الـــوزاريـات ✅

ضروري بعد ڪ طالب سادس مقبل للمراجعة او جاي تراجع تكون #سلاحك_للوزاري هي الوزاريات شكد ما مهمه بـ مسيرتك ، زين ليش ؟

1- من تقرا الوزاريات راح يروح منك الخوف من الوزاري
2- تعلمك على توزيع الدرجات و شلون يجي نمط الأسئلة
3- تشوف الأفكار و لوفات و الأسئلة المهمه

الأهم بالوزاريات هي المواد العلمية الفهمية

مثلا القواعد و الرياضيات ما تكدر تحصل الدرجة الكاملة الا تقرأ وزاريات وتشوف الأفكار

مثلا الكيمياء و الفيزياء مسائل كل نوع لازم تتطلع ؏ الوزاريات و تحل بيدك كم سؤال و ادون الأفكار يمك ، و حتى اطلاعك ؏ شرحيات كلش يفيدك و يعزز ثقتك بنفسك .

نفس الحال باقي المواد ( اسلامية انكليزي احياء )
اذا ردت تضمن الدرجة الكاملة فـ عليك بالوزاريات ؏ مود تتعلم ؏ نمط و طبيعية الأسئلة لكل مواد
 ❤️ || t.me/Thfez9

⏺مَلزمـة مـادة الكيمَياء .
⏺الثرموداينمَك فـ 1️⃣.
⏺معَ وزارَيات مُنذ تأسيس المنهَج .
⏺أعَداد أ.حسَين الهاشمي .
 ❤️ || t.me/Thfez9

🤔شلون اتخطى درجاتي بالشهري؟

يتضمن البوست :
• درجات الشهري مقياس للوزاري؟
• درجاتي بالشهري كُلش ضعيفه !
• الشهري ودخولكم للوزاري !
• فعلاً درجات الشهري هَي يلي تحدد مُعدلي !


قبل لا نبلش بالبوست الازم نعرف انُ درجات الشهري مو مقياس ولا عمرها كانت مقياس ، الامتحانات كلها اختبارات للوزاري  فـ بالعكس المفروض تفرح مِـن  تخطأ بيهن لان بالوزاري راح تنتبه وما تعيد الخطأ ، وصلتلكم الفكرة؟  وهسه خلونه نبلش بالبوست 💕.

درجاتي  بـ الشَهري كُلش ضعيفة شسوي؟

كونكم طُلاب ثالث وسادس أكيد سامعين مُقوله سلاح الطلاب ثالث وسادس هَي الوزاريات بـ أختصار الازم تعلمون نَفسكم عَلى  الوزاريات وتحـلون بـ أيدكم وزاريات قَـبل الامتحان الشَهري بـ فـترة المُراجعة راح تسـهل عَليكم هـواي أشياء حَرفيا وبنفس الوقت المَدرس/ة متجيب خارج الكتاب تجيب كُله وزاريات السنوات السابقة يَعني

مُلاحظات  بسيطة راح تساعدكم بـ أمتحاناتكم الشَهرية: 

من عَدكم امتحان وتريدون تبلشون بـ مادة الامتحان ضروري أنو تكون ملخص تراكماتها وتكونون فاهمين 🩷.

سلاح الطالب النسخ الوزارية وكثرة الامتحانات بيها 🩷.

من يصير عَدكم امتحان ضروري تجيبون ورقة وتحددون مادة الامتحان وتشوفون انيا موضوع ممضبطي كُلش ويحتاج تركيز بي 🩷.

بـ الامتحانات بِلشوا بـ الاشياء يَلي مفاهميها وتحسون روحكم ممضطبيها 🩷.
وبعدين كَملوا باقي المادة يَعني بلشوا مَن اصعب موضوع الكم الى أسهل موضوع الكم ✨.


فَـــعلاً أنو درجات الشَهري هَـي يَلي تَحدد شگد مُعدلي؟

بـ صراحة لا  ،  حَرفياً هوايه ناس چانو يخفقون بـ الشهريات وچانت تجيهم درجات سيئة كُلش يَعني حَتى توصل لـ درجة الرسوب لكن بـ أمتحانات الوزاري تعبوا وشدو حَيلهم واخذو درجات بـ 90وأكثر ففـ مُستحيل شهريات تجي تحدد مُعدلكم

الشهريات مُجرد تحدد دخولكم للوزاري ودائما الطالب يفكر انو خلاص مادام درجاتي ضعيفة ما أجيب مُعدل ويستسلم للامر الواقع وهذا أكثر خطأ يوگعون بَي الطلاب 🩷.


أخاف ما أدخل وزاري بسبب درجات الشهريات؟

كُلش طبيعي ترسبون بـ الشهر الاول بَس مو مَعناها ترسبون بكُل درجاتكم بالشَهري يَعني عدكم شَهر ثاني وعدكم نصف سنة وكذلك عدكم كورس ثاني ههاي كُلها راح تحدد دخولكم للوزاري 🩷.


