Ресейдегі оба күдігі: қауіп деңгейі қандай?

Ресейде зертхана қызметкері өкпе обасынан қайтыс болған болуы мүмкін деген күдік қауіпті дерт тарап кетпей ме деген үрей туғызып, бүкіл әлемді алаңдатып қойды.

Ал анығында өкпе обасы қаншалықты жылдам тарайды, қазіргі таңда бұл ауру несімен қауіпті және зертханалар оны қоздыратын бактерияларды не үшін сақтайды?

«Азаттық» радиосы Лондон гигиена және тропикалық медицина мектебінің (университетінің) микробтық патогенез профессоры Брендан Ренмен сұхбаттасып, Ресейдегі жағдай мен биліктің індеттің алдын алу бағытында атқарып жатқан шаралары туралы сөйлесті. Профессор Рен қызмет ететін ғылыми орталық та өкпе обасын тудыратын Yersinia pestis бактериясын зерттеумен айналысады.

Үндістан Ресей мен Украинаға бітім жоспарын ұсынды...

Hindustan Times мәліметінше, үндістандық жоспар 3 негізгі тармақтан тұрады:

1) Энергетикалық нысандар мен басқа да инфрақұрылымдарға соққы беруді тоқтату;
2) Қара теңіз порттары арқылы астық пен энергоресурстарды кедергісіз жеткізуді қамтамасыз ету;
3) Қара теңіздегі коммерциялық кеме қатынасына жасалатын шабуылдарды тоқтату.

Басылым Үндістанның бұл бастамасы Мысыр, Түркия және АҚШ ұсынған жекелеген ұсыныстарға қарағанда (олар тек астық экспортына немесе энергетикалық атысты тоқтатуға ғана қатысты) ауқымдырақ екенін атап өтеді.

Hindustan Times басылымы Үндістанның Қара теңіздегі шабуылдарды тоқтатуға мүдделі болу себебін, Ресейден келетін энергоресурстарды жеткізудегі іркілістермен түсіндіреді. Үндістанға тасымалданатын ресейлік энергоресурстар ағынының шамамен 30%-ы Қара теңіз порттарына тиесілі.

Reuters: Сирия хуситтерге қарсы соғыста Саудия Арабиясына көмектесуі мүмкін...

Агенттіктің мәліметінше, Сирия Йемендегі Иран қолдайтын хуситтерге қарсы соғыста Саудия Арабиясына әскери көмек көрсету мүмкіндігін қарастырып жатыр.

УКРАИНАНЫҢ КЕЗЕКТІ ЖОРЫҒЫ...

Украина жауап соққыларын арттыруда. Түнде Рязаньдағы «Яндекстің» дата орталығы соққы астында қалды. Соққы жеген дата орталық қызметін тоқтатты.

Ал бұл соққыдан соң ресейлік қолданушылар жаппай шағым жасауда. Бірі қаржысын аудара алмаса, енді бірі сайтқа кіре алмаған. Биржада «Яндекстің» акциялары қазір құлдырауда...
Бұл дата орталық – Рязан облысындағы Сасово қаласында орналасқан екен. Жалпы Ресейде мұндай коммерциялық дата орталықтардың саны 250-ден асады. Тағы 42-сі әлі салынып жатыр екен.

Дата центр дегеніңіз - түрлі серверлер мен желілік құрылғыларды орналастыруға арналған арнайы ғимарат. Қарапайым тілмен айтқанда, бұл - сайттардың, мобильді қосымшалардың, банк жүйелерінің және сервистердің «үйі».

Ал «Яндекстің» деректер орталығы — бұл компанияның мыңдаған серверлері, деректерді сақтау жүйелері мен желілік құрылғылары орналасқан арнайы жоғары технологиялық ғимараттар кешені. «Яндекстің» Ресейде мұндай орталықтары аз емес. Ең ірілері – осы Сасоводағы кешен. Сосын Владимир облысы мен Мәскеу түбінде орналасқан орталықтар.

Украина енді «Wildberries» пен «Ozon-нан» соң дата орталықтарды нысанаға мықтап алғанға ұқсайды...

ЕО үміткер елдерді қабылдау тәртібін өзгертеді...

Еуроодақ қилы кезеңге тап келсе де, қатарын көбейтіп, құрамын ұлғайтуға әзір. Брюссель келіссөздердің аралық кезеңдерін жылдамдатуды және үміткер елдерді ұйымның кейбір бағдарламаларына ертерек қосуды көздейді.

Қазіргі тәртіпке сәйкес Еуроодақ кеңейгісі келсе, 27 мемлекеттің барлығының келісімін алуы қажет. Ұйымға мүшелікке үміткер ел шамамен 150 кезеңнен тұратын тексеруден өтеді. Еурокомиссия талаптардың бір бөлігін жеңілдетіп, шешімді көпшілік дауыспен жылдам қабылдау тәртібін ұсынып отыр.

