The Irrawaddy - Burmese

😭22😱20😁3

3.37K views10:47

ချင်းတောင်ပိုင်း စစ်ရှောင်တို့ တုပ်ကွေး၊ ဝမ်းပျက်ဝမ်းလျှောနှင့် အရေပြားရောဂါများ ဖြစ်နေ

ဧရာဝတီ၊ အောက်တိုဘာ ၂၈၊ ၂၀၂၆

ချင်းပြည်နယ်တောင်ပိုင်း၊ ကန်ပက်လက်နှင့် မင်းတပ်မြို့နယ်များတွင် စစ်တပ် အင်အားထောင်ချီဖြင့်စစ်ကြောင်းထိုးနေမှုကြောင့် စစ်ရှောင်နေရသည့် ဒေသခံများ အရေပြားရောဂါ၊ ရာသီတုပ်ကွေး၊ ဝမ်းပျက်ဝမ်းလျှောရောဂါတို့ ခံစားနေကြရပြီး ဆေးဝါးလိုအပ်ချက်ရှိနေကြောင်း စစ်ရှောင် ကူညီနေသူများနှင့် ဒေသခံများထံမှ သိရသည်။

“အခုက ရာသီ အကူးအပြောင်းဆိုတော့ ရာသီတုပ်ကွေးတွေက ပိုပြီး အဖြစ်များတယ်။ ပြီးတော့ သောက်သုံးရေ မသန့်ရှင်းတာတွေကြောင့်လည်း ဝမ်းပျက်ဝမ်းလျှော၊ အရေပြားရောဂါ ဖြစ်တာတွေလည်း ရှိတယ်။ လူနာကများ၊ ရှိတာနဲ့ ကုပေးနေရတော့ မမျှတာမျိုးပေါ့။ ဆေးတွေ ပြန်ဝယ်ဖို့ အခက်အခဲလည်း ရှိတော့ ရောဂါသိပေမယ့် ဆေးဝါးမရှိတော့ ကုမပေးနိုင်၊ ဒီအတိုင်း ငုပ်တုတ် ထိုင်ကြည့်နေရတဲ့ အနေအထား ဖြစ်နေတယ်” ဟု စစ်ဘေးရှောင် ကူညီပေးနေသူတဦးက ပြောသည်။

ချင်းပြည်နယ် ကန်ပက်လက်မြို့နယ်နှင့် မကွေးတိုင်း စေတုတ္တရာမြို့နယ် အစပ် တောတောင်များတွင် စစ်ဘေး ရှောင်နေရသူ ၈၀၀ ကျော်ခန့် ရှိနေပြီး ကျန်းမာရေး၊ ဘေးကင်း လုံခြုံရေးကိစ္စများကို မြေလတ် လွတ်မြောက်ရေးတပ်တော် ကျန်းမာရေးဌာနက တာဝန်ယူ ကူညီစောင့်ရှောက်ပေးနေသော်လည်း လမ်းပန်းဆက်သွယ်ရေးမကောင်းသဖြင့် ကျန်းမာရေးအခြေအနေ ဆိုးရွားပါက အခြား ဒေသသို့ သွားရောက် ကုသရန်အတွက်လည်း အခက်အခဲများ ဖြစ်နေကြောင်း သိရသည်။

လက်ရှိအချိန်၌ ချင်းပြည်နယ် တောင်ပိုင်း ကန်ပက်လက်နှင့် မင်းတပ် မြို့နယ်များသို့ စစ်တပ်က အင်အား ထောင်ချီ အသုံးပြု၍ စစ်ကြောင်းကြီး ၄ ကြောင်းဖြင့် ထိုးစစ်ဆင်နေသဖြင့် ဒေသခံ အရပ်သားများ ဘေးလွတ်ရာ နေရာများနှင့် တောတောင်များအတွင်း ထွက်ပြေး တိမ်းရှောင်နေရကြောင်း သိရသည်။

ဓာတ်ပုံ- ယောအလင်းတန်း

#WhatsHappeningInMyanmar
#RejectMilitaryCoup

😭32❤5😱5😁4👍1

3.86K views10:47