Ulug‘bek Inoyatov
✔
2.56K subscribers
1.47K photos
403 videos
1 file
1.22K links
O‘zbekiston Xalq demokratik partiyasi Markaziy Kengashi raisi

Oliy Majlis Qonunchilik palatasidagi O‘zbekiston XDP fraksiyasi rahbari
______

👉 Oʻzbekiston Xalq demokratik partiyasining rasmiy sahifasi:

https://t.me/UzbekistonXDP
Download Telegram
#Munosabat

Himoya va qo‘llov kuchayadi

Kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish masalalari muhokama qilingan yig‘ilishda keltirilgan fakt-raqamlar mamlakatimizda ijtimoiy-iqtisodiy siyosatning muhim natijalarini ham, oldimizda turgan jiddiy vazifalarni ham yaqqol ko‘rsatib berdi.

Yig‘ilishda joylardagi ayrim kamchiliklar ochiq aytildi. Xususan, kambag‘allik va ishsizlikka mas’ul ayrim xodimlarda tashabbus yetishmasligi, mas’uliyatni o‘z zimmasiga olishdan cho‘chish, muammoga faqat yuqoridan berilgan topshiriq doirasida yondashish kabi holatlar borligi ko‘rsatib o‘tildi.

Kambag‘allikning sabablari har doim ham bir xil emas. Ishsizlik, kasb va malaka yetishmasligi, moliyaviy resurslardan foydalanish imkoniyatining cheklangani, ta’lim va tibbiy xizmatlarga yetarlicha imkoniyat bo‘lmasligi oilaning iqtisodiy ahvoliga ta’sir qiladi. Mazkur omillar o‘z vaqtida bartaraf etilmasa, kambag‘allikning uzoq davom etishi oila imkoniyatlarini cheklab borishi mumkin.

Kambag‘allik bilan ishlashda yangi tizimga o‘tish bo‘yicha belgilangan vazifalar shu nuqtai nazardan hayotiy muhim ahamiyatga ega. Har bir viloyat va tumanda hokim boshchiligida shtablar tashkil etilishi, banklar va bandlikka ko‘maklashish idoralarining jarayonga bevosita jalb qilinishi, hokimlarning haftasiga uch kunni kambag‘allik va bandlik masalalariga bag‘ishlashi muammoni joylarda doimiy e’tiborda ushlab turish imkonini beradi.

Kredit tarixida kechikishi bo‘lgan ehtiyojmand aholining loyihalarini alohida o‘rganib, ularni imtiyozli moliyalashtirish imkoniyati yaratilayotgani e’tiborga loyiq. Moliyaviy qiyinchilikka bir marta duch kelgan insonni iqtisodiy faollikdan chetlatib qo‘yish emas, balki uning imkoniyati va loyihasini baholab, yana ish boshlashiga ko‘maklashish to‘g‘ri yondashuvdir.

Shuningdek, ishlaydigan onalarga farzandi bir yoshga to‘lgunga qadar Ijtimoiy sug‘urta jamg‘armasidan nafaqa to‘lanishi oila daromadini qo‘llab-quvvatlashga qaratilgan ijtimoiy kafolatlardan biri bo‘ladi.

Ehtiyojmand oilalar uchun «passiv daromad» keltiradigan ijtimoiy paket joriy qilinishi natijasida 11 ming oilaning yarmida daromad sezilarli oshgani ham e’tiborli. Bu yerda asosiy maqsad oilani ijtimoiy yordamga doimiy bog‘lab qo‘yish emas, balki uni iqtisodiy faollikka qaytarish, barqaror daromad manbasini shakllantirishdan iborat bo‘lishi kerak.

Kelgusi yildan ijtimoiy reyestrga kiritilgan oilalar farzandlarining davlat va xususiy bog‘cha to‘lovlari, o‘quv markazlari, yo‘lkira hamda oliy ta’lim muassasalaridagi yotoqxona xarajatlarini vaucher orqali qoplash mexanizmining joriy etilishi ham katta qadam bo‘ladi.

Chunki kambag‘allikni qisqartirish faqat bugungi ehtiyojni qoplash bilan cheklanmaydi. Bolaning ta’limi va kasbiy rivojiga sarmoya kiritish orqali oilaning kelajakdagi imkoniyatlarini kengaytirish ham zarur. Oila ijtimoiy reyestrdan chiqarilganidan keyin ham vaucherdan foydalanish imkoniyati saqlanishi esa yordamning natijadorligi tamoyiliga mos keladi.

Kambag‘allikni qisqartirish, aholi daromadlarini oshirish yo‘nalishlaridagi dolzarb vazifalar ijrosiga ishtiyoq va mas’uliyat bilan yondashish barchamizning burchimizdir.

Telegram | Facebook | Instagram
👍24👏3🔥1
👍22👏4🔥2
👍16👏4🔥2
#Biz_OAVda
#Munosabat

📰  «Xalq so‘zi» gazetasining 185-sonida O‘zbekiston XDP Markaziy Kengashi raisi, Oliy Majlis Qonunchilik palatasidagi partiya fraksiyasi rahbari Ulug‘bek INOYATOVning «Ijtimoiy himoya: Manzilli ko‘mak va yangi imkoniyatlar» sarlavhali maqolasi chop etildi.

Facebook | Youtube | Instagram | X
Please open Telegram to view this post
VIEW IN TELEGRAM
👍17👏6🔥3
Bugungi fraksiya yig‘ilishida mamlakatimiz uchun muhim bo‘lgan qator qonun loyihalarini ko‘rib chiqdik.

Jumladan, sanoat, radiatsiya va yadro xavfsizligi sohalaridagi qonunchilikni takomillashtirish, sudyalarning maqomini belgilash, davlat xaridlari tizimini yanada takomillashtirishga qaratilgan qonun loyihalari atroflicha muhokama qilindi.

Ayniqsa, davlat xaridlarida parlament nazoratini kuchaytirishga qaratilgan takliflar e’tiborimiz markazida bo‘ldi. Davlat buyurtmachilari amalga oshirgan xaridlar natijalari, jumladan, to‘g‘ridan-to‘g‘ri shartnomalar haqidagi ma’lumotlarni Davlat budjeti ijrosi to‘g‘risidagi hisobotlarga kiritish, shuningdek, davlat xaridlari bilan bog‘liq nizolarni hal etish mexanizmlarini soddalashtirish taklif etilmoqda.


Fraksiya yig‘ilishida deputatlarimizning saylov okruglarida saylovchilar, aholi vakillari va tadbirkorlar bilan uchrashuvlari, hududlardagi ijtimoiy soha obyektlarini o‘rganish natijalari ham muhokama qilindi.

Ko‘rib chiqilgan qonun loyihalarini O‘zbekiston Xalq demokratik partiyasi elektorati manfaatlari va partiyamizning dasturiy g‘oyalaridan kelib chiqib, qo‘llab-quvvatladik.


Parlamentdagi faoliyatimizda qonunchilik tashabbuslari bilan bir qatorda, ularning amalda inson manfaatlariga xizmat qilishiga alohida e’tibor qaratamiz.

Telegram | Facebook | Instagram
👍14👏8🔥1
👍20👏3🔥1
👍13👏7🔥2
#Biz_OAVda
#Munosabat

📰  «Yangi O‘zbekiston» gazetasining bugungi, 186-sonida O‘zbekiston XDP Markaziy Kengashi raisi, Oliy Majlis Qonunchilik palatasidagi partiya fraksiyasi rahbari Ulug‘bek INOYATOVning «Ijtimoiy himoya: Inson kapitalini rivojlantirish borasidagi ustuvor vazifalar» sarlavhali maqolasi chop etildi.

Facebook | Youtube | Instagram | X
Please open Telegram to view this post
VIEW IN TELEGRAM
👍16👏7🔥1
Fraksiya yig‘ilishida Davlat budjeti va Davlat maqsadli jamg‘armalari budjetlarining 2026-yil I yarim yillik ijrosi muhokama qilindi.

Hisobotga ko‘ra, yanvar–iyun oylarida YAIM 8,5 foizga o‘sib, 1 072,7 trln so‘mni tashkil etgan. Davlat budjeti daromadlari esa 207,4 trln so‘mga yetib, o‘tgan yilning mos davriga nisbatan 43,8 foizga oshgan.


O‘zbekiston Xalq demokratik partiyasi va fraksiya uchun, avvalo, ijtimoiy soha xarajatlarining samaradorligi muhim. Shu bois deputatlar ta’lim, sog‘liqni saqlash, ijtimoiy himoya yo‘nalishlarida ajratilgan mablag‘larning o‘zlashtirilishi va natijadorligi yuzasidan Hukumat vakillariga savollar berdilar.

Jumladan, Sh. Ahmedov maktablarda darsliklar bilan ta’minlanganlik, Q. Qosimova esa onalar va bolalar salomatligi, onkologik hamda orfan kasalliklarga chalingan bolalarga yordam ko‘rsatish uchun ajratilgan mablag‘larning o‘zlashtirilishi masalalariga e’tibor qaratdi.


Deputatlar tomonidan bildirilgan savollar va Hukumat vakillarining javoblari asosida aniqlangan kamchiliklarni bartaraf etish hamda mablag‘larni belgilangan yo‘nalishlarga tizimli yo‘naltirish zarurligi ta’kidlandi.

Telegram | Facebook | Instagram
👍20👏3🔥1
This media is not supported in your browser
VIEW IN TELEGRAM
#Munosabat

Dori vositalari va tibbiy buyumlar xaridining muntazam kechikib kelayotgani — jiddiy masala.

📌 Bu boradagi vaziyat yuzasidan parlament nazoratini kuchaytiramiz. Fraksiyada mutasaddi vakillar ishtirokida alohida muhokama tashkil etish niyatidamiz.


Maqsad — muammoning sabablarini aniqlash va masalaga mas’ullarning e’tiborini qaratish.

Telegram | Facebook | Instagram
Please open Telegram to view this post
VIEW IN TELEGRAM
👍16👏4🔥1
#Munosabat

O‘zbekiston — Janubiy Koreya: xalqimiz farovonligiga qaratilgan muhim tashabbuslar

O‘zbekiston Respublikasi Prezidentining Koreya Respublikasiga davlat tashrifi nafaqat ikki mamlakat o‘rtasidagi aloqalarni mustahkamlashda, balki butun Markaziy Osiyo mintaqasi bilan hamkorlikni yangi bosqichga olib chiqishda tarixiy ahamiyatga ega bo‘ladi.

Birinchi “Markaziy Osiyo – Koreya Respublikasi” sammitida so‘zlangan nutqda ko‘p millatli Markaziy Osiyo oilasining ajralmas qismiga aylangan koreys diasporasi xalqlarimizning birdamligi va o‘zaro hurmat-ehtiromining yorqin misoli ekanligi ta’kidlandi.


Darhaqiqat, keyingi yillarda xalqaro maydonda Markaziy Osiyo mintaqasini yaxlit bir makon, bir oiladay qabul qilish urfga kirdi. Buning yaqqol isboti sifatida jahon sahnidagi eng yirik davlatlarning “Markaziy Osiyo plyus” formatidagi muloqotlarini muttasil o‘tkazib kelayotganida ko‘rishimiz mumkin. “Markaziy Osiyo – Koreya Respublikasi” sammiti ham ana shunday oliy darajadagi muloqotlardan biridir.

O‘zbekiston Prezidenti sammitda mintaqalarimiz o‘rtasidagi siyosiy, iqtisodiy, ma’daniy-ma’rifiy aloqalarni mustahkamlashga xizmat qiladigan bir qator tashabbuslarni ilgari surdi. Jumladan, bugungi zamonaviy dunyodagi global o‘zgarishlar sur’ati davlatlarning unga moslashish imkoniyatidan tobora ilgarilab ketayotgani, sun’iy intellekt mehnat bozori va butun boshli sanoat tarmoqlarini o‘zgartirayotgani, bundan tashqari ta’lim, infratuzilma, texnologiya va inson kapitaliga nisbatan yangi talablar paydo bo‘layotgani aytildi.


Tan olaylik, bugun dunyoda o‘zgarishlar juda tez kechmoqda. Ayniqsa, sun’iy intellekt global iqtisodiyot va mehnat bozoriga katta ta’sir ko‘rsatmoqda. Ilgari inson bajargan ayrim ishlar avtomatlashtirilib, ishsiz qolayotgan insonlar soni o‘sayotgani bilan bir qatorda yangi kasblar ham paydo bo‘lmoqda. Bir so‘z bilan aytganda, ta’lim tizimi zamonaviy kasblarga mos kadrlar tayyorlashi, infratuzilma yangi texnologiyalarga moslashishi, insonlar esa yangi bilim va ko‘nikmalarni egallashi davr talabiga aylanib ulgurdi.

Shu nuqtayi nazardan, har bir davlat uchun asosiy vazifa o‘zgarishlarni kuzatib borish emas, balki ularga oldindan tayyorgarlik ko‘rishdan iborat. Bu yo‘lda inson kapitaliga sarmoya kiritish tobora muhim ahamiyat kasb etmoqda. Chunki texnologiya qanchalik rivojlanmasin, uni yaratadigan, boshqaradigan va jamiyat manfaati yo‘lida qo‘llaydigan asosiy kuch inson bo‘lib qoladi. Shu bois yoshlarni zamonaviy bilim va kasblarga o‘rgatish dolzarb vazifadir.

Bundan tashqari, texnologik taraqqiyotning samarasi jamiyatning barcha qatlamlariga birdek yetib borishi muhim. Ya’ni, ijtimoiy tenglik nuqtayi nazaridan eng chekka qishloqlarda yashaydigan aholi vakillari ham yangi kasb egallashi va zamonaviy mehnat bozoriga kirishi uchun sharoit yaratilishi davlat siyosatining muhim yo‘nalishlaridan biri bo‘lishi kerak.

Nutqda yosh avlod ilg‘or bilimlar, ko‘nikmalar va xalqaro tajribadan foydalanish imkoniga ega bo‘lib, kelgusida zamonaviy texnologik iqtisodiyotning bir qismiga aylanishi juda muhimligiga to‘xtalib o‘tildi. Shuningdek, inson kapitalini rivojlantirish sohasida uzoq muddatli hamkorlikni shakllantirish taklif etildi. Ushbu hamkorlik “buyurtma – o‘qitish – bandlik” degan aniq tamoyilga asoslanishi kerakligiga urg‘u berildi.


Bunday yondashuv, avvalo, yoshlarning ta’lim olish va munosib kasb egallash imkoniyatlarini kengaytirishga xizmat qiladi. Ayniqsa, ijtimoiy himoyaga muhtoj oilalar farzandlari uchun sifatli ta’lim, zamonaviy kasb-hunar va mehnat bozori talab qilayotgan ko‘nikmalarni egallash imkoniyati yanada kengayadi, degani. Zero, inson kapitaliga kiritilgan sarmoya nafaqat iqtisodiy taraqqiyotga shu bilan birga ijtimoiy barqarorlik va aholi turmush farovonligini oshirishning muhim omilidir.

“Buyurtma – o‘qitish – bandlik” tamoyilining amaliyotga samarali joriy etilishi uchun birinchi navbatda ta’lim muassasalari va ish beruvchilar o‘rtasidagi hamkorlikni kuchaytirish zarur...

Telegram | Facebook | Instagram
👍15👏4🔥2
#Munosabat

Qoraqalpog‘iston taraqqiyoti: inson farovonligi va umummilliy hamjihatlik

Qoraqalpog‘iston Respublikasi keyingi yillarda har tomonlama o‘zgarib, tobora yangi qiyofa kasb etmoqda. Bugun bu yerda amalga oshirilayotgan yirik iqtisodiy va ijtimoiy loyihalar hududning bugungi taraqqiyotini ko‘rsatibgina qolmay, uning yaqin istiqboli ham keng imkoniyatlarga ega ekanidan darak bermoqda. Eng muhimi, bu o‘zgarishlarni raqamlar, investitsiyalar yoki yangi inshootlarning o‘zi bilan baholab bo‘lmaydi. Ularning samarasi, avvalo, qoraqalpog‘istonliklarning hayotida, yangi ish o‘rinlarida, oilalar daromadida, turmush sharoiti va ertangi kunga ishonchning ortishida ko‘rinadi.

📍 Prezident Shavkat Mirziyoyevning Qoraqalpog‘istonga tashrifi doirasida start berilgan yirik loyihalar, Nukus shahrida o‘tkazilgan yig‘ilishda belgilangan vazifalar ham ana shu nuqtai nazardan muhim. Yig‘ilishda hududni rivojlantirish masalasi iqtisodiy o‘sish bilangina cheklanmay, aholi bandligi va daromadlarini oshirish, kambag‘allikni bartaraf etish, odamlar uchun munosib turmush sharoitini yaratish bilan birga qaraldi.

Qoraqalpog‘istondagi o‘zgarishlarning ijtimoiy ko‘lami sanoat va investitsiya loyihalari bilangina o‘lchanmaydi. Bo‘zatovda zamonaviy sanatoriy, Nukusda onkologiya va radiologiya markazi, Qo‘ng‘irotda bolalar shifoxonasi va tug‘uruqxona, Amudaryo va To‘rtko‘lda amfiteatrlar, Nukusda gimnastika markazi va Konservatoriya filialining ishga tushirilishi ham odamlar hayoti uchun yaratilayotgan sharoitlarning bir ko‘rinishi. Ya’ni iqtisodiyotdagi o‘sish odamlarning sog‘ligi, dam olishi, ta’lim olishi va bo‘sh vaqtini mazmunli o‘tkazishi uchun ham imkoniyat yaratishi kerak.

Qisqasi, bugungi Qoraqalpog‘istonda iqtisodiy taraqqiyot bilan ijtimoiy taraqqiyot yonma-yon bormoqda. Kelasi yil Qoraqalpog‘istonga 5 milliard dollar investitsiya jalb qilish vazifasiga ham faqat katta mablag‘ sifatida emas, yangi korxonalar, yangi ish o‘rinlari va aholi daromadlarini oshirish imkoniyati sifatida qarash to‘g‘ri bo‘ladi.

