هسه لو بس بالچذب حطلك عذر
حتى أيس منك و ما انتظر

اني اريدن للصفر ارجع و اعيش
لا نسيت و لا بديت من الصفر

بس والله متت من الضحك من گتلي ضل لوحدك ، هو اني ياهو اليمي ؟

اني مو ثقيت بيك
و عالجرف گتلك بكيفك
وين ما تبحر وراك ؟

وين ما اروح التفت
و الگاچ يمي
بالوجوه الما تعرفچ
عفتي ذكرى .

گلبي تعبان و يحبك

أحنة ما نرهم سوية
وحتى لو نرهم بعد كلش صعب

اني ما اعرف اخون
وانت ما تعرف تحب
ليش قويت العلاقه؟
انت لو باقي غريب
انت ما ترهم عدوي
شلون ترهملي حبيب.

نيتي ما اعيرك عليهن
بس اذكرك!
يمي عيّشتك دقايق تسوى عمرك
بإيدي اشخبط ؏ المهم بس انت أشرك
چان حسبالي الهوا نفسيته عطرك
اني احبك من وكت لعب الزغار
چنت بالغميضة اشوفك... بس أعبرك.

تدري علمودك زاعلت نص الناس ؟
عايف وجوه ولايتي و هاملها

تالي على كسرة عود مني تخليت
بله بضميرك هاي شتحطلهة ؟

خليتي حچايه بحلگ كل بطران
خجلان ارد للناس المزاعلها !

مجبور أرد واتوسل بهذا وذاك
بس كوّن واحد مني يتقبلها

گمت اعتذر من ناس ما عدها احساس
اني الچنت لو انعدم مرتين ما أجاملها

ولك يا گلبي ربعك وين ؟
شو يا هو التذكره
الله يرحمه تگول !

محد ضل عدل بيهم
ولو حتى اني متت هواي

متت من اهلي ضلموني
متت من ربعي غدروني
يا دفّان گللهم !
أنا مخلوق بس مرة
و عشر مرات دفنوني

الله ااكبر عليك

ليش كلما اصيرن اخضر ينعدم فصل الربيع؟

من الفرح ارجف چنت
بس هسه لا
من الوجع صارت بأيدي الرجفة