Эстония СІМ-і: Егер біз соғыссақ, соғысты Ресейдің өз жеріне жеткіземіз!

Эстония сыртқы істер министрі Маргус Цахна өз елінің Еуропадағы ең осал елдердің бірі деген әңгімеге терістеме берді.

«Біз не істеу керектігін нақты білеміз. Біз Ресейдің ықтимал басып кіруіне дайынбыз және біздің агрессорды тежеу ​​деңгейіміз шынымен де жоғары», - деді ол.

Эстония Ресейдің ықтимал басып кіруінің алғашқы нысандарының бірі деген сұраққа жауап бере отырып, Цахна картаға қарап «бұл өте логикаға сыятын әңгіме» екенін айтты.

«Бірақ шын мәнінде біз өз мүмкіндіктерімізді айтарлықтай арттырып жатырмыз. Менің ойымша, НАТО бұрынғыдан да күшті. Бізде жаңа қорғаныс жоспарлары бар, бұл біз тек күтіп отырған жоқпыз деген сөз. Егер Ресей біздің аумағымызға басып кіріп жатса, біз соғысты Ресейдің өз жеріне ойыстыра аламыз», - деді Эстония сыртқы істер министрі.

Зеленский: Мен өзімнің алдымдағылардың немесе басқалардың қателіктерін қайталайтын президент болғым келмейді!

Женева келіссөздері қарсаңында Украина президенті: «Агрессорға қалаған дүниесін алуға рұқсат беру - үлкен қателік», - деп мәлімдеді.

«Бұл басынан бастап қателік болды. 2014 жылы үлкен қателікке жол берілді. Тіпті одан да бұрын! Грузияның бір бөлігіне шабуыл жасап, басып алу кезінде қателікке жол берілді. Керек десеңіз, одан да бұрын, Шешенстанды басып алу кезінде, бәрі қирап, миллиондаған құрбандар, қаза тапқандар мен жараланғандар болған кезде қателікке жол берілді. Содан бері көп қателік жасадық. Сондықтан қазір мен өзімнің алдымдағылардың немесе басқалардың қателіктерін қайталайтын президент болғым келмейді», - деді Зеленский.

Зеленский бұл сөздер Украинаға ғана емес, сондай-ақ Ресейдің импершіл билігіне өз аумағына басып кіруге жол берген елдердің барлығына қатысты екенін нақтылап айтты.

«Путинді гүл шоқтарымен тоқтату мүмкін емес. Мен мұны ешқашан істеген емеспін, сондықтан бұл дұрыс емес деп ойлаймын. Барлығына кеңесім: Путинге олай істемеңдер! Әйтпесе, бұл қателіктің бірінші қадамы болады, содан кейін бес жылдан кейін ол өз армиясын қайта құрып, санын көбейтеді және оның армиясы жақсы дайындалған болып шығады. Қазір ол көп сарбазын жоғалтты. Қазіргі уақытта ол айына 30 000-35 000 адамын құрбан етуде. Қазіргідей XXI ғасырда мұны елестете аласыз ба? Ол тіпті мұнша адам шығыны туралы білмеуі, хабарсыз болуы мүмкін», - деді Зеленский.

Қырғыз БАҚ-тары: Қамшыбек Ташиев уақытша Қырғызстаннан кетті.

Оның қайда кеткені, не себепті кеткені ашып айтылмайды.

189 қазақстандық Израиль армиясында қызмет етеді...

Al Jazeera мәліметінше, қос азаматтығы бар 189 қазақстандық Израиль армиясының қатарында қызмет етеді және олардың кейбірі Газа секторындағы әскери әрекеттерге қатысқан болуы мүмкін.

Басылымның дерегіне сәйкес, Израиль армиясында шетелдік төлқұжаты бар 50 мыңнан астам адам бар. Олардың ішінде АҚШ, Франция және Ресей азаматтары басым. Сонымен қатар 264 өзбекстандық, 146 әзербайжандық, 112 Түркия азаматы, 52 қырғызстандық және 31 түрікменстандық аталады.

Баку соты сепаратист Варданянды 20 жылға соттады!

