‼️Ақ үй: Иран билігі шерулерге шыққан 800 адамды жазаламақ болған. Қазір ол райынан қайтты…

💥Венесуэла оппозициясының лидері Мария Мачадо Трамппен кездесу үшін Ақ үйге барды…

💥Зеленскийдің Трампқа жауабы:

- Украина ешқашан бейбітшіліктің жолына кесе-көлденең тұрған емес!, - деді.

💥Трамп ақыры мақсатына жетіп, Нобель сыйлығын алыпты…

Бейбітшілік сыйлығын, Венесуэла президентін барымталағаны үшін Мария Мачадо символды түрде Трампқа сыйлаған.

Әлбетте, бұл Нобель сыйлығын заңды түрде алды деген сөз емес. Өйткені Нобель сыйлығы бур адамға беріледі. Оны қайтарып алып немесе қайта сыйлауға рұқсат жоқ.

Ресей Тегеранға наразылықтарды жаншуда қалай көмектесуде? Пулемет, автомат, тікұшақ, БТР, интернетті бұғаттау…

2016 жылы Ресей Ислам революциясының сақшылар корпусына АК-103 автоматтарын жеткізді. Артынша осы автоматтың Ирандық үлгісі Тегеран маңында құрастырыла бастады…

Иран наразылық акцияларын басуда «Драгунов» снайперлік мылтығын да қолдануда.

«Красуха-4», «Мурманск-БН» сынды кешендер спутниктік байланысты нашарлату үшін қолданылады.

Толығырақ⬇️

https://mezgil.kz/e/action/ShowInfo.php?classid=1&id=7537

Рәтбек қажы дүние салды

Рәтбек қажы Нысанбайұлы 1940 жылдың қарашасында Түркістан облысында дүниеге келді. ҚазПИ-дің тарих факультетін бітірді. 1964 жылы Бұхарадағы «Мир-Араб» медресесін және Бұхара педагогикалық институтын тәмамдады. 1969-1975 жылдары Ливия университетінің Шариғат және құқық факультетінде оқып, жоғары діни білім алды. Рәтбек қажы Нысанбайұлы 1979 жылдан бастап Қазақстанның қазиі болды.

1990 жылдың 12 қаңтарында Алматыда Қазақстан мұсылмандарының І құрылтайы өтіп, Қазақстан мұсылмандары діни басқармасы құрылды. ҚМДБ Ташкенттегі Орта Азия және Қазақстан мұсылмандары діни басқармасынан (САДУМ) бөлініп, дербес Діни басқарма болды. ҚМДБ-ның алғашқы төрағасы, Бас мүфти болып Рәтбек қажы Нысанбайұлы сайланды.

Рәтбек қажы 2000 жылға дейін Діни басқарманы басқарды.

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы марқұм болған Рәтбек қажы Нысанбайұлының отбасына көңіл айтты.

Әкесін аяусыз ұрып-соққан ер адам 5 жылға сотталды

Түркістан облысы, Жетісай ауданы, Қоссейіт ауылында тұратын 41 жастағы Алмас Садақбаев қарт әкесіне қатысты қатыгездік көрсетіп, оны қорлағаны үшін, сондай-ақ дәрменсіз күйде болған ата-анасына орташа ауырлықтағы қасақана дене жарақатын келтіргені үшін кінәлі деп танылды. Ол 5 жылға бас бостандығынан айырылды.

Сот барысында ол өз кінәсін толық мойындап, істеген әрекетіне өкініш білдірді. Сондай-ақ кешірім сұрап, жаза тағайындауда жеңілдік танытуды өтінді. Оның айтуынша, асырауында бес кәмелетке толмаған баласы бар, оның үшеуі бұрынғы некесінен.

Бұған дейін прокурор айыпталушыға 6 жыл 2 айға бас бостандығынан айыруды сұраған болатын.

Кеше, яғни 15 қаңтарда болған сот отырысында Алмас Садақбаев сотта жылап, халықтан кешірім сұрады.

РУБИОНЫҢ БАЛАЛЫҚ АРМАНЫ һәм КУБАНЫҢ КҮЙРЕУІ

Мына қызықты қараңыз, АҚШ-тың мемлекеттік хатшысы Марко Рубио деген жігіттің шыққан тегі кубалық екен. АҚШ-та «Кубадан шыққан америкалықтар» деген алып топ бар. Жан саны жағынан үшінші сатыдағы ірі топ. Олар Кубадан көшіп келген эммигранттар. Кубалық эммигранттардың дені Флорида мен соның төңірегіне топталған дейді. Міне, Марко Рубионың әке-шешесі де сол топтың өкілдері екен. Кубадан жанбағыс қамымен АҚШ-қа көшіп, сонда тұрақтап қалған. Рубио да сол Флоридада дүниеге келген.

РУБИОНЫҢ АТАСЫ АЙТҚАН ӨСИЕТ

Рубио Трамптың бірінші президенттік каденциясы кезінде Латын Америкасына қатысты көп ықпал еткен. Сол үшін де Трамп Рубионы: «Латын Америкасы бойынша мемхатшы» деп атаған.

