📌ЖІГІТШЕ ӘҢГІМЕ

Украина президенті Зеленский бүйдеді:

— Украина дайын. Бізге бұл соғыстың түкке керегі жоқ. Біз іске - іс, сөзге - сөз, олардың іс-әрекеттеріне тап солай жауап қайтарамыз. Біз өз мемлекетімізді, өз тәуелсіздігімізді қорғап күресудеміз. Біз соғысты әділетті әрі лайықты аяқтау үшін келісімге келуге дайынбыз. Ал Ресей нені қалайды? Соғысты тоқтатуды ма, әлде ойдан құрастырған қиял-ғажайып тарихи тақырыптарда айтысып, Shahed, зымырандармен соққыларын жалғастырып отыруға басымдық бере ме, әлде шынайы да ұзақ бейбітшілік үшін дипломатияға басымдық бере ме?, - деді.

— Украина Донбасстан біржақты шығып кетпейді. Егер біз өйтсек, бізді, мені, АҚШ-ты Украина халқы кешірмейді. Сол үшін де кез келген бейбіт келісім халықтық референдумға шығарылады. Бізді мәжбүрлесе де, халық Донбасстан шығуға шешім қабылдамайды. Украина халқы не үшін бізге қысым жасалып, жерден шегінуді талап етіп жатқанын түсінбей дал болуда. Ал ұрысты қазіргі майдан шебінде уақытша тоқтатуды халық қолдауы мүмкін, - деді Зеленский.

ҰҚК Жақсылық Омарды ұстады. Тергеу жүргізілуде...

ҰҚК ШҚО әкімінің бірінші орынбасарына қатысты сотқа дейінгі тергеу басталғанын хабарлады. Сөз - Шығыс Қазақстан облысы әкімінің бірінші орынбасары Жақсылық Омар туралы болып отыр.

Қазақстан Республикасының Ұлттық қауіпсіздік комитеті Шығыс Қазақстан облысы әкімінің бірінші орынбасары Жақсылық Омарға қатысты сотқа дейінгі тергеу жүргізуде. Бұл туралы ҰҚК-ның баспасөз қызметі хабарлады.

- Қазіргі уақытта сотқа дейінгі тергеу жүріп жатыр. Қазақстан Республикасының Қылмыстық-процестік кодексінің 201-бабына сәйкес басқа ақпаратты жариялай алмаймыз, - делінген ведомство хабарламасында.

Бұған дейін әлеуметтік желілерде шенеуніктің ұсталғаны туралы ақпарат тараған. Алайда бұл мәліметтерге ресми растау болған жоқ. Құқық қорғау органдары да ұстау жайлы ақпаратқа қатысты пікір білдірмеді.

Шығыс Қазақстан облысы әкімдігінде де бұл мәселеге қатысты ресми деректердің жоқ екенін мәлімдеген. Сондай-ақ сол кезде шенеуніктің денсаулығына байланысты уақытша еңбек демалысында жүргені айтылған.

Жақсылық Омар 2025 жылдың қараша айының соңында Өскемен қаласының әкімі қызметінен кеткен. Кейін ол Шығыс Қазақстан облысы әкімінің бірінші орынбасары болып тағайындалған.

Ашық дереккөздерге сүйенсек, бұған дейін ол "Қазақстан" республикалық телерадиокорпорациясында жұмыс істеген, ШҚО әкімінің көмекшісі болған, өңірдің мәдениет басқармасын басқарған, сондай-ақ Шығыс Қазақстан және Алматы облыстары әкімінің орынбасары қызметтерін атқарған.

Қостанай облысы әкімінің орынбасары ұсталды...

Әкімнің айтуынша, істі болған орынбасары Гүлбарам Мұсағазина 11 ақпанда өз өтініші бойынша қызметінен босатылған.

Қостанай облысының әкімі Құмар Ақсақалов:

"Өздеріңізге белгілі, Гүлбарам Мұсағазинаға қатысты сотқа дейінгі тергеу басталғаны туралы ақпарат тарады. Қазіргі уақытта тергеу шаралары жүргізілуде. Заңнамаға сәйкес, мемлекеттік орган тергеу барысына араласпайды және қандай да бір баға бере алмайды. Барлық мән-жайлар объективті әрі жан-жақты қаралады деп сенемін", – дейді.

Айта кетейік, бұған дейін ҰҚК баспасөз қызметі Қостанай облысы әкімінің орынбасарына қатысты сотқа дейінгі тергеу басталғанын растаған болатын.

Ақтөбе облысында прокурор ұсталды

Ақтөбе облысында полковник шеніндегі прокуратура қызметкері ұсталды. Бейресми мәліметке сәйкес, күдікті 10 миллион теңге көлемінде пара алған болуы мүмкін.

