Meni ikki dunyo baxtli qiladi,
Sening lug'atingda ismim borligi…💋

tunda armon bilan yulduz uchrashdi…

…biz uchrashmadik.🤩

Hech qachon tayyor bo'lmaysan
Sevgiga, qayg'uga, buyuk hislarga —
To'satdan va birdan o'psang — sevasan.

©️Tillaniso

Asramaymiz bir-birimizni,
Endi bizni Xudo asrasin…

©️Usmon Azim

She'r o'qima —
Dunyoning torligini bilib qolasan.

She'r o'qima —
Yurakning borligini bilib qolasan!...

She'r o'qima deyapman senga!
Bu bozor dunyoda
Sotilmaydigan bo'lib qolasan axir!..

©️Usmon Azim

Men senga kimman-u bilmadim,
Sen menga hozircha allakim.
O, seni suhbatga chorlayman,
Assalom, eng so‘nggi ilinjim!

Tinmayin savollar yog'dirgum,
Kulgichim ko'zingda ko'rgan payt.
Sevdiging kim va yo ne desam,
Siz dema, iltimos, so‘z deb ayt!

Yoqtirgan faslingni so‘ray so‘ng,
O‘ylanma, ortadi dilg‘ashlik.
Men uchun to'rt fasl kuz, degin
Baxtlanay: "Naqadar o'xshashlik!"

Sen shunday javob ber — yig‘lay men,
Nafasing oshiqqa xos bo‘lsin.
Ming yillab hammadan voz kechib
Ming yillab kutganim rost bo'lsin!

Aldama demayman, aldayver
Faqat fosh bo'lmasin qachondir.
Sen aytgan aldovlar baxt bersa,
Yolg'onga million yil ishontir!

Men seni hech kimga o‘xshatmay,
Eng bo‘lgin,
men uchun eng bo‘lgin!
Muhabbat ne degan savolga
Bir umr javobim sen bo'lgin!

©️Muattar Mamatkarimova

- Men sizni sevaman!
Ravik seskanib ketdi.
- Meni yaxshi bilmaysan-ku.
- Muhabbatga buning nima daxli bor?

🥥Zafar darvozasi

Senga yozdim.
Sening koʻksingda,
Ulgʻayibdi ulkan jarohat.
Bu kesilgur barmoqlarim-a,
Ayblarini his qilmas faqat.

Senga yozdim.
Meni izlading...
Titib bir-bir nafratlaringni,
Sahifalar sathida yana,
Oʻgʻirladim hasratlaringni.

Senga yozdim.
Yoziqlarimni,
Afsunida yigʻlar muhabbat.
Bu ayrolik mangu qoʻshigʻi,
Yuragimda titrar ming da'vat.

Senga yozdim.
Toki jimliklar,
Soʻng yaproqdan olaversin qasd.
Sen figʻoni olamga koʻchgan,
Sogʻinchlarni tan olmaysan rost.

Senga yozdim.
Qator va qator,
Koʻzlaringni oʻpdi tun chogʻi
Joʻnatilmas qancha xatlar bor.
Joʻnatganim baxtiyorrogʻi.

Senga yozdim!
Ilk va soʻng daf'a.

©️Umida Nafas

"Qachonki ko'nglingni ola bilsam, ko'zlaringni chizaman"

©️Amedeo Modilyani

Dunyoda birdan bir lazzat mana shu — muhabbat! Bu umrda sevganingni bag'ringga bosmoqdan ortiq farog'at yo'q!

©️Azizim

xotiramdagi yomon qismlar
o‘chib ketmoqda.
yaxshilari qoldi, deyarli.
faqat yaxshilari qoldi.
sen haqingdagi hamma xotira qoldi.

***

Yaxshi bo‘lishga
Urinmay qo‘yaver.
Men seni
Baribir
Yaxshi edi, deb eslayman.

***

men
senga
tushuntirishdan charchab
keyin
seni sevishni boshladim.

***

meni sog‘inganingizni
menga aytmang
o‘zingiz hal qiling.
sizni sog‘inganim
menga yetib ortmoqda.

***

seni quchib, aytdim:
biz hali baxtli bo‘lamiz.
sen esa yig‘lading
nega yig‘laganingni
keyin bildim.

©️Ahmad Ali Dilmurod

Biz ko‘rmagan filmlar,
Biz bormagan konsertlar,
Biz yurmagan yo‘llar,
Biz gaplashmagan gaplar
Bugun hayotimni yorqinroq qilar.

Sening vaqting yo‘q edi mudom,
Mening jur'atim.
Bilasanmi, bugun
Bir-biriga suyanganicha
Jaz tinglayotgan juftlikni ko‘rdim.
Yoshligini eslardi ular,
Muhabbatini.
Va bu muhabbat,
Bu yoshlik
ikkisiniki edi.
O‘ylanib qoldim,
Sen kimga suyanib,
Eslaysan "Yulduzli yoz"ni
Men konsert ko‘ryotib,
Yig‘laganimdek ko‘zlaring eslab.

Ammo bu u qadar muhim ham emas,
Ahamiyatlisi, vaqt o‘tib har ne o‘zgarar. Va dunyo yangidan tug‘ar bolalarini.
Yangi ertaklar,
Yangi qo‘shiqlar,
Yangi filmlar yaralar.

Sen esa qachondir
Bir-biringga suyangancha
Konsert tinglaydigan bir odam tani.
Asli shudir yolg‘on dunyoning
Bittagina rost mohiyati.

🥥Feruza Xayrullayeva