Sukunat qo'ynida nurayabman jim,
Vo darig', bu g'amga yurak ko'nikmas.
Seningsiz umrimni so'raysan nechun,
Holimni bayoni eshitgulikmas:

Kapalak qonidan simirsam to'yib,
Qizg'aldoqni o'tin o'rnida yorsam.
Qovjiroq yalpizning ildizini yeb,
Sog'inch daraxtidan marvarid qoqsam.

Ko'nglimni ag'darar mayin yelvizak,
Sirpanchiq tuyilar baxtning yo'llari.
Bahorgi yam-yashil sarg'aygan kuzak
Umrimning saningsiz kechgan yillari.

Sarobat manzili ko'rinar tiniq—
Faqir orzularning singan shu'lasi.
Nahot shu ketishda o'tamiz yonib,
Bizga nasib etmay sevgi jumlasi?

Saningsiz shu qadar ayanchli turmush,
Go'yo etilganman umrimdan surgun.
Osmonda bo'lsang, gar, kel, zamingga tush,
Yerda bo'lsang, agar, ko'rinish bergin!.

©️ Xayrulla Hamidov

Yolg'on gapirmayman, seni o'ylayapman.
Lekin so'rasang aytmayman!
Sen tushun. Yoki his et.
Ortiq hech kimni qiynashni istamayman. Chunki charchadim.❤️

Men ertadan kutaman najot,
Men bugunning jabrdiydasi.
Ikkimizni qiynadi hayot,
Uzrning ham yoʻqdir foydasi.

Men ertadan umid qilaman,
Siz ertaga aniq kelasiz.
Siz hammadan yaxshi, bilaman,
Men hammadan yomon, bilasiz.

Oʻrtanaman, yuragim xira,
Nima qilay sogʻingan boʻlsam?
Ogʻrinmasmi koʻnglingiz sira
Ertagacha bexosdan oʻlsam.

Bilmam qancha asrlar kerak
Yana bir bor quyosh chiqquncha.
Koʻrguligin qoʻymaydi falak
Birimizni yerga tiqquncha.

Men oʻlimdan qoʻrqmayman, axir,
Har qadamim tahlika, urush.
Biroq mingta oʻlimdan ogʻir
Sizni boshqa birovga berish.

©️ Joʻrabek Ramazon

Oldin ham, hozir ham)💙

Tasodiflar yo‘q bu dunyoda,
Uchrashmadik ikkimiz bekor.
Allohimning rejalarida,
Biz anglamas buyuk hikmat bor!

Sen qayda-yu, men qayda edik,
Go‘yo Quyosh, go‘yo Oy, ayro.
Buni Xudo istamaganda,
Bo‘larmiding qarshimda paydo!

Duch kelmaydi daryoga daryo,
Qushlar sira ketmas to‘qnashib.
Borligimni bilgandek go‘yo,
Kelarmiding dovonlar oshib!

Charchagandim yo‘llaring kutib,
Muhabbatning ko‘zlari ojiz.
Mana endi bir lahza o‘tib,
Go‘yo eski tanishlardekmiz!

Sen qismatga ishonasanmi,
Ko‘rganmisan meni qaydadir!
Bilsang buni mo‘jiza emas,
Taqdir derlar, azizim, taqdir!

©️Malika Tavfiq

Har tong uygʻonishim uchun yagona sababchi faqat oʻzingsan💝

Gulbargni bittalab yulaman:
Sevadi...
Sevmaydi...
Sevadi...
Sevmaydi...
Tugaydi gulbarglar,
Negadir yig‘lagim keladi.

Ko‘nmayman bu o‘yin shartiga,
Aldamchi gulbarglar aldaydi.
U meni qanchalik sevishin,
O‘zi ham menchalik bilmaydi!

Bu qadar «bema’ni» o‘yinning
Shartlarin o‘zimga olmay tan,
Sochilgan umidlar parchasin
Boshqatdan,
Boshqacha sanayman!

Sevadi...
Sevadi...
Sevadi!!!
Baribir yig‘lagim keladi...🌼

©️Rohatoy Ismoilova

#qachondir🌸

"Quyoshning ajoyibligini qara" - dedi, va men darrov osmonga qaradim. U esa hamon menga tikilardi. Qayerdan ham bilibman u osmondagi quyoshni nazarda tutmayotganini)⛅️

Bu dunyoda muayyan baxtni uchratmadim sizlarga aytsam. Balki biz, insonlar oʻzimiz oʻylab topgandirmiz bu soʻzni. Umrim davomida koʻrgan insonlarim faqat qaysidir lahzalarda baxtli: farzandli boʻlganida, kimidir ogʻir xastalikdan tuzalganida, omadi kelganda, sevgilisiga yetishganda, kimidir oʻqishga kirganda. Lekin bir umrlik baxt yoʻq. Hatto tekin boʻlgan oliy tuygʻu boʻlmish baxtda ham chegara mavjud. Adolatsizlik shunday emasmi?

Faqat baxtli lahzalarda yashashni oʻrganishimiz kerak, uchrashgunmizga qadar💙
uni butun umr yonimizda olib qolishning imkoni yoʻq boʻlsa, suratlarga muhrlashimiz kerak. Har safar qaraganda baxtni his qilib, yuzimizga tabassum yugurishi uchun.

Va Biz 2.5K sizdan esa bitta "❤️"

Kel

Yetar!...
Seni shuncha kutganim,
endi,
Kelaqol –
kutishdan juda charchadim...
Xayolim charchadi bulut chizishdan,
kutish qutisida uzoq yashadim...

Kelishda olib kel,
oppoq baxtlarni
zulmatim ustidan nurlaringni soch!
Har doim
bir mehr kutgan ko'ksimga
hech qursa kelganda
sen bag'ringni och.

Bo'laqol, yugurgin,
qoshda mehmon shom
seni bir ko'rishga ulgursam bo'ldi.
Men shoshdim umrim boricha ishon
ko'zimga o'limdan zarralar to'ldi

Kelsang,
qo'shib kelgin bir patdan qalam
Qaqnus bir qalamni qizg'onmas sendan.
Senga men hali she'r yozmaganman-ku –
Istayman...
Birgina she'r qolsa mendan...

Istayman –
ko'zlaring qoraligini.
Qalbimning qorasi bilan uyushsa
qon kerak bemorga, deya qoningdan
olishib qonimga qoning quyishsa...
Manfiymi yo musbat, nima farqi bor?
Menda baxtli qoning shildirasa bas,
she'rlarim xayolga bo'lgani kabi
bu tomir ichidagi meniki emas.

Bo'ldi kel,
oxirgi kuchimni to'plab,
turaman o'rnimdan seni quchgani.
So'ng ajal uzatar qadahdan ho'plab,
ketaman turnalar bilan uchgani...

Kel, meni mazmunsiz yakundan qutqar,
Eng so'nggi lahzada afsuslar o'lsin.
Shunday kel – kutayin qiyomat qadar,
shunday kel – ismingga she'r yozsa bo'lsin!

©️BI14

Qanchalar yaqinman senga va qanchalar uzoq)🩷

"Meni kitobxonlar kitobni sevganichalik, sev" — deding.
Men...
Men seni oʻzimdek sevishni istayman.
Kitobga oshno qalblar bir kitob bilan kifoyalanmaydi. Bugun bir kitobni sevib mutolaa qiladi,
Ertaga yana boshqa birini oʻqishga ishtiyoq paydo boʻladi..
Men seni oʻzim kabi sevmoqchiman,
Faqat va faqat seni oʻqimoq uchun...🌹

Koʻzlaring

Hammasi aylanib ketmoqda toshga,
Hammasi roʻyodan boshqa narsamas.
Koʻzlaring baribir hammadan boshqa,
Boshqa biron narsa unga arzimas.

Zamin suykaladi osmonga doim,
Etagin oʻpadi oyni beriyo.
Seni yaratganda qodir Xudoyim
Bizni bogʻlab qoʻygan yermonand goʻyo.

Hammasi oʻtkinchi, hammasi sarob,
Sening muhabbatinggina mangudir.
Koʻzlaring boqqanda toʻkilar savob,
Eski dard qoʻzgʻalur - yana yangidir.

Sadoqat koʻrgandek boʻldim har qalay,
Oʻsha mung qorishgan dardimni tingla:
Ijozat aylagin, saning-la oʻlay,
Bu chirik dunyoni unutay sen-la!

©️Xayrulla Hamidov

Istardimki...❤️

Mening oldimga qachon kelishingizni ayting, men siz bilan uchrashishga yuragimni tayyorlayman.

©️ Antuan de Sent-Ekzyuperi

derlar:
bahorni sogʻingan urugʻ,
kuta-kuta gullab ketadi,
oʻzi aylanadi bahorga.

derlar:
yomgʻirni sogʻingan daryo,
kuta-kuta parlanib  ketar,
oʻzi evriladi yomgʻirga.

bilmam:
seni sogʻinyotgan men,
kuta-kuta yashasam,
ne boʻladi oxiri?..

©️Najmiddin Ermatov

Hushimga kirib kel,
tushlarimdan tush,
Qo‘ynimdagi mumtoz
dardni parchala!
(Tinglagin, o, nohaq sayradi haqqush,
Mast bo‘lib, sollandi qara, archalar.)

Bir ranglar istadim,
tuydilar yoqut,
Qog‘ozga rasmingni
so‘z bilan chizsam...
O‘zingni ilhom deb o‘ylaysan yoxud
She’rimdan o‘zini izlagan qizsan.

Kosamni sabrga
to‘ldirma lim-lim,
Quloq sol
berkinib solgan dodimga.
Seni rom etmagan qaqshagan ko‘nglim,
Sen maftun bo‘lgansan iste’dodimga.

Sen - men ham tushuna
olmagan tovush,
Sen - bir shoir
anglab yetmagan tilsim...
Ro‘yoga qaytaqol, tushlarda qovush,
Sendan farzand emas,
she’rlar tug‘ilsin!

⏺️Humoyun Fattoh