#Bilasizmi
#Mehnat_huquqi

🏖 Har yilgi mehnat ta’tili dam olish va ishlash qobiliyatini tiklash uchun ish o‘rni (lavozimi) hamda o‘rtacha ish haqi saqlab qolingan holda xodim ishdan ozod etiladigan, xodimga har yili ish yili davomida beriladigan vaqt davridir.

♾️ Har yilgi asosiy eng kam mehnat ta’tilining davomiyligi 21 kalendar kunni tashkil etadi.

Kanalga ulanish👇👇👇
https://t.me/huquqiyaxborot_lotin

#Adliya_TV #Jonli_Efir

❗️Hadya qilingan uy-joyni qaytarib olish mumkinmi? Meros kimlarga va qanday tartibda taqsimlanadi?

❓ Savolingizni yo‘llang yoki jonli efirda ishtirok eting.

✅ "Adliya TV"ning navbatdagi jonli efirida hadya va meros bilan bog‘liq eng ko‘p uchraydigan savollarga javob beramiz. Hadya shartnomasi, vasiyatnoma, merosxo‘rlarning huquqlari va merosni rasmiylashtirish tartibi haqida batafsil ma’lumot beriladi.

✍️ Savollaringizni @mehnatpodkast_bot orqali yuboring. Shuningdek, efir davomida ham o‘zingizni qiziqtirgan savollarni yo‘llashingiz mumkin.

Kanalga ulanish👇👇👇
https://t.me/huquqiyaxborot_lotin

#tezkor
⚡️Diqqat e’lon

‼️ Ayni vaqtda Chirchiq shahridagi Davlat xizmatlari markazi hamda FHDY bo‘limi binosida elektr energiyasi ta’minotida uzilishlar kuzatilmoqda.

Shu sabab, fuqarolarga xizmatlar ko’rsatishda vaqtinchalik muammolar yuzaga kelishi mumkinligini ma’lum qilamiz.

👉 Davlat xizmatlari markazi hamda FHDY faoliyati fuqarolarning doimiy (vaqtincha) ro‘yxatdan o‘tgan joyidan qat’iy nazar, boshqa tumanlarda ham xizmat ko’rsatilishi belgilangan.

📍 Siz bu vaziyatda Toshkent viloyatidagi boshqa tuman (shahar) Davlat xizmatlari markazlari va FHDY bo’limlariga murojaat qilishingiz mumkin. Yuzaga kelgan noqulaylik uchun uzr so‘raymiz.

Bizning rasmiy sahifalarimizga quyidagi havolalar orqali obuna bo‘ling 👇

Telegram | Facebook | Veb sayt |Youtube Telegram

#Qonunchilikdagi_yangiliklar #Ekologiya

❗️ Toshkent shahri va unga tutash hududlarda issiqxonalar uchun maxsus ekologik tartib joriy etiladi

Hukumat qarori (586-son, 22.10.2026 y.) bilan Maxsus hududda joylashgan qattiq yoqilg‘ida ishlovchi issiqxonalarga belgilanadigan ekologik talablar to‘g‘risidagi nizom tasdiqlandi.

🔰 Qarorga ko‘ra, Toshkent shahri, Toshkent viloyatining Yuqori Chirchiq, Qibray, Yangiyo‘l, Zangiota va Toshkent tumanlari issiqxona xo‘jaliklari faoliyati uchun maxsus ekologik tartib joriy etiladigan hudud (Maxsus hudud) etib belgilandi.

🏡 Maxsus hududda isitish tizimiga ega bo‘lgan issiqxona xo‘jaliklari faoliyati faqatgina tabiiy gaz shu jumladan, suyultirilgan gaz), elektr energiyasi, geotermal energiya, quyosh energiyasi hamda issiqlik elektr stansiyalarida hosil bo‘ladigan ikkilamchi issiqlik energiyasidan foydalangan holda amalga oshiriladi.

⏳ Qattiq yoqilg‘ida (ko‘mir, briket va biomassa pelletlari) faoliyat yuritayotgan issiqxona xo‘jaliklari 2026 yil 1 dekabrga qadar isitish turini yuqoridagi turlarga o‘zgartirib, faoliyatini davom ettiradi.

❗️ Qattiq yoqilg‘idan faqatgina quyidagi talablarning barchasini bir vaqtning o‘zida bajargan holda foydalanishga ruxsat etiladi:

🔸 qozon qurilmalarini yoqilg‘i uzatish va yonish jarayonini avtomatik boshqarish tizimi hamda chang-gaz tozalash uskunalari bilan jihozlash;

🔸 uzluksiz avtomatik monitoring tizimini o‘rnatish va uni Ekologiya qo‘mitasining axborot tizimlariga integratsiya qilish;

🔸 uskunalarning muvofiqlik sertifikatiga ega bo‘lishi;

🔸 onlayn kameralar, quvvat manbai va zaxira generatori o‘rnatish;

🔸 hosil bo‘lgan chiqindilarni utilizatsiya qilish.

🚫 Issiqxona xo‘jaliklarida shinalar, bitum, mazut, plastmassa va polimer plyonkalar, sintetik karton, rezina, jun tolasi, ishlatilgan moylar, maishiy va ishlab chiqarish chiqindilarini hamda shunga o‘xshash tarkibli materiallarni yoqilg‘i sifatida yoqish qat’iyan taqiqlanadi.

