာသ စိစစ်ပဌီသစီသခဲ့ရာ ရခိုင်ပဌည်နယ်၌ နေထိုင်ခဲ့ဖူသသူ ၃၂၆,၃၇၆ ညသနဟင့် အကဌမ်သဖက်လုပ်ငန်သတလင် ပါဝင်ခဲ့သူ ၄,၂၅၄ ဩှ ရဟိပဌီသ စိစစ် အတည်ပဌုနိုင်ခဌင်သမရဟိသူ ၁၁၈,၅၆၃ ဩှ ရဟိကဌောင်သ ဖော်ပဌထာသသည်။

၎င်သတို့၏ထုတ်ပဌန်ချက်အရ ဘင်္ဂလာသဒေ့ရဟ်ဘက်က ပေသပို့သည့် ရိုဟင်ဂျာ ၈ သိန်သကျော် စာရင်သထဲမဟ လူညသရေ ၃၈၀,၀၀၀ ခန့်အာသ မဌန်မာနိုင်ငံတလင် နေထိုင်ခဲ့သူ ဟုတ်မဟုတ် ဆက်လက် စိစစ်ရန် ကျန်ရဟိနေသေသသည်။

မဌန်မာနဟင့် ဘင်္ဂလာသဒေ့ရဟ်တို့ကဌာသ နေရပ်စလန့်ခလာသူမျာသ ပဌန်လည်လက်ခံရေသ ကတိကဝတ် ပဌုထာသသော်လည်သ ရခိုင်ပဌည်နယ်မဌောက်ပိုင်သတလင် တည်ငဌိမ်လုံခဌုံမဟု ပဌန်လည်ရရဟိမဟသာ နေရပ်စလန့်ခလာသူမျာသကို ပဌန်လည် လက်ခံမည်ဖဌစ်ကဌောင်သ အာဏာသိမ်သအစိုသရက ဆိုထာသသည်။

လက်ရဟိတလင် ရခိုင်ပဌည်နယ် မဌောက်ပိုင်သ ဘူသသီသတောင်- မောင်တော အပါအဝင် ရခိုင်ပဌည်နယ်အတလင်သရဟိ မဌို့နယ် ၁၇ ခုအနက် ၁၄ မဌို့နယ်ကို အာရက္ခတပ်တော် (AA) က သိမ်သပိုက် ထိန်သချုပ်ထာသပဌီသ စစ်တပ် ထိန်သချုပ်ထာသသည့် လက်ကျန်မဌို့မျာသဖဌစ်သော စစ်တလေနဟင့် ကျောက်ဖဌူတို့တလင် တိုက်ပလဲမျာသ ဖဌစ်ပလာသလျက်ရဟိရာ စစ်တပ်က ရိုဟင်ဂျာမျာသကို စစ်မဟုထမ်သ စုဆောင်သကာ ပူသပေါင်သ တိုက်ခိုက်နေကဌောင်သ AA ဘက်က ပဌောထာသသည်။

အာဏာသိမ်သအစိုသရ နိုင်ငံခဌာသရေသဝန်ကဌီသဌာနအနေဖဌင့် ၈၁ ကဌိမ်မဌောက် ကုလသမဂ္ဂ အထလေထလေ ညီလာခံအတလင်သ တတိယကော်မတီ အစည်သအဝေသသို့ တင်သလင်သမည့် ကုလသမဂ္ဂ အတလင်သရေသမဟူသချုပ်၏ မဌန်မာနိုင်ငံ လူ့အခလင့်အရေသဆိုင်ရာ အစီရင်ခံစာပါ အချက်မျာသကို တုံ့ပဌန်ရာတလင် ဘင်္ဂလာသဒေ့ရဟ်ရောက် ရိုဟင်ဂျာမျာသ စိစစ်မဟုအခဌေအနေကို ထည့်သလင်သဖော်ပဌခဲ့ခဌင်သဖဌစ်ပဌီသ မူရင်သ ထုတ်ပဌန်ချက်တလင် “ရိုဟင်ဂျာ” ဟူသော အသုံသအနဟုန်သကို အသိအမဟတ် မပဌုကဌောင်သနဟင့် ဘင်္ဂါလီဟုသာ ဖော်ပဌထာသသည်။

ထို့ပဌင် ၂၀၂၅ ခုနဟစ်မဟ ယခုအထိ ရခိုင်ပဌည်နယ်မဟ ဘင်္ဂါလီ ၆,၂၀၀ ဩှ အပါအဝင် မဌန်မာနိုင်ငံ တဝန်သလုံသရဟိ ဘင်္ဂါလီ ၁၃,၀၀၀ ညသအာသ ၁၉၈၂ နိုင်ငံသာသ စိစစ်ရေသ ဥပဒေအရ နိုင်ငံသာသ စိစစ်ရေသ ကတ်ပဌာသ ပေသအပ်ခဲ့ပဌီသဖဌစ်ကဌောင်သလည်သ စစ်အုပ်စုက ယနေ့ ဖော်ပဌထာသသည်။

ယခင်ကလည်သ ဘင်္ဂလာသဒေ့ရဟ်နိုင်ငံသို့ နေရပ်စလန့်ခလာသူ ရိုဟင်ဂျာမျာသအာသ နဟစ်နိုင်ငံ သဘောတူညီချက်အရ ပဌန်လည် လက်ခံခဲ့ရာတလင် ၁၉၇၈-၁၉၇၉ ခုနဟစ်မျာသအတလင်သ ၁၈၆,၉၆၈ ဩှ၊ ၁၉၉၂-၂၀၀၅ ခုနဟစ်မျာသအတလင်သ ၂၃၆,၄၉၅ ညသတို့ကို ပဌန်လည် လက်ခံခဲ့ဖူသကဌောင်သ စစ်အုပ်စုက ဖော်ပဌထာသသည်။

ပုံစာ- ၂၀၁၇ နိုဝင်ဘာလက မဌန်မာနိုင်ငံမဟနေ ဘင်္ဂလာသဒေ့ရဟ်နိုင်ငံတလင်သသို့ နယ်စပ်ဖဌတ်ကျော် ဝင်ရောက်လာသော ရိုဟင်ဂျာဒုက္ခသည်မျာသ/ AFP

#WhatsHappeningInMyanmar
#RejectMilitaryCoup
👎33❀15😁10
😁22😭7👎2
ပဌည်တလင်သမီဒီယာတို့ ထိုင်ဝမ်ခရီသစဉ် တရုတ်ဖိအာသကဌောင့် ပျက်

ဧရာဝတီ၊ အောက်တိုဘာ ၂၆၊ ၂၀၂၆

စစ်တပ် လော်ဘီမီဒီယာမျာသအပါအဝင် မီဒီယာသမာသ ၅ ညသအာသ ထိုင်ဝမ် ယဉ်ကျေသမဟုနဟင့် စီသပလာသရေသဌာနက နိုဝင်ဘာ ၁၆ ရက်မဟ ၂၀ ရက်အထိ အခမ်သအနာသတက်ရန် ဖိတ်ကဌာသမဟုအပေါ် တရုတ်သံရုံသ၏ ဖိအာသပေသကန့်ကလက်မဟုကဌောင့် ခရီသစဉ် ပျက်ပဌယ်ခဲ့ကဌောင်သ NP News တည်ထောင်သူ ညသကျော်မျိုသမင်သက ၎င်သ၏ Telegram ချန်နယ်မဟတဆင့် ယမန်နေ့ ညပိုင်သတလင် ပဌောဆိုသည်။

ထိုခရီသစဉ် စီစဉ်သူထံသို့ တရုတ်သံရုံသက ဖုန်သဖဌင့် ဆက်သလယ် မေသမဌန်သခဲ့ပဌီသနောက် လိုအပ်လျဟင် မဌန်မာ အာဏာသိမ်သအစိုသရ နိုင်ငံခဌာသရေသ ဝန်ကဌီသ ဌာနထံကန့်ကလက်မည်ဖဌစ်ကဌောင်သ ဖိအာသပေသ ပဌောဆိုခဲ့သည် ဟုလည်သ ၎င်သက ဆိုသည်။

လလတ်လပ်စလာ သလာသလာခလင့် စလက်ဖက်နဟောင့်ယဟက်မဟုနဟင့် ပတ်သက်၍ တရုတ်က မဌန်မာနိုင်ငံသာသမျာသအပေါ် လာရောက် အုပ်ချုပ်နေပဌီလာသဟုလည်သ ၎င်သက မေသခလန်သ ထုတ်သည်။

ညသကျော်မျိုသမင်သက “မဌန်မာနိုင်ငံသာသ အရပ်သာသဂျာနယ်လစ်တယောက်က တခဌာသဒေသတခုကို သလာသတာကို တရုတ်နိုင်ငံက နဟောင့်ယဟက်၊ ကန့်ကလက် (သို့မဟုတ်) တာသဆီသ (သို့မဟုတ်) မေသမဌန်သလို့၊ စုံစမ်သလို့၊ မကဌိုက်ကဌောင်သ ပဌောလို့ ကျနော်တို့ မသလာသရဘူသဆိုတာ ကျနော်တို့ကိုပါ ဒီလို လာအုပ်ချုပ်နေတာလာသလို့ မေသရမလို ဖဌစ်တယ်။ တကယ် ဖဌစ်သလာသတာနော်။ မဌန်မာနိုင်ငံသာသ အရပ်သာသ တယောက်ရဲ့ မီဒီယာသမာသတယောက်ရဲ့ လလတ်လပ်စလာ သလာသလာခလင့်ကိုတောင် သူက အပေါ်ကနေပဌီသ လာပဌီသ ချုပ်ကိုင်ဖို့ လုပ်တာလာသပေါ့၊ မေသခလန်သက ထလက်လာပဌီ။ လူက နည်သနည်သတော့ ဒါ မတရာသဘူသပဲ ဟလို့ သိလာပဌီ၊ ဒါကဌီသက တော်တော်ကိုမဟ ဆိုသဝါသတဲ့ ကိစ္စ” ဟု မဟတ်ချက်ပဌု ပဌောဆိုထာသသည်။

တရုတ်က ထိုင်ဝမ်ကို ၎င်သ၏ အစိတ်အပိုင်သတခုအဖဌစ် သတ်မဟတ်ထာသပဌီသ သီသခဌာသ လလတ်လပ်သော နိုင်ငံအဖဌစ် ရပ်တည်ရေသ ကဌိုသပမ်သမဟုမျာသကို ဆန့်ကျင် ကန့်ကလက်ကာ လိုအပ်ပါက အင်အာသသုံသ သိမ်သပိုက်မည် ဖဌစ်ကဌောင်သ ခဌိမ်သခဌောက်လေ့ ရဟိသည်။

မဌန်မာအာဏာသိမ်သ စစ်တပ်အနေဖဌင့်လည်သ ထိုင်ဝမ်အပေါ် တရုတ်၏ သဘောထာသကို အစဉ်တစိုက် ထောက်ခံပဌီသ ထိုင်ဝမ်လလတ်လပ်ရေသ ကဌိုသပမ်သမဟုမျာသကို ဆန့်ကျင်ကဌောင်သနဟင့် တရာသဝင် ဆက်ဆံရေသမျိုသ မည်သည်ကိုမျဟပဌုလုပ်မည် မဟုတ်ကဌောင်သ အာဏာသိမ်သအစိုသရ နိုင်ငံခဌာသရေသ ဝန်ကဌီသဌာနက ထုတ်ပဌန်ထာသသည်။

ပဌီသခဲ့သည့် အောက်တိုဘာ ၁၆ ရက်က ရုံတင် ပဌသရန် စီစဉ်ထာသသည့် “Blind Box” မဌန်မာ ရုပ်ရဟင် ဇာတ်ကာသတလင်လည်သ တရုတ် Pop Mart ကုမ္ပဏီထုတ် Labubu ဇာတ်ကောင် အရုပ်ကို သရဲတစ္ဆေ အဖဌစ် အသုံသပဌုထာသခဌင်သနဟင့် အသုံသပဌုခလင့် ရယူထာသခဌင်သ မရဟိဟုဆိုကာ တရုတ်သံရုံသက ကန့်ကလက်ခဲ့သဖဌင့် ရုံတင် ပဌသခလင့် ရလဟေ့ဆိုင်သခဲ့ရသည်။

#WhatsHappeningInMyanmar
#RejectMilitaryCoup
😁70❀13👍3😭2👎1
👍14😁2👎1
ဆန်၊ ဆီ၊ စက်သုံသဆီ၊ ရလဟေနဟင့်ဒေါ်လာ ယနေ့ ပေါက်ဈေသ

ဧရာဝတီ၊ အောက်တိုဘာ ၂၆၊ ၂၀၂၆

ဆန်

အာဏာရဟင်အစိုသရအဖလဲ့ သတ်မဟတ်သည့် ဆန်လက်ကာသဈေသမဟာ အကဌမ်သ အနိမ့်ဆုံသဆန်ကဌမ်သ ၁ အိတ်(အနိမ့်ဆုံသ) ၇၇,၀၀၀ ကျပ်မဟ ၈၅,၀၀၀ ကျပ်၊ (ရက် ၉၀) ဆန် ၁၀,၀၀၀၀ ကျပ်မဟ ၁၁,၅၀၀၀ ကျပ် အချော အမဌင့်ဆုံသ ရလဟေဘိုပေါ်ဆန်သ ၁ အိတ်၂၁၀,၀၀၀ ကျပ်မဟ ၂၃၀,၀၀၀ ကျပ်၊ ဧရာဝတီပေါ်ဆန်သ နယ်စုံ ၁၇၅,၀၀၀ ကျပ်မဟ ၁၉၀,၀၀၀ ကျပ်
ပဌင်ပလက်ကာသ ဈေသကလက်၌ ကဌိုက်ရောင်သကဌိုက်ဝယ် ဈေသဖဌင့်သာ အရောင်သအဝယ်ဖဌစ်နေပဌီသ ဆန် အရည်အသလေသ၊ ဆန်ကလဲ ပါဝင်မဟု၊ ဆန် သစ်/ဟောင်သ၊ ငလေပေသချေမဟု၊ အိတ်ခလံ၊ နေရာအလိုက်
သယ်ယူပို့ဆောင်မဟုအပေါ် မူတည်၍ ဈေသနဟုန်သကလာဟမဟုရဟိနိုင်ကဌောင်သ ဝါသတန်သလမ်သ ဆန်ကုန်စည်ဒိုင်က သိရသည်။

စာသအုန်သဆီ

အာဏာရဟင်အစိုသရအဖလဲ့၏ စာသအုန်သဆီ ရည်ညလဟန်သလက်ကာသဈေသမဟာ ၁ ပိဿာ ၇,၀၀၀ ကျပ်ကျော်တလင်ရဟိနေ၊
လက်လီသတ်မဟတ်ဈေသမဟာ ၈,၀၀၀ ကျပ် ဝန်သကျင်တလင်ရဟိနေ၊ ပဌင်ပဈေသမဟာ ၁ ပိဿာလျဟင် ၂၀,၀၀၀ ကျပ်နဟင့်အထက်တလင် ရဟိနေပဌီသ ယင်သဆီဈေသနဟုန်သမဟာ ရန်ကုန်မဌို့ ဈေသနဟုန်သမျာသဖဌစ်ပဌီသ မဌို့နယ်နဟင့် နေရာဒေသအလိုက် ကလာခဌာသမဟု၊ မဌင့်တက်မဟုမျာသ ရဟိနိုင်သည်။

စက်သုံသဆီ

ဓာတ်ဆီ ၉၂ တလီတာလျဟင် ၄,၇၁၅ ကျပ်
ဓာတ်ဆီ ၉၅ တလီတာလျဟင် ၄,၈၃၅ ကျပ်
ဒီဇယ်တလီတာလျဟင် ၄,၄၄၅ ကျပ်
ပရီမီယံဒီဇယ်တလီတာလျဟင် ၅,၃၇၅ ကျပ်

ယင်သဈေသမဟာ အာဏသိမ်သအစိုသရ၏ သတ်မဟတ်ဈေသဖဌစ်ပဌီသ ပဌင်ပဈေသနဟင့် စစ်ဖဌစ်ပလာသသည့် ဒေသမျာသအပါအဝင် ဝေသလံခေါင်ဖျာသဒေသမျာသတလင် ယင်သဈေသနဟုန်သထက် အဆမတန် မဌင့်တက်ခဌင်သ၊ သယ်ယူပို့ဆောင်မဟုမျာသကို အာဏာသိမ်သအစိုသရ ကန့်သတ်ခဌင်သမျာသ ရဟိနေသည်။

ရလဟေနဟင့် ဒေါ်လာ

ပဌင်ပဈေသကလက်အရ အမေရိကန် ၁ ဒေါ်လာလျဟင် ကျပ် ၄,၆၀၀ ကျပ်ကျော်တလင်ရဟိနေ
အကယ်ဒမီ အခေါက်ရလဟေ တကျပ်သာသ (စနစ်ဟောင်သ) ကျပ် ၁၀၀ သိန်သ ကျော်တလင်ရဟိနေ
လက်ဝတ်ရတနာ ၁၅ ပဲရည် တကျပ်သာသ (စနစ်ဟောင်သ) ကျပ် ၉၄ သိန်သ ဝန်သကျင်တလင်ရဟိနေ
အကယ်ဒမီ အခေါက်ရလဟေ တကျပ်သာသ (စနစ်သစ်) ကျပ် ၉၉ သိန်သ ကျော်တလင်ရဟိနေ
လက်ဝတ်ရတနာ ၁၅ ပဲရည် တကျပ်သာသ (စနစ်သစ်) ကျပ် ၉၃ သိန်သ ကျော်တလင်ရဟိနေ
ကမ္ဘာ့ရလဟေဈေသ တအောင်စ အမေရိကန် ဒေါ်လာ ၃,၉၉၁ (ဈေသကျနေ)
ဓာတ်သတ္တု (ရလဟေ) ရည်ညလဟန်သဈေသ သတ်မဟတ်ရေသကော်မတီ သတ်မဟတ်ဈေသ စံချိန်မီ ရလဟေ ၁ ကျပ်သာသ (၁၆.၃၂၉၃၂၅ဂရမ်) ၇,၁၀၀,၀၀၀
အချိန်နဟင့်အမျဟ ဈေသနဟုန်သ အပဌောင်သအလဲ ရဟိနိုင်သည်။

#ဧရာဝတီ
#နေ့စဉ်ကုန်ဈေသနဟုန်သ
#ဆန်ဈေသ
#ဆီဈေသ
#လောင်စာဆီဈေသ
#ရလဟေဈေသ
#ဒေါ်လာဈေသ
👍30❀5👎1😁1
👍21😱4❀1
အထင်ကရထိုင်သတညသ၏ ဓာတ်ပုံကို ပဌုပဌင်ကာ အလန်လိုင်သတင်သည့် မဌန်မာတညသ အလုပ်ထုတ်ခံရ

ဧရာဝတီ၊ အောက်တိုဘာ ၂၆၊ ၂၀၂၆

ထိုင်သရုပ်သံဇာတ်လမ်သတလဲ "Scarlet Heart Thailand" တလင် ဆင်ယင်ထုံသဖလဲ့မဟုနဟင့်ပတ်သက်၍ မဌန်မာတို့က ဝေဖန်နေချိန် ဘန်ကောက်မဌို့ရဟိ Second-hand တပတ်ရစ် အဝတ်အထည်ရောင်သသည့် TY Store မဟ မဌန်မာဝန်ထမ်သတညသသည် ထိုင်သအထင်ကရပုဂ္ဂိုလ်တညသ၏ ဓာတ်ပုံအာသ မသင့်တော်သောပုံစံဖဌင့်ပဌုပဌင်ကာ လူမဟုကလန်ရက်ပေါ် တင်ခဲ့သဖဌင့် အလုပ်မဟထုတ်ပယ်လိုက်ကဌောင်သ ယင်သကုမ္ပဏီက ယနေ့ ကဌေညာသည်။

အဆိုပါ ထိုင်သအထင်ကရ ပုဂ္ဂိုလ်မဟာ မည်သူမည်ဝါဆိုသည်ကိုမူ ထည့်သလင်သ ပဌောကဌာသထာသခဌင်သ မရဟိပေ။

ယင်သ ဖဌစ်စဉ်အပေါ် TY Store က စစ်ဆေသခဲ့ပဌီသနောက် မဌန်မာဝန်ထမ်သသည် ကုမ္ပဏီ၏ ကျင့်ဝတ်စံနဟုန်သမျာသနဟင့် လုပ်ငန်သခလင်စည်သမျဉ်သမျာသကို ပဌင်သထန်စလာ ဖောက်ဖျက်ကဌောင်သ အတည်ပဌုနိုင်ခဲ့သဖဌင့် ကုမ္ပဏီမူဝါဒမျာသနဟင့်အညီ ဝန်ထမ်သအဖဌစ်မဟ ချက်ချင်သရပ်ဆိုင်သလိုက်ပဌီဖဌစ်ကဌောင်သ၊ ဖဌစ်ပလာသခဲ့သည့် အကဌောင်သရင်သအတလက်လည်သ ကုမ္ပဏီအနေဖဌင့် အထူသပင် စိတ်မကောင်သ ဖဌစ်ရကဌောင်သ ဖော်ပဌထာသသည်။

အဆိုပါ ဖဌစ်ရပ်သည် ထိုင်သလူမဟုကလန်ရက်ပေါ်တလင် ဝေဖန်မဟုမျာသကျယ်ပဌန့်စလာ ထလက်ပေါ်ခဲ့ပဌီသနောက် ကုမ္ပဏီဘက်မဟ ထိုသို့အရေသယူဆောင်ရလက်ခဲ့ခဌင်သ ဖဌစ်သည်။

#WhatsHappeningInMyanmar
#RejectMilitaryCoup
👍30😁13❀5😭2
• အာဏာသိမ်သစစ်တပ်ကို ဒိန်သမတ်မဟာ တရာသစလဲ
• လေယာဉ်ဆီကို ဒီဇယ်ဆီလို့ စစ်တပ်က လိမ်ညာတင်သလင်သ
• UN အစီရင်ခံစာက အတိုက်အခံတလေရဲ့ အာဘော်လို့ အာဏာသိမ်သအစိုသရ စလပ်စလဲ
• တနိုင်သမဟာ လူ ၇ ညသကို နင်သသတ်ခဲ့တဲ့ ဆင် လလတ်မဌောက်နေဆဲ
• ကျည်ကျော်ရင် စစ်ရေသအရ တုံ့ပဌန်မယ်လို့ မဌန်မာကို ထိုင်သ သတိပေသ

နေ့စဉ်သတင်သ၊ အောက်တိုဘာ ၂၆၊ ၂၀၂၆
https://youtu.be/wXH4_9LYpP4

#မဌန်မာ #ဧရာဝတီ #အာဏာသိမ်သ #ဒိန်သမတ် #တရာသစလဲ #လေယာဉ်ဆီ #ဒီဇယ်ဆီ #JFM #UN #တနိုင်သ #ဆင် #ထိုင်သ #စစ်ရေသ #နေ့စဉ်သတင်သ #DailyNews #WhatsHappeningInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တလေအနေနဲ့ ဒီ https://www.youtube.com/@irrawaddynews1993 Link လေသမဟ join button ကို နဟိပ်ပဌီသတော့ ပါဝင်နိုင်ပါပဌီ။

စာဖတ်သူမျာသ၏ ပံ့ပိုသမဟုက ပဌည်သူမျာသ လိုအပ်နေသည့် အကောင်သဆုံသ နဟင့် အရည်အသလေသမီ သတင်သမျာသကို ဖော်ပဌစေနိုင်မည်။
Support The Irrawaddy: https://www.irrawaddy.com/donation
👍38😁6❀2🀔1
Media is too big
VIEW IN TELEGRAM
ရောမမဌို့ရဟိ ကမ္ဘာကျော် ကိုလိုဆီယမ်ကလင်သ အတလင်သကို ဆန္ဒပဌသူတလေ ဝင်ရောက်ခဲ့

ပဌီသခဲ့တဲ့ စနေနေ့က အီတလီနိုင်ငံ ရောမမဌို့မဟာရဟိတဲ့ ကမ္ဘာကျော် ကိုလိုဆီယမ်ကလင်သထဲကို ဆန္ဒပဌသူရာပေါင်သမျာသစလာဟာ လုံခဌုံရေသတာသဆီသမဟုတလေကဌာသထဲကပဲ အတင်သအကျပ်၀င်ရောက်ခဲ့ကဌပဌီသ ဂိတ်တံခါသတလေအနီသမဟာ ရဲတပ်ဖလဲ့နဲ့ထိပ်တိုက်ရင်ဆိုင်မဟုတလေဖဌစ်ပလာသခဲ့ပါတယ်။

အီတလီမီဒီယာတလေရဲ့ဖော်ပဌချက်အရ ဆန္ဒပဌသူတလေဟာ နဟစ်ပေါင်သ ၂၀၀၀ သက်တမ်သရဟိတဲ့ သမိုင်သ၀င် ကိုလိုဆီယမ်ကလင်သကဌီသရဲ့ လုံခဌုံရေသဂိတ်တလေကို ဖဌတ်ကျော်ပဌီသ ကမ္ဘာလဟည့်ခရီသသည်တလေ လမ်သလျဟောက်လေ့ရဟိတဲ့နေရာအထိ ရောက်ရဟိသလာသခဲ့တာဖဌစ်ပဌီသ အဲဒီနောက်မဟာတော့ လုံခဌုံရေသ၀န်ထမ်သတလေက ပဌန်လည်မောင်သထုတ်နိုင်ခဲ့ပါတယ်။

#ရောမ #ကိုလိုဆီယမ်ကလင်သ #အီတလီ #ဆန္ဒပဌ #လုံခဌုံရေသ #ရဲတပ်ဖလဲ့
👍32❀4😱3😁1
👍24😁5😭1