#luqma

​​— “Chol va dengiz”ni oʻqiganmisan?
​​— Kimam oʻqimagan uni!
​​— Xoʻp, sen oʻqiganmisan?
​​— Axir bu maktab dasturidagi narsa-ku!
​​— Demak, oʻqigansan?
​​— Klassika-ku bu!
​​— Oʻqiganmisan yo yoʻqmi?
​​— Yoʻq...

P.S: baʼzida shunaqa dialoglar ham boʻp turadi :)

@usmonosphere

Menimcha, tosh boʻlmoq kerak hijronda,
Hijron yengilmaydi achchiq yosh bilan.
Uni yengmoq mumkin eng mashʼum onda,
Tosh kabi mustahkam, zoʻr bardosh bilan!

© Xayriddin Saloh, “Tosh” sheʼridan

@usmonosphere

Kel-ey, umidim gʻunchasi, kel kulimsab-kulimsab...

@usmonosphere

Mark togʻo bilan suhbatimiz eʼlon qilindi. Yoqimli tomosha tilayman🤓

@usmonosphere

#diqqat

Alisher Navoiy nomidagi ToshDOʻTAU da oʻqiydiganlar, qanisiz? Universitet hududida xuddi shunaqa yozuvli konvertni kim birinchi koʻrsa, ichida ajoyib kitob bor. Tasodifiy obunachimga mendan sovgʻa.

Chamasi besh daqiqa oldin talabalar koʻp oʻtib qaytadigan yerga qoʻydim. Topib olsangiz, maroqli mutolaa tilayman!

Oʻzingiz boshqa joyda boʻlsangiz, hozir universitetdagi talabalarga joʻnating :)

@usmonosphere

Kichkinagina, emin-erkin yuritadigan yopiq yo kam kishi uchun ochiq sahifangiz boʻlsa, meni taklif qiling. Oʻylab qarasam, shular eng samimiy kanallar ekan.

P.S: izohlarni yopib qoʻydim, shaxsiy kanallaringiz havolasini ommaga koʻrsatmasligingizni tushunaman. Oʻzimga joʻnatsangiz boʻladi, maʼqul topsangiz :)

@usmonosphere

2-3 kunda ona tili haqida yolgʻon-yashiq shiorlar, ehtirosga boy nutqlar, allambalo lavhalar eʼlon qilinishi avj oladi, tayyor turing.

Lekin bizdan koʻra Afgʻonistondagi oʻzbek tilida soʻzlashuvchilar tilimizni koʻp sevsa kerak. Har gal afgʻonistonlik oʻzbekning gapirganini yo qoʻshiq aytganini eshitsam, shunday tuyilaveradi.

Bizda esa shuncha dod-voyga yarasha hali birorta millatparvar qoʻshiqchi (oʻzi bunaqasi qolmadi desa ham boʻladi) afgʻonistonlik oʻzbek Xayr Muhammad Chovushday til haqida samimiy qoʻshiq aytganini koʻrmadim.

Iltimos, bayram qilib karnay-surnay chalmang, oʻzbekcha gapiring, shuning oʻzi yetadi.

@usmonosphere

#tavsiya

Mazza qilib nimadir mutolaa qilishni istasangiz, rahmatli Zarif Sultoniyning “Yobondan gulxonaga maktublar”ini oʻqing.

@usmonosphere

Falastinlik jahoniy shoir Mahmud Darvishning sheʼrlarini inglizchada oʻqigandim, juda gʻaroyib sheʼriyati bor.

Ammo tarjima baribir tarjima-da, shoʻrvasining shoʻrvasi deganday gap. Ayniqsa, sheʼrni tarjimada oʻqish xuddi ustingda yomgʻirpoʻsh bilan dush qabul qilishga oʻxshaydi, deb bekorga aytishmagan.

Hozirgina uning arabchada oʻqigan sheʼrini eshitdim, haqqoki qasam, men bu shoirning sheʼrlari oʻz tilida bunchalar jozibali ekanini tasavvurimga ham sigʻdirolmagandim. Toʻliq tushunmasangiz ham, shoirni oʻz tilida tinglagan boshqacha ekan.

@usmonosphere

#dunyo_daholari

Bolalar va oʻsmirlar uchun tayyorlagan kitoblarimiz soni yana bittaga koʻpaydi.

Kitobda Muhammad Alining bolalik yillaridan tortib, to umrining soʻnggi yillarigacha hayot yoʻli hikoya qilinadi. Qolaversa, bokschining falsafiy mushodalari ham oʻrin olgan.

Oilangizdagi kichkintoylarga sovgʻa qilinglar. Nasib qilsa, ruknimiz hali davom etadi.

@usmonosphere

Tilimiz rivoji uchun har kuni harakat qilish har birimiz uchun burchdir. Bayram muborak boʻlsin!