📝 Ekologik modernizatsiyani moliyaviy qo‘llab-quvvatlash choralari:

💰 2028 yil 1 yanvarga qadar chang-gaz tozalash uskunalari, qozon qurilmalari, energiya tejamkor ekranlar, energiya samarador texnologiyalar, elektr, geotermal, quyosh va kogeneratsiya asosidagi isitish uskunalarini xarid qilish xarajatlarining 50 foizi, biroq har bir gektari uchun 50 mln so‘mdan oshmagan qismiga davlat byudjeti hisobidan subsidiya ajratiladi;

💰 avtomatik monitoring stansiyalarini xarid qilishda istak bildirgan issiqxonalarga uch tomonlama shartnoma tuzish orqali 7 yil muddatga foizsiz bo‘lib-bo‘lib to‘lash sharti bilan har bir stansiya uchun 350 mln so‘mdan ortiq bo‘lmagan mablag‘lar moliyalashtiriladi;

💰 2026–2027 yillarda elektr energiyasi, geotermal, quyosh energiyasi, kogeneratsiya isitish tizimlariga o‘tish loyihalari uchun tijorat banklari orqali 7 yil muddatga 3 yillik imtiyozli davr bilan yillik 14 foiz stavkada (shundan, bank marjasi 4 foiz) loyiha qiymatining 50 foizigacha qismiga va har bir gektarga 3 mlrd so‘mgacha kreditlar ajratiladi.

⚠️ 2026 yil 1 dekabrdan boshlab belgilangan talablarga javob bermaydigan issiqxona xo‘jaliklariga davlat ekologik ekspertizasi bo‘yicha ijobiy xulosa berilmaydi, ilgari berilgan xulosaning amal qilishi belgilangan tartibda vaqtincha to‘xtatiladi. Bunda issiqxonani elektr, gaz va suv ta’minotidan uzish choralari ko‘riladi.

🔎 Maxsus hududdagi issiqxona xo‘jaliklarida har yili 15 oktyabrdan 15 martga qadar nazorat va monitoring ishlari amalga oshiriladi. Inson hayoti va sog‘lig‘iga yuqori xavf soluvchi omillar aniqlangan taqdirda issiqxona faoliyati yoki ifloslantiruvchi manba 10 kungacha vaqtincha to‘xtatib turiladi.

Kanalga ulanish👇👇👇
https://t.me/huquqiyaxborot_lotin

#Diqqat_tanlov

📚 “ADLIYA KITOBXONLARI” TANLOVIGA MARHAMAT!

📢 28-oktabr kuni Toshkent viloyat adliya boshqarmasi tomonidan tizim xodimlari o‘rtasida “Adliya kitobxonlari” tanlovi o‘tkaziladi.

📅 Sana: 28-oktabr, 2026-yil
⏰ Vaqt: soat 15:00
📍 Manzil: Toshkent viloyat adliya boshqarmasi binosi
🎯 Tanlovning maqsadi — xodimlar o‘rtasida kitobxonlik madaniyatini yuksaltirish, kasbiy bilimlarni oshirish, mustaqil va tahliliy fikrlash hamda notiqlik mahoratini rivojlantirish.

📖 Tanlov shartlari:
Ishtirokchilar o‘zlari tanlagan kitob yuzasidan taqdimot-taqriz bilan chiqish qiladilar.

📌 Taqdimotda quyidagilar yoritilishi lozim:
🔹 Kitobning asosiy g‘oyasi;
🔹 Shaxsiy taassurot va xulosalar;
🔹 Kasbiy va shaxsiy rivojlanishdagi ahamiyati;
🔹 Mustaqil, tahliliy va tanqidiy fikrlar.

❗️Muhim: Kitob mazmunini to‘liq hikoya qilishga yo‘l qo‘yilmaydi. Kreativ, o‘ziga xos va yangicha yondashuvlar rag‘batlantiriladi.

🏆 Tanlov g‘oliblari diplom va esdalik sovg‘alari bilan taqdirlanadi!

#Bilasizmi

☑️ Qonunçilikka köra, xonalarni isitiş ehtiyojlari uçun issiqlik energiyasini berişda yetkazib beruvçi isitiş davrini Qoraqalpoğiston Respublikasi Vazirlar Kengaşi, viloyatlar va Toşkent şahar hokimliklari tomonidan belgilangan muddatlarda boşlaydi va tamomlaydi.

❗️Bunda, isitiş davri taşqi havoning örtaça sutkalik harorati 8°Sdan past bölgan 5 kunlik davr tamom bölgan kundan keyingi kundan boşlanişi, 8°Sdan yuqori bölganda esa tamomlanişi kerak.

Kanalga ulaniş👇👇👇
https://t.me/huquqiyaxborot_lotin

#Eslatma

⚡️ Qonunçilikdagi yangiliklar, huquqiy islohotlar hamda huquqiy masalalarda foydali maʼlumotlar bilan @huquqiyaxborot telegram kanalining quyidagi tillarda yuritilayotgan versiyalari orqali ham tanişib borişingiz mumkin:

🔹 @huquqiyaxborot_lotin (lotin alifbosida);
🔹 @pravoinf (rus tilida);
🔹 @leginf (ingliz tilida);
🔹 @huqiqiymalimleme (qoraqalpoq tilida)

Kanalga ulaniş👇👇👇
https://t.me/huquqiyaxborot_lotin