“Ўзингизнинг мулкингизни бой бериб, бошқанинг мулкини обод қилишга интилманг”.

Маъноси: Сизнинг ҳақиқий мулкингиз – бу қиёмат куни учун олдиндан тайёрлаб қўйган савобли амалларингиздир. Бошқаларнинг мулки эса ўзингиздан кейин қолдириб кетган нарсаларингиздир. Шунинг учун сизга охиратда фойда келтирадиган нарсаларни асранг ва ўзингиз учун фойдасиз бўлган нарсаларга ортиқча вақт ва куч сарфламанг.

Проф. Др. Салоҳ Абул Ҳожнинг «Қалбни суғорган ҳикмат зилоли» китобидан

👉@ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

Масхара қилиш

Масхара қилиш – бировнинг камчилиги устидан кулиш, унинг бирор айби учун камситиш ва таҳқирлашдир. Бу иш уни менсимасликни, хорлашни ҳам ўз ичига олади.
Бу иш баъзан бировнинг қилган иши ёки айтган сўзини калака қилиб, ўхшатиб бериш билан, баъзан эса имо-ишора билан бўлиши мумкин. Агар бу иш ўша кишининг ҳузурида қилинса, ғийбат ҳисобланмайди, лекин бунда ҳам ғийбат (яъни бировнинг қалбига озор бериш) маъноси бўлади.
Оиша розияллоҳу анҳодан ривоят қилинади:
«Бир кишининг қилиғини ўхшатиб берган эдим, Расулуллоҳ соллаллоҳу алайҳи васаллам шундай дедилар: «Аллоҳга қасамки, менга бутун дунё(нинг бойлиги) берилса ҳам, бир инсоннинг қилиғини ўхшатиб беришни (таҳқирлашни) истамайман» .
Бир киши гапида чалкашиб, янглишиб қолса, унинг устидан кулиш ёки хатти-ҳаракатлари номутаносиброқ бўлса, масалан, оқсоқланиб юрса, ўшани мазах қилиш ҳам масхара ҳисобланади. Бир инсоннинг хилқати, масалан, бўйининг пастроқ экани ёки танасидаги бирор нуқсони устидан кулиш ҳам шундай. Бу нарсаларнинг устидан кулиш шариатда манфур иш ҳисобланган масхарадир .
Абдуллоҳ ибн Замъа розияллоҳу анҳу айтадилар: «Расулуллоҳ соллаллоҳу алайҳи васаллам ел чиқариб юборган киши устидан кулган одамларга: «Нима учун ўзингиз ҳам қиладиган иш устидан куласиз?» деганлар».

Проф. Др. Салоҳ Абул Ҳожнинг «Тил сайқали» китобидан

👉@Ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

#ОИЛА_БАХТИНИНГ_СИРИ

Оилавий ҳаёт асло ва асло ўзини катта олиш, баланд тутиш, кибр қилиш, гапини, ҳаққини ўтказиш устига қурилмайди. Балки, тўғри тушуниш, меҳр-муҳаббатли, кечиримли, илтифотли бўлиш устига барпо бўлади. Хусусан, эркак кишининг табиати ўзини катта олиш ва мағрур бўлишдан иборат. Аёл кишининг табиати эса мулойимлик ва юмшоқликдан иборат. Аллоҳ таоло уларни шундай яратган.
Эркак киши озгина дағал ва қаттиқ бўлмаса, кўчадаги ҳаётнинг аччиқ қийинчиликларига бардош бера олмас эди. Аёл киши латофатли, назокатли ва ройиш бўлмаса, эрининг кўнглини ололмайди. Раҳбарлигига ҳам сабр қила олмайди.
Эрнинг табиатини устига қўшимча қилиб аёли ҳам ўзини баланд тутадиган бўлса, унда оиладаги муҳит бузилиб қолади.

