🇺🇿 “Milliy qadriyatlar va ularning millat ma’naviyatidagi o‘rni” shiori ostida uchrashuv tashkil etildi.

🏛 O‘zbekiston davlat jahon tillari universiteti Ingliz tili 3-fakulteti tyutori G. Mardonova tashabbusi bilan birinchi bosqich talaba qizlari ishtirokida ma’naviy-ma’rifiy uchrashuv o‘tkazildi.

Tadbirda fakultet xotin-qizlar masalalari bo‘yicha dekan maslahatchisi Z. Ismoilova hamda IPMBIB mutaxassisi N. Israilova ishtirok etib, talabalarga milliy qadriyatlarning mazmun-mohiyati, ularning yoshlar tarbiyasidagi ahamiyati va milliy ma’naviyatni yuksaltirishdagi o‘rni haqida ma’lumot berdilar.

💬 Uchrashuv davomida mavzu yuzasidan savol-javoblar tashkil etilib, talabalar o‘zlarini qiziqtirgan savollarga javob oldilar. Tadbirda fakultet tyutorlari ham faol ishtirok etdilar.

🌿 Bunday uchrashuvlar yosh avlod qalbida milliy qadriyatlarga hurmat, ma’naviy yetuklik va milliy o‘zlikni anglash tuyg‘ularini shakllantirishga xizmat qiladi.

🇬🇧🟦🟦🟦
Sana: 28.09.2026-yil
Joy: 1-son talabalar turar joyi
Mas’ul: Ingliz tili amaliy fanlar-3 kafedrasi o‘qituvchisi Kambarova Dilnoza Musakulovna

2026-yil 28-sentabr kuni Ingliz tili amaliy fanlar-3 kafedrasi o‘qituvchisi Kambarova Dilnoza Musakulovna tomonidan 1-son talabalar turar joyida istiqomat qilayotgan talabalar bilan “TTJda yashash odobi, madaniyati va o‘zaro hurmat tamoyillari” mavzusida ma’naviy-ma’rifiy suhbat tashkil etildi.
Suhbatdan ko‘zlangan asosiy maqsad — talabalar turar joyida yashovchi yoshlar o‘rtasida o‘zaro hurmat, odob-axloq, hamjihatlik, mas’uliyat va muomala madaniyatini shakllantirish, TTJning ichki tartib-qoidalariga rioya qilish hamda umumiy yashash muhitida tinchlik va osoyishtalikni ta’minlashdan iborat bo‘ldi.
Tadbir davomida talabalarga talabalar turar joyida yashashning o‘ziga xos tartib va qoidalari, umumiy foydalaniladigan joylardan oqilona foydalanish, xonalar va atrof-muhitning tozaligini saqlash, elektr energiyasi va suvdan tejamkorlik bilan foydalanish, sanitariya-gigiyena talablariga amal qilish kabi masalalar yuzasidan tushunchalar berildi.
Shuningdek, suhbat jarayonida o‘zaro hurmat va muomala madaniyatiga alohida e’tibor qaratildi. Talabalar o‘rtasida bir-birining huquq va manfaatlarini hurmat qilish, turli qarash va fikrlarga bag‘rikenglik bilan munosabatda bo‘lish, baland ovozda shovqin qilmaslik, qo‘shni xonalarda yashovchi talabalarning osoyishtaligini inobatga olish zarurligi ta’kidlandi.
Talabalarga TTJda yashash faqatgina ma’lum bir joyda istiqomat qilish emas, balki jamoada yashash madaniyatini namoyon etish, o‘z xatti-harakatlari uchun mas’uliyatni his qilish va atrofdagilarga hurmat bilan munosabatda bo‘lish ekanligi tushuntirildi.