Соғыстағы Қазақстан азаматтары: ҚР СІМ не дейді?

14 қазақстандық соғыс аймағынан елшілікке жеткізілді ме: СІМ ресми мәлімдеме жасады...

Қазақстан Республикасы Сыртқы істер министрлігі әлеуметтік желілерде тараған 14 отандасымыздың соғыс аймағынан елшілікке жеткізілгені туралы ақпаратты ресми түрде теріске шығарды. Бұл туралы СІМ ресми өкілі Жанболат Үсенов мәлімдеді.

Бұған дейін желіде 8 қазан күні Қазақстан азаматтары еліміздің Ресейдегі елшілігіне жеткізіледі деген хабарламалар тараған болатын.

Ведомство өкілі бұл мәліметтің шындыққа жанаспайтынын атап өтті. Сонымен қатар ол отандастарымызды елге қайтару бойынша Ресей тарапымен келіссөздер әлі де жалғасып жатқанын және бұл мәселе министрліктің тұрақты бақылауында тұрғанын нақтылады.

Суға батпас Суровикин қайта шықты...

Өткен аптада Ресей Киевтің көпірлерін тоқтаусыз соққылады.

1-2 қазанда оңтүстік көпірге кемі 4-5 мәрте соққы тиген. Ал солтүстік көпірге 3 қазанда соққы жасалды.

Сол кезде Зеленский: "Олар Киевте дүрбелең тудыру үшін көпірлерді соққылауда. Ресей әуелі біздің сауда орталықтарымызды соққылады. Біз Wildberries пен Ozon-ды соғып, жауабын дереу бердік. Енді олар бұл соққылары үшін біз жауап бере алмайды деп ойлай ма?", - деген еді.

Кеше "The Telegraph" басылымы: "Путин Киев көпірлеріне шабуыл жасау үшін Суровикинге жүгінген", - деп жазыпты...

Мақалада майдандағы дағдарысқа тап болған Путинге өзгерістер қажет екені, сол себепті ол бейбіт тұрғындарға қарсы террор тактикасына қайта-қайта оралып жатқаны атап өтіледі.

Бұл тапсырманы орындауға мыңдаған бейбіт тұрғынды өлтіріп, Сирияның Алеппо қаласын жермен-жексен еткен "Генерал Армагеддон" лақап аты бар генерал Сергей Суровикин тартылғаны айтылады.

Сириядағы соғыстағыдай, бұл жерде де Мәскеудің есебі - бейбіт тұрғындарға шабуылдау арқылы өз үкіметінен соғысты тоқтатуды талап етуге мәжбүрлеу. Алайда бұл тактика Сирияда сәтсіздікке ұшырады, Украинада да іске аспауы әбден мүмкін.

БАҚ мәліметінше, ол "Вагнер" басшысы Пригожиннің бүлігінен кейін тұтқындалған. Кейін Әуе-ғарыш күштерінің бас қолбасшысы лауазымынан босатылған. Яғни, ол биліктің кәріне ұшырап, оқшауланған еді. Енді қайта шықты деп жатыр..

Трамп Путинді туған күнімен құттықтаудан бас тартты…

Уәде етілген қоңырау шалынған жоқ.

АҚШ Президенті Дональд Трамп Ресей басшысы Владимир Путинді туған күнімен құттықтаған жоқ, ал лидерлердің арасында 7 қазанда өтуі тиіс телефон арқылы әңгімелесу болмады.

Бұл туралы Ресейдің ТАСС пропагандалық агенттігіне сілтеме жасап, Кремльдің баспасөз хатшысы Дмитрий Песков мәлімдеді.

Нобельдің бейбітшілік сыйлығы үндістандық құқық қорғаушы Нави Пиллэйге берілді!

Норвегиялық Нобель комитеті оны «бейбітшілік пен халықаралық құқықты нығайтуға қосқан үлесі үшін» марапаттау туралы шешім қабылдады.

Пиллэй Нельсон Манделаны және басқа да күрескерлерді қорғаған, сондай-ақ қазіргі заманның ең маңызды халықаралық сот процестерінде судья болып қызмет атқарған.

«Нави Пиллэй мемлекеттер мен олардың басшыларын жауапкершілікке шақырып, зорлық-зомбылық пен қақтығыстардан зардап шеккендерге үміт сыйлады. Ол атқарған барлық лауазымдарында жеке тұлғалардың да, мемлекеттердің де құқық үстемдігі қағидаттарын сақтау міндетін үнемі атап өтіп отырды», — делінген мәлімдемеде.