شدو حيلكم بـ نصف السنة لانو الدرجة الاثقل هَي بـ نصف السنة وبـ نصف السنة حَ تشوفون ✨.
 ❤️ || t.me/Thfez9

📌جدول تنظيم دراسي بين (الخميس ، الجمعة ، السبت )للواجبات والامتحانات.

- يـــــوم الخــمــيــس
أستراحه مَن الحفظ بَس نكدر نستغله
بـ نكتب تراكمات يَلي عَلينا بالليل
واذا عندك مواد متراكمه تحاول تكملهم .

- يـــــوم الجــمــعــة
حيكون دراسه الواجبات اليوميه كُلها
واذا جان عدكم كم موضوع مَفاهمي تفهمو
وتدرسون بـ حَدود لـ 6 ساعات كُلش كافي او حسب التحاضير الي عدكم يعني.

- يـــــوم السَــبــت
حيكون دَراسه الامتحان
الشَهري أذا جان عدكم .

- يوم الامتحان حيڪون دراسه (مراجعة الامتحان) وحاولوا تقرون ومتهتمون ل احد ،الامتحان ميتكرر ولا ينعاد

🤔شلون تدرَس الكيمياء وتضمَن الـ 100 🤔 ؟


🤔اول شي الكيمياء مادة فهمِية وحفظِية
🤔لازَم تدرس باليومي حتَىٰ مايترَاكم بالشهرِي

🤔المسَائل ▫️
🤔 تحفظ القوانِين وتحفَظ كُل رمز وشنُو معنَا
🤔مثَلًا الكاربُون بالانكليزي رمزَة C وهيج ضرورِي تحفظَ الرموز
🤔كُل قانون تريد تحفظَة اكتبَة اقل شِي 5 مرَات
🤔حتىٰ ما تنسَى ويضل ببَالك 😉
🤔من تقرَا مسَائل تعلم شلونَ تحل واذَا بَاقي مسَائل
🤔حلهن بيدَك وتأكد من حلَك ع ملزمة او يوتيُوب
🤔كلما تقرا مسَائل اقرا الامثلة وتمارين و تمارين الي
🤔بـ اسئلة الفصل واذا چنت وزاري طلع مسَائل وزارية
🤔وحلهن بيدك وبعدين شوف حلك ع اجوبة النموذجية

🤔الحفظيَات ▫️

🤔كُل شيء حفظ افهمَة اكثر حفظِيات الي بالكيميَاء
🤔تگدر تفهمة ويضل ببَالك لنهاية سنة 😂
🤔من تقرا اكتب مو درخ درخ، افهم المادة واكتب
🤔 حتى ما تنسىٰ وتصير سچاج 🙋‍♀️
🤔لاتراكم المادة عليك مثلًا عندك امتحان شهري
🤔ومالحكت تدرس يومي، ارجع يوم خميس اقرا التراكم

🤔اذا انت دارس باليومي ترجع بالشهري تراجع فقط
🤔وتصير المادة ماي 💕
 ❤️ || t.me/Thfez9

تعالوَا نسولف بأكثر شيء يمُر بي طالب دفعة2025 بهالفترة .

 
           📎 الـخُـوف  😱📎

مبدئيًا أنتَ لازم تسأل نفسَك ڪم سؤال ⏺️
وأوَل سؤال هو " أنت منو شنو خايف بالضبَط " ؟
🔴انت خايف من نفسَك ؟
🔴لو مِن النتيجَة  ؟
🔴لو مِن المنهَج ؟
🔴لو مِن الفشَل ؟

🟤أذا انتَ كنت خايف من نفسَك انُ انتَ مَ راح تقرا وتسخت ورَاح تقصَر بدراستَك ، فـ بڪُل بَساطة اقرا ! ولاتقصَر بدراستَك بمكان مَ أحفزك واكتبَلك الف مقوَلة وآيَات ومدري شنو واكُلك انتَ تكدر انتَ بطل انتَ مدري شنو هيَ صعبة بس انتَ باتمَان 🤣.

🟤أمَا إذا كنت خايف مِن النتيجَة ! فـ رَاح أجاوَبك بشيَء بسيَط ومعنَى مفهوم !
◀️فَمَنْ يَعْمَلْ مِثْقَالَ ذَرَّةٍ خَيْرًا يَرَهُ * وَمَنْ يَعْمَلْ مِثْقَالَ ذَرَّةٍ شَرًّا يَرَهُ▶️.
هَذا قانوَن كوني بعَد من الله سبحَانة وتعَالى انُ انتَ الك أجَر عَ قدر المَشقة .

مثل مَ گال ،‏◀️وَأَن لَيسَ لِلإِنسانِ إِلّا ما سَعى▶️ الأية كُلش واضحَة ومفهومة ❗️
يعني أنت تخيل، كُل هَالسعي والجُهَد الي دتبذلة والتعَب والمعاناة وشگد ببَالك طموحَات تريد تحققهَا الله ديشوفهَا !
🔴فـ هَل انتَ تتوقع انُ حَاشاه مو عَادل ؟ ومَ راح يعوض تعبك  ☺️❓
أكيدددد لاا ، انتَ دتتعَب فـ تعبَك هذا نتيجَتة موجوَدة عند الله ! وألنتيجة الي انتَ تستحقهَا ❤️.
أمَا إذا انتَ تهاونت فـ رَاح تلگى شيَء أقل من الي انتَ حلمَت بي وهَذا الواقع والدنيا هيچ ماشيَة .
🔴وخوفك من النتيجَة هذا شيَء انتَ مَ الك علاقة بي أنتَ عليك السعَي النتيَجة من فوك 💬.