Проф. Др. Салоҳ Абул Ҳожнинг «Оила бахтининг сири» китобидан

👉@ulamolar_yogdusi

Бизни ижтимоий тармоқларда кузатиб боринг! 👇

Telegram  | Facebook  | Instagram  | Youtube | TikTok

#УМРА_ҚЎЛЛАНМАСИ

Ёш бола ва мажнун (ақли заиф) инсоннинг эҳроми
Ёш боланинг эҳромига тегишли ҳукмлар:
1. Эҳромнинг дуруст бўлиши: ёш бола ақлини таниган бўлса , эҳроми ҳам, умраси ҳам дуруст бўлади. Агар ҳали ақлини танимаган бола бўлса, ўзича бажарган амаллари дуруст бўлмайди. Балки унинг ўрнига валийси ноиб бўлиб, амалларни қилдиради. Яъни, болага энг яқин бўлган одам унинг номидан эҳромга киради. Агар сафарда боланинг отаси ва акаси бўлса, ота бола учун эҳром ниятини қилади. Ушбу валий болани эҳромда ман қилинган ишлардан муҳофаза қилиб юриши даркор бўлади, лекин мабодо бола шу ишлардан бирортасини қилиб қўйса ҳам бирорта жазо вожиб бўлмайди, боланинг ўзига ҳам, валийга ҳам. Чунки бола умранинг вожибларини тарк қилса ҳам ҳеч қандай жазо йўқ, умранинг фарзларидан бирортасини тарк қилса ҳам қазоси вожиб эмас. Сабаби ёш бола ҳали шаръий масъулиятлар зиммасига тушадиган инсон бўлмагани учун унинг эҳроми катталар эҳромидан фарқ қилади.
2. Ёш боланинг номидан ноиб бўлиш: Бола умра амалларидан қайси бирини ўзи бажаришга қодир бўлса, биров унинг ўрнига бу ишларни қилиши дуруст бўлмайди, қайси амалларни ўзи бажаришга қодир бўлмаса, валийси унинг ўрнига қилиши мумкин, ҳатто бу ёш бола ақлини таниган бўлса ҳам. Фақат битта амал мустасно, у ҳам бўлса тавоф намози, яъни валий боланинг ўрнига ушбу намозни мутлақо ўқимайди. Агар бола ақлини таниган бўлса, ўзи ўқийди, акс ҳолда бошқа вожиблар каби бу намоз ҳам соқит бўлади. Тавофга келсак, бола ақлини таниган бўлса, ўзи қилади, биров уни кўтариб юриб қилдириш мумкин эмас. Ақлини ҳали танимаган бола бўлса валийси кўтариб тавоф ва саъйни қилдириши мумкин.
Мажнун (ақли заиф) инсон бу ҳукмларда ақлини танимаган бола кабидир.

Проф. Др. Салоҳ Абул Ҳожнинг «Ҳанафий мазҳабига кўра умра қўлланмаси» китобидан

👉@ulamolar_yogdusi

Бизни ижтимоий тармоқларда кузатиб боринг! 👇

Telegram  | Facebook  | Instagram  | Youtube | TikTok

“Улкан мақсадларга машаққатсиз эришишни кутиш – хомхаёлдир”.

Маъноси: Буюк орзу-мақсадларни ҳеч қандай меҳнат ва ғайрат қилмасдан қўлга киритиш фикри ёлғон умиддан бошқа нарса эмас. Муовия розияллоҳу анҳу шундай деган эдилар: “Улуғ ишларга интилинг, шунда уларга эришасиз. Мен халифалик учун муносиб эмас эдим, аммо унга интилдим ва муваффақ бўлдим”. Шунинг учун катта марраларга етиш учун албатта қатъият ва тиришқоқлик зарур.

Проф. Др. Салоҳ Абул Ҳожнинг «Қалбни суғорган ҳикмат зилоли» китобидан

👉@ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

Масхаранинг қанчалик ёмон иш эканига далиллар:
Аллоҳ таоло шундай буюради: «Эй иймон келтирганлар! Ҳеч бир қавм бошқасини масхара қилмасин! Эҳтимол, улар булардан яхшироқдир? Ҳеч бир аёл бошқа аёлни масхара қилмасин! Эҳтимол, улар булардан яхшироқдир? Ўзингизни ўзингиз ҳам мазах қилманг, бир-бирингизга лақаб қўйманг. Иймондан кейин фосиқлик нақадар ёмон! Ким тавба қилмаса, ана ўшалар золимлардир» (Ҳужурот сураси, 11-оят).
Одамлар одатда бировнинг ташқи кўринишини, маълум бир ҳолат ёки вазиятларини масхара қилади. Ҳолбуки, одамларнинг бир-биридан яхшироқ экани бундай зоҳирий нарсаларга эмас, балки қалбда яширинган нарсаларга қараб бўлади. Шундай экан, ҳеч кимнинг бировни масхара қилишга ҳаққи йўқ. Эҳтимол, у масхара қилиб, устидан кулаётган одам Аллоҳ таолонинг ҳузурида ундан яхшироқ мартабададир? Шундай экан, ҳеч ким ўзи билмай, Аллоҳ таоло эҳтиром кўрсатган банданинг устидан кулиб, Аллоҳ таоло улуғ мартабага кўтарган бандани таҳқирлаб, ўз-ўзига чексиз зулм қилиб қўймасин .
Абдуллоҳ ибн Аббос розияллоҳу анҳу «Эҳ, шўримиз қурисин. Бу қандай китобки, каттаю кичик бирор нарсани қолдирмай ҳисоб-китоб қилиб қўйган экан!» деб қолишади», деган оятни тафсир қилиб, шундай деганлар: «Оятдаги «кичик» деган сўз мўмин одамни истеҳзо қилиб, устидан кулиб қўйишдир, «катта» деган сўз эса масхара қилиб, қаҳ-қаҳ отиб кулишдир». Ибн Аббоснинг бу сўзларида одамларнинг устидан кулиш маъсиятлар, катта гуноҳлар жумласидан эканига ишора бор.

Проф. Др. Салоҳ Абул Ҳожнинг «Тил сайқали» китобидан

👉@Ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

“Аллоҳ таоло ягона ҳақиқий Нурдир. Унинг бунда шериги йўқ”.

Маъноси: Нур фақат Аллоҳ таолога ҳақиқатда тегишлидир, бошқаларга нисбатан эса бу сўз фақат мажозан ишлатилади. Ким дунё ва охиратда ҳақиқий басиратга эга бўлишни хоҳласа, Аллоҳнинг нурига, яъни Унинг ҳидоятига эргашиши лозим. Ҳар бир ишда Аллоҳнинг нурига эргашиш инсонни ҳақиқий саодатга элтади.

Проф. Др. Салоҳ Абул Ҳожнинг «Қалбни суғорган ҳикмат зилоли» китобидан

👉@ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

Бировни масхара қилиш, унинг устидан кулиш каби иллатлар аслида ўша одамни менсимаслик, уни ўзидан паст деб билишдан келиб чиқади. Аллоҳ таоло шу нарсага ишора қилиб, «эҳтимол, улар булардан яхшироқдир?» деган. Эй ожиз банда, ўзингча уни менсимай, масхара қила кўрма, балки у сендан яхшироқдир?
Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Аллоҳнинг ўзаро биродар бандалари бўлинглар. Мусулмон мусулмоннинг биродаридир, унга зулм ҳам қилмайди, ёрдамсиз ҳам ташлаб қўймайди, таҳқирламайди ҳам. Тақво мана бу ерда бўлади», дедилар-да, кўкракларига уч марта ишора қилдилар. Сўнг: «Ёмон одам бўлиш учун мусулмон биродарини таҳқирлаш кифоя. Мусулмонга бошқа мусулмоннинг ҳамма нарсаси – қони ҳам, моли ҳам, обрўси ҳам ҳаромдир», дедилар» .

Проф. Др. Салоҳ Абул Ҳожнинг «Тил сайқали» китобидан

👉@Ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

“Ким оқибатни унутса, ҳалок бўлади”.
Маъноси: Охиратни эслаб юрмаган киши йўлидан адашади ва ҳалокатга юз тутади.

Проф. Др. Салоҳ Абул Ҳожнинг «Қалбни суғорган ҳикмат зилоли» китобидан

👉@ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

Қайси банда Аллоҳ таолонинг ҳузурида қандай мартабада эканини ҳеч ким билмайди, фақат Ҳақ таолонинг Ўзигина билади. Шундай экан, қандай қилиб ўзимизча бировни менсимаслигимиз мумкин? Ахир у Аллоҳ таолонинг ҳузурида биздан чандон-чандон олийроқ мартабада бўлиши ҳам мумкин-ку!
Абу Ҳурайра розияллоҳу анҳудан ривоят қилинади:
«Пайғамбаримиз Муҳаммад Мустафо соллаллоҳу алайҳи васаллам: «Сочлари тўзиган, эшиклардан қайтариб юбориладиган шундай бандалар борки, агар Аллоҳга қасам ичса, У Зот буни рўёбга чиқаради», деб марҳамат қилганлар» .

Проф. Др. Салоҳ Абул Ҳожнинг «Тил сайқали» китобидан

👉@Ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

“Ким Аллоҳ билан кифояланиб, бандаларга эҳтиёж сезмаса, одамларнинг азиятидан омонда бўлади”.

Маъноси: Ким фақат Аллоҳ таолога эҳтиёжини изҳор қилиб, бандалардан беҳожат бўлишни танласа, у одамлардан келадиган азиятлардан омонда бўлади. Дарҳақиқат, ҳамма, ҳатто подшоҳлар ҳам Аллоҳ таолога муҳтождир. Аллоҳ таолога эҳтиёжини изҳор қилган инсон одамларнинг ҳаракатлари ва муомалаларига аҳамият бермайди, қалби тинч бўлади ва Роббига тўлиқ суянади.

Проф. Др. Салоҳ Абул Ҳожнинг «Қалбни суғорган ҳикмат зилоли» китобидан

👉@ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

Бировни таҳқирлаш, унинг устидан кулиб, истеҳзо қилишнинг асл сабаби кишидаги кибрдир, кибр эса бандани ҳалокатларга дучор қилиши аниқ.
Ҳориса ибн Ваҳб Хузоъий розияллоҳу анҳу айтади:
«Расулуллоҳ соллаллоҳу алайҳи васалламнинг шундай деганларини эшитганман: «Сизларга жаннат аҳли кимлигини айтиб берайми? Шундай заиф, ночорларки, агар Аллоҳга қасам ичса, У Зот уни рўёбга чиқариб беради. Сизларга дўзах аҳли кимлигини айтиб берайми? Дағал, қўпол, кибрли одамлар» .
Абдуллоҳ ибн Масъуд розияллоҳу анҳудан ривоят қилинади:
«Набий соллаллоҳу алайҳи васаллам: «Қалбида заррача кибри бор одам жаннатга кирмайди», деганлар».

Ҳукми: Масхара қилинган одам озор чекса, қалби оғриса, масхара қилиш ҳаром бўлади. Аммо айрим кимсалар бўладики, атайлаб ўзини кулгига қўяди, баъзан ўйин қилиб, устидан кулишларидан хурсанд ҳам бўлади. Бундай ҳолатларда уни масхара қилиш ҳазил-мутойиба жумласидан бўлади. Демак, ҳаром қилинган масхара – камситишни, таҳқирлашни ифода қиладиган, одамнинг кўнглига озор берадиган масхара экан .

Проф. Др. Салоҳ Абул Ҳожнинг «Тил сайқали» китобидан

👉@Ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok

Иорданиядаги Бутунжаҳон ислом илмлари университети (WICE) Профессори Салоҳ Абулҳажж Ўзбекистон халқаро ислом академияси ҳузурдаги малака ошириш марказидаги ўқув давраларида дарслар ўтади

Марказдаги малака ошириш ўқувларида қатнашаётган имом-хатиблар ва имом ноиблари учун Проф. Салоҳ Абулҳажж бир неча ўқув давралари, жумладан, «Ҳанафий мазҳабида ҳадислардан ҳукм олиш услублари» курсидан таълим бериши йўлга қўйилмоқда. Бу давра орқали ҳадислардан ҳукм олишда мазҳабнинг қоидалари, Имом Аъзам Абу Ҳанифанинг ҳадисдаги даражаси ҳақида маърузалар ўқилади. Бунга қўшимча равишда, назарий қисмдан сўнг, амалий қисм — айрим ҳадисларнинг татбиқига тўхталиб ўтилади ва ихтилофли масалалар бирма-бир кўриб чиқилиши режа қилинган.

Ушбу давралар Ўзбекистон ва Иордания ўртасидаги икки томонлама ҳамкорлик ривожланишининг янги босқичга чиққанини кўрсатиб, имом-хатиблар учун катта тажриба мактаби бўлиши мақсад қилинган.

Hanafiyfakulteti

#ҲАЗОРА

• Ўзбекистондаги Ислом Цивилизацияси маркази дунё нигоҳида!

©️ Аброр Мухтор Алий

👉@Ulamolar_yogdusi

Bizni ijtimoiy tarmoqlarda kuzatib boring! 👇

Telegram  | Facebook  | Instagram  | Youtube | TikTok