Кубадағы режимге, жалпы коммунистік режимге жаны қас адам дейді. Рубио бала күнінен Куба режимінің тас-талқан болып құлауын армандапты. Бала күнінде атасының тәрбиесін көп көріпті. Атасы Марконы тізесіне отырғызып алып, Куба сигарасының түтітін қоюлата будақтатып отырып, Кубаны испан колонизациясынан азат ету үшін күрес бастаған революционер-ақын Хосе Марти секілді Кубаның ержүрек ұлдары туралы әңгімелерді құлағына құйып өсіріпті. Атасы Марконы репрессивті коммунистік режимнің зұлымдықтары туралы, елдегі ұрда-жық саясаттың кесірінен Рубио әулетінің Кубадан босып кетуге мәжбүр болғаны туралы әңгімелерді көп айтып, коммунизмге деген өшпенділікті бала Марконың қантамырыларына дейін сіңіреді.

2012 жылы Марко Рубио «Америка ұланы» атты кітап жазыпты. Сонда: «Күндердің бір күні мен Кубадан қудаланғандардың армиясын басқарып, Фидель Кастроны тағымен қоса аударып құлатамын деп армандаушы ем», - деп жазады.

Тіпті, АҚШ-тың күні кешегі Венесуэлаға қарсы операциясы да Рубионың осы арманын орындау жолындағы бір баспалдақ болған. Марко Рубио үшін Кубаның болашағы Венесуэлаға қарағанда әлдеқайда маңыздырақ.

АҚШ әлгінде Мадуроны тұтқындады. Бірақ, Мадуроның командаластары, жақтастары әлі күнге Каркаста жүр. Кеше Трамп Мадуроның бұрынғы вице-президенті болған, қазір уақытша президент Делси Родригеспен сөйлесіп, жұмыс істеуге дайын екенін аңғартты. Ал Родригес – марксис партизанның қызы. Рубио дәл осы Родригеспен жұмыс істеуге мәжбүр. Өйткені, Марко Рубио Венесуэлада режим ауыстыруға жауапты координатор.

Жалғасы ⤵

Басы ⤴

ВЕНЕСУЭЛА КЕЙСІ

Венесуэла ұзақ уақыт бойы Кубаның негізгі мұнай жеткізушісі болып келді. Алайда АҚШ-тың Венесуэлаға теңіз блокадасын енгізуіне байланысты бұл экспорт тоқтаған. Жалпы энергетикалық тапшылық Куба экономикасына бірнеше жылдан бері ауыр соққы болып келеді. Елде электр қуаты мен интернеттің жиі өшуі қалыпты жағдайға айналған, ал негізгі азық-түлік тауарлары қат. Кубалық демографтардың есептеуінше, соңғы жылдары эмиграция салдарынан ел халқы 18%-ға азайған. Кетіп жатқандардың басым бөлігі – жастар.
Арзан мұнайдан бөлек, социалистік Венесуэла Куба үшін ең жақын идеологиялық одақтас болды. Кеңес Одағы ыдыраған соң Куба басты демеушісінен айырылып, ауыр кезеңді бастан кешірді. Алайда 1999 жылы Каракаста билікке Уго Чавес келіп, көп ұзамай Фидель Кастромен одақ құрды.

Арзан мұнайдың орнына Куба Венесуэлаға дәрігерлерін жіберді. Чавес өмірінің соңғы айларын кубалық ауруханаларда өткізді. Бұл одақ Кастро мен Чавестің өлімінен кейін де сақталды. Чавестің орнына келген Николас Мадуро сол бағытты жалғастырды. Ел ішіндегі қолдауы азайған сайын, Мадуро кубалық күштік құрылымдарға көбірек сүйенді. Мадуроны қорғау кезінде 32 кубалық күзетшінің қаза табуы осы байланыстың айқын дәлелі болды.

Трамптың бірінші президентігі кезінде, Ұлттық қауіпсіздік жөніндегі кеңесші болған Джон Болтон Кубаны биологиялық қару әзірлеумен айыптаған. Ал Трамптың екінші президенттігі кезінде бұл миссияны Марко Рубио атқаруда. Оның саяси мансабы Кубаны «коммунизмнен азат ету» уәдесімен тығыз байланысты. Бұл әлі күнге Марко Рубионың балалық арманы болып қалуда...

Нұргелді Әбдіғаниұлы

РФ СІМ-і: "Ресей азаматтарына Молодваға бармай тұрыңдар", - деп кеңес берді.

Айтуларынша: Молдовада қазір Ресей азаматтарына қатыстиы алалаушылық күшейген.

ps: Бұлардың не ойлағаны бар екен?

ТАРИХИ СОТ

Америкалық «Noble Capital RSD» дейтін инвестициялық қор 1916 жылғы Ресей империясының облигациялары бойынша міндеттемелерді мойындауды талап етіп, Ресей Федерациясына қарсы федералды сотқа шағым түсірді.

Ал Мәскеу бұл қарыздарды мойындаудан бас тартып отыр. «Себебі бұл қарыздарды КСРО мойындамаған», - дейді.

⚡️Трамптың бопсасы:

- Бізді Гренландия мәселесінде қолдамайтын елдердің тауарларына тарифтер енгізуіміз де мүмкін, - дейді…

💥«Кавказ. Реалии»: Шешенбасының кіші ұлы Адам Қадыров Грозныйда көлік апатына ұшырады. Қазір ауруханаға жеткізілген.

💥Адам Қадыровтың апатқа ұшырауына ЖИ-дің жасаған суреті. Дөп шыққан,ә)

Әлгінде ғана осы Адам Рамзанбаласы: “Зеленскийді Мадуро секілді тұтқындап келем”, деп көпіріп жатыр еді…