​#ajabtovur

Menimcha, koʻpchilikning xabari boʻlmasa kerak, bir zamonlar onlayn kitob do'kon yuritar edim. Oʻz vaqtida asosiy bandligim ham, daromad manbayim ham shu boʻlgan. Shu ishim orqali qancha tanish-bilish orttirganman, keyingi karyeramga zamin hozirlagan.

2020-yillar edi. U paytda onlayn kitob savdosi ancha kam, pochta xizmatlari ham hozirgidan 4-5 baravar arzon edi. Keyinchalik asta-sekinlik bilan kitob do'konlar ko'paydi, onlayn savdo ham rivojlandi. Boshlangan yangi loyihalar butun bir jamoa bilan kirib kelishdi. Men esa hamma ishni bir o'zim qilardim. Sahifalarni yuritishni ham, goʻshakbardorlikni ham, eltuvchilikni ham, pochtaga qatnashni ham, bozorma-bozor va doʻkonma-doʻkon yurishni ham, hatto, poster dizaynlarini ham.

Lekin bir kishini buncha koʻp vazifa bir kun kelib toliqtirishi aniq edi. Undan tashqari, bir-ikki yil ichida bir nechta yangi loyihalar ochilib, raqobat koʻpayib, pochta xizmatlari ham ancha qimmatlab ketdi. Bora-bora oʻzim ham oʻqishimga diqqat qaratolmay, asosiy maqsadimga vaqt ajratolmay qoldim. U paytda moliyaviy savodxonligim ham maqtagulik emasdi. Lekin sodiq mijozlarim boʻlganidan, yoqtirgan ishim orqali pul topganimdan mamnun edim.

Rostini aytsam,  oxirgi hafta bir necha kishi menga qoʻngʻiroq qilib, “falon kitob doʻkonmi, kitob kerak edi” deb soʻradi. Ularga uzrimni aytib, allaqachon faoliyat toʻxtaganini aytdim. Lekin shu loyihani qayta oyoqqa turgʻizish fikri ham kelyapti. Doʻstlar ham yordamga tayyor ekan. Lekin yana avvalgidek yaxshi yurib ketarmikan?

P.S: surat oʻsha yillardan esdalik)

@usmonosphere

​#mulohaza

Inson orzulari bilan tirik, bilasizmi? Ha, orzu qilishdan toʻxtasangiz, murdadan farqingiz qolmaydi.

Keling, hozir orzular haqida gaplashamiz. Oʻzim boshlayman. Qanchalik joʻn yo kulgili boʻlmasin, orzu baribir orzu-da!

Juda sevib eshitadigan qoʻshiqchim bor, taxallusi HiraiZerdüs. Shu insonning jonli konsertiga tushish orzuyim.

Eng sevgan adibim esa Jubron Xalil. Uning asarlarini oʻzim tushunmagan tillarda ham yigʻishni va qachondir tavallud topgan yurti Livanga borishni juda istayman. Hozircha, 3-4 tildagi kitoblari bor, yana koʻpayadi, nasib.

Bolalikdan beri musiqa chalishni juda xohlayman. Sanʼat jon-u dilim. Yaqin orada, ishlarimni bir izga tushirib olgach, birorta cholgʻuni oʻrganishga kirishaman, deb reja qilganman. Yetkazsin, iloyim.

Poliglot boʻlishni xohlayman. Hozirgacha bir qancha tilni oʻrganishni boshladim-u, chala qolib ketdi. Turk, fors, ispan va rus tillarini puxta egallasam, ishlar besh boʻlardi!

Qachondir bolalarga yordam qoʻlini choʻzadigan, yaxshilik qiladigan kichikroq jamgʻarma ochish niyatim ham bor. Bolalar uchun yozgan yoki tarjima qilgan asarlarimdan tushadigan foydaning maʼlum qismini oʻsha jamgʻarmaga yoʻnaltiraman.

Ayfon, makbuk, uy, moshina, toʻy-chi? Bular orzu emas, ehtiyoj yoki zarurat men uchun. Ehtiyojlarni qondirish orzularga erishishdek ulkan zavq bermaydi. Chunki orzularim asosan bolalikdan buyon meni taʼqib etadi. U paytlarda esa men na ayfon, na moshina-yu va hokazo nimaligini bilardim.

Endi navbat sizga...

@usmonosphere

Iqbol opamizning telegram sahifasi ochilibdi. Sanʼat va adabiyot haqida juda teran maqolalar joylab boriladi.

Tashabbus uchun jigarim Kamoliddinga rahmat. Ayni bizbop, sanʼat va adabiyot oshnolari uchun tilloga teng sahifa!

Mana havolasi:
t.me/Iqbol_Qoshshayeva

Biroz oldin oyina.uz saytidagi materiallarni koʻrib chiqayotgandim. Oyinada adabiyot va boshqa mavzularda zoʻr maqolalar chiqadi, bilasiz.

Toʻsatdan koʻzim mana shu maqolaga tushdi. Poster oʻziga jalb qilgani uchun oʻqishga kirishdim. Qarasam, maqolada bir zamonlar oʻzim yozgan postdan parcha ham qoʻshilgan ekan. Albatta, kaminaning ismini muallif sifatida keltirib oʻtishgan. Qoʻqqisdan oʻzing yozgan matn oldingdan chiqib qolsa, xursand boʻlasan kishi.

Sizlarga ham ilindim. Marhamat, koʻz yugurtirib koʻrsangiz ziyon qilmaydi:
https://oyina.uz/uz/article/2764

@usmonosphere

#parcha

Keling, oppa-oson qilib tushuntiraman: qoʻlingizni bir daqiqaga issiq pechka ustiga qoʻying, bu sizga bir soatday tuyuladi. Bir soat vaqtni chiroyli qiz bilan oʻtkazing, xuddi bir daqiqa oʻtganday boʻladi. Mana shu nisbiylik nazariyasidir!

© Albert Eynshteyn (Tez kunda...)

@usmonosphere

In Hell I will be in good conpany :)

@usmonosphere

#tarjima

– Menga uzun bir so’z ayt-chi, Olrij
–Unutmoq, afandim
– Bu so’z 7 harfdan iborat, Olrij
– Ammo davomiyligi bir umr, afandim.

Og’uz Atay “Tutunamayanlar”

@asqaraliyeva

#Шарқ_юлдузи (05/2024)
#Ёшлар_дафтари

Шоҳрух Усмонов

ЖУНЖИКАР ТАШҚАРИДА КУЗ

Рассом

Ярим тун.
Жунжикар ташқарида куз.
Ичкарида эса уйғоқ бир илҳом.
Дастгоҳ қаршисида куйиб-пишади Соядай қилтириқ, қоқсуяк рассом.

Ҳамон тунларини никоҳлар тонгга,
Қайта-қайта чизиб битта асарни,
Битта кулбасида ўчмайди чироқ Ўзи ҳам кулбадай хароб шаҳарнинг.

Тўлиқ ўқиш

Бизни кузатиб боринг:
Telegram|  Facebook | web-sayt

Maqsadsiz erkak baxtsiz hayot kechiradi.

Shu narsani har bir yosh yigitga yetkazishimiz kerak. Oxirgi vaqtda ko'p yoshlar bilan gaplashib, aksari nima xohlashini bilmasligini ko'rdim. Nima xohlashini bilmagani, aniq maqsadi bo'lmagani uchun ham umri shunchaki Tik Tok, o'yinlar va nimadirlar bilan o'tib ketadi. Komfort zonaga o'chlik ham juda kuchli. Biroz o'sha komfort zonadan chiqib jon kuydirish og'irlik qiladi.

Biz erkaklar mavjudot sifatida ovchimiz. Oila mas'uliyati ertaga bizni bo'ynimizda bo'ladi. Kuchli bo'lib, birinchisi kuchli juftga ega chiqishimiz, keyin ularga bosh bo'lishimiz, oilani ta'minlashimiz kerak. Bizni kuchsiz bo'lishga, maqsadsiz o'z iziga qo'yib yashashga, shunchaki komfortni katta qadamlardan ustun ko'rishga haqqimiz yo'q. Erkak bo'lmoqchimisan, maqsad qo'yib, ovga chiqib, o'lja ovlab yashashga majbursan. Bu sening taqdiring.

Shu uchun kichikdan boshlab kattagacha aniq maqsad qo'yib, o'shanga qarab harakat qilishni yosh yigitlarimizga o'rgatishimiz kerak.

Erkakni shunchaki pul, stabil oiladan tashqari harakat orqali maqsadga erishish ham (o'lja ovlash) baxtli qiladi. U maqsad programmist bo'lib dastur yozish, quruvchi bo'lib uy qurish, shunchaki mashina yoki uy olish, xohlagan natija olib keladigan narsa bo'lishi mumkin. Maqsadlarga qancha ko'p erishilsa, (qancha ko'p o'lja ovlansa), shuncha testosteron ham oshib borib, erkak charxlanadi. Harakat va maqsadga erishish bizning tabiatimizning bir qismi.



@allaevuzb