Qoraqalpog‘istonning bugungi taraqqiyoti butun O‘zbekistonning umumiy harakati bilan uzviy bog‘liq. Mamlakatimizning boshqa hududlari ham Qoraqalpog‘istonga investitsiya, texnologiya, tajriba va hamkorlik orqali o‘z hissasini qo‘shmoqda. Buning iqtisodiy samarasi yuqori bo‘ladi, albatta. Lekin masalaning odamlar uchun qadrli yana bir tomoni bor: bir hududdagi taraqqiyotga boshqa hududlar ham yelkadosh bo‘lsa, o‘rtamizdagi mehr-oqibat va hamjihatlik yanada mustahkamlanadi.

🟣 Xalq demokratik partiyasi Qoraqalpog‘istonda amalga oshirilayotgan islohotlarni inson manfaati, ijtimoiy-iqtisodiy barqarorlik va hududlar o‘rtasidagi mutanosib taraqqiyot nuqtai nazaridan muhim, deb biladi. Belgilangan vazifalarni amalga oshirishda partiyaning barcha faollari va deputatlik korpusi bilan munosib hissa qo‘shishga intiladi...

Telegram | Facebook | Instagram
Please open Telegram to view this post
VIEW IN TELEGRAM
👍18👏4🔥1
Bugungi fraksiya yig‘ilishida bir qator muhim qonun loyihalarini muhokama qildik.

Ayniqsa, yakka tartibdagi tadbirkorlarning lizing xizmatlaridan foydalanish imkoniyatlarini kengaytirishga qaratilgan qonun loyihasiga alohida e’tibor qaratildi. Ushbu mexanizm tadbirkorlarga faoliyati uchun zarur texnik uskunalarni muqobil moliyalashtirish manbasi hisobidan xarid qilish imkonini kengaytirishga qaratilgan.

🟣 Fraksiya a’zolari mazkur masalani O‘zbekiston XDP dasturiy maqsadlari, xususan, kichik biznes va xususiy tadbirkorlik subyektlarining moliyaviy resurslardan foydalanish imkoniyatlarini kengaytirish hamda aholi uchun daromad manbalarini ko‘paytirish vazifalari nuqtayi nazaridan muhokama qildilar.


Bunda lizingdan foydalanishda shaffof shartnomalar, tushunarli to‘lov jadvali, ortiqcha moliyaviy yukning oldini olish va tadbirkorlarning huquqlarini samarali himoya qilish masalalariga ham e’tibor qaratildi.

Shuningdek, yig‘ilishda Energetika vazirining sohadagi islohotlar va kuz-qish mavsumiga tayyorgarlik yuzasidan axborotini eshitish hamda Raqamli texnologiyalar vaziriga “Raqamli O‘zbekiston – 2030” strategiyasining 2026-yilga mo‘ljallangan ayrim maqsadli ko‘rsatkichlariga erishish bo‘yicha parlament so‘rovini yuborish masalalari ko‘rib chiqildi.

Telegram | Facebook | Instagram
Please open Telegram to view this post
VIEW IN TELEGRAM
👍14👏6🔥1
#Rasmiy_bayonot

❗️ Jamoat transporti tariflari aholi daromadlariga mos bo‘lishi, maktab o‘quvchilari xavfsizligi ta’minlanishi shart

So‘nggi kunlarda Toshkent shahrida jamoat transporti tariflarini qayta ko‘rib chiqish hamda maktab o‘quvchilarining xavfsiz va qulay qatnovini ta’minlash masalalari jamoatchilik e’tiborida turibdi.

ℹ️ Ma’lumki, poytaxtimizda avtobus va metroda bir martalik elektron to‘lov tarifini qariyb 47 foizga oshirish taklifi yuzasidan jamoatchilik muhokamasi o‘tkazildi.

Shuningdek, o‘quvchilarning maktabga xavfsiz va qulay qatnovini ta’minlash uchun Toshkent shahrida School Bus tizimini joriy etish imkoniyatlari o‘rganilmoqda (73,5 foiz so‘rov ishtirokchilari taklifni qo‘llab-quvvatlagan).


🟣 Xalq demokratik partiyasi ushbu dolzarb ijtimoiy masalalar yuzasidan, avvalo, kam daromadli va ko‘p farzandli oilalar manfaatlari nuqtai nazaridan quyidagi pozitsiyasini bildiradi:

🟣 Birinchidan, jamoat transporti tariflari aholi daromadlari va oilaviy xarajatlarga ta’siri hisobga olingan holda belgilanishi kerak.

Shuning uchun tariflarni belgilashda tashuvchilar xarajatlari bilan bir qatorda aholi daromadlari, oila xarajatlari, o‘quvchilar va talabalarning kundalik qatnovi, kam daromadli va ko‘p farzandli oilalarning imkoniyatlari ham hisobga olinishi kerak.

