✔️🟦🟦🟦🟦🟦
YOZGI TA’TILNI MAZMUNLI VA MAROQLI O‘TKAZING – BIZGA QO‘SHILING!

Hurmatli talaba-yoshlar!

🗣Toshkent to‘qimachilik va yengil sanoat instituti sizlarni yozgi ta’til kunlarini mazmunli, foydali va unutilmas taassurotlarga boy tarzda o‘tkazishga chorlaydi.

⏺Yozgi ta’til davomida turli ma’naviy-ma’rifiy tadbirlar, sport musobaqalari, ko‘ngilochar uchrashuvlar, kitobxonlik kechalari, sayohatlar, intellektual o‘yinlar hamda ijtimoiy loyihalarda faol ishtirok etish imkoniyatiga egasiz.

⏺Bo‘sh vaqtingizni mazmunli tashkil eting, yangi do‘stlar orttiring, bilim va ko‘nikmalaringizni oshiring, o‘z iste’dod va salohiyatingizni namoyon qiling. Har bir tadbir siz uchun yangi tajriba, yorqin taassurotlar va unutilmas xotiralar manbai bo‘lishi shubhasiz.

⏺Yozgi ta’tilni maroqli va mazmunli o‘tkazing – bizga qo‘shiling!

⏺Birgalikda har bir kunni foydali, qiziqarli va yuqori kayfiyatda o‘tkazamiz. Faol bo‘ling, tashabbus ko‘rsating va institut hayotidagi qiziqarli loyihalarning bir qismiga aylaning.

⏺Barcha tadbirlar va loyihalar haqidagi batafsil ma’lumotlar institutning rasmiy sahifalarida muntazam e’lon qilib boriladi.

⏺Yozni foydali o‘tkazing, yangi marralar sari intiling va unutilmas lahzalarni biz bilan birga yarating!

#TTYSI_Summer_Vibe
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦🟦🟦
KAMOLIDDIN BEHZOD NOMIDAGI DAVLAT STIPENDIYASI TANLOVIDA ISHTIROK ETING

Toshkent to‘qimachilik va yengil sanoat institutining iqtidorli va ijodkor talabalari uchun ajoyib imkoniyat!

🗣2026/2027-o‘quv yili uchun Kamoliddin Behzod nomidagi davlat stipendiyasi tanloviga hujjatlar qabuli boshlandi.

⏺Tanlovda kimlar ishtirok etishi mumkin?
Bakalavriatning oxirgi ikki bosqichida tahsil olayotgan quyidagi yo‘nalishlar talabalari:

▪️ Dastgohli rangtasvir
▪️ Rangtasvir
▪️ Grafika va miniatyura
▪️ Haykaltaroshlik
▪️ Amaliy san’at
▪️ Dizayn
▪️ San’atshunoslik
▪️ Muzeyshunoslik

⏱Hujjatlarni topshirish muddati: 20-iyunga qadar

📞Qo‘shimcha ma’lumot uchun:
+998 90 904 88 55

⏺Ijodingiz, bilimingiz va iste’dodingizni namoyon eting!

💬Nufuzli davlat stipendiyasi sohibiga aylanish imkoniyatini qo‘ldan boy bermang!

#TTYSI_Iqtidorli_Talabalar
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
DIPLOM LOYIHALARI HIMOYASI BO‘LIB O‘TDI

Toshkent to‘qimachilik va yengil sanoat instituti To‘qimachilik muhandisligi fakultetining “To‘qimachilik matolari texnologiyasi” kafedrasi bitiruvchilari uchun diplom loyihalari himoyasi "Virtus Tricot" MCHJ korxonasida bo‘lib o‘tdi.

🗣Himoya jarayonida bitiruvchi talabalar o‘zlarining ilmiy-amaliy ishlari, innovatsion g‘oyalari hamda to‘qimachilik sanoatini rivojlantirishga qaratilgan loyihalarini Attestatsiya komissiyasi a’zolari e’tiboriga havola etdilar.

⏺Taqdim etilgan diplom loyihalarida to‘qimachilik matolari ishlab chiqarish texnologiyalarini takomillashtirish, mahsulot sifatini oshirish, ishlab chiqarish samaradorligini yuksaltirish hamda zamonaviy texnologiyalarni amaliyotga joriy etish masalalariga alohida e’tibor qaratildi.

⏺Korxona bazasida tashkil etilgan himoya jarayoni talabalarning nazariy bilimlarini amaliy tajriba bilan uyg‘unlashtirish, ishlab chiqarishdagi dolzarb muammolarga innovatsion yechimlar taklif etish hamda kasbiy tayyorgarlik darajasini baholash imkonini berdi.

⏺Himoya davomida bitiruvchilarning bilim va ko‘nikmalari mutaxassislar tomonidan munosib baholanib, ularning kelgusidagi kasbiy faoliyatlari uchun muhim tavsiyalar berildi.

⏺Mazkur tadbir ta’lim va ishlab chiqarish integratsiyasini mustahkamlash, raqobatbardosh kadrlar tayyorlash hamda to‘qimachilik sanoati uchun zamonaviy mutaxassislarni yetishtirish yo‘lidagi muhim qadamlardan biri bo‘ldi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube