✔️🟦🟦🟦
DUAL TA’LIM SAMARADORLIGI VA NATIJADORLIGINI OSHIRISH YUZASIDAN SEMINAR BO'LIB O'TDI

Toshkent to‘qimachilik va yengil sanoat instituti To'qimachilik muhandisligi fakultetining professor-o‘qituvchilari ishtirokida dual ta’lim tizimini samarali tashkil etish, belgilangan vazifalar ijrosini ta’minlash hamda natijadorlikni aniq mezonlar asosida baholash masalalariga bag‘ishlangan seminar bo‘lib o‘tdi.

🗣Seminarda O‘zbekiston Respublikasi Prezidentining 2026-yil 29-sentabrdagi “Oliy ta’limda dual ta’lim shaklida kadrlar tayyorlash tizimini takomillashtirish chora-tadbirlari to‘g‘risida”gi PF-209-son Farmoni ijrosini ta’minlash, ta’lim jarayonini ishlab chiqarish bilan integratsiyalash hamda ish beruvchilar bilan hamkorlikni yangi bosqichga olib chiqish masalalari muhokama qilindi.

⏺Unda institut O‘quv bo‘limi boshlig‘i Sharofiddin Mamatmurodov, Ta’lim sifati nazorati bo‘limi boshlig‘i Tohir Murodov, Marketing bo‘limi boshlig‘i Xamid Hazratqulov, Komplayens nazorat bo‘limi boshlig‘i Botir Malikov hamda To'qimachilik muhandisligi fakulteti dekani Oybek Ortiqov ishtirok etdilar.

⏺Muhokamalar davomida dual ta’lim samaradorligini belgilovchi ustuvor yo‘nalishlar va natijadorlik ko‘rsatkichlariga alohida e’tibor qaratildi. Jumladan, professor-o‘qituvchilarning mas’uliyatini oshirish, korxonalar bilan hamkorlikni mustahkamlash va kadrlar tayyorlash jarayonini real ishlab chiqarish ehtiyojlariga moslashtirish bo‘yicha vazifalar belgilandi.

⏺Dual ta’lim natijadorligini baholashda quyidagi mezonlar muhim ahamiyat kasb etishi ta’kidlandi:

- dual ta’limga jalb qilingan korxonalar soni va hamkorlik samaradorligi;
- korxonalar tomonidan bildirilgan kadrlarga buyurtmalar hamda korxonalarga biriktirilgan talabalar soni;
- professor-o‘qituvchilar va korxona murabbiylarining kasbiy hamda amaliy kompetensiyalarini rivojlantirish;
- ish beruvchilar buyurtmalari asosida tayyorlangan bitiruv ishlari va ilmiy ishlanmalar;
- ilmiy ishlanmalar va innovatsion yechimlarni ishlab chiqarishga joriy etish natijalari;
- bitiruvchilarning hamkor korxonalarda ishga joylashish ko‘rsatkichlari.

⏺Shuningdek, belgilangan vazifalar ijrosini tizimli nazorat qilish, mas’ullar faoliyatini aniq ko‘rsatkichlar asosida tahlil etish va erishilgan natijalarni muntazam muhokama qilib borish zarurligi qayd etildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️‼️‼️‼️✅✅✅✅
TALABALAR BILAN ISHLASH, MAVJUD MUAMMOLAR VA TA’LIM SIFATI MASALALARI MUHOKAMA QILINDI

Toshkent to‘qimachilik va yengil sanoat institutida birinchi prorektor Baxtiyor Nasimov tomonidan bo‘lim boshliqlari, fakultet dekanlari, institutga biriktirilgan profilaktika inspektori hamda mas’ul xodimlar ishtirokida talabalar bilan ishlash, mavjud muammolarni aniqlash va ta’lim sifatini oshirish masalalariga bag‘ishlangan yig‘ilish o‘tkazildi.

🗣Yig‘ilish davomida talabalar o‘rtasidagi ijtimoiy-ma’naviy muhit holati, ijarada yashovchi talabalarning yashash sharoitlari va mavjud muammolari, shuningdek, yoshlarning shaxsiy, oilaviy, ijtimoiy hamda psixologik masalalari muhokama qilindi.

⏺Shuningdek, talabalarning murojaatlari, taklif va e’tirozlarini o‘rganish, ta’lim sifati va o‘quv jarayonini tashkil etish, talabalarning ta’limdan qoniqish darajasini oshirish masalalariga alohida e’tibor qaratildi.

⏺Yig‘ilishda talabalar davomati, dars qoldirish holatlari va ularning sabablarini tahlil qilish, shuningdek, yoshlarning darsdan keyingi mashg‘ulotlari, bo‘sh vaqtini mazmunli tashkil etishi hamda mas’ul xodimlarning bu boradagi xabardorligini oshirish masalalari ham ko‘rib chiqildi.

⏺Muhokama yakunida talabalar bilan ishlashni yanada takomillashtirish, mavjud muammolarni o‘z vaqtida aniqlash va ularning yechimi bo‘yicha tizimli ishlarni tashkil etish muhimligi ta’kidlandi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube