💡📆📆📆📆📆 6 мамыр

☹️6 мамыр — Халықаралық диетаға қарсы күрес күні. Миллиондаған адам артық салмақпен күресу үшін бірнеше жыл жұмыс істейді. Алайда тек бестен біреуі ғана уақытша салмақ тастайды. Ал 1% - ы тұрақты түрде артық салмақтан арыла алады. Аталған күннің мақсаты — түрлі түсінікке еліктемей, өзіңізді сол қалпыңызда толық қабылдап үйренуге шақырады. Бұл қағиданы салауатты өмір салтын ұстанатындар қабылдады. Осы тұста, көпшілігі бастысы адамның дені сау болып, артық салмаққа қарамастан, құлпырып жүруге болады деген пікірді алға тартады.

Қалай ойлайсыз, диета ұстаған дұрыс па?


🙏2010 жылдың 6 мамырында Астанада Ұлы Отан соғысында Германия мен Австрияда қаза тапқан қазақтарға арналған “Арманда кеткен боздақтар” естелік кітабының тұсаукесері өтті. Бұл кітапта Екінші дүниежүзілік соғыс кезінде Германиядағы концлагерьлердің қабырғасында қаза тапқан 6200-ден астам қазақстандық туралы мәлімет бар. Сонымен қатар мұнда Австрия аумағында соғысып, ажал құшқан 980 қазақстандықтың аты-жөні, 200-ден астам адамның жерленген жері де енгізілген.



🗣1626 жылы 6 мамырда голландиялық Питер Минит құны 24 долларға бағаланған Манхэттен аралын үндістандық Манахатта тайпасынан сатып алды. Бұл жерде қазіргі Нью-Йорктің ізашары Жаңа Амстердам құрылған. Оның тарихи өзегі - осы арал. Қазір Манхэттен Америка Құрама Штаттарында халық тығыз қоныстанған және ең бай аудандардың бірі. Бүгінгі күні аралдың болжамды құны 49 миллиард долларды құрайды.

Міне, бұл жағдайды керемет мәміле деп атауға болады.



👥6 мамыр — қос тұлғаның туған күні. 74 жыл бұрын қазақтың тұңғыш Олимпиада чемпионы атанған Жақсылық Үшкемпіров (1951-2020) дүниеге келді. Ол 1980 жылы Мәскеуде өткен классикалық күреске Қазақстан атынан қатысты. 2014 жылы Халықаралық күрес федерациясының Даңқ залына енді. 2020 жылы Астанадағы жекпе-жек сарайы Үшкемпіровтің құрметіне орай өзгертіліп, жанынан ескерткіші ашылды. Сонымен қатар бүгін америкалық актер, режиссер, продюсер және кәсіпкер Джордж Клуни 64 жаcқа толды. “Оскар” иеленген актер мансап жолында 50-ден астам фильмде басты рөлді сомдады. Time журналы оны әлемдегі ең ықпалды 100 адамның қатарына қосты.

Жақсылық Үшкемпіров туралы фильмнің трейлерін мына жерден көре аласыз: https://www.youtube.com/watch?v=JAk7uRhkJQI

#Күнтізбе #Мереке #Ерекшекүн #Дұрыстамақтану #Естеліккітабы #Манхэттенаралы #Туғанкүндер #Танымалтұлғалар #ЖақсылықҮшкемпіров #ДжорджКлуни

💡🐴🐴🐴🐴🐴🐴🐴🐴🐴🐴

Көшпелі қазақтың жер игеру үлгісі жайлы не білеміз?

📌 Көшпелі қазақтардың өмір салты мен экономикасы жерді тиімді пайдалануға негізделді. Бүгінгі Қазақстанда да көшпелі дәстүрдің ізі сақталып, ауыл шаруашылығының маңызды салалары жерді тиімді пайдалануға сүйенеді. Төменде осы жүйенің негізгі қадамдарын ұсынамыз.

1️⃣ Көшпелі өмір салтының негізі – жерді тиімді пайдалану

Көшпелі қазақтардың экономикалық жүйесінің басты ерекшелігі – жерді маусымдық көші-қон арқылы пайдалану. Жазғы жайлаулар мен қысқы қыстаулар арасында малды көшіріп отыру табиғи ресурстарды сақтап, жайылымдардың тозуын алдын алды. Бұл жүйе табиғатпен үндесіп, жер байлығын сақтауға мүмкіндік берді.

2️⃣ Жер – байлықтың көзі

Көшпелі қоғамда жердің құндылығы оның кеңдігі мен жайылымдығымен өлшенді. Әр ру мен қауымның белгілі бір жер аумағы болды, ол маусымдық көші-қон кезінде қолданылды. Жердің құнарлығы мен судың жақындығы мал басының көбеюіне және шаруашылықтың дамуына ықпал етті.

3️⃣ Экономикалық тиімділік

Көшпелі жер пайдалану жүйесі табиғи ресурстарды ұтымды пайдалануға мүмкіндік берді. Қазақ даласында жайылымға арналған жерлердің әртүрлігі малдың тез көбеюіне және сапалы ет пен жүн өнімдерінің өндірісіне оң әсер етті. Бұл экономиканың негізгі тірегі ретінде жердің рөлін айқындады.

4️⃣ Қазіргі әсері

Бүгінгі күні Қазақстанның 180 миллион гектардан астам жайылымдық жері бар. Бұл – көшпелі ата-бабаларымыздың дәстүрлі жер пайдалану жүйесінің бүгінгі ауыл шаруашылығына тигізген әсері. Мал шаруашылығының табысты болуы осы үлкен жайылымдық аймақтарды дұрыс пайдалануға байланысты.

5️⃣ Экологиялық тепе-теңдік

Көшпелі қазақтардың жерді пайдалану тәсілі табиғат пен адам арасындағы тепе-теңдікті сақтауға бағытталған. Табиғи ресурстарды тиімді игеру, жайылымдарды кезек-кезек пайдалану қазіргі замандағы экологиялық тұрақтылықтың үлгісі болып отыр.

#көшпенділер #экономикасы

💡📆📆📆📆📆 7 мамыр

🌚Бүгін — Отан қорғаушылар күні. Бұл күн 1992 жылы 7 мамырда Президент Жарлығымен еліміздің Қарулы Күштері құрылған күн ретінде тарихта қалды. Ал 2012 жылдан бастап ресми мемлекеттік мереке ретінде аталып өтеді. Бұл күні Отан алдындағы борышын абыроймен атқарып жүрген әскери қызметкерлерді құттықтап, оларға алғыс білдіру дәстүрге айналған.

Айта кетейік, бүгінде Қарулы Күштер қатарында ерлермен қатар, офицерлік шенге ие болған әйелдер де қызмет атқарып жүр.

Бүгін ер-азаматтарымыз қандай сыйлық алады екен?


🌎Бүгін — Халықаралық планетарийлер күні. Мерекенің мақсаты – жұртшылықты планетарийлердің қызметімен таныстыру және астрономиялық білімді насихаттау. 1925 жылы 7 мамырда Германияда әлемдегі алғашқы планетарий ашылды. Қазіргі уақытта әлемде екі мыңнан астам планетарий бар. Қазақстандағы алғашқы тұрақты планетарий 1967 жылы Ақтөбе қаласында ашылып, қазір де астрономия мен ғарыш саласын насихаттайтын алдыңғы қатарлы орталықтардың бірі саналады.

Жұлдыздарды тамашалағанды ұнатасыз ба?


🤩1887 жылы 7 мамырда америкалық Томас Стивенс велосипедпен әлем бойынша алғашқы саяхатын жасады. Ол шамамен 20 мың шақырым жол жүріп, үш жылдан аса уақыт жолда болды. Бүкіл әлем бойынша сапары барысында Стивенс өзінің саяхат жазбаларын Harper's Magazine журналына жіберді, ол кейінірек 1000 беттен тұратын екі томдық “Велосипедпен әлемді саяхаттау” кітабында жарияланды. Стивенстің велосипеді Екінші дүниежүзілік соғысқа дейін мұражайда сақталды. Алайда ол соғысқа қолдану мақсатында істен шықты.

Велосипедпен алыс сапарларға шыға аласыз ба?


🤩Сонымен қатар бүгін дүниежүзілік күлкі күні аталып өтеді. Күлкінің жақсы екенін бәрі біледі. Алайда оның күнделікті өмірде денсаулығымыз бен әл-ауқатымызды жақсартуда қаншалықты құнды екенін түсінетіндер аз. Бұл күн алғаш рет 1998 жылы Үндістанның Мумбай қаласында доктор Катари есімді адамның бастамасымен атап өтілді. Кейін бұл бастама бүкіл елге, тіпті шетелге тарап кетті. 2000 жылы Дания астанасы Копенгагенде күлкі мерекесіне 10 000-нан астам адам жиналып, бір уақытта күліп, Гиннестің рекордтар кітабына енді.

#Күнтізбе #Мереке #Ерекшекүн #Ерлеркүні #Планетарий #Әлемдішарлау #Күлкікүні

💡📰📰📰📰📰📰

7 Мамыр – Отан қорғаушылар күнімен шын жүректен құттықтаймыз!

Қазақ ерлерінің ізі қалмаған сала бар ма өзі?

Қызықты болса, біздің видеомызды соңына дейін қарап, лайк басып, парақшамызға тіркеліңіз👍

https://youtube.com/shorts/N9vAYPPZ4KM

#7май #жаңалықтар #новости #мужчины #үйдежатпа
#рек #қазақстан #праздник

💡📆📆📆📆📆 8 мамыр

🤲8 және 9 мамырда БҰҰ бастамасымен Екінші дүниежүзілік соғыс құрбандарын еске алуға арналған “Еске алу және келісім күні” аталып өтеді. Адамзат тарихындағы ең ауқымды соғыс болған Екінші дүниежүзілік соғыс барысында 6 жыл ішінде соғысқа тартылған елдер 71 миллионнан астам адамынан айырылды. Ал оның 600 мыңға жуығы — қазақстандықтар.

👏1975 жылы 8 мамырда Алматыдағы 28 гвардиялық-панфиловшылар саябағында Отанымыздың бостандығы мен тәуелсіздігі жолында құрбан болғандарды еске алуға арналған Даңқ мемориалы ашылды. Ол төрт бөліктен тұрады. Ал ортасында Мәңгілік алау жанып тұрады. 1982 жылдан бастап ескерткіш республикалық маңызы бар тарихи және мәдени ескерткіштер тізіміне енді. Мемориал оңтүстік астананың басты көрікті жерлерінің бірі. Қалалық дәстүр бойынша, үйлену тойы кортеждері міндетті түрде осы жерге аялдайды.

Ал сіздің Даңқ мемориалының жанында түскен суретіңіз бар ма?


🙌Бүгін — Дүниежүзілік Қызыл Крест және Қызыл Жарты Ай күні. 1824 жылы 8 мамырда Жан Анри Дюнан дүниеге келді. Оның бастамасымен 1863 жылы аталған ұйым құрылды. Комитеттің алғашқы эмблемасы ақ фондағы қызыл крест болды. Бірақ Осман империясы оны қолданудан бас тартты. Өйткені бұл крест жорықтарымен теріс байланыстарды тудырды. 1929 жылы Женева конвенциясы қызыл жарты айды екінші эмблема деп таныды. Қазіргі таңда оны мұсылман халқы басым ұлттық ұйымдар пайдаланады. Оның ішінде Қазақстанда да бар.



👥8 мамырда дүниеге келген атақты ер адамдар. Бүгін қазақтың белгілі актері, театр және кино режиссері, сценарист, ұстаз Асанәлі Әшімов 88 жасқа толды. Көптеген мемлекеттік және кәсіби наградалардың иегері Әуезов театрының сахнасында 30-дан астам фильмге түсіп, 50-ден астам рөлдерді сомдады. Сонымен қатар бүгін испаниялық әнші, композитор, продюсер және актер Энрике Иглесиас 50 жас мерейтойын атап өтеді. Өзінің мансап жолында ол 40-тан астам сингл мен студиялық 10 альбом шығарды. Өнер иесінің туындылары 116 мәрте платинаға, 227 мәрте алтынға ие болды. Ал сатылымның жалпы мөлшері 100 миллион жазбаны құрайды.

Сізге Энрике Иглесиастың қай әні ұнайды?


#Күнтізбе #Мереке #Ерекшекүн #Ескеалукүні #Даңқмемориалы #ҚызылЖартыай #Туғанкүндер #Танымаладамдар #АсанәліӘшімов #ЭнрикеИглесиас

💡💡💡💡💡💡💡

Адамға шабыт сыйлайтын 5 әдіс

Кейде оқуға деген ынта жоғалып, алға жылжу қиынға соғады. Бірақ шабыт – ішкі күшті оятатын, сізді мақсатыңызға қарай жетелейтін қуатты құрал. Оны қолдана білсеңіз, кез келген істің биігіне шығуға болады. Назарларыңызға күнделікті мотивацияны арттырып, рухтандыратын 5 әдісті ұсынамыз.

1️⃣ Ең алдымен өзіңізге мына сұрақты қойыңыз: “Мен бұл істі не үшін үйренгім келеді?”

Сол сұраққа нақты әрі шынайы жауап беріп, алдыңызға жетуге болатын мақсаттар тізімін жазыңыз. Бұл мақсаттар сіздің өміріңізде маңызы бар, жүрегіңізбен қалаған нәрселер болуы керек.

✍️ Оларды қағазға түсіріп, жиі көретін жерге іліп қойыңыз. Әр жолы шаршаған, жалқаулық жеңген сәтте сол тізімге көз жүгіртіңіз. Ол сізге ішкі күш пен шабыт береді.

2️⃣ Барлық істен қызықты нәрсе табыңыз

Зерттелетін материалдың сіздің өміріңізбен қандай байланысы бар екенін қарастырыңыз. Мысалы, әдеби кітапты оқудан жалықсаңыз - мұндағы кейіпкерлермен ортақ нәрсені табуға тырысыңыз. Ал егер биологияны оқығыңыз келмесе, өзіңіз және басқа тіршілік иелері туралы қаншалықты көп білетініңізді елестетіп көріңіз.

3️⃣ Таймер пайдаланыңыз⏰

📌Сабақ оқуға 30-50 минут бөліп, содан кейін қысқа үзіліс жасаңыз. Ол аяқталғаннан кейін оқуға қайта кірісіңіз.

4️⃣ Өзіңізді үнемі жігерлендіріп отырыңыз✅

Сабақ оқып болғаннан кейін өзіңізді марапаттаңыз. Мәселен, сүйікті тамағыңызды жеп, үй жануарларымен ойнаңыз, қызықты видео қараңыз немесе ыстық ванна қабылдаңыз. Ал емтиханнан кейін өзіңізді әлдеқайда маңызды нәрсемен қуантыңыз. Мысалы, достарыңызбен кофе ішіңіз немесе көптен бері қалап жүрген нәрсеңізді сатып алыңыз.

5️⃣ Біреумен үйреніңіз👫

Ол адаммен бір бөлмеде бірге тұрудың қажеті жоқ. Бірақ сіздің мәселелеріңізге бей-жай қарамайтын және сіздің жетістіктеріңіз туралы сөйлесетін адамның болуы маңызды. Бір-біріңізге әр апта сайын жасалған жұмыс туралы есеп беріп отырыңыздар. Осы кезде мақсатқа жету оңай болады және уақытты тиімді басқарасыздар.

#қазынакеңес

💡📆📆📆📆📆 9 мамыр

💪Бүгін 1941–1945 жылдардағы Ұлы Отан соғысындағы Жеңіске 80 жыл толды. Сол бір қасіретті жылдары Қазақстаннан 6,5 миллион халықтың ішінен 1,2 миллионнан астам адам майданға аттанды. Солардың жартысынан көбі – 600 мыңнан астамы ұрыс даласында қаза тапты. Қан майданда мыңдаған қазақстандық сарбаз ерлік көрсетіп, түрлі орден-медальдармен марапатталды. 520 жауынгерге — Кеңес Одағының Батыры атағы, ал 110 мың сарбазға — Даңқ ордені берілді. Қазір Қазақстанда Ұлы Отан соғысының көзі тірі 111 ардагері қалды. Олардың әрқайсысына мемлекет тарапынан 1 миллионнан 5 миллион теңгеге дейін бір реттік төлем жасалады.

Оқырмандарымызды Жеңіс күнімен құттықтаймыз!

🤑2010 жылы 9 мамырда Австрия астанасы Венада Екінші дүниежүзілік соғыс жылдары осы елдің аумағында қаза тапқан қазақстандық жауынгерлерге арналған алғашқы мемориал ашылды. Бұл – Батыс Еуропада орнатылған алғашқы ескерткіш. Сондай-ақ қазақстандық жауынгерлерге арналған ескерткіштер Волгоградта, Минскіде және Италияның Триест қаласында бар. Санкт-Петербургте Әлия Молдағұлова атындағы көшеде оның құрметіне ескерткіш қойылған. Бішкекте екі мәрте Кеңес Одағының Батыры атанған ұшқыш Талғат Бигелдиновке бюст орнатылған. Ал 2009 жылы Румынияның Струнга ауылында 1944 жылы сол жерде қаза тапқан қазақстандық жауынгер Шернияз Аяғановқа мемориал ашылды.

Ерлердің есімі – ел есінде! Мәнгілік тағзым!

😻1840 жылдың 9 мамырында Шығыс Қазақстан облысы Аягөз ауданының аумағына «Қарақол» деп аталған метеорит құлады. Оның сынықтары алдымен Семейге жеткізіліп, кейіннен Санкт-Петербургке жөнелтілген. “Қазақстан” ұлттық энциклопедиясының мәліметінше, метеориттің массасы — 2,8 келі. Пішіні киіз үйге ұқсас ерекше болғандықтан, ол сирек кездесетін метеориттер қатарына жатқызылған. Өкінішке қарай, метеорит Қазақстанға қайтарылмады. Қазіргі таңда ол Мәскеудегі Геохимия және сараптамалық химия институтының музейінде сақтаулы.

Бұл метеорит туралы бұрын естіп пе едіңіз?


🙌9 мамыр — Дүниежүзілік көше музыканттары күні. Бұл — көшелерде өнер көрсетіп, адамдардың көңілін көтеретін әрі еңбегімен нәпақасын табатын кәсіби музыканттар мен әуесқой өнерпаздардың мерекесі. Көбіне олар танымал әндерді орындайды, ал кейде авторлық шығармаларын да тарту етеді. Айта кетерлігі, қазіргі таңда әлемге танымал әншілердің біразы өнер жолын көшеде ән айтып бастаған. Мысалы, Эд Ширан да кезінде көше музыканты болған.

Егер таныстарыңыздың арасында көше музыканттары болса, оларды осы ерекше күнмен құттықтауды ұмытпаңыз!

#Күнтізбе #Мереке #Ерекшекүн #Жеңіскүні #Даңқмемориалы #Қазақстандағыметеорит #көшемузыканттары

💡🎟🎟🎟🎟🎟🎟🎟🎟🎟📆

Құрметті оқырман! #Үйдежатпа ұжымы арнайы сіздер үшін осы демалыс күндері Алматы, Астана және Шымкент қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызық көрмелер мен іс-шараларды пікірге жазып кете аласыз.

АЛМАТЫ:

"Ұлы Жеңіс – ерлікке құрмет, ұрпаққа өнеге” атты сурет және мүсін көрмесі

Бұл көрме – Ұлы Отан соғысының аяқталғанына 80 жыл толуына байланысты ұйымдастырылып отыр. Адамзат тарихындағы ең зұлмат соғыстың азабын тартқан, елі үшін жанын пида еткен боздақтарды еске алу — әр буынның парызы. Көрме — сол бір алмағайып кезеңнің елесінде қалған қайсарлықты, отансүйгіш рухты, ерлік пен азаттық жолындағы күрестің маңызын ұрпақ санасына сіңіруді мақсат етеді.

Өтетін орны: Almaty Gallery, Достық даңғылы, 44
Күні: 9, 10 және 11 мамыр, 11:00 – 19:00

👣Дрон шоуы

9 мамырда Алматы аспанында батырлық пен рухты паш еткен ерекше көрініс өтеді.

Өтетін орны: Абай алаңы, Достық даңғылы мен Абай көшесінің қиылысы
Күні: 9 мамыр, 21:00. Алдын ала келіңіз, себебі көшелер жабылады

👤Баха Бүбіханова атындағы заманауи өнер байқауының финалистер көрмесі

Заманауи өнерге арналған бұл байқауға биыл 24 қаладан 124 суретшінің және 6 шығармашылық топтан барлығы 130 өтінім түскен. Солардың ішінен қазылар алқасы 10 үздік финалисті таңдап алды. Көрмеге қойылған жұмыстардың идеялық өзегі — болмыс пен қоғам құрылымын зерттеу.

Өтетін орны: Aspan Gallery, Әл-Фараби даңғылы, 140
Күні: 10 мамыр, 14:00

😻"Zat" көрмесі

“Zat” көрмесінде көрермен күнделікті тұрмыстағы заттардың мүлде басқа қырынан таныстырылуына куә болады.

Орналасқан жері: Efes Art Space, Желтоқсан даңғылы, 137
Күні: 9, 10 және 11 мамыр, 10:00 – 19:00

👏Spring Art Fair көрмесі
⠀
Spring Art Fair — көктемнің шуағындай жарқын өнер мерекесі. Бұл алаңда Қазақстанның танымал суретшілері мен жас таланттары өздерінің ең үздік туындыларын ұсынады.
⠀
Өтетін орны: Esentai Gallery, Әл-Фараби даңғылы, 77/8 (Esentai Mall, 3-қабат)
Күні: 9, 10 және 11 мамыр, 10:00 – 20:00


АСТАНА:

👀Жеңіс күніне арналған мерекелік отшашу

Жеңіс құрметіне шамамен төрт мыңнан астам отшашу атылады. Аспанды жарыққа бөлейтін бұл көрініс – батыр бабаларға тағзымның, ел бірлігінің және ұрпақ сабақтастығының белгісі болмақ.

Өтетін орындар: Ботаникалық бақ және “Атырау” көпіріне жақын аумақ
Күні: 9 мамыр, 22:00

👋Мерекелік концерт

Отан қорғаушылар күні мен Ұлы Жеңістің 80 жылдығына арналған салтанатты концерт өтеді.

Өтетін орны: Қалалық алаң
Күні: 9 мамыр, 17:00

🗣“Qazaqstan Barysy Grand Slam” халықаралық дзюдо турнирі

Бұл дүбірлі додаға әлемнің 47 елінен 412 спортшы қатысады. Олардың қатарында Олимпиада жеңімпаздары мен жүлдегерлері де бар.Өтетін орны: Жекпе-жек сарайы (Ж. Үшкемпіров атындағы), Қабанбай батыр даңғылы, 43
Күні: 9, 10 және 11 мамыр, 11:00 – 18:00

🌝"КЕРІСІНШЕ” көрмесі

Forte Kulanshi Art Space кеңістігінде өтетін “КЕРІСІНШЕ” атты көрме – екі түрлі мәдениет пен көркемдік көзқарастың тоғысқан тұсы. Қытай суретшісі Лу Лин мен қазақ график-суретшісі, QYZYLZHEBE лақап атымен танымал Ілияс Дәулбаев көрерменге ойлы, терең мағынаға толы диалог ұсынады.

Өтетін орны: Forte Kulanshi Art Space, Достық көшесі, 8/1 КЕРІСІГЕ" көрмесі
Күні: 9, 10 және 11 мамыр, 10:00 - 20:00


ШЫМКЕНТ:

🔥Мерекелік гала-концерт

Отан қорғаушылар күні мен Ұлы Отан соғысындағы Жеңістің 80 жылдығына арналған салтанатты гала-концерт өтеді.

Орны: "Астана" алаңы
Күні: 9 мамыр, 20:00 – 23:00

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз сәтті өтсін!

#Алматыафишасы #Астанаафишасы #қайдабарукерек #тегін #көрмелер #дрондаршоуы #сәлем #Концерт