✔️✅✅✅✅
“JAHOLATGA QARSHI — MA’RIFAT BILAN KURASHISH!” MAVZUSIDA PROFILAKTIK TADBIR O‘TKAZILDI

Toshkent to‘qimachilik va yengil sanoat institutida professor-o‘qituvchilar ishtirokida “Jaholatga qarshi — ma’rifat bilan kurashish!” mavzusida profilaktik tadbir o‘tkazildi.

🗣Tadbirda O‘zbekiston xalqaro islomshunoslik akademiyasi dotsenti Yorqin Shukurov hamda institutning birinchi prorektori, professor Baxtiyor Nasimov va boshqa mutasaddi rahbarlar ishtirok etdi.

⏺Tadbir davomida milliy qadriyatlar xalqning o‘zligi, tarixi, madaniyati va ma’naviy qiyofasini belgilovchi muhim omillardan biri ekani ta’kidlandi. Yoshlarni milliy qadriyatlarga hurmat ruhida tarbiyalash, ularda sog‘lom dunyoqarash, mustaqil fikrlash va yuksak ma’naviy fazilatlarni shakllantirish masalalariga alohida e’tibor qaratildi.

⏺Shuningdek, globallashuv sharoitida yoshlar ongiga turli yot va zararli g‘oyalarni singdirishga qaratilgan urinishlar, xususan, diniy ekstremizm va terrorizm kabi tahdidlarning oldini olish muhimligi qayd etildi.

⏺Tadbirda ekstremizm va terrorizm kabi zararli oqimlar dinimizning insonparvarlik, tinchlik va bag‘rikenglik tamoyillariga zid ekani ta’kidlanib, bunday tahdidlarga qarshi kurashishda ma’rifat, bilim va mustaqil fikrlashning ahamiyati haqida fikr yuritildi.

❤️Yakunida ishtirokchilar tekshirilmagan va asossiz axborotlarga, radikal g‘oyalarga ergashmaslik, axborotlarni tanqidiy tahlil qilish hamda bilim va tafakkurni muntazam boyitib borish zarurligi yuzasidan fikr almashdilar.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
“BIZ — SOG‘LOM TURMUSH TARZI TARAFDORIMIZ” SHIORI OSTIDA PROFILAKTIK DAVRA SUHBATI O‘TKAZILDI

Toshkent to‘qimachilik va yengil sanoat institutining Talabalar turar joyida istiqomat qiluvchi talaba-yoshlar ishtirokida sog‘lom turmush tarzini targ‘ib qilish, giyohvandlikning oldini olish hamda OIV/OITSga qarshi kurashish maqsadida “Biz — sog‘lom turmush tarzi tarafdorimiz” shiori ostida profilaktik davra suhbati tashkil etildi.

🗣Tadbirda institut Xotin-qizlar kengashi raisi Dilrabo Baxriddinova, institut psixologi Dildora Tojimova hamda xotin-qizlar bilan ishlash bo‘yicha psixolog Shoira O‘rinova ishtirok etdi.

⏺Davra suhbatida talabalarga OIV/OITS, uning yuqish yo‘llari, patogenezi, epidemiologiyasi, klinik belgilari va profilaktikasi haqida batafsil ma’lumotlar berildi. Shuningdek, giyohvandlik vositalari va psixotrop moddalarni noqonuniy iste’mol qilishning salbiy oqibatlari, ekstremistik g‘oyalar ta’siriga tushib qolishning oldini olish masalalariga ham alohida e’tibor qaratildi.

⏺Bundan tashqari, talabalarga “Ichki tartib-qoidalar”, “Odob-axloq kodeksi”, “Biz ommaviy madaniyatga qarshimiz” hamda talabalarda tanglik holatlarining oldini olish mavzulari yuzasidan tushuntirishlar berildi.

⏺Tadbir davomida shaxsiy va ijtimoiy hayotda to‘g‘ri qarorlar qabul qilish, xavfsiz hayot tamoyillariga rioya etish, turli zararli odatlardan yiroq bo‘lish hamda o‘z salomatligiga mas’uliyat bilan yondashish masalalari keng muhokama qilindi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
TALABALAR TURAR JOYIDA SPORT O‘YINLARI TASHKIL ETILDI

Toshkent to‘qimachilik va yengil sanoat institutining Talabalar turar joyida yoshlarning bo‘sh vaqtlarini mazmunli tashkil etish, ularning jismoniy faolligini oshirish hamda sog‘lom turmush tarzini targ‘ib qilish maqsadida turli sport o‘yinlari tashkil etildi.

🗣Musobaqalar davomida talaba-yoshlar sportning turli yo‘nalishlarida o‘zaro bellashib, jamoaviy hamkorlik, chaqqonlik va faolliklarini namoyon etdilar.

⏺Bunday sport tadbirlari yoshlarning bo‘sh vaqtlarini mazmunli o‘tkazishi bilan bir qatorda, ular o‘rtasida do‘stona muhitni mustahkamlash va sog‘lom turmush tarziga bo‘lgan qiziqishni oshirishga qaratilmoqda.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube