✔️⚖️⚖️⚖️⚖️⚖️⚖️⚖️
BUTUN JAHON GIYOHVANDLIKKA QARSHI KURASHISH KUNI MUNOSABATI BILAN SEMINAR O‘TKAZILDI

 Toshkent to‘qimachilik va yengil sanoat institutida 26-iyun — Butun jahon giyohvandlikka qarshi kurashish kuni munosabati bilan ma’naviy-ma’rifiy seminar tashkil etildi.

🗣Unda, Toshkent shahar sudi raisi Olimjon Ismoilov, Yakkasaroy tumani hokimi Nilufar Allabergenova, O‘zbekiston Respublikasi Oliy sudi sudyasi Sardorbek Taganov, Toshkent shahar sudi raisi o‘rinbosari Farhod G‘aniyev, Yakkasaroy tuman sudi raisi Alisher Jalilov hamda Toshkent to‘qimachilik va yengil sanoat instituti birinchi prorektori Baxtiyor Nasimov hamda talaba - yoshlar hamda mutasaddi tashkilotlar vakillari ishtirok etdi.
 
⏺Seminar davomida O‘zbekiston Respublikasining 2026-yil 11-iyunda qabul qilingan “O‘zbekiston Respublikasining ayrim qonun hujjatlariga giyohvandlik vositalari, psixotrop moddalar yoki ularning analoglari hamda kuchli ta’sir qiluvchi moddalarning qonunga xilof muomalasi uchun javobgarlikni takomillashtirishga qaratilgan qo‘shimcha va o‘zgartirishlar kiritish to‘g‘risida”gi Qonunning mazmun-mohiyati yuzasidan batafsil tushuntirishlar berildi.

⏺Mutaxassislar tomonidan qonunda nazarda tutilgan yangiliklar, giyohvandlik vositalari va psixotrop moddalarning noqonuniy muomalasi uchun javobgarlikning kuchaytirilishi, ushbu turdagi jinoyatlarning oldini olish hamda yoshlarni zararli illatlardan asrash masalalari yuzasidan ma’ruzalar qilindi.

⏺Shuningdek, seminar ishtirokchilariga giyohvandlik vositalari va psixotrop moddalarning inson salomatligi, oila farovonligi hamda jamiyat taraqqiyotiga salbiy ta’siri, yoshlar o‘rtasida huquqiy madaniyatni yuksaltirish, sog‘lom turmush tarzini targ‘ib qilish va bu illatga qarshi murosasiz munosabatni shakllantirishning ahamiyati haqida atroflicha ma’lumot berildi.

⏺Seminarda ishtirokchilar o‘zlarini qiziqtirgan savollarga mutaxassislardan batafsil javob oldilar hamda giyohvandlikka qarshi kurashishda davlat organlari, ta’lim muassasalari, ota-onalar va keng jamoatchilikning hamkorligi muhim ahamiyat kasb etishi alohida ta’kidlandi.

#TTYSI_Giyohvandlikka_Qarshi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦
DISSERTATSIYA ISHI HIMOYASI BO’LIB O’TDI

Toshkent to‘qimachilik va yengil sanoat instituti huzuridagi ilmiy darajalar beruvchi Ilmiy Kengashning navbatdagi majlisi o’tkazildi.

⏺26-iyun kuni Nematov Abbosjon Qayimovichning “Paxtani mayda iflosliklardan tozalagich konstruksiyasini takomillashtirish” mavzusida - “Texnologik mashinalar, robotlar, mexatronika va robototexnika tizimlari” ixtisosligi bо‘yicha texnika fanlari bо‘yicha falsafa doktori (PhD) dissertatsiyasi himoyasi bo’lib o’tdi.

#TTYSI_PhD
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
O‘ZARO HAMKORLIK ISTIQBOLLARI MUHOKAMA QILINDI

🗣“O‘zto‘qimachiliksanoat” uyushmasi raisi Muhammadjon Djumaniyazov, Xitoy Xalq Respublikasining “HUANSI” kompaniyasi katta vitse-prezidenti Benjamin Tao hamda Toshkent to‘qimachilik va yengil sanoat instituti birinchi prorektori Baxtiyor Nasimov ishtirokida o‘zaro hamkorlik masalalariga bag‘ishlangan uchrashuv bo‘lib o‘tdi.

⏺Uchrashuv davomida to‘qimachilik va yengil sanoat tarmoqlarini rivojlantirish, ta’lim va ishlab chiqarish integratsiyasini kuchaytirish, zamonaviy texnologiyalarni joriy etish hamda malakali kadrlar tayyorlash yo‘nalishlaridagi hamkorlik istiqbollari muhokama qilindi.

⏺Shuningdek, talabalar uchun amaliyot bazalarini kengaytirish, dual ta’lim tizimini yanada rivojlantirish, qo‘shma ilmiy-amaliy loyihalarni amalga oshirish hamda sanoat korxonalari ehtiyojlariga mos raqobatbardosh mutaxassislarni tayyorlash masalalari yuzasidan fikr almashildi.

⏺Tomonlar kelgusida o‘zaro manfaatli hamkorlikni yanada mustahkamlash, ilg‘or tajribalarni almashish va innovatsion loyihalarni birgalikda amalga oshirish yuzasidan hamkorlikni davom ettirishga tayyor ekanliklarini bildirdilar.

⏺Mazkur uchrashuv ta’lim, ilm-fan va ishlab chiqarish o‘rtasidagi integratsiyani yanada mustahkamlash hamda xalqaro hamkorlikni yangi bosqichga olib chiqish yo‘lidagi muhim qadamlardan biri bo‘ldi.

#TTYSI_Hamkorlik_Uchrashuvi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube