💡💡💡💡💡💡💡

Жанға жақын хоббиді қалай табуға болады? ТОП-5 кеңес

🟢 Күн сайын жұмыс, оқу, әлеуметтік желідегі дүрбелең, жауапкершілік… Адам кейде осының бәрінен шаршап, “маған не нәрсе шын мәнінде ләззат сыйлайды?” деген сұраққа тіреледі. Жанға жақын хобби өзіңізді қайта табуға, ішкі тыныштыққа қол жеткізуге, өмірді жаңа бояумен көруге көмектеседі.

1️⃣ Балалық шағыңызға үңіліңіз

Сіз кішкентай кезіңізде немен айналысқанды ұнаттыңыз? Сурет салу ма еді, билеу ме, әлде ермексаздан мүсін жасау ма? Көп жағдайда жанымызға ең жақын нәрселерді бала күнімізде сеземіз, бірақ есейгенде ұмытып кетеміз.

2️⃣ Жаңа нәрсе байқап көріңіз

Хобби іздеу кезінде қателесу – қалыпты нәрсе. Бірнеше апта тоқу үйреніп, кейін орта жолдан қалдырсаңыз өзіңізді жазғырмаңыз. Ол бекер кеткен уақыт емес. Себебі сіз өзіңізге сай келмейтін істі түсінесіз. Мүмкін керамика жасау жаныңызға жайлылық сыйлар, не болмаса табиғатта серуендеу, яки жазба жазған ұнайтын шығар?

3️⃣ Қандай күйде өзіңізді еркін сезінесіз?

Кей адамдар жалғыздықта шығармашылықпен айналысқанды ұнатады. Ал біреулер керісінше, ұжымдық істерден шабыт алады – волонтерлік, би топтары, дебаттар немесе командалық спорт түрлері. Өз энергияңызды не көтеретінін байқаңыз.

4️⃣ Хобби – табыс көзі емес, жан тыныштығы

Хобби табысты кәсіпке айналса жақсы, әрине. Бірақ бастапқыда сізге нағыз қуаныш сыйлайтын нәрсені іздеңіз. Ол үшін ешкімге есеп берудің қажеті жоқ. Бұл – сіздің жеке кеңістігіңіз, рухани демалысыңыз.

5️⃣ Өзгерістен қорықпаңыз

Қызығушылықтар уақыт өте өзгереді. Бүгінгі хобби ертең сіз үшін қызықсыз болып қалуы мүмкін – бұл табиғи құбылыс. Ең бастысы жаныңыз дамып, үнемі жаңа нәрселерге ашық болуыңыз.

✔️ Қорытынды

Хобби табу – өз жүрегіңе құлақ асу. Ол – ішкі баламен қайта табысу, өмірге деген құштарлықты ояту. Сондықтан жанға рахат сыйлайтын істі іздеуден шаршамаңыз, байқап көріңіз, құлшынысыңызды тоқтатпаңыз.

#қазынакеңес

💡📆📆📆📆📆 27 маусым

🙌27 маусымда Біріккен Ұлттар Ұйымының бастамасымен микро, шағын және орта кәсіпорындар күні аталып өтеді. Бұл – құрамында 250 адамға дейін жұмыс істейтін компаниялар. Шағын болғанымен, олар кез келген елдің экономикалық дамуына айтарлықтай үлес қосады. Алайда мұндай кәсіпорындар көбіне бюрократиялық кедергілер мен қаржылай қиындықтарға тап болады. Осы күннің мақсаты – әлем елдері басшыларының назарын шағын бизнесті қолдау қажет екеніне аудару.
Биыл Қазақстанда 2,2 миллионнан астам шағын және орта бизнес субъектісі тіркелген. Олар 4 миллионнан астам адамды жұмыспен қамтып отыр.

👇27 маусым – Дүниежүзілік балықшылар күні. Қазіргі таңда әлемдік кәсіби балық аулау көлемі жылына шамамен 90 миллион тоннаны құрайды. Оның 90%-ы теңіздерден, қалғаны ішкі су айдындарынан ауланады. Балық шаруашылығы тікелей және жанама түрде 120 миллионнан астам адамды жұмыспен қамтамасыз етеді. Бұл сала – халықты жұмыспен қамту мен әлеуметтік әл-ауқатты арттырудағы маңызды күш.

Таныс балықшыларды кәсіби мерекесімен құттықтауды ұмытпаңыз!

👀Сондай-ақ 27 маусым – Дүниежүзілік микробиом күні. Адам ағзасындағы микробтардың саны адам жасушаларынан он есе көп. Олардың жалпы салмағы 5 килограмға дейін жетуі мүмкін. Ағзамыздағы бұл микроағзалар ас қорыту жүйесінен бастап көңіл күйге дейінгі барлық процеске әсер етеді. Әр адамның микробиомы ерекше және ол үш жасқа дейін ана сүті мен табиғи факторлардың ықпалымен қалыптасады. Кейін бұл жүйе өмір салты мен қоршаған ортаға байланысты өзгеріп отырады.

Бұл күн – өзіңді ішкі әлеміңмен жақынырақ таныстыратын ерекше мүмкіндік.

👥27 маусым — атақты екі адамның туған күні. Бүгін Қазақстанның еңбек сіңірген өнер қайраткері, музыкант Байғали Серкебаев 67 жасқа толды. Ол аты аңызға айналған A'Studio тобының продюсері әрі тұрақты жетекшісі, атақты опера әншісі Ермек Серкебаевтың ұлы. Сонымен қатар бүгін америкалық актер және продюсер Тоби Магуайр 50 жас мерейтойын атап өтеді. Ол “Өрмекші адам” трилогиясында (2002-2007) басты кейіпкерді сомдады, кейін 2021 жылы “Өрмекші адам: үйге жол жоқ” (2021) фильмінде бұл рөлді қайта ойнады. Осылайша, Марвел суперқаһармандары арасында бір кейіпкерді ең ұзақ сомдаған актер ретінде Гиннестің рекордтар кітабына енді.

Сізге Marvel суперқаһарманынан кім ұнайды?

#Күнтізбе #Мереке #Ерекшедата #шағынжәнеортабизнес #балықшыларкүні #Микроағзалар #Туғанкүндер #Танымаладамдар #БайғалиСерікбаев #AStudio #Өрмекшіадам.

💡🎬🎬🎬🎬🎬🎬🎬🎬🎬🎞

🎬"Қара дуа"қорқынышты фильмі. Бай отбасының қызы Айжан дуаның құрбанына айналады. Оның жақындары балгерге жүгініп, қыздың үстінен дұға оқиды. Бірақ сиқырдың салдарынан Айжанның денесіне жын қонады. Басты рөлдерде: Нұрзат Болотбекова, Айсалқын Күйікбаева. Жас рейтингі: 18+

Біздің кино обзор мына жерде: https://youtube.com/shorts/xgaQIxMhJ1c?si=3yIPG9MFZTx59Fo4

🎬"Особенный доктор" мистикалық детективі. Контузиядан кейін басы ауырып жүрген запастағы әскери интернеттен “Ерекше дәрігер” деген клиниканы табады. Бұл жерде кез келген дерттен бір сеанспен айығуға уәде беріледі. Алайда ол кішкентай қыз-дәрігермен танысқан соң, өз ауруын ұмытып, балалар еңбегін заңсыз пайдаланғандарды әшкерелеуге кіріседі. Басты рөлдерде: Азиз Бейшеналиев, Галина Табала, Алексей Шемес, Шыңғыс Капин.
Трейлер мына жерде: https://www.youtube.com/watch?v=nQWvjdnumDI

🎬"F1" спорттық драмасы. Формула-1 жарысының жұлдызы Сонни Хэйс 1990-жылдары болған ауыр апаттан кейін спорттан кеткен. Жылдар өткен соң жарыс командасының иесі одан команданың данышпан жас шабандозына тәлімгер әрі екінші пилот болуын сұрайды. Басты рөлдерде: Брэд Питт, Симон Эшли, Хавьер Бардем.
Трейлер мына жерде: https://www.youtube.com/watch?v=TOWNc5IgoII

🎬"Шпионская свадьба" комедиясы. Тропикалық арал, танымал аспаздардан дәмді ас, ақ көйлек – бәрі мінсіз той үшін дайын. Бірақ қалыңдықтың жан құрбысы – әлемдік қылмыстық ұйымдар көздеген құпия агент. Мереке қарсаңында қарулы жалдамалылар бай қонақтарды кепілге алады… Басты рөлдерде: Ребел Уилсон, Анна Кэмп. Жас рейтингі: 18+
Трейлер мына жерде: https://www.youtube.com/watch?v=Yag1EHaGFyA

🎬"Великая Лилиан Холл" өмірбаяндық драмасы. Аты аңызға айналған Бродвей актрисасы Лилиан Холл жаңа рөлге дайындалып жүр. Бірақ ол тез өршіген деменциямен күресіп, театрға деген махаббатын соңғы рет сахнада көрсетуге тырысады. Басты рөлдерде: Джессика Ланг, Пирс Броснан. Жас рейтингі: 16+
Трейлер мына жерде: https://www.youtube.com/watch?v=rztMyqFzEzU

🎬"М3ган 2.0" триллері. М3ГАН-ның қанды оқиғасынан екі жыл өткен соң, оның жасаушысы Джемма жаңа қауіп – әскерилер жасап шығарған Амелия атты кибер-қауіпті тоқтату үшін М3ГАН-ды қайта тірілтуге мәжбүр болады. Басты рөлдерде: Джемейн Клемент, Эллисон Уильямс. Жас рейтингі: 18+
Трейлер мына жерде: https://www.youtube.com/watch?v=_KpAXPQBGIs

🎬" Астрал. Остров проклятых" қорқынышты фильмі. Жас жігіттер мен қыздар яхтамен серуен кезінде беймәлім аралға тап болады. Бұрын мұнда психиатриялық аурухана болған екен. Аралда қамалған зұлым рухтар бостандыққа ұмтылады… Басты рөлдерде: Тускя Намя, Ханна Ханнон. Жас рейтингі: 18+
Трейлер мына жерде: https://www.youtube.com/watch?v=eMiGgMlMXIw

🎬"100% тигр" мультфильмі. Тео — тасман жолбарысы, өз түрінің соңғы өкілі. Оны сәби кезінде кенгурулар тауып алып, өсірген. Бірақ бір күні Тео өз өткені мен түп-тамыры туралы аян көріп, жоғалған отанын құтқаруға аттанады.
Трейлер мына жерде: https://www.youtube.com/watch?v=DhPoDnQt0i8

🎬"Джамбо и маленькое приведение" мультфильмі. Донды бәрі “Джамбо” деп атайды — ол толық, шапшаң емес және спортқа ебі жоқ. Бірақ ол өзін дәлелдегісі келіп, “Голос” ән байқауына қатысуға бел буады. Оған көмектесуге кішкентай, сүйкімді елес келеді.
Трейлер мына жерде: https://www.youtube.com/watch?v=YO4koXGXj3o

#жаңафильмдер #аптаныңпремьералары #аптаныңафишасы #Қазақстанкинотеатрлары #ерекшедәрігер #Қарадуа

💡📆📆📆📆📆 28 маусым

👀Бүгін — Қазақстанда Бұқаралық ақпарат қызметкерлері күні. 1991 жылы 28 маусымда Қазақстанда алғашқы “БАҚ туралы” заң қабылданды. Айта кету керек, бұрын бұл мереке 10 мамырда аталып өттң. Себебі 1870 жылы осы күні алғашқы қазақтілді басылым — “Түркістан уәлаяты газеті” жарық көрді. Алайда кейін бұл басылымның Ресей үкіметінің қаржыландыруымен шыққаны, оның беттерінде қазақ даласын отарлауды насихаттайтын материалдар жарияланғаны анықталды.

Егер таныс журналистерді білсеңіз, оларды кәсіби мерекесімен құттықтап қойыңыз!



🗣28 маусымда “шынайы құшақтау” күні де аталып өтеді. Бұл күн әлемде “Счастливый день сердечных объятий” деген атпен белгілі. Ғалымдардың пікірінше, тактильді байланыс адамның өзін қауіпсіз әрі жайлы сезінуіне зор ықпал етеді. Психологтар ұзақ өмір сүру үшін күніне 4 мәрте құшақ, деннің саулығы үшін 8 мәрте құшақ және интеллектуал тұрғысынан даму мен жеке өсу үшін 12 құшақ қажет деп санайды. Бұл күннің мақсаты – виртуалды әлемде көп уақыт өткізетін адамдардың назарын жан-жарына, ата-ана мен балаға деген сүйіспеншіліктің көрінісі ретінде тактильді байланыстардың маңыздылығына аудару.

👀1997 жылы 28 маусымда бүкіл әлем көз тіккен рингте Майк Тайсон Эвандер Холифилдтің құлағынан тістеп алды. Мұндай әрекетке Майкты итермелеген жағдай — Холифилдтің басымен оның бетіне әдейі соққы жасауы еді. Жекпе-жек тоқтатылады, бірақ Тайсонға ескерту жасалғаннан кейін төреші жарысты жалғастыруға рұқсат береді. Алайда көп ұзамай Тайсон қарсыласының құлағының тағы бір бөлігін жұлып алған соң, жекпе-жек тоқтатылып, Тайсон жарыстан шеттетілді. Сондай-ақ ол 3 миллион доллар айыппұл төледі. 2009 жылы танымал телешоуда Тайсон Холифилдтен кешірім сұрады. Өз кезегінде ол “Темір” Майкқа кешірім берді.

Ұлы Тайсонның ерсі әрекетін мына жерден көре аласыз https://www.youtube.com/watch?v=zKPMVex-UKk


👥28 маусымда өмірге келген танымал тұлғалар. 313 жыл бұрын француз философы, жазушы, ағарту дәуірінің ойшылы Жан-Жак Руссо (1712-1778) дүниеге келді. Ол сентиментализм бағытының негізін қалаушы. Руссо табиғатқа қайтуды насихаттап, адамдар арасындағы толық әлеуметтік теңдікті орнатуға шақырды. Сонымен қатар бүгін әлемдегі ең бай адам Илон Маск 54 жасқа толды. Ол SpaceX негізін қалаушы, бас директоры әрі бас инженері; Tesla инвесторы, бас директоры; The Boring Company, Neuralink және OpenAI негізін қалаушы. 2022 жылы ол Twitter желісін сатып алды. Биыл оның байлығы 350 миллиард долларды құрады.

Илон Масктың туған күніне қандай жылы лебізіңізді білдіресіз?


#Күнтізбе #Мереке #Ерекшекүн #ҚазақстанныңБАҚтары #тактильдібайланыс #Тайсонныңтістеуі #Туғанкүндер, #ЖанЖакРуссо #ИлонМаск

💡🎟🎟🎟🎟🎟🎟🎟🎟🎟📆

28-29 маусым күндері Алматы мен Астанада қайда тегін баруға болады?

Құрметті оқырман! #Үйдежатпа ұжымы арнайы сіздер үшін осы демалыс күндері Алматы, Астана және Шымкент қалаларында тегін баруға болатын іс-шаралар топтамасын дайындады. Ал басқа қалалардан ақпарат болмағандықтан, сіз өз өңіріңізде болатын қызық көрмелер мен іс-шараларды пікірге жазып кете аласыз.

АЛМАТЫ:

🤞"Қияли ойлар" көрмесі

Көрмеге қойылған туындылар көрерменге әлемді өз түйсігімен көруге, көзге көрінетін нәрсенің ар жағынан сыр іздеуге мүмкіндік береді. Бұл картиналар сананы түртіп, жанға әсер ететін қарапайым әрі күрделі оқиғалардың терең мағынасын ұғынуға жетелейді. Экспозиция көркем ойдың кеңістігінде шындық, түс және миф арасындағы шекараларды еркін аралайды.

Орны: Almaty Gallery, Достық даңғылы, 44
Күні: 28 және 29 маусым, 11:00 – 19:00

👀"Композитор" фильмінің көрсетілімі

Аталған туындыда Екінші дүниежүзілік соғыс жылдары Алматыға тап болып, қазақ композиторы Бақытжан Байқадамовпен достық байланыс орнатқан қытай композиторы Сянь Синхайдың тағдыры суреттеледі. Қазақстан мен Қытай бірлесе түсірген бұл өмірбаяндық драма — тарих қойнауынан сыр шертетін терең мазмұнды шығарма.

Орны: "Арман" кинотеатры, Достық даңғылы, 104
Күні: 28 маусым, 19:00

💄GIRLHOOD көрмесі

Көрмеге қойылған суреттер әйелдер арасындағы рухани жалғасты бейнелейді. Олар бұл желіні өз ішіне бүгіп, тұйықтап қоймай, қайта оны жаңа қырынан көруге мүмкіндік береді. Өзге әйелдерден берілген өмірлік тәжірибе көрерменнің ішкі жан дүниесімен ұштасып, жеке әрі терең сезімге жетелейді.

Орналасқан жері: Esentai галереясы, Әл-Фараби даңғылы, 77/8 (Esentai Mall, 3 қабат)
Күні: 28 және 29 маусым, 10:00-22:00

👤AIGA әлем чемпионаты

AIGA — түрлі техника мен мектеп, әр алуан күрес стилі тоғысқан спорттық жекпе-жектің ең көрнекті түрлерінің бірі. Бұл – шеберлік пен шыдамдылық сынға түсетін, нағыз мықтылардың айқасы.
⠀
📍 Өтетін орны: Балуан Шолақ атындағы спорт сарайы, Абай даңғылы, 44
Күні: 29 маусым, 09:00 – 17:00

👥"Құмтышқанның түсі" көрмесі

Медиа суретші Алена Бражникова-Агаджикова нейрожелілердің көмегімен өзінің балалық қиялында ғана бар Түрікменстан туралы естеліктерді жандандырад. Бұл – атасының әңгімелері мен бала кезгі армандардан туған елге деген сағыныш пен естеліктің, қиял мен технологияның тоғысындағы нәзік әрі әсерлі көрме.

Орналасқан жері: 101 dump галереясы, Панфилов көшесі, 101
Күні: 28 және 29 маусым, 14:00 – 21:00


АСТАНА:

🦋"RUUIN KIM/RUHIN Kim" көрмесі

Қонақтарды Лейла Махаттың өзін-өзі анықтаудың өзекті мәселесін қозғайтын Жаңа 37 картинасы күтеді. Мұнда тамырлар туралы есте сақтаудың маңыздылығы ұрпақтар беретін рухани байлықпен тең.

Орны: LM Kulanshi Art галереясы, Қасым Аманжолов көшесі, 22А
Күні: 28 және 29 маусым, 10:00 - 16:00

💐"QAZAQ CONTENT" көрмесі

Көрерменге Лейла Махаттың өзіндік болмыс пен рухани тамыр жайлы ой қозғайтын жаңа 37 туындысы ұсынылады. Бұл шығармаларда адам баласының тегін ұмытпай, рухани байлығын сақтап, оны ұрпаққа жеткізудің маңыздылығы көркем тілмен бейнеленген.

Өтетін орны: Forte Kulanshi Art Space, Достық көшесі, 8/1
Күні: 28 және 29 маусым, 10:00 - 20:00

Естеріңізге сала кетейік, арнамызда пікір жазып, белсенділік танытқан 5 оқырманға Қазақстанның кез келген қаласынан кино немесе театрға 2 билет (сеанс, күн мен уақытты таңдайсыз) сыйлаймыз немесе кітап сатып алу үшін 10 мың теңгелік сертификат табыстаймыз. Сондай-ақ айдың “ең үздік пікірі” номинациясы да бар. Пікірлер саны мен сапасы бойынша қорытынды әр айдың 1-інде шығарылады. Демалыс күндеріңіз сәтті өтсін!

#Алматыафишасы #Астанаафишасы #қайдабарукерек #тегін #көрмелер

💡🎞🎞🎞🎞🎞

Қазақстанда тұңғыш рет ерекше балалар басты рөлде ойнаған толықметражды фильм – «Особенный доктор»
⠀
Сюжет бойынша зейнеттегі әскери адам жұмбақ клиникадан келген ерекше дәрігерден көмек сұрайды.
⠀
🎥 Бұған дейін сериал түрінде бірнеше елде марапатталған бұл жоба енді толықметражды фильмге айналды.
⠀
Ұнаса – ❤ лайк басып, пікір қалдырып, парақшаға жазылыңыз!

https://youtube.com/shorts/d90ZrnOgxuM
⠀
#ЕрекшеДәрігер #ҚазақстанКиносы #КиноШолу #ҚазақФильмі

💡📆📆📆📆📆 29 маусым

💐29 маусым — Халықаралық өнеркәсіптік дизайн күні. Бұл – ойлап қана қоймай, өзінің идеяларын шынайы өмірде іске асырып, қоғамға эстетикалық ләззат пен алуан түрлілік сыйлайтын мамандардың күні. Әсіресе, қазіргі таңда осы мамандардың заманауи көліктер мен жабдықтарды құрастыруда еңбек нәтижелерін көру қуаныш сыйлайды.



👤2007 жылы 29 маусымда құны 499 доллар болатын алғашқы iPhone сатылымға шықты. Мұны Стив Джобс үш өнімнің үйлесімі ретінде таныстырды. Атап айтатын болсақ, кеңэкранды сенсорлы iPod, революциялық мобильді телефон, интернет-коммуникацияға арналған жаңашыл құрылғы. Сол кездегідей, қазір де жаңа iPhone шыққанда дүкендердің алдында күндер бойы кезек күткен адамдарды көреміз. Time журналы сол жылы iPhone-ды “жыл жаңалығы” деп атады. Бүгінде бұл смартфон әлі де талғампаздықтың символы ретінде танылып, бәсекелестерден ерекшеленіп тұр.

Егер сізде де iPhone смартфоны болса, комментарийге лайк басып кетіңіз.

👀1964 жылдың 29 маусымында америкалық өнертапқыш Роберт Адлер теледидарды қашықтан басқаруға арналған алғашқы сымсыз пультті ойлап тапты. Оған дейін адамдар “Лентяй” деп аталған сымды пульттерді пайдаланып келген. Алғашқы құрылғылар тек теледидарды қосып-өшіруге және арналарды ауыстыруға мүмкіндік берді. 1970 жылдардың соңына қарай пульттер күрделене түсті: телетекст беттерін таңдау, дыбыс, жарық және түс қанықтығын реттеу сияқты қосымша функциялар пайда болды. Қазіргі таңда пульттер теледидарды ғана емес, бүкіл тұрмыстық техниканы басқаруға мүмкіндік беретін күнделікті өміріміздің ажырамас бөлігіне айналды.


👥29 маусым — екі жазушының туған күні. 125 жыл бұрын француздың ұлы гуманист-жазушысы, эссеист әрі кәсіби ұшқыш Антуан де Сент-Экзюпери (1900-1944) дүниеге келді. Оның жарқын ғұмыры әдеби дарынының қалыптасуына зор ықпал етті. Әлемге әйгілі «Кішкентай ханзада» повесі – оның ең шоқтығы биік туындысы. Екінші дүниежүзілік соғыс кезінде “Шайқасушы Франция” құрамында барлау тапсырмаларын орындап жүргенде, жау аумағына ұшқан сапарынан оралмай қалған. Бүгін қазақ жазушысы, ТМД Журналистер конфедерациясы сыйлығының лауреаты Қайнар Олжай 67 жасқа толды. Ол халық арасында кең танымал ТВ-бағдарламалар мен “Бірінші” тарихи-деректі телевизиялық фильмінің авторы. Қазақстанның еңбек сіңірген қайраткері 4 кітап шығарды.

#Күнтізбе #Мереке #Ерекшекүн #өнеркәсіптікдизайн #алғашқыiPhone #алғашқытеледидарпульті #Туғанкүндер #Танымалтұлғалар #АнтуандеСентЭкзюпери #ҚайнарОлжай

💡📰📰📰📰📰📰

🦉 Сіз түнде осы жұмбақ дыбы ты естідіңіз бе?

Қызықты болса, біздің видеомызды соңына дейін қарап, лайк басып, парақшамызға тіркеліңіз👍

https://youtube.com/shorts/wZOe45CEGko

#сова #жаңалықтар #новости #птица #үйдежатпа
#рек #казахстан #алматы #сплюшка

💡💫💫💫💫💫💫💫

30 маусым – 6 шілдеге арналған қаржылай жұлдыз жорамал

♈️Апта күтпеген қаржылай мүмкіндікпен басталуы мүмкін. Тоқтылар бір жерде сенімді дауыспен сөйлеп, байқаусызда жобаның жетекшісіне ұқсап қалуы ғажап емес. Сол сәтте ақша да соған ілесіп келеді. Ең бастысы — тартынбаңыз, өзіңізге сеніңіз және артқа қарамаңыз. Өйткені қаржы сенімділікті жақсы көреді…

♉️Бұл аптада Торпақтар үнемшілдіктің шеберіне айналады. Тіпті Wi-Fi-дың өзі «маған енді қажет жоқ шығар» деп өшіп қалуы ғажап емес. Алайда жұлдыздар ескертеді: өзіңізді қуантуға да ұмытпаңыз. Кем дегенде, дәмді бір бәліш алыңыз — бұл көңіл күйге салынған шағын, бірақ маңызды инвестиция.

♊️Апта бойы Егіздер әрі үнемдегісі келіп, әрі көзге түскеннің бәрін сатып алғысы келеді. Соңында олар жеті түрлі қажетсіз затты жеңілдікпен алып, мұны «керемет қаржылай шешім» деп өздерін жұбатады. Дегенмен, расын айтқанда, бақыт кейде ақшаның өзінде емес, тосыннан кездескен жеңілдіктерде жатады.

♋️Шаяндар аптаның басында әр тиынды есептеп, бәрін бақылауда ұстайды. Алайда аяқасты жүректің қалауы оянып, жан рахаты үшін бір ерекше затқа қаржы жұмсап қоюы мүмкін — мысалы, ақша иісі аңқыған хош иісті шамға. Қаржылай жағдайы тұрақты, тек кейде сезім мен логика арасындағы тепе-теңдікті сақтау қиынға соғуы мүмкін.

♌️Арыстандар, сіздер мәртебелі тұлғасыздар, бірақ жұлдыздар алтын тағыңыз әзірге бюджеттен тыс екенін ескертеді. Дегенмен, сіздің ең басты қаруыңыз — табиғи харизма! Оны пайдаланып көріңіз: жеңілдік алыңыз, бонустар сұраңыз немесе болмағанда — кассирден бір жылы сөз естіп қайтыңыз.

♍️Апта сіз үшін есеп пен тәртіп аптасы болады: түбіртектерді түгендеп, әр жұмсалған теңгенің ізіне түсесіз. Иә, сіз — қаржы сараптамасының нағыз гуруысыз. Бірақ кейде бір кесе кофенің бағасын білмей-ақ қою — өзіңізге деген мейірімділік екенін ұмытпаңыз. Бұл да — махаббаттың бір түрі.

♎️Таразылар бұл аптада «жинау керек» пен «өмір бір-ақ рет» деген екі ойдың арасында тербеледі. Ақыры, «өмір» жеңеді. Бірақ өкінбеңіз. Бір әдемі ұсақ-түйек сатып алып, оны интерьерге құйылған инвестиция деп қабылдаңыз — бұл да жан рахаты үшін керек.

♏️Апта барысында Сарышаяндар байып кетуге деген ерекше шабыт сезінеді. Мүмкін, «Ештеңе істемей-ақ миллион табу» атты онлайн-курс ашып көрерсіз? Жоқ, ашпасаңыз да — жұлдыздар сіздің табиғи тартымдылығыңыз ақша мен тегін дүниелерді өзіне тартатынын еске салады.

♐️Бұл апта “Шопинг — жанға дауа” деген ұранмен өтеді. Бірақ абай болыңыз: интернет-дүкеннің себеті — қара құрдым секілді, бәрін өзіне тартады. Қаржылай тепе-теңдікті сақтау үшін “Тапсырысты рәсімдеу” түймесін тек ішкі тыныштықпен басыңыз.

♑️Тауешкілер бұл аптада қаржы империясын құруға бел буады. Бюджет жоспарлаудан бастайды, бірақ Excel кестесіндегі түс таңдауда тұрып қалуы мүмкін. Жұлдыздар кеңес береді: жоспар құру жақсы, бірақ іс жүзіндегі әрекет те маңызды.

♒️Суқұйғыштардың ойына осы аптада ерекше идеялар келеді: бұлттан табыс табу, мемдер арқылы ақша жасау, лифтідегі би арқылы стартап бастау — бәрі де мүмкін көрінеді. Ұялмаңыз! Бәлкім, әлем дәл сіздің идеяңызды күтіп жүрген шығар. Бірақ алғашқы күні бәрін жұмсап тастамауды да ұмытпаңыз.

♓️Балықтар ағынмен жүзіп келеді… тура маңайдағы жеңілдікке қарай. Апта жеңіл, романтикаға толы өтеді. Қаржы да қолдап тұрады, тек жүрекпен емес, картамен (мейлі кешбэкімен болса да) төлеуді ұмытпаңыз.

Қаржылай аптаңыз сәтті өтсін! Табысыңыз еселене берсін!

Айта кетейік, ақша әзіл мен көтеріңкі көңіл күйді ұнатады!

Бұл жұлдыз жорамал ойын-сауық және кеңес беру мақсатында жасалған. Қаржылай шешімдерді ақылға салып, нақты жағдайларға байланысты қабылдағаныңыз жөн.

#Жұлдызжорамал #Апталықжұлдызжорамал #Қаржы #Болжау

💡📆📆📆📆📆 30 маусым

🙌30 маусым — Дүниежүзілік әлеуметтік желі күні. Бұл мерекенің пайда болуы кездейсоқ емес. Өйткені әлеуметтік желілер сандық кеңістікте көп уақыт өткізетін заманауи адамдардың өмірінде маңызды рөл атқара бастады. Әлемдегі әрбір адам әлеуметтік желіге күніне орта есеппен 144 минут жұмсайды екен.

Сіз әлеуметтік желісіз бір күн өмір сүре аласыз ба?

💪Бүгін Біріккен Ұлттар Ұйымының бастамасымен Халықаралық астероидтар күні аталып өтеді. 1908 жылы 30 маусымда Сібірге Тунгус метеориті құлады. Жарылыстың күші атом бомбасындай болды. Себебі дауысы мыңдаған шақырым жерге дейін естілді. Бұл күн қоғамның астероидтар қаупі туралы хабардарлығын арттыруға және нақты қауіп төнген жағдайда қандай әрекет жасау керегін үйретуге бағытталған. Қазақтың ең атақты метеориті Аягөз маңында 1840 жылы құлаған. Оның салмағы 2,8 келі. Ол “Қаракөл” деп аталды.


🫂30 маусымда әлемде қызық екі оқиға орын алды. 1894 жылы Лондонда әйгілі Tower Bridge көпірі ашылды. Оның құрылысын жүргізу барысында 8 жыл бойы 400-ден астам жұмысшы еңбек етті. Осы жылдар ішінде Тауэр көпірі Биг-Бенмен қатар Лондонның басты көрікті жерлерінің біріне айналды. Сонымен қатар 1905 жылы 30 маусымда Альберт Эйнштейн “Қозғалыстағы денелердің электродинамикасы туралы” мақаласында арнайы салыстырмалылық теориясының негізін қалады. Ол өткен ғасырдың басында әлем туралы жалпы қабылданған идеяларды өзгертті. Бұл әлі күнге дейін ғалымдардың санасы мен жүрегін толғандырады.

👥30 маусымда өмірге келген атақты спортшылар. Бүгін әлемдегі ең атақты спортшы Майкл Фелпс 40 жасқа толды. Ол 23 дүркін Олимпиада және 26 дүркін әлем чемпионы. Сондай-ақ бірнеше дүркін әлем рекордшысы атанды. Осы жетістіктері үшін оған “Балтимор оғы” және “Ұшатын балық” атағы берілді. Сонымен бірге бүгін бокс тарихындағы ең атақты жауынгерлердің бірі Майк Тайсон 59 жасқа толды. Ол күні бүгінге әлі дейін алып күшке ие әлемдік рекордтардың иесі. Ауыр салмақтағы ең жас әлем чемпионы (20 жас 144 күн); ең жас абсолютті әлем чемпионы (21 жаста) және т.б. Спортшы ислам дінін ұстанып, өзіне арабтың Малик Абдул Азиз деген есімін алды.

Спортпен шұғылданыңыз және жаңа рекорд орнатыңыз!

#Күнтізбе #Мереке #Ерекшекүн #әлеуметтікжелілер #қазақметеориті #Тауэркөпірі #Салыстырмалықтеориясы #Туғанкүндер #Танымалтұлғалар #МайклФелпс #МайкТайсон

💡💡💡💡💡💡💡

FILA әдісі: Уақыт пен міндеттерді басқарудың тиімді тәсілі

FILA әдісі — уақытты және міндеттерді басқарудың құрылымдалған әрі икемді жүйесі. Бұл тәсіл әсіресе студенттер, зерттеушілер, кәсіпкерлер мен өзін-өзі дамытуға ұмтылатын жандар үшін пайдалы. Әдістің атауы төрт негізгі элементтен тұрады:

• F – Facts (Фактілер)
• I – Ideas (Идеялар)
• L – Learning (Оқу)
• A – Action (Әрекет)

FILA әдісінің 4 қадамы

1️⃣ Фактілер (Facts)

Жұмысқа кіріспес бұрын қажет ақпаратты жинаңыз және саралаңыз. Бұл кезеңде зерттелетін тақырып, жоба немесе тапсырмаға қатысты нақты мәліметтер анықталады. Мысалы, бастапқы деректер мен ережелерді жүйелеу.

2️⃣ Идеялар (Ideas)

Жинақталған ақпарат негізінде жаңа идеялар мен жұмыс бағыты ұсынылады. Мақсатқа жетудің балама жолдары қарастырылады, жоспар түзіледі.

3️⃣ Оқу (Learning)

Жетістікке жету үшін қандай білім мен дағдылар қажет? Бұл кезеңде жаңа ақпараттар меңгеріліп, курстар, тренингтер немесе практикалық жаттығулар арқылы білім тереңдетіледі.

4️⃣ Әрекет (Action)

Соңғы қадам – нақты іске көшу. Жоспар орындалып, жұмыс барысы бақыланады, нәтижелер сарапталады.

FILA әдісін уақытты басқаруға бейімдеу

📍 Мақсатты айқындау
• Күндік, апталық, айлық мақсаттарды нақты қойыңыз.
• Қысқа және ұзақ мерзімді міндеттерді бөліп көрсетіңіз.

📍 FILA-кесте жүргізу
• Әр күнге арналған жеке жоспарды FILA құрылымымен құрыңыз.
• Жұмысыңызды күнделік немесе электронды жүйеде жазып отырыңыз.

📍 Фокус пен басымдық
• Маңызды әрі шұғыл істерді бірінші кезекке қойыңыз.
• Уақытыңызды қажетсіз немесе төмен басымдықтағы тапсырмаларға шығындамаңыз.

📍 Үзілістер мен тынығу
• 45-60 минут жұмыс істеп, 5-10 минут демалыс жасаңыз.
• Әлеуметтік желілер мен алаңдатушы факторларды шектеңіз.

📍 Нәтижелерді талдау
• Күн соңында немесе апта соңында жоспарланған және орындалған жұмыстарды салыстырыңыз.
• Тиімділікті арттыру үшін қандай өзгеріс енгізу қажет екенін анықтаңыз.

FILA әдісінің артықшылықтары

✔ Жүйелілік – Әр қадам нақты құрылымға негізделеді.
✔ Тиімділік – Уақыт жоғалтпай, басымдыққа ие істерге көңіл бөлінеді.
✔ Икемділік – Әдіс кез келген сала мен адамға бейімделе алады.
✔ Үздіксіз даму – Жаңаны үйренуге, дағдыны жетілдіруге жол ашады.

FILA — уақытыңызды басқарудың ақылды тәсілі.
Күнделікті өмірде, жұмыста, оқуда – қай салада қолдансаңыз да, сіздің өсуіңізге, тәртіп пен мақсатқа ұмтылысыңызға септігін тигізеді.

#қазынакеңес