Eshitdingmi?

Hamma erkaklar bir xil emasligini isbotlaydigan erkak bo'l)

"Mendan yaxshisiga loyiqsan" deya ko'rma, men uchun eng yaxshisi bo'lishga harakat qil)

​​Qarg‘alar ham boqar bepisand.
Qara, jonim, ko‘cha chiroyli –
Sen ham oyna oldidamisan?!
Osmon oppoq,
Yer juda mayin,
Balki qorqiz yasarsan qordan.
Senga qanday yetib borayin,
Yo‘llarimni qor bosib qolgan.

© Xosiyat Rustamova

Shunchaki birinchi muhabbatingni tanlashda adashma)

Bir umr yuragingda qoladigani o'sha bo'ladi.

Tez-tez chalinadigan kasalliklarim bor. Shunchalik tez chalinganimdan qanday davolashni o'zim yaxshi bilaman)

)

Shu gap!

Begonalashyapman. Uyimdan, xonamdan, sendan. Sen hatto meni o'zimdan uzoqlashtiryapsan. Jin ursin! Barchasi ko'zlaringni, tabassumingni qayta ko'rishdan, qo'llaring taftini his etishdan, ovozingni eshitishdan boshlandi, qaytalandi. Uyimga qaytayotganimda qanchalik baxtiyor edim, telbalarcha. Endi esa esdan ogʻyapman avvalgidek. Rashk oʻtida jizgʻanak bo'lib yonyapman, yondiryapsan.

Bularning barchasi aytilmaydigan, qog'ozga-da sig'maydigan hislar. Hattoki, senli tushlarimda ham baxtli emasman ortiq, baxtli boʻlolmayapman.

Bugun judayam ko'p xotiralarga koʻmildim. O'sha sendan arazlagan, sen esa yarashish uchun chora izlagan xonalarga bordim, birga muzqaymoq yegan ko'chalarimizdan yurdim. Hislarga koʻmildim. Hislarim meni ko'mdi.

Va shu lahzalarda angladimki, Biz hech qachon "Biz" bo'lmaganmiz, bundan buyog'iga ham bo'lolmaymiz. Biz faqat "Sen" va "Men" bo'la olamiz, abadulabad.

Sen hech qachon mening U'yim bo'lolmaysan. Men esa seniki bo'lmayman, umrbod.

Bir umr ko'zlaringni ko'rish baxtidan mosuvo bo'lgandirman, ehtimol. Balki umrbod qalbingdan hissizlik tomon surgun qilgandirsan meni.

Hatto ko'chalar, chatlar ham bizni tasodifan uchrashtira olmaydi. Sen ham buyog'iga yoziqlarimda boʻlmaysan. Men esa xotiralaringda ham boʻlmayman. Aslini olganda hech qachon boʻlmaganman.

Men tomonda sovuq shamollar, xazonlar, zulmat. Barcha yorugʻlik, iliqlik, bahor sen tomonda. Ikki qutbga ayrilganmiz, bir umrga)

Qizlar doimo bir-birovlarining sevgi tarixiga qiziqishadi. Va boshqa qizlarning sevgisini tugatish uchun qoʻllaridan kelgan barcha ishni qilishadi)

Men ulardek boʻlolmayman, azizim)

Men sevishni bilmaganman, hozir ham bilmasman, ehtimol. Hozir kel-da menga seni sevishni oʻrgat)

Gapimni qayerdan boshlashni bilmayapman. O'rtasidan boshlay qolaman. Menimcha, seni unutdim, butkul. Bu avvalgidan anchagina qiyin kechdi. Avvaliga har kuni "Memories" bilan ovundim. Suratlaringni ertalabgacha ko'rib chiqdim. Ba'zida tushlarimgacha kirarding, uygʻongim kelmasdi.

Endi esa barchasi joyida. O'zing aytganingdek, faqatgina o'zim uchun yashayapman. To'g'ri, 3-4 yil bu yo'sinda yasholmasligim aniq, 1-2 yilni uddalayman, menimcha. Keyin.. katta ehtimol bilan, keyinini o'zing mendan-da yaxshi bilasan.

Menimcha, bu senga atalgan eeeeng oxirgi xabar, shunday degan umiddaman. Ehtimol, shuning uchundir gapim gapimga qovushmayapti. Yoziqlarda erkinroqman. Ko'zlaringga qarab aytganimdami, ehhe, ko'zlaring aniq fikrimni bo'lardi. Ko'zlaringga tikilib, bularning hech birini aytolmasdim, jasoratim yetmasdi.

Yana eng qiyin damlarimda yonimda bo'la olmading. To'g'ri, buni o'zim istamadim. Negaki, dardimga sabab bo'lgan inson darmonim bo'la olmasdi.

Yaxshiyam, oramizda katta-katta shaharlar bor. Yaxshiyam, menga bo'lgan nafrating bor. Yaxshiyam, oramizda sening U'ying bor, yaxshiyam...

Hech qanday maqsadim yo'q. Ayni damda omon qolishni, yashashni maqsad qilganman. Aqlim va qalbim urushidan omon chiqsam, bas. Uyog'i erkinlik...

Senga baxt tilolmayman, yashirib nima qildim, mensiz kim bilan bo'lsa ham, baxtli bo'lishingni istamayman, hali-hanuz. Ehtimol, o'zim chin baxtga yetishsam, bunga kuch topa olarman. Lekin hozirmas...

Ko'rishguncha demayman, chunki Sen bilan allaqachon xayrlashib bo'lganmiz...

Sen haqingda kimgadir so'zlab berolmayman. Inson o'zi to'liq anglab yetmagan tuyg'ularni qanday tushuntirib bera olsin?