Бакудің әскери соты Қарабақтағы армян сепаратистерінің лидерлерінің бірі, ешкім мойындамаған «Таулы Қарабақ республикасының» бұрынғы мемлекеттік министрі Рубен Варданянды 20 жылға бас бостандығынан айырды.

57 жастағы Варданян «Таулы Қарабақ» үкіметін басқару үшін Ресей азаматтығынан бас тартқан ресейлік миллиардер.

Армян жағы жеңілген соғыстан кейін оны Әзірбайжан қауіпсіздік күштері тұтқындаған. Мемлекеттік айыптаушы Варданянды өмір бойына бас бостандығынан айыруды сұраған.

Хаменей Трампқа сес көрсетті...

Иранның Жоғарғы көсемі аятолла Әли Хеменей:

- АҚШ президенті айта берген соң, оларға АҚШ армиясы әлемдегі ең қуатты армия болып көрінуі мүмкін. Алайда, ең қуатты армия да есеңгірегенде орнынан тұра алмастай есеңгірейтін соққы жеуі мүмкін. Олар Иранға әуетасығыштарын жібергенін көп айтады. Жақсы, әуетасығыш деген қауіпті. Бірақ, одан да қауіптісі - сол әуетасығышты су түбіне кетіретін қару, - дейді.

Тоқаев пен Жапаров телефон арқылы сөйлесті...

Қазақстан Президенті қазақ-қырғыз қарым-қатынасының оң динамикасына тоқталып, оған тұрақты саяси диалог, екі ел үкіметтері мен іскер топтары арасындағы белсенді ықпалдастық септігін тигізіп отырғанын атап өтті.

Бауырлас елдердің көшбасшылары сауда-экономика, көлік-логистика және су-энергетика салаларындағы ынтымақтастықтың қарқынды түрде дамып келе жатқанына назар аударды.

Президенттер достық, стратегиялық серіктестік пен одақтастық рухындағы мемлекетаралық байланыстарды одан әрі кеңейтуге бейіл екенін растады.

Қасым-Жомарт Тоқаев Садыр Жапаровқа елімізде Конституциялық реформа жүргізіліп жатқанын айтты. Бұл жаңғырту мемлекеттің қарыштап өркендеуіне негіз қалайды. Қырғызстан Президенті Қазақстандағы ауқымды өзгерістерді қолдайтынын мәлімдеді.

Қырғыз БАҚ-тары:

Қамшыбек Ташиевтің төңірегіндегі адамдардың бірі болған Нұрғазы Анарқұлов Қазақстанға өтпек болған жерінде ұсталды.

Анарқұлов 17 ақпанда Қырғызстаннан Қазақстанға өтіп кетпек болғанда, шекарада ұсталған. Ол Қырғыз депутаттары мен ақсақалдарына мерзімінен бұрын сайлау өткізуді қолдауды сұрап, ықпал еткен. Тіпті Қырғыз Жоғарғы Кеңесінің депутаттарына "сайлау өткізуді қолдаңдар" деп қысым көрсеткен. Мұны бірнеше депутат растаған.

Женева: Украина, АҚШ пен Ресей делегацияларының келіссөздері басталды...

Келіссөздер 2 күнге жоспарланған және жабық есік форматында өтуде.

Украина делегациясын: Буданов пен Умеров бастап барды.

АҚШ делегациясын: Кушнер мен Уиткофф бастап отыр.

Ал Ресей делегациясын: Мединский мен Дмитриев басқаруда.

ЯДРОЛЫҚ КЕЛІСІМ: ИРАН НЕГЕ КӨНЕДІ?

Бүгін АҚШ пен Иран келіссөзшілері Женевада тағы бір мәрте келіссөздер өткізді. Тараптар әзірге нақты шешім жайлы айтқан жоқ. Десе де:

The Wall Street Journal басылымы Иран тарабының қандай мәлімелеге келуге мақұл екендігі жайлы жазыпты.

Басылым дерегінше: Иран билігі уран байыту ісін уақытша тоқтатуға, байытылған уран қорын үшінші шет мемлекетке шығаруға және АҚШ-пен экономикалық келісім жасауға әзір екендіктерін айтқан.

НАҚТЫСЫ: Иран уран байуыту ісін 3 жылға тоқтата тұруға дайын. Ал өзіндегі байытылған уран қорын Ресей аумағына шығаруға дайын.