#Toshkent_harbiy_okrugi

🔷Chirchiq garnizonida joylashgan harbiy qismlardan birida yo‘l harakati xavfsizligini ta’minlash, yo‘l-transport hodisalarining oldini olish hamda harbiy xizmatchilarning yo‘l harakati qoidalariga rioya etish madaniyatini oshirish maqsadida “Yo‘l-transport hodisalarini oldini olishga qaratilgan chora-tadbirlar” mavzusida profilaktik tadbir o‘tkazildi.

Tadbirda Chirchiq harbiy prokuratura hodimi, Chirchiq HAN inspektorlari hamda xarbiy hizmatchilar ishtirok etishdi. Davra suhbati davomida ishtirokchilarga yo‘l harakati xavfsizligi qoidalariga qat’iy rioya qilish, transport vositalaridan foydalanishda ehtiyotkorlikni oshirish, belgilangan tezlik me’yorlariga amal qilish hamda piyodalar xavfsizligini ta’minlash masalalari yuzasidan tushuntirishlar berildi.

Yangiliklarni kuzatib boring:
➡️ Telegram

#Toshkent_harbiy_okrugi

“Tarix saboqlari — milliy xotira va ibrat manbai”

🔷 Sirdaryo tumanida joylashgan Safarbarlik chaqiruv rezervi batalyonida qatag‘on qurbonlari xotirasiga bag‘ishlangan ma’naviy-ma’rifiy tadbir o‘tkazildi.

Tadbirda O‘zbekiston Yoshlar ittifoqi vakili hamda Guliston qatag‘on qurbonlari xotirasi muzeyi xodimasi ishtirok etdi. Tadbir davomida yurtimiz tarixining eng murakkab va og‘ir davrlaridan biri bo‘lgan qatag‘on yillari, o‘sha davrda nohaq ta’qib va tazyiqlarga uchragan yurtdoshlarimizning hayoti hamda taqdiri haqida atroflicha ma’lumotlar berildi.

Shuningdek, muzey xodimi tomonidan tarixiy manbalar va dalillar asosida qatag‘on qurbonlarining nomi va xotirasini abadiylashtirish, ularning hayoti va faoliyatini yosh avlodga yetkazish borasida amalga oshirilayotgan ishlar haqida so‘z yuritildi.

Tadbir yakunida tarixni bilish, ajdodlar xotirasini e’zozlash va undan to‘g‘ri xulosa chiqarish har bir avlodning muhim burchi ekanligi ta’kidlandi.

Yangiliklarni kuzatib boring:
➡️ Telegram