🟤والأحتمَال الأخير هوَ خوفك من الفشل ؟
مستوعب انُ انتَ دتخاف من شيء أصلًا مَ موجود أو اصلًا مَ صاير !
يعني انتَ دتخاف من شيَء بالمُستقبل مـو مُمكن يصير ، زين أوكِ بَس انت بأستطاعتك انُ تخلي مَ يصير وبَخطوات واضحَة ومعروفة ، وهَي انُ انتَ تدرُس وخَلص وبالتوَفيق ❤️❤️.
 ❤️ || t.me/Thfez9

💡"مبدئياً طلاب لازم كل طالب يسوي جدول لنفسه وماياخذ جدول غيره"

اوك ممكن تاخذ افكار او اقتراحات بس لتعتمد على جدول غيرك انت سويها بنفسك تره كلش سهلة ومابيها شي

تجيب ورقة بند او ورقة عادية من السجل المهم ورقة شويه جبيرة وتسويها 6 اقسام على عدد ايام الاسبوع واذا تحب خلي الجمعة عطلتك

وبعدها قسّم المواد على 6 ايام ... حسب فهمك واستيعابك وتركيزك لان صدكني اذا خليت جدول صعب وعقدتها عليك مراح تمشي عليها وراح تسخت

سوي جدول بسيط مثلاً باليوم تقره

محاضرتين احياء + محاضرتين الفيزياء + تقره موضوع من الاسلامية
ثاني يوم محاضرتين الكيمياء + محاضرتين او ثلاثة الرياضيات + موضوع من الادب العربي
يوم الثالث محاضرتين قواعد العربي + حفظ انشاء او قطعة استيعابية بالانكليزي

وهايهيه أميَّ فضت وراحت مينرادلها شي والله
واهم شي لحد يضحك عليكم ويكللكم لازم تخلصون كتاب كله قبل لبيدي الدوام
الله وكيلكم كلاوات كلها ، اذا من كُل مادة خلصت فصلين لحد بداية عام الدراسي انت ملك  اهم شي تستغل العطلة وتقره بس مو تضغط على نفسك تره انت بعدك بالبداية💖.
❤️ || t.me/Thfez9

سؤال : نَلحك اذا نبدي من اليوم بداية قوية🤷‍♀ ..

الجَواب : اي تكَدرون ، ومو تحفيز ولا تَصفيط ولا مجاملة ، تلحكون بس اشتغلوا بذكاء ، واذا مـٓا استغليتوا هاي الفترة حـ تندمون ندم بس الله يعرف بي ، لان عدكم وقت خيرات الله عدكم سنه كدامكم اذا استغليتوا ودرستوا  بجد حتى لو متاخر  ب كلهن فـ تكدرون وتسولفون قصة نجاحكم العظيمة ، بس حاولوا ولا تسألون احد نكدر لو منكدر لان محد يكدر يقيم قدراتك نفسك انتَ اسال روحك تكدر ؟ 🦋

🙂 عطلَة تعداد السكانِي وشلون تستغلوها؟ 🙂

اولًا/ اذَا عدكم امتحان شهرِي وتراكمات 🩷

🩶الاربعَاء تقرون الامتحان الشهري واذا هواي
🩶المادة تقرون الخميس هم الامتحان شهري
🩶الجمعَة والسبَت تقرون التراكمَات الي
🩶عليكم يومين للتراكمات كل يوم مادة
🩶او كل يوم مادتين من تراكمات

ثانِيًا/ اذا عدكم امتحانات شهرية مأجلينة 🩷

🩷اذا عدكم امتحانين او ثلاثة اقروا كل يوم
🩷يوم مادة وحدة للشهري ويوم رابع تراكمات
🩷ومن ترجعون من دوام ارتاحو اقروا تحاضير

ثالثًا/ اذا عدكم بس تحاضير وتراكمات قليلة 🩷

🩷اقروا تراكمات يوم الاربعاء وتحاضير يوم
🩷الخميس وجمعة وسبت سختوا 🤓✨

✨شلون ادرس لساعات طويلة بدون ملل ✨

تقفل تلفونك وتضمه بمكان بعيد عنك 😇 .
تختار مكان دَراسة هادئ وبعيد عن الهوسة .
تحاول تجبر نفسك ماتكوم مِن مكان دراستك .
تسوي قائمة to do list تساعدك بلتنظيم .
خذ استراحة بين مُحاضرة ومحاضرة 🫡.
خلي يمك فواكهه او عصير وانت دَتدرس .
حَاول تغير بين مواضيع الدراسة حتى ممل .
حاول تتذكر الاشياء الي كملتها والإنجازات .