Мәңгілік алау маңына қаза тапқан әскери қызметшілердің суреттері мен аты-жөні жазылған тізім қойылған. Мұнда көңіл айту мен тілек жазылған стикерлер де бар.

Ақтау тұрғыны Дамир Жұмалиев марқұмдардың отбасыларына көңіл айтып, кейбір сарбаздардың үйіне қайтуына аз ғана уақыт қалғанын айтты.

— Ата-аналарына көңіл айтамын. Мұндай қайғыны көтеру өте қиын. Ана үшін баласынан айырылу — ауыр қасірет. Оның үстіне кейбірінің әскерден қайтуына бір апта ғана қалған екен, — деді ол Ulysmedia тілшісіне.

Еске алу орнына шетелдік туристер де келіп жатыр

Жазбалардың бірін Қытайдан келген турист қалдырған.

Ол Ақтауға бүгін ғана келгенін және Каспийде болған қайғылы оқиға туралы естігенін айтты. Стикерге әлемде бейбітшілік болсын деген тілек жазған.

— Бұл — бүкіл әлемде тыныштық орнасын деген тілек. Әрдайым бейбіт өмір сүріп, соғыс болмасын, — деді ол.

https://t.me/ulysmedia

Лавров АҚШ және Германиямен келіссөздерде Қазақстан мұнайының қауіпсіздігін көтерді

Ресей Қара теңіздегі кеме қатынасының қауіпсіздігін талқылауға дайын. Алайда Мәскеу тиісті келісімдерде Қазақстан мұнайының едәуір бөлігі экспортталатын Каспий құбыр консорциумының (КҚК) инфрақұрылымына жасалған шабуылдарды да ескеру қажет деп санайды. Бұл туралы Ресейдің Сыртқы істер министрі Сергей Лавров БҰҰ Бас ассамблеясының Нью-Йорктегі апталығы қорытындысы бойынша өткен баспасөз мәслихатында мәлімдеді.

Оның айтуынша, танкерлер мен құрғақ жүк кемелерінің қауіпсіз өтуі мәселесін Германияның СІМ басшысы Йоханн Вадефульмен талқылаған. Бұған дейін Үндістан, Мысыр және Түркия да осы мәселеге қатысты ұсыныстар айтқан.

«Ал украиндармен бөлек сөйлесу керек»

Лавровтың сөзінше, Германия тарапы Қара теңіз аймағында коммерциялық кемелердің қауіпсіз жүруін қамтамасыз ететін келісімдер жасауды ұсынған.

– Қара теңіз аймағында танкерлер мен құрғақ жүк кемелері кедергісіз жүретіндей келісімге келуді қамтамасыз етіңіздер, – деп Лавров Германия тарапының ұсынысын жеткізді.

Ресей тарапы мұндай ұсыныстарға елдер арасында тиісті келісім жасалған жағдайда коммерциялық кемелердің қауіпсіздігіне кепілдік беруге дайын екенін айтқан.

– Біз сіздердің кемелеріңізге қалай оқ атпаған болсақ, бұдан былай да ешқашан атпайтынымызға кепілдік береміз. Ал украиндармен бөлек сөйлесу керек. Оның үстіне, енді өтінішпен емес, талап тілімен сөйлесетін уақыт келген шығар, – деді Лавров.

Бұл ретте коммерциялық кеме қатынасына келтірілген барлық залал тек украиналық шабуылдардан болды деген Лавровтың мәлімдемесі Ресей тарапының ұстанымы екенін атап өткен жөн.

⚡️ КҚК-ға жасалған шабуылдар туралы

Ресей министрі Каспий құбыр консорциумы мәселесін де көтерді. Оның айтуынша, КҚК инфрақұрылымы арқылы Қазақстан мұнайы экспортталады. Консорциумға америкалық Chevron және ExxonMobil компаниялары да қатысады.

– Каспийде Каспий құбыр консорциумы бар. Оның негізгі қатысушысы әрі ең ірі салымшысы – Қазақстан. Сонымен қатар Chevron мен ExxonMobil-дің де үлесі бар, – деді Лавров.

Оның айтуынша, консорциум инфрақұрылымына бірнеше рет украиналық шабуыл жасалған. Лавров шамамен бір жарым ай бұрын Chevron компаниясымен байланысты танкерге де соққы жасалғанын мәлімдеді.

Бұл мәселені ол АҚШ мемлекеттік хатшысы Марко Рубиомен сөйлескен кезде көтерген.

– Мен Марко Рубиомен сөйлесіп, бұл мәселеге америкалықтардың көзқарасын білу керек екенін айттым. Олар, шамасы, тиісті сигналдар жіберді, – деді Ресей СІМ басшысы.

Лавров Вадефульмен кездескенін де растады. Алайда Германия министрінен жаңа ұсыныстар естімегенін айтты.

https://t.me/ulysmedia