Tadbir yakunida talabalarga talabalar turar joyida belgilangan ichki tartib-qoidalarga qat’iy rioya qilish, xonalarni ozoda va sarishta saqlash, umumiy mulkka ehtiyotkorona munosabatda bo‘lish, tengdoshlar bilan do‘stona va hurmat asosida munosabat o‘rnatish, nizoli vaziyatlarning oldini olish hamda TTJda sog‘lom ma’naviy-axloqiy muhitni shakllantirishda faol ishtirok etish bo‘yicha tegishli tavsiyalar berildi.
Mazkur suhbat talabalarning yashash madaniyati, ijtimoiy mas’uliyati va o‘zaro hurmat ko‘nikmalarini yanada mustahkamlashga xizmat qildi.

🤝
2026-yil 29-sentabr kuni O‘zbekiston davlat jahon tillari universiteti hamda 168-sonli umumiy o‘rta ta’lim maktabi o‘rtasida o‘rnatilgan hamkorlik dasturi doirasida maktabning boshlang‘ich sinf o‘quvchilari uchun “Первый раз в первый класс” mavzusida ma’naviy-ma’rifiy va tarbiyaviy tadbir tashkil etildi.

Mazkur tadbirni O‘zbekiston davlat jahon tillari universiteti Ingliz tili amaliy fanlar-3 kafedrasi o‘qituvchilari Isamuxamedova M.N. va Kambarova D.M. olib bordilar.

Tadbirning asosiy maqsadi boshlang‘ich sinf o‘quvchilarining maktab hayotiga moslashish jarayonini qo‘llab-quvvatlash, ularda ta’lim olishga bo‘lgan qiziqish va ijobiy munosabatni shakllantirish, maktab, ustoz va tengdoshlariga nisbatan hurmat tuyg‘ularini mustahkamlashdan iborat bo‘ldi.

Tadbir davomida o‘quvchilarga maktab — bilim va tarbiya maskani ekanligi, ustozlarni hurmat qilish, maktab qoidalariga rioya etish, sinfdoshlari bilan do‘stona munosabatda bo‘lish, dars jarayonida faol ishtirok etish hamda o‘z oldiga ezgu maqsadlar qo‘yishning ahamiyati haqida tushunchalar berildi.

Shuningdek, kichik yoshdagi o‘quvchilarning yosh xususiyatlari inobatga olingan holda tadbir qiziqarli muloqot, savol-javob, interaktiv mashg‘ulotlar va tarbiyaviy suhbatlar asosida tashkil etildi. O‘quvchilar tadbirda faol qatnashib, o‘z fikrlarini erkin ifodaladilar hamda berilgan topshiriqlarda katta qiziqish bilan ishtirok etdilar.

Tadbir jarayonida o‘quvchilarga yangi o‘quv yilini ko‘tarinki kayfiyatda boshlash, bilim olishga intilish, kitob o‘qishga mehr uyg‘otish, do‘stlariga yordam berish va maktab jamoasining faol a’zosi bo‘lish bo‘yicha tavsiyalar berildi.

Mazkur tadbir universitet va umumiy o‘rta ta’lim maktabi o‘rtasidagi hamkorlikni yanada mustahkamlash, universitet o‘qituvchilarining maktab o‘quvchilari bilan pedagogik va tarbiyaviy yo‘nalishdagi faoliyatini rivojlantirish, shuningdek, yosh avlodning ta’lim-tarbiyasiga munosib hissa qo‘shish nuqtayi nazaridan muhim ahamiyat kasb etdi.
Xulosa
Tadbir yakunida boshlang‘ich sinf o‘quvchilarida maktabga mehr, bilim olishga qiziqish, ustozlarga hurmat, do‘stona munosabat va ijobiy xulq-atvor kabi fazilatlarni shakllantirishga qaratilgan maqsadlarga erishildi.
“Первый раз в первый класс” mavzusidagi ushbu tadbir o‘quvchilarda maktab hayotiga nisbatan iliq taassurot va ijobiy kayfiyat uyg‘otib, ularning ta’lim jarayoniga faol kirishib ketishlariga xizmat qildi.