Ұстау 2026 жылғы 17 ақпанда сыбайлас жемқорлыққа қарсы іс-қимыл аясында жүргізілген. Қазіргі уақытта тергеу әрекеттері жалғасып жатыр.

– Ұлттық қауіпсіздік комитетінің орталық аппараты, сыбайлас жемқорлыққа қарсы іс-қимыл бөлімшелері және Бас прокуратураның өзіндік қауіпсіздік департаментімен бірлесіп, Ақтөбе облысы прокуратурасының қызметкері ұсталды. Қазір тергеу амалдары жүргізілуде, – деп хабарлады қадағалаушы органның баспасөз қызметі.

Аймақтық прокуратура басқа мәліметтерді жарияламады.

Ресейдің Украинадағы адам шығыны АҚШ-тың Екінші дүниежүзілік соғыстағы шығынынан асып түскен!

«Ресей Украинадағы соғыста біртіндеп жетістіктерге қол жеткізіп келеді, бірақ ол жетістіктердің құны тым ауыр. Соңғы айларда Украина Ресейге іс жүзінде ауқымды адами шығын келтіргені белгілі. Қазірдің өзінде Ресейдің соғыстағы адам шығыны өлгені мен жаралысын қосқанда 1,2 миллионнан асып жығылған. Бұл АҚШ қарулы күштерінің Екінші дүниежүзілік соғыста жоғалтқанынан да көп. Бұл сұмдық факті. Осылай кете берсе, Ресейде ақысын төлеп, жалдап жіберетін сарбаз қалмайтын күн де алыста емес», - дейді ЦРУ-дың бұрынғы директоры Девид Петреус.

Жүрсін Ерман - Қазақстанның Халық жазушысы атағын алды!

Бұл атақты осыған дейін:

Төлен Әбдік (2023),
Смағұл Елубай (2023),
Бексұлтан Нұржекеұлы (2023),
Софы Сматаев (2023),
Ахметжан Аширов (2023),
Любов Шашкова (2023),
Темірхан Медетбек (2024),
Валерий Михайлов (2024),
Исрайыл Сапарбай (2024).
Марфуға Айтхожина (2025),
Ғаббас Қабышов (2025) алған.

💥Axios: Трамп бірнеше аптаның ішінде Иранға қарсы операция бастауы мүмкін. Ықтималдылық - 90%.

Ол АҚШ пен Израильдің бірлескен операциясы болады және ауқымы Мадуроны ұстау операциясынан әлдеқайда ауқымды болмақ.

💥Қырғызстанда билікті тазарту қарқынды жалғасуда…

Қамшыбек Ташиевтің кадры саналатын Ош қаласының мэрі Женишбек Тоқтарбаев қызметінен алынды…

Ол әлгінде ғана: “Иә, мен Ташевтің кадрымын. Онымен жақсы араласам. Бірақ, президентке бағынамын. Кет десе, қазір-ақ кетуге дайынмын”, - деген.

💥Әлеуметтік желінің қырғыз сегментінде осыған Жапаровқа үшбу хат жазып, уақытынан бұрын президенттік сайлау өткізуді ұсынған 75 ақсақалмен Ташиевтің бірге түскен суреті жария болды.

Бұл суретте Оштың бұрынғы әкімі, бүгін қызметінен алынған Женишбек Тоқтарбаев та бар.

ШЕШІМ ЖОҚ. ҚЫРҒЫН ЖАЛҒАСУДА…

Ресейдің Украинадағы адам шығыны АҚШ-тың Екінші дүниежүзілік соғыстағы шығынынан асып түскен!

«Ресей Украинадағы соғыста тасбақа жүріспен жетістіктерге қол жеткізіп келеді, бірақ ол жетістіктердің құны тым ауыр. Соңғы айларда Украина Ресейге іс жүзінде ауқымды адами шығын келтіргені белгілі. Қазірдің өзінде Ресейдің соғыстағы адам шығыны өлгені мен жаралысын қосқанда 1,2 миллионнан асып жығылған. Бұл АҚШ қарулы күштерінің Екінші дүниежүзілік соғыста жоғалтқанынан да көп. Бұл сұмдық факті. Осылай кете берсе, Ресейде ақысын төлеп, жалдап жіберетін сарбаз қалмайтын күн де алыста емес», - дейді ЦРУ-дың бұрынғы директоры Девид Петреус.

Айтпақшы, Женевадағы келіссөздер кезінде Ресей Украинаға қарсы әуелгі талабынан бас тартпаған. Ол талабы - «Украина Донецкі облысынан толық шығып кетуі, облысты толық Ресейге беруі керек», - деген талап. Украина бұған үзілді-кесілді қарсы…

Украина, АҚШ, Ресей тараптарының әзірге: «Келіссөздер айтарлықтай өнімді өтті. Біраз мәселелер бойынша ілгерілеу бар», - дегені сөздің ретәнде айтылатын әңгіме боп тұр.

Жер мәселесі - президенттердің тікелей келіссөзінсіз шешілмейді. Оған қазір Путин құлықсыз. Түрлі сылтау айтып, қашқақтап жүр. Анығы жекпе-жектен ашық жалтаруда.

Ал, Мединский секілді ортаңқол адам ондай маңызды мәселені тіпті шеше алмайтыны әуелден-ақ түсінікті еді ғой…

💥”Соғысқа дайын болыңдар!"

Израильдің қауіпсіздік жүйесі дабылдың ең жоғары деңгейін жариялады.

Ішкі фронт қолбасшылығы мен төтенше жағдайлар қызметтері Иранның ықтимал соққысын болжау туралы нұсқаулар алды.

Егер АҚШ шынымен де Иранға шабуыл жасаса, Израиль АҚШ шабуылына қосылады.

Ynet порталы: АҚШ Иранға сөзсіз соққы жасайтынын жазды.

Газа секторы: Қазақстанның ұстанымы қандай?

Қазақстан Президенті Қасым-Жомарт Тоқаев 18-19 ақпан күндері АҚШ Президенті Дональд Трамптың шақыруымен Бейбітшілік кеңесінің алғашқы отырысына қатысу үшін Вашингтонға жұмыс сапарымен барды.

Ресми ақпаратқа көз жүгіртсек, саммит барысында Газа секторындағы ахуалды тұрақтандыру мәселесіне баса мән беріледі. Атап айтқанда, бейбітшілік орнату, қауіпсіздікті қамтамасыз ету және гуманитарлық көмек жеткізу бойынша нақты шаралар әзірлеуге ден қойылады. Сонымен қатар сапар аясында Қасым-Жомарт Тоқаев америкалық ірі компаниялардың жетекшілерімен бірқатар кездесу өткізеді.

Кездесу барысында қатысушылар Халықаралық тұрақтандыру күштеріне және жергілікті полиция күштеріне мыңдаған персоналдың жіберілетінін жариялайды. Бұл шаралар қауіпсіздікті қамтамасыз етуге, заңдылық пен тәртіпті сақтауға және Газада ұзақ мерзімді тұрақтандыру үшін жағдай жасауға бағытталған деп күтілуде.

Кездесуде ХАМАС-ты қарусыздандыруға ерекше назар аударылады деп жоспарлануда. Кеңес өкілдері ұйымның тұрақты бейбітшілікке қол жеткізудің негізгі шарты ретінде демилитаризацияны аяқтау және дереу орындау міндеттемесін орындауы керек екенін атап өтпек.

«Бейбітшілік кеңесі өзін аймақтағы қайта құру және қауіпсіздік күш-жігерін үйлестірудің ең ықпалды халықаралық тетіктерінің бірі ретінде көрсетеді деп күтілуде», - деп жазды Трамп «Truth Social» сайтында.

Тоқаев: «Бейбітшілік кеңесі» - бейбітшілікке инновациялық көзқарасы бар платформа

«АҚШ президенті Трамп бастамашылық еткен және БҰҰ толық қолдаған «Бейбітшілік кеңесі» алға жылжудың маңызды қадамы болып табылады. Бұл, әсіресе Газа мен Таяу Шығыста нәтижелерге қол жеткізуге бағытталған практикалық бастама. Ақ үй шынымен инновациялық тәсілді ұсынды: ол қате саяси формулаларды қайталаудың орнына, айқын және түсінікті тұжырымдаманы - тұрақты экономикалық даму арқылы бейбітшілікті ұсынды», - деді Қазақстан президенті Тоқаев The National Interest басылымына берген сұхбатында.

Оның айтуынша, Астананың тәсілі Израильдің ислам әлемімен диалогын кеңейтуге ықпал етеді.

«Қазақстан Израильмен берік қарым-қатынасты сақтайды, сонымен бірге Палестина халқын үнемі қолдайды және екі мемлекетті шешімді жақтайды. Шешім сонымен қатар ұлттық мүдделерге негізделген, экономикалық ынтымақтастықты нығайтуға, инвестиция тартуға және озық технологияларды беруге бағытталған. Жалпы алғанда, Астана бұл мұсылман және еврей әлемдері арасындағы диалогты кеңейтуге ықпал етеді деп үміттенеді», - деді Тоқаев.

АҚШ Сириядан әскерін шығарып жатыр...

The Wall Street Journal басылымының хабарлауынша, әскерилер елдегі операция аяқталды деп есептейді.

Олар аймақта үкімет күштерімен қақтығыс қаупі азайғанын айтады. Сонымен қатар, Сирия үкіметі лаңкестікке қарсы операциялар үшін жауапкершілікті өз мойнына алған.