Telegram | Facebook | Instagram | YouTube | X

Oruelldan olti maslahat

“1984”, “Molxona” asarlari hamda esselari bilan butun dunyoga tanilgan ingliz yozuvchisi Jorj Oruell “Siyosat va ingliz tili” nomli essesida yaxshi yozish borasida quyidagi olti qoidani keltiradi:

1. Siyqasi chiqib ketgan istiora, tashbih va shu kabi badiiy sanʼat namunalaridan zinhor foydalanmang.

2. Tushunchani qisqa soʻz bilan ifodalash mumkin boʻlganda uzundan-uzoq soʻzlarni ishlatmang.

3. Biror soʻzni olib tashlash imkoni boʻlsa, albatta olib tashlang.

4. Aniq nisbat qoʻllasa boʻladigan gapda majhul nisbat qoʻllamang.

5. Kundalik soʻzlashuv tilida muqobili boʻlmasagina xorijiy, ilmiy va jargon soʻzlardan foydalaning.

6. Oʻta beadab soʻzlarni ishlatgandan koʻra, yaxshisi yuqoridagi qoidalardan birortasini buza qoling, mayli.

P.S: yuqoridagi koʻrsatmalar nafaqat yozuvchilarga, balki matn yozadigan har qanday insonga asqatadi, deb oʻylaganimdan sizlarga ulashdim.

@usmonosphere

“Yonimda sen boʻlsang agar,
Uzilmasdi qanotlarim.
Kuch olardim nigohingdan,
Ezilmasdi sabotlarim...”

Goʻzal qoʻshiq ekan, sevdim.

@usmonosphere

🇺🇿 “Til bilimdonlari” tanlovida pul yutuqlarini yutib oling.

💰 Tanlov sovrin jamg‘armasi: 89 million so‘m!

🔹Talaba va o‘quvchilarning ijtimoiy faolligini oshirish markazi 21-oktyabr “O‘zbek tili bayrami” kuni munosabati bilan respublika tanlovini e’lon qiladi!

Tanlovda ishtirok etish👇

https://t.me/tiluzbot?start=6821735680

Naprimer, kecha 21-oktyabr edi, guys

Kecha bilimdonlar kuni, zukkolar g’alabasi bo’ldi.

Yoshlar bilan birga jamoada o’ynadim, muloqot qildim, yutdik, yutqazdik. Kitobxonlik marafoni g’oliblarini taqdirladik.

Aytganimizdek, marafon doirasida ishtirok etganlarning hammasi rag’batlantirildi.

Pul mukofotlari, bookreader va kitoblar jamlanmasi, topshirildi. Ishtirokchilar orasida uy bekalari, talabalar, o’qituvchilar, prorektorlar, blogerlar va boshqa soha vakillari bor.

Eng muhimi, barcha bilim atrofida birlashdi, kitoblararo yashadi. Maqsadimiz bunday yoshlarbop, bilimga chorlovchi marafonlarni davomli o’tkazish va kitobxon millat bo’lgan xalqimizni shunday e’tirofga munosib avlodlarini tarbiyalashdir.

@otabek_khasanov

агар хеч қачон ўлишни хохламасанг, бирорта ёзувчига айт, севиб қолсин сени.

@moonabsurd

"Toshkent-Samarqand" poyezdi yo‘lga chiqmoqda!

Yandex Music va Yulduz Musa afsonaviy "Toshkent-Samarqand" qo‘shig‘iga yangicha ohang baxsh etdi. Ular "Tandir Music Lab" loyiha bilan birgalikda nafaqat trekni yangilashdi, balki reliz haqida so‘zlab berishning noyob usulini ham tanladilar.

Tinglovchilarni qo‘shiq ruhiga to‘liq singdirish uchun joy sifatida Shimoliy vokzal tanlandi - bu yerda "Toshkent-Samarqand" shunchaki yo‘nalish nomi emas, balki qalb holati hamdir. Aynan shu yerda yo‘lovchilar poyezdlar haqidagi e’lonlar orasida trekning yangilangan talqinini eshitishdi.

Promo doirasida yo‘lovchilarga trekni tinglashga chorlovchi maxsus "chipta"lar tarqatildi. Suhandon esa "Toshkent-Samarqand" yo‘nalishi bo‘ylab musiqiy sayohat boshlanganini e’lon qildi.

🎧 Endi trekni nafaqat vokzalda, balki Yandex Plus obunasi orqali Yandex Music ilovasida qayerda bo‘lishingizdan qatʼiy nazar tinglashingiz mumkin: https://ya.cc/t/X7N6A5fj5Y28xA

Yandex Plus — bu Kinopoisk-dagi filmlar va seriallar, Yandex Music-dagi qo‘shiq va podkastlar, Yandex Books-dagi kitoblar va komikslar, shuningdek, Yandex Go-dagi sayohatlar uchun Plus ballari koʻrinishidagi keshbek demakdir.