✔️🟦🟦🟦
“TA’LIM VA KASB” KO‘RGAZMASI HAMDA YOSHLAR IJODIY LOYIHALARI TAQDIMOTLARI TASHKIL ETILDI

Yoshlarning kasb tanlash ko‘nikmalarini rivojlantirish, ularning ijodiy va innovatsion salohiyatini qo‘llab-quvvatlash hamda zamonaviy mehnat bozori talablari bilan tanishtirish maqsadida keng qamrovli “Ta’lim va kasb” ko‘rgazmasi tashkil etildi.

🗣Tadbir doirasida bir nechta tematik maydonlarda taqdimotlar va ko‘rgazmalar o‘tkazildi. Jumladan, 1-maydonda “Ta’lim va kasb” ko‘rgazmasi taqdimoti, 2-maydonda zamonaviy kasblar va mehnat bozorida talab yuqori bo‘lgan yo‘nalishlar taqdimoti, 3-maydonda talabalarning startap va innovatsion loyihalari namoyishi tashkil etildi.

Shuningdek, 4-maydonda yosh rassomlarning ijodiy ishlari ko‘rgazmasi, 5-maydonda esa dizayn va kreativ industriyalar ko‘rgazmasi o‘tkazilib, ishtirokchilarga yoshlarning ijodiy ishlari va yangi g‘oyalari namoyish etildi.

⏺Tadbir davomida yosh rassomlar, haykaltaroshlar va dizayn ixlosmandlarining savdo ko‘rgazmalari ham tashkil etilib, tashrif buyuruvchilar ijodkorlarning mualliflik ishlari bilan yaqindan tanishish imkoniyatiga ega bo‘ldilar.

⏺Alohida e’tiborga molik jihatlardan biri sifatida “Sen kuchlisan” nomli yosh ijodkorlarning xayriya ko‘rgazmasi tashkil etildi. Ushbu ko‘rgazma orqali yosh ijodkorlarning iste’dodi va imkoniyatlarini keng jamoatchilikka namoyish etish, ularni qo‘llab-quvvatlash hamda jamiyatda inklyuziv muhitni mustahkamlash maqsad qilindi.

⏺Bundan tashqari, “Ta’lim va kasb tanlashda yoshlar imkoniyatlari”, “Talabalarning innovatsion va tadbirkorlik tashabbuslari” hamda “Zamonaviy kasblar va bandlik imkoniyatlari” mavzularida taqdimotlar o‘tkazilib, ishtirokchilarga ta’lim, innovatsiyalar, tadbirkorlik va bandlik masalalari yuzasidan foydali ma’lumotlar taqdim etildi.

#TTYSI_EDUCATION_CAREER
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦🟦
INSTITUTNING O’Z IFORI BOR…

Yoshligingizni nima eslatadi? Erta bahorning mayin nafasi yoki eng yaqin insoningiz tayyorlagan taomning betakror ta’mi?

🗣Hayotimiz davomida shunday holatlar bo’ladiki, ular bizni bir lahzada eng yorqin xotiralarimiz sari yetaklaydi. Ba’zan birgina ifor bolalikni, ba’zan esa umrimizning eng baxtli damlarini yodga soladi.

⏺Toshkent to‘qimachilik va yengil sanoat institutida tahsil olayotganlar uchun ham talabalik yillarining oltin davrini, mustahkam do‘stlikni, ilmiy izlanishlarni va unutilmas lahzalarni yodga soluvchi o‘ziga xos ifor yaratilgan.

⏺Ha, siz to‘g‘ri eshitdingiz — institutning o‘z ifori bor!

⏺Institutning yosh olimlari tomonidan yaratilgan ushbu noyob kompozitsiya 94 yillik tarix va qadriyatlarni, professional ta’lim sifati hamda Yangi O‘zbekiston bunyodkorlarining g‘ayrat-shijoati va intilishlarini o‘zida mujassam etgan.

⏺Mazkur maxsus ifor nafaqat yoqimli xotira, balki institut ruhini, uning boy an’analari va zamonaviy taraqqiyot sari intilishini aks ettiruvchi timsol hisoblanadi.

⏺Chunki ba’zi xotiralar suratlarda, ba’zilari esa qalbimizda yashaydi. Eng qadrli xotiralar esa bir ifor orqali yana qayta jonlanadi.

💬Institut ifori — talabalikning eng yorqin xotiralari mujassam bo‘lgan betakror tasvirdir.

#TTYSI_Institut_Ifori
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube