Ketish yaxshi.
Boradigan joying bo‘lsa,
Ketishing – yaxshi.
Boradigan joying bo‘lmasa ham
Ketish yaxshidir.
Boradigan joyingni yo‘l-yo‘lakay qurib borsang,
Ketish – juda qiziq.

Boradigan joying ertak bo‘lsa
Ketish – chiroyli.
Ketish faqat yurishdan iborat bo‘lsa,
Ketishda charchoq yo‘q.
Ketishing uchishga ko‘chsa,
Demak yurakka aylangansan!

Tilingda kimningdir ismi bo‘lsa,
Ketishing – muhabbat,
Yolg‘izgina ketish esa –
Ko‘ngilga ketishdir,
Dunyo go‘zal tortgusi
Bu ketishingdan.

Sen esa yig‘lab ketyapsan.
Bu – sog‘inchli ketishda
Parvardigorga yetgaysan,
Xudo xohlasa…

- Usmon Azim

kitobdan:

“Oltin vaqtingiz”ni toping. Eng muhim ishlarni shaxsiy samaradorlik choʻqqisi boʻlmish “oltin vaqt”da bajarsangiz, kamroq kuch sarflab koʻproq natijaga erishasiz. Tadqiqotlarga koʻra, inson miyasi eng faol boʻladigan ikkita vaqt oraligʻi mavjud:
8:00 dan 10:00 gacha tahliliy va intellektual vazifalarga diqqatni jamlash uchun eng yaxshi paytdir. Tungi dam olishdan soʻng miya yuqori ish qobiliyatiga ega boʻladi. Bu paytda xorijiy soʻzlarni yodlash yoki murakkab masalalarni yechish oson kechadi.
16:00 dan 18:00 gacha bilimlarni mustahkamlash va murakkabroq vazifalarni bajarish uchun qulay fursatdir. Uxlashdan oldingi bir soat esa kun davomida oʻrganilganlarni takrorlash vaqti hisoblanadi. Shu qisqa vaqt ichida qabul qilingan maʼlumotlar xotirada uzoq saqlanib qoladi.

Kelsang
Qadamingda gullar undirib,
Qaqragan qalbimning chanqogʻin bossang.

Koʻrsam
Kulmagan koʻzim kuldirib,
Qulochim ochsam-u, oʻzingni otsang.

Soʻzlasang
oʻzingdan. Qoʻllar quchishib,
Shahar kezar edik sen-la piyoda.

Yigʻlasang
Boshingni bagʻrimga ilib,
Koʻzingdan koʻksimga oʻrmalagan yosh,
Muzlagan yurakni eritsa, zora.

Va ketsang
Ortingdan koʻzlarim oqib
Manziling yetguncha kuzatib borsa.

Qaytmasang
Mendagi bor tuygʻu, bor his,
Koʻzim va yuragim sen bilan qolsa.

Yashasang
Tosh tekkan nomingni oqlab
Har-harda joningni, holingni soʻrsam.

Yashasam
Meniki boʻlmasang ham hech
Uzoqdan baxtingni kuzatib tursam..

Kelmasang…

©️

A'la surasi

Hasanxon va Husaynxon ustozlarning ota hovlilarida katta xatmi Qur'on!

11.05.2021

— Sezayapsizmi? Havoda qandaydir g'amginlik borday.
— Kuz axir.
— Endi nima qilish kerak?
— Palto olish kerak.
— Menda bor.
— Unda paltoning tugmalarini qadab qo'yadigan insonni topish kerak.

Oliy ma'lumotim bor, to'rtta kitob yozganman va yuzlab maqolalar e'lon qilganman. Ammo baribir o'qishimda xato qilaman. Sen menga "Xayrli kun" deb yozasan-u, men uni "Seni sevaman" deb o'qiyman.

- Mahmud Darvish

Yaxshi yoki yomon odamlar mavjud emas. Chiroyli yoki hunuk odamlar ham mavjud emas. Faqat ikki xil odamlar bor: biz yoqtiradigon va yoqtirmaydigon.

kitobdan:

Fuzuliy devonini varaqlar edi. Ammo Fuzuliyning rang-barang she'rlari ustida qanoatlanib to'xtamas, hamon varaqlagandan-varaqlar edi. Shoirning nafis she'rlari hozir uning uchun tuzsiz so'zlar yig'indisidan boshqa bir narsa emas edilar.

Oshiqning ko'ziga ma'shuqasining qilday xislati filday bo'lib, filday illati qilday bo'lib ko'rinadi.

Aytadilarki, ilm uch qarichdir:

1. Agar inson ilmning dastlabki qarichini o‘rgansa - kibrlanadi.
2. Ilmning ikkinchi qarichini o‘rgansa, u kamtar va tavoze’li bo‘ladi.
3. Ilmning uchinchi qarichini o‘rgansa, u hali hech narsa bilmasligini anglab yetadi.

Bakr Abu Zayd

bir qarich bo’lmang!

- ko'z yoshdan so'rashibdi.
- sening vazifang nima?
- o'zimdan keyin keladigon tabassum yo'llariga suv sepmoq, deya javob beribdi.

Mahbubiy

Qachonki kimnidir biroz vaqt kutish – bu sizning ehtiyojingizdan.
Soatlab kutish – bu ishonchingizdan.
Haftalab kutish – bu do‘stlikdandir.

Kelmasligini bilib turib kutish esa – sevgidir..

Sog'inib sog'inchni ado qildim man,
O'zimdan o'zimni judo qildim man.
Qalbimni berganda xato qildim man,
Robbimdan o'zga hech kechirgan bormi?

Mahbubiy

Kun kelib, xiyonat qilganlar sadoqat istashadi..

(Qul Ahmaddan o‘zlashtirma)

Dedim: «Qoshing zulfiqormi?!»
U dediki: «Yoy!»
Dedim: «Jamoling ne go‘zal?!»
U dediki: «Oy!»
Dedim: «Seni sevib qoldim!»
U dediki: «Voy?!»
Dedim: «Bormi menda ko‘ngling?!»
U dedi: «Yo‘q, yo‘q!»

Dedim: «Sening ishing nima?!»
U dedi: «Giryon!»
Dedim: «Xayoling qayerda?!
U dedi: «Bir yon»
Dedim: «Ko‘zing yoshli, nega?!»
U dedi: «Hijron!»

Dedim: «Axir voz kechsang-chi!»
U dedi: «Yo‘q, yo‘q!»
Dedim: «Visol joyi qayer?!»
U dedi: «Jannat!»
Dedim: «Ishonching komilmi?!»
U dedi: «Albat!»

Dedim: «Yo‘lboshlovchi kimdir?!»
U dedi: «Ahmad*!»
Dedim: «Boshqa sevgi bormi?!»
U dedi: «Yo‘q, yo‘q!»

- Mahbubiy

*Sollallohu alayka ya Rosulalloh!