✔️🟦🟦🟦
“ONA TILIM — FAXRIM, G‘URURIM!”

Toshkent to‘qimachilik va yengil sanoat institutida Ijtimoiy fanlar va jismoniy madaniyat kafedrasi tashabbusi bilan “Ona tilim — faxrim, g‘ururim” mavzusida ma’naviy-ma’rifiy tadbir tashkil etildi.

Tadbirda fakultet dekanlari, professor-o‘qituvchilar hamda talaba-yoshlar ishtirok etdilar.

Unda ona tilimizning milliy o‘zligimizni ifodalashdagi o‘rni, uning boyligi va sofligini asrab-avaylash, yoshlar qalbida ona tiliga hurmat va ehtirom tuyg‘ularini mustahkamlash masalalariga e’tibor qaratildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
“O‘ZBEK TILI BILIMDONI” TANLOVI G‘OLIBLARI ANIQLANDI

Toshkent to‘qimachilik va yengil sanoat institutida O‘zbekiston Respublikasi davlat mustaqilligining 35 yilligi hamda O‘zbek tiliga davlat tili maqomi berilganining 37 yilligi munosabati bilan O‘zbek va xorijiy tillar kafedrasi tashabbusi bilan talaba-yoshlar o‘rtasida “O‘zbek tili bilimdoni” tanlovi tashkil etildi.

Tanlovdan ko‘zlangan maqsad talabalarning davlat tiliga hurmatini oshirish, o‘zbek tili bo‘yicha bilim va savodxonligini mustahkamlash hamda milliy qadriyatlarimizga sadoqat ruhida tarbiyalashdan iborat bo'ldi.

Ishtirokchilar og‘zaki nutq va matn bilan ishlash hamda ona tili bo‘yicha test sinovlarida o‘z bilimlarini namoyish etdilar.

Tanlov ishtirokchilarining bilimlarini O‘zbek va xorijiy tillar kafedrasi professor-o'qituvchilari baholab bordilar. Tanlov natijalariga ko'ra:

🥇1-o‘rin — Safarboyev Shahriyor (Iqtisodiyot fakulteti);
🥈2-o‘rin — Abdusattarova Malika (Dizayn va texnologiyalar fakulteti);
🥉3-o‘rin — Yo‘ldasheva Dilara (To‘qimachilik muhandisligi fakulteti);
🥉 3-o‘rin — Umarova Gulmira (Sanoat texnologiyalari va mexanika fakulteti).

G‘oliblarni muborakbod etamiz va barcha ishtirokchilarga kelgusi o‘qishlari hamda izlanishlarida muvaffaqiyatlar tilaymiz!

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
“MA’RIFAT ULASHIB” — TALABALAR TURAR JOYIDA IJODIY UCHRASHUV

Toshkent to‘qimachilik va yengil sanoat institutida “Ma’rifat ulashib” loyihasi doirasida taniqli adiblar ishtirokida ijodiy uchrashuvlar va davra suhbatlari tashkil etildi.

Talabalar turar joyida gulxan atrofida samimiy suhbat shaklida o‘tgan tadbirda O‘zbekiston Yozuvchilar uyushmasi a’zosi, “Do‘stlik” ordeni sohibi Aziz Said, O‘zbekiston xalq yozuvchisi Isajon Sulton hamda Zulfiya nomidagi Davlat mukofoti sohibasi Guli Nigor ishtirok etdilar.

Uchrashuv davomida talaba-yoshlar ijodkorlar bilan adabiyot va ijod haqida suhbatlashib, o‘zlarining she’r va hikoyalarini o‘qib berdilar. Ishtirokchilar yosh ijodkorlarning chiqishlarini birgalikda tinglab, fikr almashdilar.

Bunday samimiy uchrashuvlar talaba-yoshlarning ijodiy salohiyatini qo‘llab-quvvatlash, kitobxonlikka qiziqishini oshirish va adabiyotga mehr uyg‘otishga xizmat qiladi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube