#parcha

Kimning boʻlsa ishtoni bitta,
Va boshida tomi boʻlmasa,
Uylanmasdan oʻtsin albatta.
Bitlayversin qoʻlidan kelsa.
Kimning qalbi tovonidadir,
Tez fursatda bosadi qadoq.
Tinch uxlamoq unga qaydadir
Dodlab chiqar tonggacha uygʻoq.

(Masaxaraboz tilidan)

© “Qirol Lir” tragediyasi, Vilyam Shekspir

@usmonosphere

#Nobel

2024-yilgi adabiyot boʻyicha Nobel mukofoti “tarixiy travmalarni yuzaga olib chiqadigan va inson hayotining moʻrtligini namoyon etadigan shiddatli poetik nasri uchun” janubiy koreyalik yozuvchi Hang Kangga topshirildi.

@usmonosphere

Yana bu shaharda yuzma-yuz keldik,
Naylaymiz, boshqa bir shaharimiz yoʻq.
Ehtimol, biz baxtli boʻla bilardik,
Ehtimol, baxtlimiz, xabarimiz yoʻq.

Romiz Ravshan

@usmonosphere

Negadir shu Hirai Zerdüşni hamma qoʻshiqlari qulogʻimga yoqimli eshitilaveradi :)

@usmonosphere

#luqma

Mana shunaqa qiliqlarni qayerdan yo kimdan oʻrganyapsizlar? Bir qarasam, lotin alifbosidagi harflar oʻrtasiga arabcha harf tiqib qoʻyishadi, bir qarasam koreyscha va hokazo.

Kreativlikmi? Menimcha, bu oʻzini oqlamagan kreativlik. Birinchidan, lotin yozuvining oʻzida xato bor; ikkinchidan arab yozuvidagi harflar soʻz oʻrtasida bosh shaklda kelavermaydi; uchinchidan, Alloh «ح» bilan yozilmaydi.

Taʼlimiy maqsadda desakmikan? Lekin bitta harf oʻrniga boshqacha shakl qoʻyilganda ham oʻrgangan koʻz soʻzlarni oʻz holicha oʻqib ketaveradi.

@usmonosphere

#taqdimot

Kitoblar tayyor, taqdimot uchun joy yasatilgan, tarjimon yoʻlda, doʻkon tashrifingizga muntazir...

Xoʻsh, keladiganlar bormi bugungi tadbirga?

@usmonosphere

Eslatma: koʻpchilik tadbirda faqat taklifnoma orqali kiriladimi, deb soʻrashibdi. Yoʻq, hamma erkin kelaversa boʻladi.

Bemalol kelin, kitob xarid qilib, imzo qoʻydirib, tarjimon Mark Ris bilan ikki ogʻiz suhbat qilib, surat-puratga tushib, ketaversangiz boʻladi.

Hammaga eshiklar ochiq 🤓

@usmonosphere

Kun yaxshi oʻtdi, goʻzal qoʻshiq bilan tugatsa yarashgulik :)

P.S: Sabringiz yetmasa, 01:20 dan boshlab eshiting

@usmonosphere

#suhbat

Hash-pash deguncha yana bir hafta oʻtdi, yana yakshanba keldi. Anʼanamizga koʻra, yakshanbaga suhbat bilan yakun yasaymiz :)

👉🏿 http://t.me/anonaskbot?start=sanduvoch

Aytgancha, gap-gap bilan haligi kungi taqdimot haqida aytish esdan chiqibdi-yu.

Rostini aytsam, bunchalik anshlag boʻladi deb oʻylamovdim. Qariyb ikki soat davomida doʻkonda odam toʻlib turdi. Muxlislar hali Mark Ris kelmasidan, vaqt boʻlmasidan yigʻilib boshlagandi. Mark kelishi bilan gurillab imzo qoʻyish boshlanib ketdi.

Kutilgan va kutilmagan mehmonlar koʻp boʻldi. Kazo-kazolar ham kelishdi. Kelolmaganlar menga ayttirib kitob imzolatishdi. Qisqa vaqt ichida, ortiqcha tayyorgarliksiz oʻtgan tadbirda buncha koʻp kishi qatnashadi, deb oʻylamovdim.

Boshida “menga tarjimonlikni ham oʻzingiz qilasiz” deyishgandi, ammo qarasam, tarjimonga hojat ham yoʻq ekan. Hamma inglizchada gaplashib, kitoblariga imzo qoʻydirib ketaverdi.

Tadbir soʻngida Mark Ris naq ikki soat tinmay dastxat qoʻyaverib, qoʻli tolganidan hazilomuz yozgʻirdi.

Hamma ketgach, “Jadid Media” taklifi bilan tarjimondan improvizatsion intervyu ham oldik. Yaqinda eʼlon qilinsa kerak. Xullas, kelgan barchaga rahmt.

@usmonosphere

Pleylistingizdan yoqimli-yoqimli qoʻshiqlardan ulashing-chi, qimirlab-qimirlab ishleyk 🤓

@usmonosphere