Ормуз бұғазы. 750 мың тонна мұнай тиеген танкер минаға жарылып, жанып жатыр...

Сәлден соң, Трамп бұған "Киевті кінәләса" таң қалмаңыз...

Зеленский: Ресей кезекті мүмкіндікті жіберіп алды!

Президент Зеленский:

«Украина энергетикалық бітімді қолдады. Уағдаластық шарты қарапайым ғана: Америка президенті жариялағандай, Украина энергетикалық бітімге кепілдік беруге дайын және Ресей де тиісті қадамдар жасауы тиіс. Қазіргі таңда Америка президенті айтқан бұл шарттарды Ресейдің орындап жатқаны байқалмайды», — деді Зеленский.

Ол Ресей Федерациясының кеше де, бүгін де Украинаның энергетика саласына соққы жасағанын айтты.

«Егер бұл соққылар Ресейдің Трампқа берген жауабы болса, бұл ресейліктердің бейбітшілікті жақындатудың кезекті мүмкіндігін де жіберіп алғанын білдіреді. Деэскалация нәтиже беруі үшін көп нәрсе дәл осы Американың ұстанымына байланысты. Ресейге қысым жасау қажет. АҚШ тарапымен барлық деңгейде диалогты жалғастырамыз», — деді Зеленский.

ТУРИЗМДІ ДАМЫТУДЫҢ ҚАЗАҚСТАНДЫҚ ЖОЛЫ

Қазіргі заман – туризм заманы болып кетті. Адамдар тек өз мемлекетінде өмір сүріп, сол жерде мәңгілікке аттанатын дәуір келмеске кетті.

Техниканың дамуы – жер бетіндегі коммуникациялық байланысты әмбебап күйге келтірді. Бүгінде әлемдегі кез келген нүктеге жету, алдын‑ала хабар алмасу, ауа‑райын білу, адамзатқа ортақ тарихи‑мәдени құны бар «әлем кереметтерін» көру, теңізге шомылу, тауға шығу – қазіргі заманның басты тренді десе болады... Оның жалпы атауы – туризм.

Туризм көптеген елдердің экономикасының негізгі тіректерінің біріне айналды.

Қазақстандағы туризмді қалай дамытамыз?

Сандеректерге көз салсақ: Туризмге салынған инвестиция көлемі 2,5 есеге арттқан екен. 2019 жылы туризм саласына 502 млрд теңге инвестиция тартылса, 2025 жылы оның көлемі 1,26 трлн теңгеге жеткен. Тек 2025 жылдың өзінде жалпы құны 345 млрд теңгені құрайтын 95 инфрақұрылымдық жоба іске асырылған.

Қазақстанның табиғи және тарихи әлеуеті де жоғары болғанымен, қазіргі таңда туризмнен түсетін табыс жетекші туристік елдермен салыстырғанда әлдеқайда төмен. Дегенмен, дұрыс инвестиция мен инфрақұрылымдық даму арқылы бұл саланы ел экономикасының маңызды кіріс көздерінің біріне айналдыруға мүмкіндік бар.

Бірақ, біз Қазақстан ешқашан АҚШ, Франция, Испания, Италия және т.б. бола алмайтынын білуіміз қажет. Біздің менталитет пен дәстүріміз, тамағымыз, дүниетанымымыз бұл елдерден мүлдем бөлек. Тіптен, көрші Өзбекстанға да біз ұқсамаймыз. Табиғатымыз да бөлек. Ендеше, бізге туристерді елге тартудың тек бір жолы қалады, ол – «туризмді дамытудың қазақстандық жолы» деп аталады!

Біріншіден, Қазақстанның алып территориясын ескере отырып, бізге «туристік кластерлерді» дамытуды қолға алу керек. Ол үшін әрбір облыс, әрбір туристік маңызы бар аймақ кешенді жобалар жасап, қазіргі заманғы туризм саласындағы барлық креативті жаңалықтарды ескере келе, өз жобаларын жасауы керек. Солай болып та жатыр. Қараңыз:

Елімізде 2022 жылдан бастап туристік кәсіпкерлікті қолдаудың жеті тетігі іске асырылуда. Олар туристік нысандарды салу және жаңғырту, туристік көлік пен жабдықтарды сатып алу, жол бойындағы сервисті дамыту және санитариялық-гигиеналық тораптарды күтіп-ұстау шығындарының бір бөлігін өтеуге бағытталған.

Бұдан басқа 2024 жылдан бастап Қазақстанның Даму банкі арқылы туристік жобаларды жылдық 7% мөлшерлемемен қаржыландыру бағдарламасы іске асырылуда. Бағдарламаға 150 млрд теңге қарастырылған. Бұл ірі туристік кешендер мен инфрақұрылымдық жобаларды жүзеге асыруға қосымша мүмкіндік береді.

Жалпы туризм болашақта Қазақстандағы табысы мол индустриялы салалардың ішінде үшінші орынға шығуы мүмкін деген болжамдар айтылады. Ендеше, потенциалы жоғары бұл саланы мықтап қолға алуға, дамытуға мүдделі болуымыз керек-ақ!

Нұргелді Әбдіғаниұлы

Көшербаев пен Тұқымов елші болып тағайындалды...

Тоқаев Қазақстанның Австрия, Пәкістан және Мароккодағы елшілерін ауыстырды.

Ермек Көшербаев Қазақстанның Австриядағы Төтенше және Өкілетті Елшісі және Вена қаласындағы халықаралық ұйымдар жанындағы Тұрақты өкілі, Еркін Тұқымов Пәкістандағы Елшісі болып тағайындалды. Ал Сәулегүл Сайлауқызы Мароккодағы және қоса атқару бойынша Тогодағы Елші қызметтерінен босатылды. Бұл туралы Ақорданың баспасөз қызметі хабарлайды.

Украинаның СІМ бастығы Андрей Сибига:

«Екі жылға жетер-жетпес уақыт ішінде біз «қолыңда көзірің жоқ» дегеннен «қолыңдағы көзіріңді қолданбай тұрыңдар» дегенге дейінгі жолды жүріп өттік. Бұл – біздің жетістік», - деді.

Ресей президенті Путиннің баспасөз хатшысы Дмитрий Песков:

- АҚШ пен Ресейдің "дизель келісімінің" Украинадағы соғысты тоқтату туралы "бейбіт келісімге" еш қатысы жоқ, - деді.

Ал Трамп: "Нобель алмадым" деп өкпелейді...

УКРАИНАНЫҢ "КӨЗІРІ" ҚАНДАЙ?

Украинаның СІМ бастығы Андрей Сибига:

"Екі жылға жетер-жетпес уақыт ішінде біз "қолыңда көзірің жоқ" дегеннен "қолыңдағы көзірлеріңді қолданбай тұрыңдаршы" дегенге дейінгі жолды жүріп өттік. Бұл – біздің жетістік", - деді.

Бұнысы дәл айтылған сөз. Ресейдегі "Wildberries-ке" жасалған аңшылық науқан бар. Онан соң Ozon-ға жасалған дөп соққыларды тағы қосыңыз. Ресейдің ірі-ірі МӨЗ-дерін бірінен соң бірін төмпештеуі тағы бар. Қара теңіздегі Ресейдің көлегейлі флотының кемелерін аңдып қуып, соққылағаны және рас. Ең ақырғы "Яндекстің"миқораларын соққының астына алуы да жасырып-жапсыра алмайтын шындық.

Осының бәрі Киевтің қолындағы "көзірге" айналғаны рас. Ең маңыздысы Украина бұл соққыларға біреудің қаруын емес, өз дрондарын, өз балистикаларын, өз қанатты зымырандарын қолдануда. Бұл да "көзір".

Сондықтан да, Уашиңтонның "қолыңда көзірің жоқ" дегені, "Киев, сенен өтінерім, бізге керек мұнайды соққыламай тұршы" дегенге ұласты. "Axios" әлгінде: "АҚШ Ресеймен келісім жасасардан бұрын Киевке 6 мәрте өтініш айтып, МӨЗ-дерді соққыламауды сұраған", - деп жазды. Мұны Трамп та растады: "Киев біздің айтқанымызды тыңдамады", - деп ренжіді.

Сондықтан, Сибиганың сөзі - алып-қосары жоқ сөз...

АЛМАТЫ ҚАЛАЙ ӨЗГЕРУДЕ?

Алматыда Розыбакиев көшесінің 6,4 шақырымдық бөлігінде көркейту жұмыстары жалғасуда.

Бүгінге дейін 22 мыңнан астам бұта мен 183 ағаш егіліп, жүргінші жолдарын жарықтандыруға арналған 130 бағана орнатылды.

Қазір жүргінші және велосипед жолы салынып, тротуар плиткалары төселіп, автоматты суару жүйесі орнатылуда.

Жұмыс барысында жасыл желектерді сақтауға, жүргіншілердің қауіпсіздігі мен қолайлылығына ерекше көңіл бөлінуде. Көркейту кезінде тұрғындардың жүріп-тұруына мүмкіндік сақталған.

АҚШ, Британия және Қытайдың ірі компаниялары Қазақстандағы мұнай барлауға 500 млн доллар инвестиция салуды жоспарлап отыр...

Қазақстандық «ҚазМұнайГаз» компаниясы елдегі жаңа мұнай кен орындарын іздестіру үшін америкалық Shell, британдық Chevron, сондай-ақ қытайлық Sinopec және CNOOC компанияларымен бірлесіп халықаралық геологобарлау консорциумын құру бойынша жұмыс жүргізуде. Бұл туралы ұлттық компания басқарма төрағасының орынбасары Құрманғазы Ысқазиев мәлімдеді. Оның айтуынша, аталған компаниялар бұл жобаға 500 миллион доллар инвестиция салуды жоспарлап отыр. Консорциум осы жылдың соңына дейін құрылады деп күтілуде.

«Министрліктермен 23 жоба бойынша келіссөздер жүріп жатыр, бұл – бөлек салынған инвестициялар. Бұрғылауға арналған капиталдық салынымдар бұдан да көп болады, ал консорциум шеңберінде бұл көрсеткіш шамамен 500 млн долларды құрайды. Бүгінгі таңда Қазақстанда Теңіз бен Қашағандағы терең шөгінділерді ескергенде, ең жоғарғы бұрғылау тереңдігі – 5,5 км. Ал қазір біз қарастырып жатқан тереңдік – 5,5 шақырымнан 10 шақырымға дейін. 2D-сейсмика әдісімен 60 000 погондық шақырым аумақта жоғары ажыратылымдығы бар сейсмобарлау жұмыстарын жүргізетін боламыз», – деп атап өтті Ысқазиев.

Трамп әлі ақталып жүр...

Бұл жолы: "Ресей дизельді бізге емес, бүкіл әлемге жеткізіп береді", - дейді...

300 мың тоннаны әлем көзіне тамыза ма?)