🚌 Jamoat transporti infratuzilmasi va amalga oshirilayotgan ishlar joyiga chiqib o‘rganildi

📇 Bugun O‘zbekiston Respublikasi Transport vazirligi huzuridagi Toshkent shahar transport va yo‘l-transport infratuzilmasini rivojlantirish bosh boshqarmasi, Idoralararo tezkor SHTAB ishchi guruhi, “Toshshahartransxizmat” AJ rahbariyati hamda mas’ul xodimlari boshchiligidagi ishchi guruh tomonidan Toshkent shahrida jamoat transporti infratuzilmasini yaxshilash, yo‘lovchilarga yaratilayotgan sharoitlarni o‘rganish hamda amalga oshirilayotgan ishlarning holatini nazorat qilish maqsadida qator obyektlar joyiga chiqib ko‘zdan kechirildi.

🚏 Dastlab ishchi guruh Farg‘ona yo‘li ko‘chasida joylashgan avtobus bekatlari holatini o‘rgandi. Bekatlarda yo‘lovchilar uchun yaratilgan sharoitlar, hududlarning obodonlashtirilishi va mavjud infratuzilma holatiga alohida e’tibor qaratildi.

🚍 Navbatdagi manzil “Toshshahartransxizmat” AJ tasarrufidagi 1-avtobus saroyi bo‘ldi. Saroyda amalga oshirilgan ishlar, avtobuslarning texnik holati va ularga xizmat ko‘rsatish jarayonlari ko‘zdan kechirildi. Aniqlangan kamchiliklarni qisqa muddatlarda bartaraf etish yuzasidan mas’ullarga tegishli topshiriqlar berildi.

🛣 Shundan so‘ng ishchi guruh “Aviasozlar” shoh bekatida bo‘lib, bekat hududidagi mavjud holat, yo‘lovchilarga xizmat ko‘rsatish uchun yaratilgan sharoitlar hamda infratuzilmani yanada yaxshilash masalalarini o‘rgandi.

🛤 O‘rganishlarning yakuniy manzili Shota Rustaveli ko‘chasi bo‘ldi. Mazkur hududda BRT yo‘lagini davom ettirish bo‘yicha olib borilayotgan qurilish ishlari, jumladan, avtobuslar harakati uchun barpo etilayotgan infratuzilma obyektlari ko‘zdan kechirildi. Qurilish ishlarini belgilangan talablar asosida sifatli tashkil etish va jamoat transporti harakati uchun qulay sharoit yaratish bo‘yicha tegishli vazifalar belgilab berildi.

⚡️ O‘rganishlar davomida aniqlangan kamchiliklarni tezkor bartaraf etish, amalga oshirilayotgan ishlar sifatini oshirish hamda poytaxt aholisi uchun xavfsiz, qulay va sifatli jamoat transporti xizmatini ta’minlash ustuvor vazifa ekani ta’kidlandi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

RASMIY MUNOSABAT

📱 Ijtimoiy tarmoqdagi “Вслух News” kanalida e’lon qilingan murojaat yuzasidan quyidagilarni ma’lum qilamiz.

👍 Mazkur murojaatda qayd etilgan holat o‘rganib chiqildi. Aniqlanishicha, holat 2026-yil 13-avgust kuni “Toshshahartransxizmat” AJ tarkibidagi 2-avtobus saroyi filialiga tegishli, Yutong rusumli, davlat raqami 01 419 PKA bo‘lgan, 16-sonli yo‘nalishda harakatlanuvchi avtobus haydovchisi bilan bog‘liq.

👍 O‘rganish natijalariga ko‘ra, mazkur avtobus haydovchisiga nisbatan belgilangan tartibda tegishli chora ko‘rildi.

🚏 “Toshshahartransxizmat” AJ tomonidan yo‘lovchilarga sifatli va xavfsiz xizmat ko‘rsatish, shuningdek, haydovchilarning xizmat intizomiga rioya etishi doimiy nazoratda.

📇 “Toshshahartransxizmat” AJ Axborot xizmati.

🌐 Bizlarni ijtimoiy tarmoqlarda kuzatib boring
Telegram | Instagram | Facebook | Web-site | YouTube