✔️🟦🟦🟦🟦🟦🟦
GIYOHVANDLIK VOSITALARI SAVDOSIGA QARSHI MUROSASIZ KURASHISH – KELAJAKNI ASRASH DEMAKDIR

Mamlakatimizda giyohvandlik vositalari va psixotrop moddalar noqonuniy muomalasiga qarshi kurashish, jamiyatni ushbu tahdiddan himoya qilish hamda fuqarolar, ayniqsa yoshlar xavfsizligini ta’minlash borasida izchil islohotlar amalga oshirilmoqda.

🗣Shu maqsadda davlatimiz rahbari tomonidan giyohvandlik vositalari savdosiga qarshi kurashish choralarini yanada kuchaytirishga qaratilgan qonun imzolandi.

⏺Mazkur hujjat ushbu turdagi jinoyatlarga qarshi kurashish samaradorligini oshirish, ularning oldini olish hamda qonun ustuvorligini ta’minlashga xizmat qiladi.

⏺Giyohvandlik vositalari va psixotrop moddalar inson salomatligiga jiddiy zarar yetkazadi, oilalar tinchligini buzadi, yoshlarning hayoti va kelajagini izdan chiqaradi. Eng achinarlisi, bu illat millat genofondiga putur yetkazib, jamiyat taraqqiyoti va kelajak avlod kamolotiga salbiy ta’sir ko‘rsatadi.

⏺Ayniqsa, giyohvandlik vositalarini tarqatish, saqlash yoki ularning savdosida ishtirok etish nafaqat qonunga xilof harakat, balki insonlar hayoti va jamiyat xavfsizligiga tahdid soluvchi og‘ir jinoyat hisoblanadi.

⏺Bugungi kunda yoshlarni bunday xavfli illatlardan asrash, ularda huquqiy madaniyat va mas’uliyat hissini shakllantirish, sog‘lom turmush tarzini targ‘ib qilish har birimizning muhim vazifamizdir.

⏺Har bir ota-ona, ustoz va yosh shuni unutmasligi kerak: giyohvandlikka qarshi kurash — bu nafaqat huquqni muhofaza qiluvchi organlarning, balki butun jamiyatning umumiy mas’uliyatidir.

💬Sog‘lom avlod — Yangi O‘zbekistonning mustahkam poydevori. Giyohvandlikka qarshi murosasiz bo‘laylik, kelajagimizni birgalikda asraylik!

#TTYSI_Giyohvandlikka_Qarshi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

#Qabul2026 #Abituriyent2026 #Statistika

❗️ 2026-2027-o‘quv yili uchun abituriyentlarni onlayn ro‘yxatga olish yakunladi.

📆 To‘lovni amalga oshirishning so‘nggi muddati: 26-iyun (ertaga) soat 23:59.

Bilim va malakalarni baholash agentligi barcha abituriyentlarga muvaffaqiyat tilaydi!

✅ Agentlikning rasmiy sahifalari:
Telegram | Facebook | Instagram | YouTube

✔️🟦🟦🟦
BUTUN JAHON GIYOHVANDLIKKA QARSHI KURASHISH KUNI MUNOSABATI BILAN SEMINAR O‘TKAZILDI

Toshkent to‘qimachilik va yengil sanoat institutida 26-iyun — Butun jahon giyohvandlikka qarshi kurashish kuni munosabati bilan ma’naviy-ma’rifiy seminar tashkil etildi.

🗣Toshkent shahar sudi, Yakkasaroy tuman hokimligi hamda Toshkent to‘qimachilik va yengil sanoat instituti hamkorligida tashkil etilgan mazkur seminarda professor-o‘qituvchilar, talaba-yoshlar va mutasaddi tashkilotlar vakillari ishtirok etdi.

⏺Seminar davomida O‘zbekiston Respublikasining 2026-yil 11-iyunda qabul qilingan “O‘zbekiston Respublikasining ayrim qonun hujjatlariga giyohvandlik vositalari, psixotrop moddalar yoki ularning analoglari hamda kuchli ta’sir qiluvchi moddalarning qonunga xilof muomalasi uchun javobgarlikni takomillashtirishga qaratilgan qo‘shimcha va o‘zgartirishlar kiritish to‘g‘risida”gi Qonunning mazmun-mohiyati yuzasidan batafsil tushuntirishlar berildi.

⏺Mutaxassislar tomonidan qonunda nazarda tutilgan yangiliklar, giyohvandlik vositalari va psixotrop moddalarning noqonuniy muomalasi uchun javobgarlikning kuchaytirilishi, ushbu turdagi jinoyatlarning oldini olish hamda yoshlarni zararli illatlardan asrash masalalari yuzasidan ma’ruzalar qilindi.

⏺Shuningdek, seminar ishtirokchilariga giyohvandlik vositalari va psixotrop moddalarning inson salomatligi, oila farovonligi hamda jamiyat taraqqiyotiga salbiy ta’siri, yoshlar o‘rtasida huquqiy madaniyatni yuksaltirish, sog‘lom turmush tarzini targ‘ib qilish va bu illatga qarshi murosasiz munosabatni shakllantirishning ahamiyati haqida atroflicha ma’lumotlar berildi.

⏺Tadbir yakunida ishtirokchilar o‘zlarini qiziqtirgan savollarga mutaxassislardan batafsil javob oldilar hamda giyohvandlikka qarshi kurashishda davlat organlari, ta’lim muassasalari, ota-onalar va keng jamoatchilikning hamkorligi muhim ahamiyat kasb etishi alohida ta’kidlandi.

#TTYSI_Giyohvandlikka_Qarshi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube