#Ustoz_jurnalistlar | #Ustozga_ehtirom

🤩 USTOZ — JURNALISTLAR TALABALAR HUZURIDA

1-oktabr — O‘qituvchi va murabbiylar kuni munosabati bilan O‘zbekiston Jurnalistlar uyushmasi Xorazm viloyati bo‘limi hamda Urganch davlat pedagogika instituti hamkorligida “Ustoz — jurnalistlar talabalar huzurida” mavzusida ijodiy uchrashuv tashkil etildi.

Tadbirni Urganch davlat pedagogika instituti birinchi prorektori Umarjon Xo‘jamuratov ochib berdi. Tadbirda O‘zbekiston Jurnalistlar uyushmasi Xorazm viloyati bo‘limi raisi Dilbar Bekchanova, “Xorazm haqiqati” va “Xorezmskaya pravda” gazetalari bosh muharriri, ustoz jurnalist Solyajon Rahimberganova, el-yurt ardog‘idagi faxriy jurnalist Bekposhsha Xo‘jayeva, shuningdek, institut professor-o‘qituvchilari va talaba-yoshlar ishtirok etdi.

Uchrashuv davomida ustoz jurnalistlar o‘zlarining ko‘p yillik ijodiy va kasbiy tajribalari bilan o‘rtoqlashib, jurnalistika sohasining o‘ziga xos jihatlari, so‘z mas’uliyati, jurnalistning jamiyatdagi o‘rni hamda zamonaviy media makonida faoliyat yuritishning muhim jihatlari haqida talabalarga qimmatli tavsiyalar berdilar.

Muloqot davomida institut matbuot kotibi Nazokat Kamilova tomonidan yoshlarni media sohasiga keng jalb etish, ularning ijodiy imkoniyatlarini qo‘llab-quvvatlash hamda institut va O‘zbekiston Jurnalistlar uyushmasi Xorazm viloyati bo‘limi hamkorligida tashkil etilgan “Media kelajagi” kontent-meykerlar klubining faoliyatini yanada rivojlantirish borasida fikrlar bildirildi.

©️Urganch davlat pedagogika instituti matbuot xizmati
🌐Sayt✅Telegram💬Facebook🌐Instagram📹YouTube