🇺🇿 “Milliy qadriyatlar va ularning millat ma’naviyatidagi o‘rni” shiori ostida uchrashuv tashkil etildi.

🏛 O‘zbekiston davlat jahon tillari universiteti Ingliz tili 3-fakulteti tyutori G. Mardonova tashabbusi bilan birinchi bosqich talaba qizlari ishtirokida ma’naviy-ma’rifiy uchrashuv o‘tkazildi.

Tadbirda fakultet xotin-qizlar masalalari bo‘yicha dekan maslahatchisi Z. Ismoilova hamda IPMBIB mutaxassisi N. Israilova ishtirok etib, talabalarga milliy qadriyatlarning mazmun-mohiyati, ularning yoshlar tarbiyasidagi ahamiyati va milliy ma’naviyatni yuksaltirishdagi o‘rni haqida ma’lumot berdilar.

💬 Uchrashuv davomida mavzu yuzasidan savol-javoblar tashkil etilib, talabalar o‘zlarini qiziqtirgan savollarga javob oldilar. Tadbirda fakultet tyutorlari ham faol ishtirok etdilar.

🌿 Bunday uchrashuvlar yosh avlod qalbida milliy qadriyatlarga hurmat, ma’naviy yetuklik va milliy o‘zlikni anglash tuyg‘ularini shakllantirishga xizmat qiladi.

👩🏻‍🎓 FUTURE SCHOLARS: ILM SARI ILK QADAM! 🎓✨
🔊 2026-yil 29-sentabr kuni Ingliz tili amaliy fanlar №3 kafedrasi professor-o'qituvchilari Isaqulova Baxtigul, Agzamxodjayeva Saodat, Anvarova Sayyora, Boqijonova Sayyora va Shukurova Shohsanam tomonidan 1-bosqich talabalari ishtirokida “Future Scholars” ilmiy to‘garagining ilk mashg‘uloti bo‘lib o‘tdi.
📚 Mashg‘ulot mavzusi:
“Academic Foundation. Future Scholars – ilmiy to‘garak faoliyati, maqsadlari va iqtidorli talabalar uchun imkoniyatlar”
Mashg'ulot davomida respublikamizda yoshlarning sifatli ta’lim olishi, o‘z iste’dod va salohiyatini namoyon etishi, ilm-fan bilan shug‘ullanishi uchun yaratilayotgan shart-sharoitlar haqida so‘z yuritildi. Iqtidorli yoshlarni har tomonlama qo‘llab-quvvatlash, ularning tashabbuslarini rag‘batlantirishga qaratilgan islohotlar xususida fikr almashildi. Shuningdek, to'garak dasturi tanishtirildi hamda talabalar o‘z ilmiy qiziqishlari va kelajakdagi akademik maqsadlari haqida fikr almashib, ilmiy faoliyatni boshlash bo‘yicha dastlabki tavsiyalarga ega bo‘ldilar.

🏫168-maktabda to'garak mashg‘uloti!

2026-yil 2️⃣9️⃣-sentabr kuni Ingliz tili amaliy fanlar №3 kafedrasiga biriktirilgan 2634-guruh talabasi Abdurashitova Farangizbonu tomonidan Toshkent shahar Chilonzor tumanidagi 168-maktabda 2-sinf o‘quvchilari uchun “Colours & shapes” mavzusida ilk to‘garak mashg‘uloti tashkil etildi.
Mashg‘ulot avvalida red, blue, green, yellow, orange, pink, purple, black, white kabi ranglar qiziqarli savol-javoblar orqali takrorlandi. Shundan so‘ng o‘quvchilar circle, square, triangle, rectangle, star, heart kabi shakllarning inglizcha nomlari bilan tanishtirildi. Rangli kartochkalar va turli shakllardan foydalanish yangi so‘zlarni ko‘rgazmali tarzda o‘zlashtirish imkonini berdi.
Darsning amaliy qismida o‘quvchilar rang va shakllarni birlashtirib, “It is a red circle”, “This is a blue square”, “I can see a yellow star” kabi sodda gaplarni tuzdilar. “Find the Shape”, “What Colour Is It?” va “Colour and Match” kabi o‘yinlar orqali o‘rganilgan so‘zlar mustahkamlandi. Juftlik va kichik guruhlarda bajarilgan topshiriqlar esa o‘quvchilarning o‘zaro muloqoti va hamkorligini kuchaytirdi.
Mashg‘ulot yakunida ranglar va shakllarga oid yangi so‘zlar qisqa o‘yin orqali takrorlandi. O‘quvchilar mavzu yuzasidan o‘z bilimlarini namoyish etib, mashg‘ulotda faol ishtirok etdilar.
Mazkur to‘garak mashg‘uloti o‘quvchilarning ingliz tilidagi lug‘at boyligini kengaytirish, rang va shakllarni ingliz tilida to‘g‘ri ifodalash, kuzatuvchanlik va og‘zaki nutq ko‘nikmalarini rivojlantirishga xizmat qildi. Mashg‘ulot qiziqarli, faol va ko‘tarinki ruhda tashkil etildi.