“Yangi asr avlodi” nashriyotida yangi kitob nashrdan chiqyapti ekan. Muqovasi yoqdi, juda yoqimli chiqqan.

@usmonosphere

Kitoblar haqida oʻqish maroqli. Bu kanalda esa nafaqat oʻqish, balki tomosha qilish imkoniga ham ega boʻlasiz.

Sizlarni yuqoridagi kabi kitoblar haqida sifatli video kontent taqdim etayotgan “Birburchak”ka taklif qilaman.

Kanalda yaxshi va yangi kitoblar haqida bilib borish, oʻqigan kitoblaringizni boshqalar bilan muhokama qilish imkoniga ham ega boʻlasiz.

Kanalga ulanish:

https://t.me/qora_yigit

Maksim Gorkiydan ilhomlanib...

Qadrli obunachim, men sizga sovgʻa berishni chin dildan xohlayapman, lekin hozir har biringizga sovgʻa ulashishga qoʻlim kaltalik qiladi.

Shu sabab, siz oʻzingizga “Zabarjad Media”dan “Taxtlar oʻyini”ni, “Asaxiy Books”dan “Yoz, qisqartir”ni, “Akademnashr”dan “Xandaq”ni, “Yangi asr avlodi”dan “Uliss”ni sotib oling va uni xuddi Usmonip sovgʻa qilganday tasavvur qiling.

Yoʻq, yoʻq, yoʻq, rahmat aytishingizga arzimaydi. Sizni oʻylayman-da axir :)

@usmonosphere

#luqma

Baʼzilar qaysidir kitob haqida gapirganda taʼrif-u tavsiflari orasida albatta “bu asar mening adabiyot haqidagi tasavvurlarimni butkul parchalab yubordi” qabilidagi andoza gapni ishlatib ketishadi.

Kecha bir suhbatdoshim ham xuddi shunaqa qilib gapirdi allaqaysi asar haqida.

Qiziq, rostanam odamlar olamshumul va misli koʻrilmagan asarlarni mutolaa qilishyaptimi yoki kishilarning adabiyot haqidagi tasavvuri shu qadar moʻrtmikanki, istalgan badiiy asar uni parcha-parcha qilib yuborsa.

@usmonosphere

#ajabtovur

O, jumlalarni, soʻzlarni qarang! Bolaparvar defua!

Xoʻp, 50 ta farzandingiz boʻldi deylik. Olimlar jamoasi, oilaviy armiya, oilaviy dasturchilar va hokazolar yetishtirmoqchi ekansiz, barakalla!

Uorren Baffetmisiz yo Jeff Bezosmi, bilmadim-ku, siz aytayotgan gaplar hammasi ogʻizda oson. 50 ta tengqur bolani ketma-ket yaxshi bogʻchada, yaxshi maktabda, yaxshi universitetlarda oʻqitish, ilm-fan va sport toʻgaraklariga qoʻyish oʻzidan oʻzi boʻladigan ishmi?

Keyin sizga 10-12 ta bemalol tugʻib beroladigan ayoldan va siz kabi kaltafahm erkakdan 50 ta uyoqda tursin, 2 ta bolani sogʻlom ulgʻaytirib, komil inson qilib tarbiyalashni kutishning oʻzi xato.

Mayli, iloyim siz 4 ta xotin oling, dakang xoʻroz boʻling, Alisher Usmonovdanam oʻtib keting pulingiz koʻpayib, lekin ahmoqona gʻoyalaringizni deb farzandlaringizni qurbon qilmang. Baxtsiz insonlar sonini koʻpaytirmang.

@usmonosphere

Iqtiboslar joylab borasigan loyiham ​​— Sanduvochning Instagramdagi sahifasida obunachilar soni 1000 taga yetdi🔥

Birinchi marta oʻzimga biroz begona tarmoqda katta auditoriya yigʻishim. Iloyim, bundanam katta boʻlsin, ovmin. Tizza boʻyi yeb ichar buyogʻi :)

Instagram ishlatadiganlar, obuna boʻlib qoʻying. Instagramingiz boʻlmasa, Telegramda @sanduvoch_uz kanali ham bor.

@usmonosphere

Yoz oqshomlarini bezaydigan qoʻshiq :)

@usmonosphere

Sayohatga ketishning eng maroqli qismi, ehtimol, tagʻin uyga qaytish boʻlsa kerak.

​​— Madelina Langle

Beton va gʻishtdan boshpana qurish mumkin, lekin uy unda yashaydigan qadrdonlardan bilan bunyod boʻladi.

​​— M. K. Soni

Uy bu shunchaki boshpana emas, uy bu ​​— hissiyot!

​​— Sesilia Ahern

Qayerga bormagin, hatto manziling jannat boʻlsa ham, oʻz uyingni sogʻinasan.

​​— Malala Yusufzoy

Hech qayerda quyosh oʻz uyingdagidan kuchliroq qizdirmaydi.

​​— Alban xalq maqoli

Uyga qaytayotganingni bilsang, yoʻl azobi ham bilinmaydi.

​​— Anjela Vud

@usmonosphere

#ajabtovur

Kecha uyga qaytgandim. Dadam “qani anavi chiqqan kitobingni opkel-chi, ozroq oʻqiylik” dedi. Xoʻp, deb tutqazdim. Koʻzi uncha oʻtmasa ham, fonar yorugʻida oʻqiyotgan dadam birdan “iye, manavi yerda xato yozmaganmi, qara” deb qoldi. “Suqlik emas, suyuqlik boʻlishi kerak-ku. Nashriyotdagilar xato qilib qoʻyganmi, san toʻgʻri yozib beruvmiding?” deb soʻradi.

Qarasam, rostan xato oʻtib ketgan ekan. Men eʼtiborsizlik qilib xato yozibman, undan keyin ham nashriyotda musahhih qaramagan ekan shekilli. Ha, xato oʻtib qopti-ku, dedim.

“Borib nashriyotga ayt, hatto dadam shu xatoni topdi, bunaqa qilmanglar, deb tayinla” dedi dadam. Xoʻp, dedim.

Maʼlumot oʻrnida, dadam oltmishdan oshgan, savodi kirill yozuvida chiqqan, tagʻin tojik tilida taʼlim olgan. Lotin yozuvini oʻqishga qiynaladi, koʻzi ham xira. Oliy taʼlimning yaqiniga ham bormagan (sharoit sabab).

Lekin haliyam zehn-zakovati oʻtkir. Keyingi kitoblarni dadamga korrektura oʻqitsammikin-a?

@usmonosphere

#xushxabar

Akang kuchaydi uji! Akangni yili keldi uji!

Shuncha yil Toshkentda, adabiy davralar ichida yurib, deyarli hamma adabiy nashrlar bilan apoq-chapoq boʻlsam ham, biron marta sheʼrlarimni bermagandim. Faqat tarjima berganman yo nimadir yozib berganman xolos.

Aslida, “Sharq yulduzi”ga ham tarjima bermoqchi edim. Jurnalning nazm boʻlimida muharrir boʻlib ishlaydigan shoir akamiz Islom Ali “sheʼrlaringizni ham bering”, deb taklif qildi. Shu bilan qarab turibsizki, ilk marta kaminaning sheʼrlari katta adabiy jurnalda chop etildi.

Kutubxonalarda yo u-bu joyda uchratib qolsangiz, jurnalning 5-sonini albatta bir varaqlab koʻring.

@usmonosphere

#luqma

Maʼno maʼnosiz boʻlib, maʼnosiz maʼno boʻlib chiqsa-chi? Oq balki qora boʻlib, qora balki oq boʻlib chiqsa-chi?

© Buyuk mutafakkir Chingiz TikTokiy

@usmonosphere

#bayram

Iyee, bugun kitobsevarlar kuni ekan-ku! Hammangizni tabriklayman. Qoʻlingizdan kitob tushmasin, kitoblariz javonlarizga sigʻmay qolsin. Topgan-tutganinglar faq-qat kitoblarga buyursin.

Qizlarga serkitob joylardan ato qilsin, yigitlarga oʻzlaridanam battar kitob jinnilari uchrasin. Iloyim, sevib-sevilib, oʻqib-oʻqishib yuringlar.

Eng yomon kunlarizam 9-avgust va 14-fevralday boʻlsin, ovmin! Bir-biringlarni kitob bilan xursand qilishdan charchamanglar.

P.S: mengayam ataganlariz boʻlsa, manzilimni berishim mumkin)

@usmonosphere

​#parcha

6-aprel

Bugun, vergul, nima, ekanligini, oʻrgandim, bu, dumchasi, bor, nuqta, ekan, miss, Kinnianning, aytishicha, vergul, juda, ham, muhim, narsa, ekan, chunki, usiz, toʻgʻri, yozishni, rivojlantirib, boʻlmas, ekan, va, vergul, notoʻgʻri oʻrinda, qoʻyilsa, odamlar, koʻp, pul, yoqotishi, mumkin, ekan, maoshimning, va, menga, jamgʻarma, toʻlaydigan, pullarning, bir, qismini, tejab, qoʻydim, lekin, qanday, qilib, vergullar, menga, ularni, saqlab, qolishga, yordam, berganini, tushuna, olmayabman, Hamma, vergullarni, ishlatar, ekan, shuning, uchun, men, ham, ulardan, foydalanishim, kerak, ekan,,,,,

© Deniyel Kiz, “Eljernonga atalgan gullar”

@usmonosphere

​#iqtibos

Deniyel Kizning “Eljernonga atalgan gullar” asaridan tagiga chizib oʻqigan satrlarim

• Agar sen aqilli boʻlsen seni koʻpina doʻstin buladi va sen ular bilan gaplasholesan va oʻzini xichqachon yolgʻis xis qilmesan.

• Ahmoqligim darajasini anglamaydigan darajada ahmoq ekanman. Ahmoq odam biror narsani ular qilganday qilmasa, aqli raso odamlar kular ekan.

• Hatto uydirilgan olamda ham qonun-qoidalar boʻlishi kerak. Mayda boʻlaklar butun boʻla olishi kerak.

• ... odamlar koʻp narsani koʻrolmaydilar. Oʻzlarini oʻzgartirish yoki maʼlum bir choʻqqiga koʻtarilishga ularning qurbi yetmaydi.

• Onam meni baʼzida oʻzi bilan birga cherkovga olib borardi, biroq men cherkov va xudo oʻrtasida hech qanday aloqa topolmasdim.

• Men gʻazab otiga darhol minmaslikni, sabrli boʻlishni, chidashni oʻrganyapman. Demak, men oʻsyapman.

• “Istisno” soʻzi bir insonning ham bilimdonligini, ham aqlsizligini anglatishi mumkin. Umrim boʻyi men bir “istisno”man!

• Bir ayoldan hamma narsani talab qilib boʻlmaydi. Ehtimol, koʻpxotinlilikning sababi shudir.

• Toʻfon payti odamlar dengizga qulamaslik uchun bir-birining qoʻlini mahkam ushlaganidek, bizning jisman yaqinligimiz ham yolgʻizlikdan panoh edi.

• Ongim past boʻlganda doʻstlarim koʻp edi. Hozir esa doʻstlarim yoʻq.

@usmonosphere