✔️✅✅✅✅
BITIRUV MALAKAVIY ISHLARI HIMOYASI MUVAFFAQIYATLI O‘TKAZILDI

Toshkent to‘qimachilik va yengil sanoat instituti Iqtisodiyot fakulteti “Buxgalteriya hisobi va marketing” kafedrasining Marketing ta’lim yo‘nalishi bitiruvchi talabalari tomonidan bitiruv malakaviy ishlari himoyasi muvaffaqiyatli o‘tkazildi.

🗣Himoya jarayonida talabalar marketing sohasida raqamli reklama texnologiyalarini joriy etish, milliy brendlarni rivojlantirish hamda innovatsion yondashuvlarni amaliyotga tatbiq etishga qaratilgan ilmiy va amaliy ishlanmalarini taqdim etdilar.

⏺Taqdim etilgan bitiruv malakaviy ishlarida zamonaviy marketing strategiyalari, raqamli kommunikatsiya vositalaridan samarali foydalanish, iste’molchilar ehtiyojlarini o‘rganish hamda korxonalar raqobatbardoshligini oshirish masalalariga alohida e’tibor qaratildi.

⏺Shuningdek, Instagram, Telegram va boshqa ijtimoiy tarmoqlar orqali mahsulot va xizmatlarni targ‘ib qilish, sotuv hajmini oshirish, mijozlar sodiqligini shakllantirish hamda iste’molchilarga sifatli mahsulot tanlashda ko‘maklashish orqali iqtisodiy samaradorlikka erishish bo‘yicha innovatsion yechimlar ilgari surildi.

⏺Himoya davomida talabalarning nazariy bilimlari, amaliy ko‘nikmalari, tahliliy fikrlashi va marketing sohasidagi zamonaviy tendensiyalarni qo‘llash qobiliyati Attestatsiya komissiyasi tomonidan munosib baholandi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
DIPLOM LOYIHALARI HIMOYASI “NUR-TEX” MCHJDA TASHKIL ETILDI

Toshkent to‘qimachilik va yengil sanoat instituti Dizayn va texnologiyalar fakultetining “Tikuv buyumlari texnologiyasi va raqamli injiniring” kafedrasi bitiruvchi talabalari uchun diplom loyihalari himoyasi ishlab chiqarish korxonasi sharoitida — "Nur-Tex" MCHJ bazasida bo‘lib o‘tdi.

🗣Himoya jarayonida bitiruvchilar tikuvchilik sanoatining zamonaviy talablariga mos ravishda ishlab chiqilgan diplom loyihalarini Attestatsiya komissiyasi a’zolari va korxona mutaxassislari e’tiboriga havola etdilar.

⏺Taqdim etilgan loyihalarda ayollar, erkaklar va bolalar kiyimlarini loyihalash, konstruksiyalash, texnologik ishlov berish jarayonlarini takomillashtirish, zamonaviy uskunalar hamda raqamli texnologiyalarni ishlab chiqarishga joriy etish masalalari yoritildi.

⏺Shuningdek, diplom loyihalarida kiyim modellari eskizlari, konstruktorlik hujjatlari, texnologik ketma-ketliklar, materiallar tanlovi, ishlab chiqarish samaradorligini oshirishga qaratilgan takliflar hamda iqtisodiy hisob-kitoblar o‘z aksini topdi. Bitiruvchilar o‘z ishlanmalarining amaliy ahamiyati, innovatsion jihatlari va ishlab chiqarishga tatbiq etish imkoniyatlarini asoslab berdilar.

⏺Himoya davomida "Nur-Tex" MCHJ mutaxassislari, kafedra professor-o‘qituvchilari hamda Attestatsiya komissiyasi a’zolari talabalarning kasbiy tayyorgarligi, nazariy bilimlarini amaliyot bilan uyg‘unlashtirish qobiliyati va ishlab chiqarish muammolariga yechim taklif etish ko‘nikmalariga yuqori baho berdilar.

⏺Korxona bazasida tashkil etilgan mazkur himoya jarayoni talabalarga real ishlab chiqarish muhitida o‘z bilim va ko‘nikmalarini namoyish etish, ish beruvchilar bilan bevosita muloqot qilish hamda kelgusidagi kasbiy faoliyatlari uchun muhim tajriba orttirish imkoniyatini yaratdi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
"CHARM VA POYABZAL" KAFEDRASI BITIRUVCHILARI DIPLOM HIMOYASI O‘TKAZILDI

Toshkent to‘qimachilik va yengil sanoat instituti Dizayn va texnologiyalar fakultetining “Charm va poyabzal” kafedrasi bitiruvchilari uchun bakalavr diplom ishlari himoyasi "O‘zcharmsanoat" uyushmasida yuqori saviyada tashkil etildi.

🗣Himoya jarayonida malakali mutaxassislar, soha vakillari hamda professor-o‘qituvchilar ishtirok etib, bitiruvchilarning ilmiy-amaliy ishlari va kasbiy tayyorgarligini baholadilar.

⏺Diplom himoyalarida Dizayn (poyabzal va aksessuarlar dizayni), Yengil sanoat buyumlari konstruksiyasini ishlash va texnologiyasi (charm buyumlari texnologiyasi), Yengil sanoat buyumlari konstruksiyasini ishlash va texnologiyasi (charm va mo‘yna texnologiyasi), Yengil sanoat texnologiyalari va jihozlari (charm va mo‘ynani qayta ishlash va jihozlari) hamda Yengil sanoat texnologiyalari va jihozlari (poyabzal, charm-attorlik ishlab chiqarish va jihozlari) ta’lim yo‘nalishlari bitiruvchilari o‘z loyihalarini muvaffaqiyatli himoya qildilar:

⏺Bitiruvchilar tomonidan taqdim etilgan diplom loyihalarida charm va poyabzal sanoatini rivojlantirish, mahsulotlar dizaynini takomillashtirish, zamonaviy texnologiyalarni ishlab chiqarish jarayonlariga joriy etish hamda mahsulotlarning raqobatbardoshligini oshirishga qaratilgan innovatsion yechimlar ilgari surildi.

⏺Himoya davomida talabalar o‘zlarining nazariy bilimlari, amaliy ko‘nikmalari, ijodiy yondashuvlari va ishlab chiqarish muammolariga taklif etgan yechimlarini asoslab berdilar.

⏺Attestatsiya komissiyasi a’zolari tomonidan diplom ishlari yuqori baholanib, ularning amaliy ahamiyati alohida e’tirof etildi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦
DISSERTATSIYA ISHI HIMOYASI BO’LIB O’TDI

Toshkent to‘qimachilik va yengil sanoat instituti huzuridagi ilmiy darajalar beruvchi Ilmiy Kengashning navbatdagi majlisi o’tkazildi.

⏺16-iyun kuni Tuychiyev Timur Ortikovichning “Paxtani tozalash va regeneratsiyalashning takomillashtirilgan texnologiyasini ilmiy asoslari” mavzusida - “Tо‘qimachilik materiallari texnologiyasi va xomashyoga dastlabki ishlov berish” ixtisosligi bо‘yicha texnika fanlari doktori (DSc) dissertatsiyasi himoyasi bo’lib o’tdi.

#TTYSI_DSc
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube