🇺🇸 Oregon shtati 1-sentabrni “O‘zbekiston Mustaqilligi kuni” deb e’lon qildi

📆 AQShning Oregon shtati gubernatori Tina Kotek 2026-yil 1-sentabrni shtat miqyosida “O‘zbekiston Mustaqilligi kuni” (Uzbekistan Independence Day) deb rasman e’lon qildi. Tegishli proklamatsiya Oregon davlat kotibi Tobias Rid tomonidan ham tasdiqlangan.

Mazkur qaror O‘zbekiston davlat mustaqilligining 35 yilligi munosabati bilan qabul qilingan. Proklamatsiyada mamlakatimizning suverenitetini mustahkamlash, boy madaniy merosini asrab-avaylash, tinchlik va farovonlikni ta’minlash, shuningdek, iqtisodiy va ijtimoiy islohotlarni izchil amalga oshirish borasidagi sa’y-harakatlari qayd etilgan.

Hujjatda O‘zbekistonning xalqaro maydondagi faolligi va Markaziy Osiyoda mintaqaviy hamkorlikni rivojlantirishdagi o‘rni, shuningdek, O‘zbekiston–AQSh munosabatlarining savdo, investitsiyalar, texnologiyalar, ta’lim, toza energetika, turizm va xalqlararo almashinuvlar yo‘nalishlarida kengayib borayotgani e’tirof etilgan.

O‘zbekiston Mustaqilligi kunining AQShning butun bir shtati miqyosida rasman e’tirof etilishi mamlakatimizga bo‘lgan xalqaro e’tibor va O‘zbekiston–AQSh munosabatlari tobora kengayib borayotganining muhim ifodasidir.

📌Ma’lumot uchun, Oregon AQShning Tinch okeani sohilidagi muhim iqtisodiy va texnologik markazlardan biri bo‘lib, shtat aholisi 4,3 milliondan ortiq. Shtatda yuqori texnologiyalar, xususan, yarimo‘tkazgichlar sanoati rivojlangan bo‘lib, Intel kompaniyasining yirik ilmiy-ishlab chiqarish majmuasi ham shu hududda joylashgan.

Prezident Administratsiyasi rahbarining shartnoma asosida jalb qilinadigan maslahatchisi, Prezident Administratsiyasining AQSHdagi vakili Komil Allamjonov ushbu tashabbus uchun amerikalik hamkorlarimizga samimiy minnatdorlik bildirdi.

https://t.me/Rasmiy_axborot_official

Yurtimizdagi barcha umumta’lim muassasalarida “Yagona Vatan, yagona xalq bo‘lib, yangi hayot va kelajak yaratamiz!” shiori ostida “Birinchi qo‘ng‘iroq” tadbirlari tantanali tarzda tashkil etildi.

O‘zbekiston Respublikasi Mustaqilligining 35 yilligi tantanalariga hamohang o‘tkazilgan bayram tadbirlarida Ta’limni rivojlantirish respublika ilmiy-metodik markazi rahbariyati va mas’ul xodimlari ham ishtirok etib, o‘quvchilarni yangi o‘quv yili bilan tabriklashdi va ularga ezgu tilaklarini bildirishdi.

➖ Tadbirlar davomida Prezidentimizning mamlakatimiz maktablari o‘quvchilari hamda ustoz-murabbiylariga yo‘llagan bayram tabrigi o‘qib eshittirildi.

✍️ Shuningdek, maktab ostonasiga ilk bor qadam qo‘ygan 1-sinf o‘quvchilariga 12 turdagi o‘quv qurollari, maktab sumkasi va darsliklar majmuasidan iborat Prezident sovg‘alari topshirildi.

🔹 Telegram 🔹 Instagram
🔹 Facebook 🔹 X (Twitter)
🔹 YouTube 🔹 Trm.uz

#MeetUp
#Pedagoglar
#Metodika

Filologiya fanlari pedagoglari uchun “Meet up” muloqot uchrashuvi tashkil etildi

Joriy yilning 8-sentabr kuni Taʼlimni rivojlantirish respublika ilmiy-metodik markazi tomonidan umumiy o‘rta taʼlim maktablarining filologiya fanlari pedagoglari uchun “Adabiyot darslarida badiiy asarni 5E va 4K modellari yordamida tahlil qilish” mavzusida “Meet up” muloqot uchrashuvi tashkil etildi.

Batafsil: https://trm.uz/uz/axborot/yangiliklar/457

— — — — —

Для педагогов филологических дисциплин была организована диалоговая встреча «Meet up»

8 сентября текущего года Республиканским научно-методическим центром развития образования для педагогов филологических дисциплин общеобразовательных школ была организована диалоговая встреча «Meet up» на тему «Анализ художественного произведения на уроках литературы с использованием моделей 5E и 4K».

Подробно: https://trm.uz/ru/axborot/yangiliklar/457

🔹 Telegram 🔹 Instagram
🔹 Facebook 🔹 X (Twitter)
🔹 YouTube 🔹 Trm.uz