Har bir ota-ona uchun farzandining emin-erkin harakatlanishi, bilim olishi va kundalik manzillariga xavfsiz yetib borishi muhim. Shu ma’noda, jamoat transporti siyosatida iqtisodiy samaradorlik bilan bir qatorda ijtimoiy tenglik, ta’lim olish imkoniyati, bolalar xavfsizligi va oila manfaatlari ham asosiy mezonlardan biri bo‘lishi shart.


🟣 Ikkinchidan, o‘quvchilar uchun alohida va imtiyozli tarif mexanizmi joriy etilishi maqsadga muvofiq.

Bu partiyamizning saylovoldi dasturida belgilangan aniq siyosiy pozitsiyadir. Bizningcha, barcha o‘quvchilar uchun imtiyozli tarif, ijtimoiy himoyaga muhtoj va ko‘p farzandli oilalar farzandlari uchun esa qo‘shimcha qo‘llab-quvvatlash mexanizmlari nazarda tutilishi zarur.

☝️ Maktabga borish va qaytishda bolaning xavfsizligi birinchi o‘rinda turishi shart. Shu nuqtai nazardan, School Bus tizimini joriy etish muhim. Biroq, bu tizim ota-onalarga yana bir qo‘shimcha moliyaviy yuk bo‘lmasligi kerak.


Xorijiy tajribada ham o‘quvchilarning transport xarajatlarini kamaytirishning turli mexanizmlari qo‘llaniladi. Ayrim davlatlarda o‘quvchilar uchun jamoat transportida chegirmalar belgilansa, boshqa holatlarda maktabgacha bo‘lgan masofa, oila daromadi, hududning transport bilan ta’minlanganligidan kelib chiqib, xarajatlar to‘liq yoki qisman qoplanadi.

🟣 Xalq demokratik partiyasi tarif o‘zgarishlarining ijtimoiy ta’siri xolis va ochiq baholanishi, qarorlar jamoatchilik uchun tushunarli asoslarga ega bo‘lishi, o‘quvchilar uchun samarali imtiyozli tariflar hamda oilalarni qo‘llab-quvvatlash mexanizmlari yaratilishi zarur, deb hisoblaydi.


Facebook | Youtube | Instagram | X
Please open Telegram to view this post
VIEW IN TELEGRAM
👍19🔥5👏1
#Munosabat

Andijonda minglab yangi ish o‘rinlari yaratilmoqda

Ko‘pchilik yaxshi biladi, bundan o‘n yilcha avval O‘zbekistonda kambag‘allik alohida davlat siyosati darajasida ochiq tan olinmagan va chuqur o‘rganilmagan muammo edi. Aholi daromadlari, bandlik va ijtimoiy himoya masalalari asosan bir martalik yordam mexanizmlari orqali hal etilar, kambag‘al oilani aniqlash, manzilli qo‘llab-quvvatlash, daromadli qilish zanjiri hali shakllanmagan edi. O‘sha paytda 7,5 million kishi, ya’ni aholining 23 foizi kambag‘allik chegarasiga ham yetmasligi qayd etilgan. Buning oqibatida mehnat bozorida yashirin ishsizlik va boqimandalik kayfiyati yuqori darajada saqlanib qolgan, ayrim xalqaro ekspertlar bahosiga ko‘ra, o‘sha davrda real kambag‘allik darajasi aholining qariyb 35 foizini tashkil etardi.  

Keyingi yillarda birinchi marta kambag‘allik ochiq tan olinib, uni qisqartirish eng muhim ijtimoiy-siyosiy vazifalardan biri sifatida belgilandi. Ijtimoiy siyosatning mazmuni ham o‘zgardi: nafaqa va yordamdan manzilli ijtimoiy himoya, bandlik, kasbga o‘qitish, imtiyozli kredit, subsidiya, kompensatsiya va tadbirkorlikni qo‘llab-quvvatlashga asoslangan tizimga o‘tildi. Xalqaro hisob-kitoblarga ko‘ra, 2016-2022-yillarning o‘zida yurtimizda 5,1 million kishi kambag‘allikdan chiqqan. Demak, davlatning fuqaroga munosabati yordam beruvchi modeldan imkoniyat yaratuvchi modelga, ijtimoiy himoyadan ijtimoiy-iqtisodiy faollikni rag‘batlantirishga qarab o‘zgardi.

Bu yondashuvning hududiy ahamiyatini Andijon misolida ham ko‘rish mumkin. Aholisi 3,5 milliondan ziyod viloyatda yer va boshqa resurslar cheklangan. Shuning uchun har bir investitsiya yuqori qo‘shilgan qiymat, yangi ish o‘rni va aholi uchun barqaror daromad manbaiga aylanishi kerak. Andijonda 4 foiz atrofida qayd etilayotgan ehtiyojmand aholining turmush sharoitini yaxshilash vazifasi ish joyi, daromad manbai, kasb va iqtisodiy imkoniyat yaratish bilan bog‘liqdir. Bugun viloyatda ishga tushirilayotgan va qurilishi boshlanayotgan 9,4 milliard dollarlik 206 ta loyiha ana shu imkoniyatlarni kengaytirish uchun muhim iqtisodiy baza bo‘ladi. Ayniqsa, ularning sanoat, energetika, to‘qimachilik, mashinasozlik, logistika va xizmatlar kabi yuqori samarali sohalarni qamrab olayotgani minglab barqaror yangi ish o‘rinlari, doimiy daromad manbalari shakllanishiga zamin yaratadi. Bunday yuksak natijalar Andijonda kambag‘allikni bartaraf etish istiqbollarini kuchaytiradi.

Telegram | Facebook | Instagram
👍16👏6🔥5
Qoʼllab-quvvatlash va tarixiy natijalar!

Oʼzbekiston jamoasining Samarqand shahrida oʼtgan Butunjahon shaxmat olimpiadasidagi yorqin chempionligi yurtimizda irodali, bilimli va gʼalabalarga chanqoq yangi avlod yetishganining haqiqiy isboti boʼldi.

Yoshlarimizning tarixiy gʼalabasi xalqimizda oʼzaro ishonch va birdamlik hissini yanada mustahkamladi.
Qoʼllab-quvvatlash va imkoniyatlar tengligini taʼminlash gʼoyalari har doim muhimligi shaxmatimizdagi yuksak natijalarda ham yana bir bor tasdigʼini topdi.
Shaxmat olimpiadasida boshqa jamoalarimiz ham munosib ishtirok etdi, qizlar va paralimpia jamoalarimiz jahonning eng kuchli shaxmatchilariga qarshi muhim natijalar koʼrsatdi. Barcha shaxmatchilarimiz, butun yoshlarimizga omad va muvaffaqiyatlar yor boʼlishini tilaymiz!

Chempionlarni, ularning murabbiylari va ota-onalari, yaqinlari, barcha yurtdoshlarimizni ulkan zafarlar bilan yana bir bor qutlaymiz!

Telegram | Facebook | Instagram
👍19👏6🔥1
Fraksiya yig‘ilishida «O‘zbekiston Respublikasida xizmat ko‘rsatgan huquqbuzarliklar profilaktikasi inspektori» faxriy unvonini ta’sis etish to‘g‘risidagi qonun loyihasi atroflicha muhokama qilindi.

Mazkur unvonni uzoq yillar davomida jamoat xavfsizligini ta’minlash, hududlarda, xususan, mahallalarda xavfsiz muhit yaratish va huquq-tartibotni mustahkamlash yo‘lida samarali mehnat qilgan, kasbiy mahorati va fidoyiligi bilan namuna ko‘rsatgan profilaktika inspektorlariga berish nazarda tutilmoqda.


Qonun loyihasini tayyorlashda profilaktika inspektorlarining kasbiy maqomi, malaka talablari, soha xodimlarini rag‘batlantirish bo‘yicha xorijiy tajriba kabi masalalar yuzasidan savollar berildi. Berilgan javoblar asosida deputatlar qonun loyihasini konseptual jihatdan qo‘llab-quvvatladilar.

Yig‘ilishda, shuningdek, narkotiklar va kuchli ta’sir qiluvchi moddalar hamda voyaga yetmaganlarning huquqlarini himoya qilishga qaratilgan qonun loyihalari ham ko‘rib chiqildi.

Telegram | Facebook | Instagram
👍12👏3🔥2
#Tabrik

🎉 1-oktabr — O‘qituvchi va murabbiylar kuni muborak bo‘lsin!

Telegram | Facebook | Instagram
Please open Telegram to view this post
VIEW IN TELEGRAM
👍14👏6🔥2🎉2
Bugun fraksiyamiz yig‘ilishida milliy qonunchilikni xalqaro talablarga muvofiqlashtirish, intellektual mulkni huquqiy muhofaza qilish tizimini takomillashtirishga qaratilgan qonun loyihalari muhokama qilindi.

Ayniqsa, intellektual mulk sohasidagi yangi huquqiy mezonlarni belgilashda O‘zbekiston XDP elektorati manfaatlari, fuqarolarning mehnat huquqlari, xodimlar manfaatlarini kafolatlash hamda tadbirkorlar uchun teng va adolatli sharoit yaratish masalalariga alohida e’tibor qaratildi.

Muhokama davomida deputatlar qonun loyihasi bo‘yicha patent olishga oid murojaatlarning rad etilish sabablari, ekspertlarni jalb etish mezonlari, davlat boji va patentlarni o‘z kuchida saqlash uchun to‘lovlarni amalga oshirish tartibiga doir savollarni o‘rtaga tashladilar. Bildirilgan taklif va savollarga tashabbuskorlar tomonidan javoblar berildi. Muhokamalardan so‘ng qonun loyihasi konseptual jihatdan qo‘llab-quvvatlandi.


Shuningdek, Investitsiyalar, sanoat va savdo vaziriga chet el investitsiya loyihalarini amalga oshirishni monitoring qilish, investitsiyaviy samaradorlikni baholash va investorlar bilan ishlash mexanizmlarini takomillashtirish yuzasidan parlament so‘rovini yuborish ma’qullandi. Kun tartibidagi masalalar bo‘yicha qarorlar partiya elektorati manfaatlari va dasturiy maqsadlardan kelib chiqib qabul qilindi.

Telegram | Facebook | Instagram
👍22👏3🔥2
#Munosabat

Qo‘llab-quvvatlash yanada manzilli bo‘ladi

❕ Kuz-qish mavsumida aholini, ayniqsa, ehtiyojmand oilalarni himoya qilish, qo‘llab-quvvatlash dolzarb ijtimoiy ahamiyatga ega. Chunki havo salqinlasha boshlashi bilan ayrim oilalar bu yil qanday bo‘larkin, degan savolga javob izlaydi.


☝️ Prezident huzurida ko‘rib chiqilib, ma’qullangan takliflar aholining mavsumiy xarajatlarini yengillashtirish, ijtimoiy yordam qamrovini kengaytirish va uni manzilli yetkazishga qaratilgani bilan muhimdir. Partiyamiz ham ehtiyojmand oilalarni manzilli qo‘llab-quvvatlash bilan bog‘liq tashabbuslarga har doim kamarbasta bo‘ladi.

Bugungi kunda jahondagi geosiyosiy keskinlik, energiya resurslari va xomashyo narxlarining o‘sishi aholi xarajatlariga ham ta’sir ko‘rsatayotgani bor gap. Bunday sharoitda ijtimoiy himoya choralarini aniq ehtiyojdan kelib chiqib belgilash, ayniqsa, daromadi yuqori bo‘lmagan va qish mavsumida qo‘shimcha xarajatlari ortadigan oilalarni qo‘llab-quvvatlash lozim. Shu nuqtai nazardan, gazlashtirilmagan yoki tabiiy gaz yetib bormagan hududlarda isitish uchun elektr energiyasidan foydalanadigan aholi uchun bazaviy me’yorning 200 kilovatt-soatdan 350 kilovatt-soatga oshirilishi hayotiy ahamiyatga ega.


Bundan tashqari, dekabr oyida ehtiyojmand oilalarga bir martalik moddiy yordam ajratish masalasining ko‘rib chiqilishi ham mavsumiy xarajatlarni qoplashda qo‘shimcha ko‘mak bo‘ladi. Ijtimoiy reyestrga kirmagan, ammo amalda yordamga muhtoj oilalarni ham e’tibordan chetda qoldirmaslik muhim. Shu maqsadda bunday oilaning har bir a’zosiga to‘g‘ri keladigan daromad mezonini 1 million 430 ming so‘mgacha oshirish orqali qo‘llab-quvvatlash qamrovini yana 166 ming oilaga kengaytirish imkon bo‘ladi. Bu yondashuv ijtimoiy yordamni faqat mavjud ro‘yxatlar bilan cheklab qo‘ymasdan, aholining real daromad va ehtiyojlarini ham hisobga olish zarurligini ko‘rsatadi.

Elektr energiyasi va gaz bo‘yicha bazaviy me’yordan ortiq iste’mol xarajatlarining bir qismini qoplash muddatini 2028-yil 1-aprelgacha uzaytirish orqali bir yilda 470 ming oilani qamrab olish nazarda tutilmoqda.

✅ Albatta, belgilangan vazifa va choralarning natijadorligi, hududlarda, mahallalarda sifatli amalga oshirilishi – dolzarb masala. Yordam uchun ajratilgan mablag‘lar o‘z vaqtida yetkazilishi, ehtiyojmand oilalar to‘g‘ri aniqlanishi va belgilangan mezonlar amalda bir xil qo‘llanilishi ham muhim. Deputatlarimiz bu jarayonlarda parlament va deputatlik nazoratini kuchaytirish, aholidan kelib tushayotgan murojaatlar asosida ishlashga alohida e’tibor qaratadi.


Telegram | Facebook | Instagram
Please open Telegram to view this post
VIEW IN TELEGRAM
👍22👏3🔥1